Жамият
АҚШ Ўзбекистонга яна 300 минг доза Pfizer вакцинасини юборди
Ўзбекистон COVAX дастури доирасида АҚШдан яна 300 минг доза Pfizer вакцинасини қабул қилди.
Бош прокуратура бошқарма бошлиғи ўринбосари пора билан қўлга тушди
Бош прокуратура бошқарма бошлиғи ўринбосари 29 минг доллар миқдорида пора олган вақтида ушланди. Гумондор ушбу пулларни 2020 йили Олмалиқ прокурори сифатида ишлаган вақтидан бери танишининг тендерда ютишига ёрдам берганини айтиб, талаб қилиб келган.
Термиз муҳандислик-технология институти ташкил этилади
Тошкент давлат техника университети Термиз филиали негизида Термиз муҳандислик-технология институти ташкил этилади.
18 — 25 декабрь кунлари «Ўзбекистон ёшлари форуми-2021» бўлиб ўтади
Ёшлар ишлари агентлигининг хабар беришича, 18 декабрдан 25 декабргача «Ўзбекистон ёшлари форуми-2021» бўлиб ўтиши режалаштирилган. Форумдан мақсад ёшларнинг ғоя ва таклифларини эшитиш эканлиги айтилди. Таклифлар yoshlarforumi.uz платформасида эълон қилинади. Ёшларнинг энг яхши таклифлари ҳукуматга олиб кирилади.
Урушдан кейинги ҳаёт
Ўзбекистон Яқин Шарқдаги можаро зоналаридан 381 нафар болани репатриация қилди. ЮНИСЕФ Европа Иттифоқи кўмагида болаларни реабилитация қилиш ва жамиятга реинтеграция қилиш лойиҳасини амалга оширмоқда. Психологларнинг болалар билан ишлаш усулларидан бири, бу — расм чизишдир. Баъзи болаларнинг расмлари ва ҳикояларини эътиборингизга ҳавола этамиз.
Тошкент ва Жиззахда ноқонуний равишда ўқишга киритиб қўйишга уринган шахслар ушланди
Тошкент давлат теника университетига ўқишга киритиб қўйишга, ўқишни Қибрайдаги Халқаро молия ва технологиялар хусусий институтига кўчиришга ваъда қилган шахслар қўлга тушди. Уларга нисбатан фирибгарлик ва пора бериш моддалари билан жиноят иши очилди.
Карлар маданият саройида эшитишида нуқсони бўлган актёрлар иштирокидаги спектакль намойиш этилди — фото
5 декабрь куни Карлар маданият саройида эшитишида нуқсони бўлган актёрлар томонидан «Ўзбекистоннинг оилавий анъаналари» номли спектакль ижро этилди. ЮНИСЕФнинг Ўзбекистондаги ваколатхонаси раҳбари Мунир Маммадзаде спектакль ҳақидаги таасуротлари билан бўлишиб, «бугун мен ўзимни ортиқча инсон сифатида ҳис қилмадим, улар ҳам жамиятдан худди шундай муносабатни кутишади», деди.
Гулистонда 50 млн сўмга шер ҳайкали ўрнатилади
Гулистон шаҳар ҳокими фармойишига кўра, 50 млн сўм Гулистон кўчасига шер ҳайкалини ўрнатиш харажатлари учун ажратилди. Ушбу фармойиш билан яна 50 млн сўм шаҳар Жиноят судининг ҳожатхона биносини таъмирлаш ва қурилишига йўналтирилади.
Бош прокуратуранинг вафот этган ходимига оид суд иши бошқатдан кўриб чиқилади
Марҳум ходимнинг отаси нафақа пулларини талаб қилиб, Бош прокуратура устидан апелляция шикояти киритгани маълум қилинганди. Иш Тошкент шаҳар ФИБ судлов ҳайьатида кўриб чиқилди ва марҳумнинг отаси боқувчисини йўқотганлик учун нафақа олиш ҳуқуқига эга эмаслиги аниқланди. Иш биринчи инстанция судига марҳумнинг турмуш ўртоғи иштирокида кўриб чиқиш учун юборилди.
TikTok Fest концерти ёшлар онги ва дунёқарашига салбий таъсир этади — Маданият вазирлиги
Маданият вазирлиги TikTok Fest концерти юзасидан муносабат билдириб, у ёшлар онги ва дунёқарашига салбий таъсир қилади, деб ҳисоблашини маълум қилди. Қолаверса, бу каби концертларга вазирлик эмас, балки ИИВ ва ҳокимият масъул экани айтилди. Ëшлар ишлари агентлиги эса концерт дастури бекор қилинганини қайд этди.
Метронинг барча йўналишларида «тиғиз пайтларда» поездларнинг оралиқ интерваллари қисқартирилади
Тошкент метрополитени раҳбарияти йиғилишида метронинг барча йўналишларида «тиғиз пайтларда» оралиқ интервалларни максимал даражада қисқартириш белгиланди. Шунингдек, ҳаракат таркиблари сони кўпайтирилади.
«Автомобиль тарихи»да транспортда содир этилган ҳуқуқбузарликлар ҳам акс этиши мумкин
«Автомобиль тарихи» бўйича давлат хизматини кўрсатишнинг маъмурий регламентига оид ҳукумат қарори лойиҳаси ишлаб чиқилди. Унга кўра, эндиликда автомобилнинг тарихида нафақат унга тегишли умумий маълумотлар балки, унда содир этилган ҳуқуқбузарлик ва ЙТҲлар, тақиқ мавжуд ёки йўқлиги каби ахборотлар акс этади.
Ўзбекистонда ҳайдовчини суратга олиб текширувчи алкотестердан фойдаланиш бошланди
ИИВ Йўл ҳаракати хавфсизлиги бош бошқармаси янги намунадаги алкотестердан 150 тасини республика бўйича фойдаланишга топширди. Унинг ёрдамида ҳайдовчи тўхтатилган жойида текширувдан ўтказилиши мумкин. Қурилма эса текширувдан ўтаётган ҳайдовчини суратга олиб, буни чекда акс эттиради.
Марказий Осиё тадбиркор аёлларининг Дискуссион клуби ташкил этилди
Тошкентда Марказий Осиё давлатлари етакчи аёллари мулоқоти шафелигида минтақа давлатлари тадбиркор аёллари Дискуссион клубининг таъсис йиғилиши бўлиб ўтди.
Дарахтлар атрофини бетонлаш давом этмоқда
Жиззах вилоятининг Гагарин шаҳарчасида 75 туп дарахт атрофи бетонлаб чиқилди. Ушбу ҳолат танқидлар остида қолиб кетганидан сўнг улар атрофи бетондан тозаланди, бироқ бу янги саволларни келтириб чиқарди. Дарахтлар тубини асфальтлаш ва бетонлаш амалиёти узоқ йиллардан буён давом этиб келмоқда ва охири тугамайдиганга ўхшайди. Экопартия биргина жарима билан муаммо ҳал бўлмаслигини маълум қилди. Дарахтлар кейинроқ қайта ўтқазилди.
Андижон давлат университетида ота-оналар мажлисига келган аёл 4-қаватдан тушиб кетди
28 ёшли аёл Андижон давлат университетига талабанинг оила аъзоси сифатида ота-оналар мажлисига келган. Шунда у бинонинг 4 қаватида уяли алоқа телефон аппаратидан фойдаланиб, эҳтиётсизлиги оқибатида таъмирланётган зиналардан юрган ва пастга йиқилган. Бош прокуратура ҳолат юзасидан жиноят иши қўзғатди.
Тошкент шаҳрида ёмғир ёғиши кутилмоқда
Бугун об-ҳаво ўзгариб туриши маълум қилинди. Қорақалпоғистонда, Хоразм, Андижон, Наманган, Фарғона вилоятларида ёғингарчилик кутилмайди. Тошкент шаҳрида куннинг иккинчи ярмида бироз ёмғир ёғади.
Дубляж актёри Санжар Саъдуллаев вафот этди
Дубляж устаси Санжар Саъдуллаев 67 ёшида вафот этди. У фаолияти давомида юзлаб филмлар ва сериалларга овоз берган.
Ҳоким ёрдамчиларининг маоши улар ишлайдиган маҳалладаги хонадонлар сонига қараб белгиланади
Президент фармонига биноан, ҳоким ёрдамчиларининг ойлик иш ҳақи миқдори улар бириктирилган маҳалладаги хонадонлар сонига мутаносиб равишда белгиланади. Шунингдек, ҳукумат бир ой муддатда ҳоким ёрдамчилари фаолиятини қўллаб-қувватлаш жамғармаси тўғрисидаги низомни тасдиқлайди.
Нима тайёрлаймиз: мол гўштидан ноодатий таомлар
Сацебели, помидорли қайла ва чашушули, осиёча усулда пиширилган ва сабзавотлар билан димланган гўшт — Zira.uz мол гўштидан тайёрланадиган ноодатий таомлар рецептлари рўйхатини тақдим этади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг