Жамият
Тошкентда кўзи ожиз пиёда бўлиш қандай?
Ҳар йили 3 декабрда Халқаро ногиронлар куни нишонланади. Ногиронлар ҳуқуқлари тўғрисидаги конвенцияни ратификация қилиш улар учун қулай муҳит яратишни назарда тутади. Бироқ Ўзбекистонда бундай эмас. «Газета.uz» Тошкентдаги кўзи ожиз ва заиф кўрувчи болалар махсус мактаби жойлашган энг тажовузкор чорраҳалардан бирида кўзи ожизлар кўчани кесиб ўтишда қандай муаммоларга дуч келишини ўрганди.
3 декабрь куни Ўзбекистонда содир бўлган энг муҳим хабарлар дайжести
Ўзбекистонда блокпостлар ўрнатилиши ҳақидаги хабарлар ёлғонлиги маълум қилингани, коррупцияни содир этганлик учун 20 йилгача озодликдан маҳрум қилиш таклиф этилгани, электр энергиядаги ўчишлар Тошкентда яна сув таъминоти узилишига сабаб бўлгани, Тошкент ҳавосининг ифлосланиш даражаси яна кескин кўтарилгани — «Газета.uz»нинг 3 декабрдаги энг муҳим хабарлари дайжестида.
Давлат хизматчилари оладиган совғалар миқдори қатъий белгиланмоқда — Антикоррупция агентлиги
Коррупцияга қарши курашиши агентлигининг хабар беришича, «Давлат фуқаролик хизмати тўғрисида»ги қонун лойиҳасига давлат хизматида совға олиш-бериш, шунингдек, манфаатлар тўқнашувини тартибга солиш бўйича ишлаб чиқилган «Совға сиёсати» номли алоҳида боб киритилди. Шунингдек, агентлик директори Акмал Бурҳонов Тошкент шаҳар ҳокимлигига Mercedes-Benz совға қилинишида қонун бузилиши ҳолати бўлмаганини айтди.
Президент вилоят ҳокимларининг уй-жой қуришда 2−3 та пудратчи ташкилот билан чекланиб қолаётганини танқид қилди
Эндиликда давлат ҳисобидан бажариладиган қурилишларда бош прокурор ўринбосари бошчилигида республика ҳамда вилоят штаблари тузилади. Бу орқали қурилиш нархларини асоссиз ошириш, тасдиқланган лойиҳаларни ўзбошимчалик билан ўзгартириш назоратга олинади.
Солиқчининг ўлимида собиқ ЙПХ ходимлари айбдор деб топилди
Суд Каттақўрғон вилояти солиқ инспекцияси бошлиғининг биринчи ўринбосарининг ўлимида йўл-патруль хизматининг икки собиқ ходимини айбдор деб топди. Ҳар бирига 2 йилу 10 ойга озодликдан маҳрум қилиш жазоси тайинланди.
Тошкент ҳавосининг ифлосланиш даражаси яна кескин кўтарилди
АҚШ элчихонасида жойлашган ҳаво тозалиги назорат станцияси маълумотларига кўра, Тошкент ҳавосининг ифлосланиш индекси 3 декабрь соат 18:00 ҳолатига кўра рекорд — 190 даражани ташкил қилмоқда.
Тошкент шаҳар ҳокимлигига совға қилинган Mercedez-Benz бўйича Антикоррупция агентлиги текширув ўтказмоқда
Коррупцияга қарши кураш агентлиги Латипова Зиёда Бахромовна томонидан Тошкент шаҳар ҳокимлигига совға қилинган — қора рангдаги Mercedes Benz S500 Hybrid автомобили бўйича текширув ўтказади.
Андижонда фуқаро уйида ўзини осиб қўйди
Андижон туманида яшовчи фуқаро уйида ўзини осиб қўйди. Ҳолат юзасидан Жиноят кодексининг ўзини ўзи ўлдириш даражасига етказиш моддаси билан иш очилди. ИИБ профилактика инспектори ва маҳалла раисига нисбатан хизмат текшируви тайинланди.
Дам олиш кунлари ҳаво салқин бўлади
Кавказ ҳудудларидан Ўзбекистонга кириб келадиган антициклон дам олиш кунлари ҳаво ҳароратини туширади. Кундуз куни ҳаво +10 даражагача пасаяди. Бироз ёмғир ёғиши эҳтимоли бор.
Фарғона ва Сурхондарёда ноқонуний равишда ер сотишга уринган шахслар қўлга олинди
Ўзбекистон туманида иссиқхона фаолиятини ташкил этиш, Шеробод туманида эса уй-жой қуриш учун ер сотишга уринган шахслар ушланди. Уларга нисбатан фирибгарлик ва пора бериш моддалари билан жиноят ишлари қўзғатилди.
Электр энергиядаги ўчишлар Тошкентда яна сув таъминоти узилишига сабаб бўлди
Пойтахтни сув билан таъминловчи «Қодирия» сув иншоотининг юқори кучланишли электр таъминотида носозлик юзага келиб, насос агрегатлари ўчиб қолган. Бунинг оқибатида шаҳарнинг айрим туманларида ичимлик суви таъминотида узилишлар кузатилмоқда.
Ўзбекистонда блокпостлар ўрнатилиши ҳақидаги хабарлар ёлғонлиги маълум қилинди
Ижтимоий тармоқларда 2022 йил 1 мартгача Ўзбекистоннинг барча туманларида блокпостлар ўрнатилиши ҳақида хабарлар тарқалди. ИИВ ушбу хабарнинг ёлғон эканлигини маълум қилди. Жамоат хавфсизлиги концепциясида ҳудудларда камида биттадан туманлараро патруль-пост хизмати бўлинмалари ташкил этилиши назарда тутилган.
Коррупцияни содир этганлик учун 20 йилгача озодликдан маҳрум қилиш таклиф этилмоқда
Антикоррупция агентлиги коррупциявий жиноятлар учун жавобгарликни кучайтириш таклифи билан чиқди. Қонунчилик палатасига киритилган қонун лойиҳасига кўра, коррупцияга оид жиноятлар тоифасига 15 турдаги қонунбузарлик киритилмоқда. Шунингдек, порахўрлик учун 20 йилгача озодликдан маҳрум қилиш, шу турдаги жиноятчиларни муддатидан илгари шартли озод қилмаслик ва жазосини енгилроғи билан алмаштирмаслик таклифи билдирилди.
Ўзбекистон илк бор Жаҳон туризм ташкилотининг Бош ассамблеясига мезбонлик қилади
Мадридда бўлиб ўтган БМТ Жаҳон туризм ташкилотининг сессиясида 2023 йилги Бош ассамблеяни ўтказиш учун Ўзбекистон танлаб олинди. Шу муносабат билан 2023 йилда Самарқандга жаҳон туризм пойтахти мақоми берилади. Бош ассамблеяни ўтказишга Португалия ҳам даъвогарлик қилганди.
Йўл ҳаракати қоидаларини мунтазам қасддан бузадиган ҳайдовчиларга нисбатан жавобгарлик кучайтирилади
Йўл ҳаракати қоидаларини мунтазам қасддан бузадиган ҳайдовчиларга нисбатан жавобгарликни кучайтириш, жумладан, транспорт воситасини бошқариш ҳуқуқидан узоқ муддатга маҳрум қилиш тарзидаги чора жорий этилиши режалаштирилмоқда. Шунингдек, «йўлда безорилик» содир этган ҳайдовчилар учун маъмурий жавобгарлик ўрнатилади.
Ипотека кредити олишда қариндош бўлмаган фуқаролар кафиллигига ҳам рухсат берилади
Ўзбекистонда ипотека кредити ва субсидия олишда уй-жой майдони ва нархи билан боғлиқ чекловлар бекор қилинади. Эҳтиёжманд аҳолига дастлабки бадалнинг бир қисмини қоплаш учун 32 млн сўм субсидия тўланади. Шунингдек, ипотека кредити олишда қариндош бўлмаган фуқароларнинг кафиллигига ҳам рухсат берилади.
Тошкентда кучли таъсир қилувчи дориларни сотаётган дорихоначиларга жиноят иши қўзғатилди
Тошкентда катта миқдордаги «Тропикамид», «Зардекс» ва бошқа кучли таъсир қилувчи дори воситаларини ноқонуний сотаётган дорихона ходимларига нисбатан жиноят иши қўзғатди.
Жамоат хавфсизлигини таъминловчи субъектлар вазифалари белгилаб берилди
Ўзбекистонда жамоат хавфсизлигини таъминловчи субъектлар — ҳукумат, ИИВ, Миллий гвардия, ФВВ, ДХХ, Бош прокуратура, АКТ вазирлиги, Маҳалла ва оилани қўллаб-қувватлаш вазирлиги, ССВ, маҳаллий давлат ҳокимияти органлари вазифалари белгилаб берилди.
Тошкент вилоятида корхона ходимлари қарийб 490 млн сўмни талон-торож қилгани аниқланди
Бош прокуратура ҳузуридаги Департамент Тошкент вилоятидаги корхонанинг ходимлари савдодан тушган 489,7 млн сўмни ўзлаштирганлигини аниқлади. Ҳолат юзасидан жиноий иш қўзғатилди.
Ўзбекистон жамоат хавфсизлиги концепцияси тасдиқланди
Президент Шавкат Мирзиёев фармони билан Ўзбекистон жамоат хавфсизлиги концепцияси тасдиқланди. Унда жамоат хавфсизлигини таъминлашнинг умумий қоидалари, концепцияни амалга ошириш механизмлари, кутилаётган натижалар ва бошқалар ўрин олган.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг