Жамият
Бош прокуратура Деновдаги портлаш бўйича теракт версиясини рад этди
Бош прокуратура матбуот котиби Деновдаги портлаш бўйича теракт версиясини рад этди. Дастлабки маълумотларга кўра, портлашга тахминан бино ичида бир неча соат давомида газ сизиб чиқиши сабаб бўлган. Чақнаш оқибатида 65 та уй зарар кўргани, 6 та хонадон яшаш учун хавфли ҳолатга келиб қолгани айтилмоқда. Вилоят ҳокими Тўра Боболов етказилган зарар давлат томонидан тўлиқ қоплаб берилишига ишонтирмоқда.
ДХХ республика бўйича жами 24,5 кгдан ортиқ гиёҳванд моддаларни мусодара қилди
Давлат хавфсизлик хизмати ходимлари томонидан Фарғона, Андижон, Қашқадарё ва Қорақалпоғистонда ўтказилган текширувларда жами 5,450 кг «опий», 19,2 кг «гашиш» ҳамда 2990 дона «Трамадол» аниқланиб, мусодара қилинди.
Туман сабабли Ўзбекистон аэропортларида бир неча рейслар кечиктирилди
Қуюқ туман тушгани сабабли Урганч, Нукус ва Навоий аэропортлари фаолиятига ўзгаришлар киритилди. Жумладан, Тошкентдан Урганч ва Нукусга амалга оширилган парвозлар кечиктирилди.
Маданият вазирлиги ходимлари иш фаолияти давомида дўппи кийишни бошлади
Маданият вазири Озодбек Назарбеков вазирлик ходимлари иш фаолияти давомида дўппи кийишни режалаштирганини маълум қилди. У буни қадриятларни ҳаётга қайтариш деб атаб, барча соҳа ходимларини мазкур ташаббусни қўллаб-қувватлашга чақирди. Фото.
Фото: Деновдаги портлаш оқибатлари
Деновдаги савдо марказидаги портлаш овози бир неча километр узоқликдан эшитилди. Яқин атрофдаги бинолар, жумладан, турар-жой бинолари жиддий шикастланган. Портлашнинг тахминий сабаби сифатида газ қурилмаларидан фойдаланиш қоидаларининг бузилиши айтилмоқда. «Газета.uz» фавқулодда ҳодиса жойидан суратларни эълон қилди.
7 декабрь куни Ўзбекистонда содир бўлган энг муҳим хабарлар дайжести
Mercedes`дан Cadillac`гача: амалдорларнинг қандай машинада юриши, Конституция куни арафасида 182 маҳкумнинг афв этилиши, «Қўйлиқ» бозорининг кўчирилиши, Деновдаги савдо мажмуасида портлаш оқибатида 2 кишининг ҳалок бўлиши, банк карталаридан пул ечиб олиниш сабаблари ўрганилаётгани, АҚШ сенаторларининг Ўзбекистонга босим ўтказишга чақириғи — «Газета.uz» нинг 7 декабрдаги энг муҳим хабарлари дайжестида.
Коррупцияга қарши курашиш агентлигининг ваколатлари кенгаяди
Коррупцияга қарши курашиш агентлигига янги ваколатлар берилди. Эндиликда агентлик ҳуқуқни муҳофаза қилувчи органларнинг электрон маълумотлар базаларидан коррупцияга оид ҳуқуқбузарликлар тўғрисидаги маълумотларни олиши ва жиноят ишини қўзғатиш ёки бошқа чораларни кўриш учун коррупция фактлари тўғрисидаги хабарларни юбориш ва натижалари бўйича қабул қилинган қарор тўғрисида маълумотни талаб қилиши мумкин.
Президент Конституцияга қатор ўзгартишлар киритишни таклиф қилди
Президент Шавкат Мирзиёев Конституция куни муносабати билан йўллаган табригида асосий қонунга ўзгартиришлар киритишни таклиф қилди. У инсон ҳуқуқларини ҳимоя қилиш бўйича амалдаги тизим самарасини ошириш мақсадида Конституцияда болалар меҳнатига йўл қўймаслик, ногиронлар, кекса авлод вакилларининг ҳуқуқларини ишончли ҳимоя қилиш масалалари ҳам ўз аксини топиши кераклигини таъкидлади.
Қуролли кучларнинг 30 йиллигига эсдалик нишони таъсис этилди
Президент Қуролли кучларга 30 йил эсдалик нишонини таъсис этиш тўғрисидаги фармонни имзолади.
Хитой компанияси Фарғонада технопарк ва қуёш электр станцияси қуришни режалаштирмоқда
Хитой компанияси Фарғона вилоятида 25 гектар майдонда инновацион технопарк ҳамда 350 млн доллар инвестиция ҳисобига 500 гектар ерда қуёш фотоэлектр станцияси барпо этишни режалаштирмоқда. Станцияда ишлаб чиқарилган электр энергияси технопаркда жойлаштириладиган хорижий корхоналарни таъминлашга йўналтирилади.
Қорақалпоғистон ҳудудида янги қуш тури — чўл буқаси аниқланди
Қорақалпоғистонда Республикасида шамол электр станциясини қуриш бўйича инвестиция лойиҳаси доирасида баҳорги мониторинг чоғида янги қуш тури — чўл буқаси топилди. Ушбу қуш Энергетика вазирлиги лойиҳаларининг атроф-муҳитга таъсирини ўрганиш жараёнида аниқланган.
Зангиота 1-сон шифохонасида 11 ойда 422 нафар чақалоқ дунёга келган
Зангиота 1-сон юқумли касалликлар шифохонаси директори ўринбосари Ҳилола Алимова йил давомида марказда 422 нафар чақалоқ дунёга келганини маълум қилди. Ҳозирги кунда яна 64 нафар ҳомиладор аёл даволанмоқда, уларнинг 3 нафари реанимация бўлимида. Қолаверса, шифохонада 7 нафар чақалоқ ва 18 ёшгача бўлган 97 нафар бола даво муолажаларини олмоқда.
Тарбиркорга $400 минг кредит олиб беришни ваъда қилган ССП ходимига жиноят иши очилди
Савдо-саноат палатасининг Бухоро вилояти ҳудудий бошқармаси ходими тарбиркорга 400 минг доллар кредит олиб беришни ваъда қилиб, бунинг эвазига 3 минг долларни қўлга киритгани айтилмоқда. Унга нисбатан жиноят иши қўзғатилди.
Банк карталаридан пул ечиб олиниш сабаблари ўрганилмоқда
Декабрь бошида айрим банк карталари эгалари маблағлари улар рухсатисиз ечиб олинаётганидан шикоят қилдилар. Истеъмолчилар ҳуқуқларини ҳимоя қилиш агентлиги қайси норматив-ҳуқуқий ҳужжатларга асосланиб мижозларни хабардор қилмасдан ва улар билан келишмасдан пуллар ечиб олинаётганини аниқлаштирмоқда.
«Қўйлиқ» бозори йўл ўтказгичи кенгайтирилиши туфайли бошқа жойга кўчирилади
Тошкент шаҳридаги «Қўйлиқ» деҳқон бозори ва унга туташ улгуржи савдо майдонларини бошқа жойга кўчириш режалаштирилмоқда. Бу мазкур ҳудуддаги автомобиль йўлининг кенгайтирилиши билан боғлиқ. Фото.
Деновдаги портлашда 2 киши ҳалок бўлди
Сурхондарё вилоятидаги «Инденим» савдо мажмуасида содир бўлган портлаш оқибатида ҳалок бўлганлар сони 2 кишига етди. ФВВ ходимлари уларнинг жасадини вайроналар остидан чиқариб олган.
Туман сабабли Ўзбекистон аэропортларида рейслар кечиктирилди
7 декабрь куни тонгда Урганч ва Андижон аэропортларида ёмон об-ҳаво натижасида самолётлар учиш ва қўнишни амалга ошира олмади. «Аэрофлот» авиакомпаниясининг Москвадан учган рейси Нукусдаги захира аэродромга қўнишга мажбур бўлди.
Уй-жойга муҳтож хотин-қизларга ипотека кредитининг бошланғич бадали тўлаб берилади
Ҳукумат қарори билан уй-жойга муҳтож хотин-қизларни уй билан таъминлаш тартиби белгиланди. Унга кўра, муҳтож хотин-қизларга ипотека кредитининг 15 фоизи миқдорида бошланғич бадали тўлаб берилади. Шунингдек, улар вақтинча ижтимоий уйларга ижарага қўйилиши ҳам мумкин. Имконияти чекланган шахсларга эса биринчи қаватдаги уйлар ижарага берилади.
Деновдаги портлаш оқибатида 9 киши жароҳатланиб, икки киши ҳалок бўлди (янгиланди)
Эрта тонгда Сурхондарёдаги «Инденим» савдо мажмуасида чақнаш содир бўлди. Ҳодиса вақтида бино ичида бўлган 9 киши жароҳат олган, яна икки киши вафот этган. Воқеа жойида бош вазирнинг биринчи ўринбосари Очилбой Раматов бошчилигидаги Ҳукумат комиссияси иш олиб бормоқда.
Метрода 13 ёшли қизга тегажоғлик қилган шахсга аҳлоқ тузатиш ишлари тайинланди
Суд метро вагонида 13 ёшли қизга ножўя ҳаракатлар қилган шахсни айбли деб топиб, унга нисбатан 2 йил аҳлоқ тузатиш ишлари жазосини тайинлади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг