Жамият
26 июль куни Ўзбекистонда содир бўлган энг муҳим воқеалар дайжести
Абдуқодир Мўминов суди: жабрланувчиларнинг кўрсатмалари, Фарғонада кесиб ташланган 1213 туп дарахт, Янги Тошкент қурилиши бўйича дирекция, электромобил импорти ошгани, тестда қатнашадиган 948 мингдан ортиқ абитуриент, 7 та вилоятда сел-сув тошқини хавфи ва бошқалар — «Газета.uz»нинг кун дайжестида.
Тошкентнинг еттита туманида электр энергияси таъминотида вақтинчалик чеклов жорий этилди
Энергетика тизимидаги юк ортиши муносабати билан Тошкентнинг еттита туманида электр энергиясини етказиб беришда вақтинчалик чекловлар жорий этилди. Тарқатиш пунктлари совиганидан сўнг электр таъминотини тиклаш режалаштирилган.
Хоразмда сув ифлосланиши оқибатида 2600 дан ортиқ балиқ нобуд бўлди
Хонқа туманида корхонадан ифлослантирувчи моддалари бўлган оқова сувлар чиқиши оқибатида 2600 дан ортиқ балиқ нобуд бўлди. Ҳайвонот дунёсига 223,3 млн сўм зарар етказилган. Жиноят ишининг тергови Хоразм вилояти прокуратураси томонидан назоратга олинган.
Янгийўлда Zara ва Columbia брендлари остида кийим-кечак ишлаб чиқарилиши мумкин
Туркиянинг Medex Textile компанияси Тошкент вилояти Янгийўл туманида Zara ва Columbia брендлари остида кийим-кечак ишлаб чиқариш лойиҳасини йўлга қўйишни режалаштирмоқда.
2023 йилда рўйхатдан ўтган 1 миллиондан зиёд абитуриентнинг 948 мингдан ортиғи тестда қатнашади
Бу йил олийгоҳларга ўқишга кириш учун ҳужжат топширган 1 млн 18 минг 7 нафар абитуриентнинг 948 486 нафари тест синовида қатнашади. Уларнинг ярмидан кўпи кундузги таълимни танлаган. Қолаверса, энг кўп — 33 721 нафар абитуриент ҳар йилгидек Ўзбекистон миллий университетига ўқишга кириш ниятида.
Самарқандда фуқароларни АҚШ ва Исроилга ноқонуний жўнатмоқчи бўлганлар ушланди
Пахтачи туманида фуқарони 18 500 доллар эвазига Исроилга, Пайариқда эса 16 000 долларга АҚШга ишга юборишни ваъда қилган шахслар ушланди.
Фарғонада 1213 туп дарахт кесиб ташлангани аниқланди
Бош прокуратура томонидан Фарғона вилоятида Катта Андижон канали қирғоғида ўсиб турган 1213 туп дарахт январь-февраль ойларида кесиб ташлангани, бунинг оқибатида табиатга 4,6 млрд сўм зарар етказилгани аниқланди.
Абдуқодир Мўминов суди: жабрланувчиларнинг кўрсатмалари эшитилди
Журналист Абдуқодир Мўминовнинг суд иши бошланди. Дастлабки кунда жабрланувчиларнинг кўрсатмалари эшитилди. Эшитув мобайнида судланувчи ва унинг адвокати ўз эътироз ва фикрларини билдирди.
Ўзбекистоннинг 7 та вилоятида сел-сув тошқини хавфи эълон қилинди
27−30 июль кунлари кутилаётган кучли ёмғирлар ёғиши сабабли Ўзбекистоннинг 7 та вилоятида сел-сув тошқини хавфи юзага келиши мумкин.
Ўзбекистонлик ўқувчилар Халқаро кимё олимпиадасида 4 та медаль олди
Швейцарияда ўтган Халқаро кимё олимпиадасида ўзбекистонликлар 2 та олтин, 1 та кумуш ва 1 та бронза медалини қўлга киритди. Совриндорлар умумтаълим, ихтисослаштирилган ва Президент мактаби ўқувчилари ҳисобланади.
Польша Қорақалпоғистон ва Хоразмдаги шифохоналар учун махсус аппаратлар тақдим этди
Польша Ўзбекистонга жами 4,5 млн долларлик ўпкани сунъий вентиляция қилувчи аппаратларни беғараз ёрдам сифатида тақдим этди. Улар Қорақалпоғистон ва Хоразмдаги тиббиёт муассасаларида фойдаланилади.
Фотожурналист Юрий Корсунцев вафот этди
Таниқли фотожурналист Юрий Корсунцев оғир хасталикдан сўнг оламдан ўтди. У кўплаб нашрлар, жумладан, бир неча йил давомида «Газета.uz» ва Afisha.uz билан ҳамкорлик қилган.
25 июль куни Ўзбекистонда содир бўлган энг муҳим воқеалар дайжести
Уруш ҳудудларига ишга бормасликка чақирилган Россиядаги ўзбекистонликлар, гуруч нархига оид хабарлар, қизамиқ касаллигига чалинаётган беморлар, Франциянинг «Ланс» клубига ўтган футболчи Абдуқодир Ҳусанов, блогер Абдуқодир Мўминов иши бўйича суд жараёни ва бошқалар — «Газета.uz»нинг кун дайжестида.
Блогер Абдуқодир Мўминов иши бўйича суд жараёни бошланди
Жиноят кодексининг 5 та моддаси билан айбланаётган блогер Абдуқодир Мўминов иши бўйича суд жараёни бошланди. 25 июль куни бўлиб ўтган илк очиқ суд мажлисида ОАВ вакиллари иштирок этди. Ишда 14 нафар жабрланувчи мавжудлиги ва уларга жами 903 млн сўм моддий зарар етказилгани аниқланган.
Олмалиқда икки нафар ўқувчи қизни уриб юборган Damas ҳайдовчисига ҳукм чиқарилди
Май ойида Damas ҳайдовчиси светофорнинг қизил чироғига ўтиб кетиб, икки ўқувчи қизни уриб юборган, улардан бири 9 кундан кейин шифохонада вафот этган эди. Суд ҳайдовчига нисбатан 6 йил муддатга озодликдан маҳрум этиш ҳамда 2 йил транспорт бошқариш ҳуқуқини чеклаш жазосини тайинлади.
Санэпидқўмита йил бошидан буён 164 кишида қизамиқ аниқланганини маълум қилди
Санэпидқўмита хориждан келган қизамиқ билан оғриганлар билан алоқада бўлган фуқароларда қизамиқ касаллиги аниқланаётганини маълум қилди. 2023 йил бошидан буён 306 кишидан қизамиқ шубҳаси билан қон намуналари олиниб, улардан 164 нафарида касаллик қайд этилганини маълум қилди.
Тошкент метрополитени вагонида кийим намойишини ўтказган моделлардан тушунтириш хати олинди
Модель ва дизайнер Мадина Махмудова (Rixdinas) Тошкент метрополитени вагонида кийимлар намойишини ўтказиб, видеосини тармоққа жойлади. Метрополитенда хавфсизликни таъминлаш бошқармаси видео метрополитен билан келишилмай олингани учун моделлар билан тушунтириш ишлари олиб борди.
Ўзбекистонда спорт паспортини давлат хизматлари орқали бериш йўлга қўйилади
Ҳукумат қарори билан энди спорт паспорти давлат хизматлари марказлари ёки ЯИДХП орқали ваколатли орган томонидан берилади. Cпорт паспортининг амал қилиш муддати — 5 йил.
Ёзувчи Луқмон Бўрихон 58 ёшида вафот этди
Ўзбекистонда хизмат кўрсатган маданият ходими, ёзувчи Луқмон Бўрихон 58 ёшида вафот этди.
Нарзулло Обломуродов Тошкент молия институти проректори бўлди
Давлат экология қўмитасининг собиқ бошлиғи, Экопартиянинг собиқ раҳбари, 2021 йилги сайловда президентликка номзоди қўйилган Нарзулло Обломуродов Тошкент молия институти проректори этиб тайинланди. Олийгоҳга, шунингдек, Алимназар Исламкулов ҳам проректор бўлди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
Қўшимча имкониятлардан фойдаланиш учун сайтда рўйхатдан ўтинг