Жамият
Ўзбекистонда ёшлар фаол нуронийларга бириктирилади
«Бир нуроний ўн ёшга масъул» тамойилига мувофиқ ёшлар ҳар бир маҳалладаги фаол нуронийларга бириктирилади. Шунингдек, фаол кексалар муаммоли оилалар билан шуғулланади. Ишида ижобий натижа кўрсатган нуронийлар рағбатлантирилади.
Ватан ҳимояси йўлида ҳалок бўлган ҳарбийларнинг оиласига бериладиган имтиёзлар кўпаяди
Ватан ҳимояси йўлида ҳалок бўлган ҳарбийларнинг оиласига бирйўла бериладиган нафақа уларнинг охирги маош йиғиндиси 150 бараваригача оширилади. Шунингдек, бепул тиббий ёрдам ва мактабгача таълим, ОТМ учун грант, даромад солиғидан озод этиш каби тартиблар татбиқ этилади.
Тошкент-Қарши ва Самарқанд-Тошкент йўналишида қўшимча поезд қатновлари йўлга қўйилади
Байрам кунларида йўловчиларни ташиш мақсадида 17−23 март кунлари Самарқанд-Тошкент ва 20−21 март кунлари Тошкент-Қарши йўналишида қўшимча поезд қатновлари йўлга қўйилади. Қолаверса, 20 мартдан Шаҳрисабз-Самарқанд йўналишида тезюрар йўловчи поезд ҳаракати иш бошлайди.
Ҳафта давомида қуруқ об-ҳаво кузатилади
Ҳафта давомида асосан кам булутли, қуруқ об-ҳаво кузатилади. Ҳарорат +22…+28 даража бўлади. Ҳафтанинг иккинчи ярмида Қозоғистон бўйлаб ўтаётган антициклон кундузги ҳаво ҳароратини бироз пасайтиради. 13−15 мартда эса тоғли ҳудудларда қор кўчиши хавфи бор.
Тошкентда 2 та йирик чинор ёқиб юборилди
Пойтахтнинг Янгиҳаёт туманида 2 та йирик чинор номаълум шахслар томонидан ёқиб кетилди. Экобошқарма ҳолатни ўрганмоқда. «Дарахтлар қурилиш учун ёқилгани ҳақидаги тахминлар ҳақиқатга мос эмас», — дея изоҳ берди бошқарма.
«Гендер зўравонлик ўз-ўзидан йўқолмайди — ҳозир ҳаракат қилишнинг айни пайти» — Матильда Димовска
Жамиятнинг ҳар қандай қисмига нисбатан исталган кўринишдаги зўравонлик унинг ҳар бир вакилига ўз таъсирини ўтказади, дея таъкидлайди БМТТДнинг Ўзбекистондаги доимий вакили Матильда Димовска. «Газета.uz» учун мақоласида у гендер зўравонлик учун жиноий жавобгарлик белгилашга чақиради.
Самарқандда қизига ўқитувчи тегажоғлик қилганини айтиб, туҳмат қилган аёл жаримага тортилди
Каттақўрғонлик аёл қизига ўқитувчи тегажоғлик қилганини айтганди. Суд бунинг туҳмат эканини билдириб, аёл ва ўқитувчи билан ёқалашган қизнинг отасига жарима белгилади.
Ўзбекистонда амалдорларнинг хизмат сафарлари ва тадбирларда совға олиши тақиқланди
Давлат фуқаролик хизматчиси томонидан халқаро ва бошқа расмий тадбирларда совға олиш тартиби белгиланди. Унга кўра, амалдорлар Ўзбекистондаги хизмат сафарлари ва тадбирларда совға олиши мумкин эмас. Хорижда олинган совға қиймати 1,2 млн сўмдан кўп бўлса, у давлат органи балансига кирим қилинади.
Фарғонада ўқувчи қиз ўзини 16 қаватли уй томидан ташламоқчи бўлди
Фарғонада 14 ёшли қиз ўзини 16 қаватли уйнинг томидан ташламоқчи бўлди. Уни ИИБ ва ФВВ ходимлари томдан соғ-омон тушириб олди. Воқеага қизнинг ўгай отаси билан жанжаллашиб қолгани сабаб бўлгани айтилмоқда.
«Директор ишдан бўшашга мажбурлади». Ўқувчини калтаклаган педагог ҳақиқатлари
Тошкентдаги 152-мактаб ўқитувчиси ўқувчини калтаклагани акс этган видео муҳокамаларга сабаб бўлди. «Газета.uz» педагог Гулчеҳра Мамажоновага микрофон тутди. Унинг сўзларига кўра, директорнинг унга нисбатан шахсий адовати бўлган ва ишдан бўшатишга уринган. Директор эса интервью беришдан бош тортди.
ССВ тизимидаги қатор раҳбарлар лавозимидан озод этилди
ССВ раҳбари Амрилло Иноятов ўтказган ҳайъат йиғилишида O‘zmedimpeks компанияси директори, Болалар миллий тиббиёт маркази директори в.б. ва бошқармалар бошлиқлари ишдан олинди. Бунга уларнинг топшириқларни ўз вақтида бажармагани ва йўналишида етарли натижа кўрсатмагани сабаб бўлган.
Фарҳод Маннопов вафотидан сўнг Star Med Center клиникаси фаолияти вақтинча тўхтатилди
ССВ вайнер Фарҳод Маннопов ўлими бўйича лаборатор таҳлил ва МСКТ текширувлари натижаларини эълон қилди. Айтилишича, беморга риносептопластика амалиёти учун наркоз берилган, бироқ операция даврида аҳволи ёмонлашиб, ўлим қайд этилган. Ҳозирда Star Med Center клиникаси фаолияти вақтинча тўхтатилган.
11 март куни Ўзбекистонда содир бўлган энг муҳим хабарлар дайжести
Тошкентда рельсдан чиқиб кетган юк поезди вагонлари, яна чанг бўрони, ҳали ҳам шоҳсупада турган 47 ёшли атлет Оксана Чусовитина, МИБнинг янги раҳбари, бош вазирга матбуот котиби, Бухорода автобусда қизга тегажоғлик қилган йигитнинг 15 суткага қамалгани ва бошқалар — «Газета.uz»нинг кун дайжестида.
Тошкентда учта автомобиль иштирокидаги тўқнашувда икки киши ҳалок бўлди
Тошкентда Changan юк машинаси йўл четида турган Matiz, сўнгра Cobalt билан тўқнашди. Ҳодиса натижасида Matiz’нинг икки йўловчиси ҳалок бўлди.
Тошкент вилоятида Салавкийлар саркардасининг ноёб кўзаси топилди
Бўка туманидан юнон маъбудаси тасвири туширилган кўза топилди. Унинг милоддан аввалги III асрга тегишли экани айтилмоқда.
Тошкентда юк поезди вагонлари рельсдан чиқиб кетди
Тошкент шаҳридаги Ҳамза станциясининг биринчи йўлида юк поездининг 3 та бўш вагони рельсдан чиқиб кетди. «Ўзтемирйўловчи» компанияси тегишли таркибий бўлинмалар воқеа сабабларини ўрганиш бошлаганини билдирди.
Ўзбекистонда Австрия ва Германияга мигрантларни тайёрлаш ва малакасини ошириш маркази ташкил этилиши мумкин
Ўзбекистон Бандлик ва камбағалликни қисқартириш вазирлиги ва Австриянинг «eee Austria» компанияси вакиллари ўртасида онлайн учрашув ўтказилди. Унда Австрия ва Германия меҳнат бозорларида ишга жойлашиш учун мигрантларини тайёрлаш ва малакасини ошириш марказини тузиш масаласи муҳокама қилинди.
Тошкентдан 2-сонли Зангиота шифохонасига автобус қатнови йўлга қўйилади
Тошкент метрополитенининг Чилонзор йўли Сергели 5-бекатидан «Зангиота-2» юқумли касалликлар шифохонасигача 154-сонли йўналиш ишлаб чиқилиб, тендерга қўйилди. Аввалроқ ходимлар ва беморлар транспорт йўқлигидан шикоят қилганди.
Тошкентдаги мактабда дарсга халақит берган болани урган ўқитувчи жаримага тортилди
Яшнободдаги 152-мактабда ўқитувчи дарсга халақит бергани учун болани уриб, дарсдан чиқариб юборди. Туман суди педагогга 900 минг сўм жарима тайинлади. Ўқитувчи эса мазкур ҳолат мактаб директори томонидан уюштирилгани ва мажбурий ишдан бўшатилганини айтмоқда.
Бухорода автобусда қизга тегажоғлик қилган йигит 15 суткага қамалди
Бухорода йўловчи автобусида номаълум эркакнинг қиз болага тегажоғлик қилгани хабар қилинганди. Вилоят ИИБ унинг шахсига аниқлик киритиб, 15 суткага қамалганини маълум қилди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг