Жамият
Криминология тадқиқот институти пулли хизматлар кўрсата бошлайди
Криминология тадқиқот институти жамоат хавфсизлигини таъминлаш ва жиноятчиликка қарши курашиш соҳасида шартнома асосида пулли хизматлар кўрсата бошлайди. Институт экспертлик, илмий-тадқиқот, ноширлик, матбаа хизматларини тақдим этади. Нархлар бозор конъюнктурасидан келиб чиққан ҳолда тасдиқланади.
Норматив-ҳуқуқий ҳужжатлар лойиҳаларининг илмий асосланганлиги ўрганилади
Ўзбекистонда энди тегишли соҳадаги давлат экспертлик ва олий таълим муассасалари норматив-ҳуқуқий ҳужжатлар лойиҳаларининг илмий асосланганлигини ўрганади. Бунда хулосалар тавсиявий хусусиятга эга бўлади, улар инобатга олинмаганда келишмовчиликлар жадвали тайёрланади.
Нукус, Бухоро, Фарғона ва Наманганда техника университетлари ташкил этилади
Олийгоҳларда регистратор офислари очиб, олий таълим ва илм-фан хизматларини қамраб олган ягона рақамли тизим жорий этиш режалаштирилмоқда. Дуал таълимда иштирок этаётган корхоналар рағбатлантирилади. Нукус, Бухоро, Фарғона ва Наманган техника университетлари ташкил этилади.
Тадбиркорни шантаж қилиб, ундан пул ундиришда гумонланаётган Telegram канал маъмурлари ушланди
Telegram`даги «Nazorat Uz» канали маъмурлари овқатланиш тармоқлари раҳбарларидан катта миқдорда пул талаб қилганликда гумонланмоқда. Улар ошхонада суварак чиққани акс этган видеолар борлигини айтиб, тадбиркорларни қўрқитган. Ҳолат юзасидан уч кишига нисбатан қамоқ эҳтиёт чораси қўлланган.
Ўзбекистонда экологик маркировка белгиси тасдиқланди
Ҳукумат қарори билан Ўзбекистонда экологик маркировка белгиси тасдиқланди. Экология вазирлиги «Яшил белги» тизимини тартибга солиш бўйича ваколатли органи ҳисобланади ҳамда унга бир қанча вазифалар белгиланди.
Тошкент ва Наманган вилоятларида қор кўчиш хавфи эълон қилинди
Ўзгидромет 23−27 январь кунлари Тошкент ва Наманган вилоятларининг тоғли ҳудудларида қор кўчиш хавфидан огоҳлантирди.
Тошкентда адвокатлик фирмаси мутахассиси ва банк юристи пора олганда ушланди
Тошкентда адвокат 26 ёшли фуқаронинг 10 йил муддатга озодликдан маҳрум қилиш жазосини енгиллаштириш учун 20 минг доллар олганда ушланди. У 15 минг долларни шу ишга алоқадор бошқа шахс — банк юристига топширган. Ҳуқуқшунос ҳам тезкор тадбирда қўлга олинган.
Ўзбекистонда давлат Cyber university олийгоҳи ташкил этилади
Ўзбекистонда Cyber university давлат университети ташкил этилади. Олийгоҳ рақамли технологиялар ва киберхавфсизлик соҳасида кадрлар тайёрлайди ва уларнинг малакасини оширади.
Японияда ўқиш, ишлаш ва яшаш ҳақида маълумот берувчи портал ишга тушди
Миграция агентлиги ва Япония халқаро ҳамкорлик агентлиги томонидан Japan Career портали ишга туширилди. Унда Япониядаги меҳнат миграцияси, таълим ва яшаш имкониятлари ҳақида ўзбек, рус ва япон тилларида маълумотлар бериб борилади.
Тошкентда миллийлик тарғиб қилинади, давлат идораларида миллий кийимда юриш тавсия этилади — ҳоким қарори
Шавкат Умурзоқов Тошкент шаҳрида миллийликни тарғиб қилишга доир қарор имзолади. Унга кўра, миллий либослар ва миллийликни тарғиботини ўз ичига олган «Миллий Тошкент» лойиҳаси амалга оширилади. Шаҳардаги давлат ишхоналари ходимларига миллий либосларда юриш тавсия этилади.
Тошкентда кучли таъсир қилувчи дорилар савдоси билан шуғулланувчи гуруҳ фаолияти фош этилди
Тошкент шаҳрида яшовчи бир гуруҳ шахслар кучли таъсир қилувчи дори воситаларининг ноқонуний савдоси билан шуғулланиб келгани аниқланди. Тезкор тадбирлар давомида 130 млн сўмдан ортиқроқ қийматга эга дорилар мусодара қилинган.
Эндиликда жиноят содир этилган маҳаллаларда илмий ёндашув асосида ўрганишлар ўтказилади
Ўзбекистонда жиноят содир этилган маҳаллаларда илмий ташкилот ва таълим муассасалари томонидан илмий ёндашувлар асосида ўрганишлар ўтказилади. Миллий гвардия бошлиқлари ва ички ишлар органлари бошлиқлари ўринбосарларига криминоген вазият оғир маҳаллалар номма-ном бириктирилади.
21 январь куни эълон қилинган энг муҳим янгиликлар дайжести
Трампни табриклаган, Эрдоғанга таъзия йўллаган Шавкат Мирзиёев, кескин қимматлаган картошка ва бунга вазирлик изоҳи, камбағал оиладагиларни касбга ўқитишда ваучер тизими, дарахт экканлик учун субсидия ва бошқалар — «Газета.uz»нинг кунлик дайжестида.
Ерости қувури орқали Қозоғистондан бензин ташиганлар ушланди
Қозоғистоннинг Туркистон вилоятидан Тошкентдаги Қибрай туманигача 300 метрлик ерости қувури орқали Аи-92 маркали бензин ташиш билан шуғулланганлар ушланди. Икки ўзбекистонликка жиноят иши қўзғатилди, уларнинг қозоғистонлик шериги бўйича қўшни давлат ҳукуматига мурожаат қилинди.
Тошкентда Япония кўмагида Неврология ва инсульт маркази ташкил этилади
Япония Ўзбекистонга Тошкентда Неврология ва инсульт маркази қуриш ва жиҳозлаш, шунингдек, Самарқанд ва Бухородаги тиббиёт муассасаларини ускуналар билан таъминлаш учун 147,3 миллион доллар миқдорида кредит ажратди.
Тошкентда «ГАЗель» уриб юборган пиёда ҳалок бўлди
Тошкентнинг Мирзо Улуғбек туманида «ГАЗель» белгиланмаган жойдан ўтаётган пиёдани уриб кетди, оқибатда у ҳалок бўлди. Машина бошқарувни йўқотиб, BYD ва Matiz билан ҳам тўқнашди. Аҳоли мазкур ҳудудда пиёдалар ўтиш жойи йўқлигини таъкидламоқда ва масъуллардан ҳаракат хавфсизлигини яхшилашни сўрамоқда.
Бухорода саксовул кесиб, уни олиб қочиб кетаётганлар инспекторлар машинасига зарар етказди
Олот туманида ноқонуний саксовул кесиб, олиб қочмоқчи бўлганлар ушланди. Таъқиб қилиш вақтида улар инспекторларнинг машинасига қасддан шикаст етказган. Суд уларга 41,6 млн сўм жарима жазоси тайинлади. Машинага етказилган зарар ҳам қопланди.
1 мартдан аҳолини касб-ҳунарга ўқитишни онлайн назорат қилиш тизими йўлга қўйилади
Касбий кўникмалар марказларида 2025 йил 1 мартдан аҳолини касб-ҳунарга ўқитиш ва бандлигини таъминлаш жараёнларини рақамли назорат қилиш тизими йўлга қўйилади. 1 апрелдан эса 12 та янги касб йўналишлари бўйича ўқув курслари ташкил этилади.
Ўзбекистонда дарахтлар эккан айрим фуқароларга субсидия берилади
Ўзбекистонда 1 июлдан «Экофаол фуқаро» платформасига ўзи эккан дарахти тўғрисида маълумотлар киритган камбағал оилалар аъзоларига ўрмон фонди ерларида экилган ҳар 100 та дарахт учун БҲМнинг 1 баравари миқдорида субсидия ажратилади.
Шахсни тергов ҳибсхонасига жойлаштиришдан аввал тиббий кўрикдан ўтказиш мажбурий бўлади
Қонунчилик палатаси депутатлари жиноят ишини юритиш чоғида шахсни қийноққа солиш ҳолатларининг олдини олишга қаратилган қонун лойиҳасини қабул қилди. Унга кўра, шахсни тергов ҳибсхонасига жойлаштиришдан олдин уни тергов ҳибсхонасининг ўзида мажбурий тиббий кўрикдан ўтказиш тартиби белгиланмоқда.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг