«тошкент» тегли мақолалар
Сурхондарё ва Тошкент вилоятидаги ЙТҲларда икки киши ҳалок бўлди
Сурхондарё ва Тошкент вилоятида одамлар ўлими билан боғлиқ йўл-транспорт ҳодисалари юз берди. Уларда ҳайдовчи ва пиёда вафот этди.
Тошкентда автобусларнинг ҳаракатланиш оралиқ вақти қисқаргани айтилмоқда
16−17 декабрь кунлари Тошкентга 204 та янги автобус олиб келиниб, йўналишга чиқарилди. Натижада автобусларнинг ҳаракатланиш оралиқ вақти 25−30 дақиқадан 10−12 дақиқага қисқаргани айтилмоқда. Бироқ аҳоли эҳтиёжларини тўлиқ қондириш учун яна 21 та янги автобус йўналиши шакллантирилиши зарур.
Тошкентда холасининг ўғлини ўлдирган эркак 11 йилга озодликдан маҳрум этилди
Чилонзор туманида икки қариндош эркаклар ўртасида жанжал чиқиб, бири иккинчисини пичоқлаб, ўлдириб қўйди. Суд айбланувчига нисбатан 11 йилга озодликдан маҳрум этиш жазосини тайинлади.
Тошкентга янги автобуслар, жумладан 2018 йилда хариди тақиқланган Isuzu`лар олиб келинди
Президент топшириғидан сўнг Тошкентга 20 та MAN ва 100 та Isuzu автобуслари келтирилиб, ҳайдовчилар қабули ҳақида эълон берилди. ИИВ автопаркидан яна 30 та Isuzu топширилди. Бироқ Isuzu`лар ногиронлиги бўлган шахслар учун мослаштирилмагани сабабли 2018 йилдан уларни сотиб олиш тақиқланганди.
Тошкентда Matiz ёниб кетди
Олмазор туманида ҳаракатланиб кетаётган Matiz ёниб кетди. Машинадаги қисқа туташув ўт чиқишига сабаб бўлди.
«Бош вазирга март ойигача Тошкентга 1000 та автобус олиб келиш бўйича топшириқ бердим» — президент
Ўзбекистон президенти бош вазирга март ойигача Тошкентга 1000 та автобус олиб келиш бўйича топшириқ берди. Аввалроқ бунча миқдордаги автобусларни 2025 йил охиригача сотиб олиш режалаштирилган эди.
Тошкентда қозонхоналар газ етишмаслиги сабабли керакли иссиқликни ишлаб чиқара олмаяпти
Veolia Energy Tashkent пойтахтнинг айрим туманларида табиий газ етишмаслиги сабабли қозонхоналарда зарурий ҳароратдаги иссиқликни ишлаб чиқара олмаётгани, бу эса иситиш сифатининг ёмонлашишига олиб келаётганини маълум қилди.
Фото: Қорли Тошкент
Пойтахт бу йилги қиш мавсумида илк бор оппоқ чойшаб билан қопланди. Болалар хурсандчилигидан ташқари қор пиёдалар ва машиналар ҳаракати, шунингдек, газ ва иссиқлик таъминоти билан боғлиқ муаммоларга сабаб бўлди. «Газета.uz» мухбирлари Тошкентнинг қор бўронидаги манзараларини фотосуратларга муҳрлади.
Тошкентда аҳоли хонадонларини газ билан таъминлаш учун «заправка»лар ёпилади
Ҳаво кескин пасайиши ортидан шаҳарнинг айрим ҳудудларида газ ва иссиқлик таъминотида узилишлар кузатиляпти. Коммунал хизматлар газ захирасини барча истеъмолчиларга тенг тақсимлашга уринмоқда, бироқ ресурслар етишмаяпти. Шу боис газ «заправка»лар вақтинча ёпилади, дея маълум қилди пойтахт ҳокимлиги.
Тошкентда квартираларнинг 1 кв. метри нархи $1000 дан ошди — ПМТИ
Тошкентда квартираларнинг 1 кв. метрининг ўртача нархи йил давомида 27 фоизга ўсиб, ўртача 1078 долларга етди, дея хабар бермоқда ПМТИ таҳлилчилари. Пойтахтнинг бешта туманида кўчмас мулк нархи шаҳардаги ўртача нархлардан анча юқори.
Тошкентдаги Шимолий темир йўл вокзали олдида жойлашган ер ости туннелининг бир томони 15 кунга ёпилади
Миробод тумани Шимолий темир йўл вокзали олдида жойлашган ер ости туннелининг бир томони 1 декабрдан 15 декабрга қадар ёпилади.
Тошкентдаги 4 та туманнинг айрим ҳудудларида иссиқ сув таъминоти вақтинча ўчирилади
28 ноябр куни Яккасарой, Шайхонтоҳур, Юнусобод ва Чилонзор туманларининг айрим ҳудудларида иссиқ сув таъминоти чекланмаган ҳолда иссиқлик таъминоти вақтинча тўхтатилади.
Тошкентда янги экспресс йўналишдаги Mercedes автобусида ёнғин чиқди
Тошкентда шанба куни «ТТЗ — Машинасозлар» экспресс-йўналиши бўйлаб ҳаракатланувчи Mercedes-Benz Conecto Low Floor русумли автобусда ёнғин чиқди. Ушбу йўналиш бўйлаб ҳаракатлар уч кун аввал бошланган эди. Ҳодиса оқибатида жароҳатланганлар йўқ.
Тошкентни қалин туман қоплади (фото)
Шанба куни эрталаб Тошкентда қуюқ туман кузатилмоқда. Аэропортда баъзи рейсларнинг учиш ва қўниши кечиктирилди. Айни дақиқаларда шаҳар қандай кўринишга эга — фотосуратда.
Франциянинг Alstom компанияси Тошкентда трамвай йўлларини қуради
Франциянинг Alstom машинасозлик компанияси Тошкентда трамвай йўлларини қуради. Лойиҳа қиймати 167,4 млн еврога баҳоланмоқда. Линиялардан бири «Дўстлик» метро станциясидан бошлаб, Янги Ўзбекистон кўчаси бўйлаб ўтиши мумкин.
Тошкентдаги биринчи пуллик автотураргоҳлар қаерларда ташкил этилади?
Тошкент шаҳар транспорт бошқармаси биринчи пуллик автотураргоҳларни жойлаштириш бўйича режаларини эълон қилди. 10 та марказий кўчада 57 та паркомат ўрнатган ҳолда 2251 та тўхташ жойи ташкил этилади. Шунингдек, 2 та эвакуатор ва 2 та қоидаларни назорат қилувчи электрон тизим (паркон) харид қилинади.
Тошкентда Қозоғистон президенти сайловида иштирок этганлар 96 фоизни ташкил қилди
Қозоғистоннинг Тошкентдаги элчихонасида ташкил этилган участкада 621 нафар сайловчидан 591 нафари овоз берди. Сайловда қатнашганларнинг тахминий кўрсаткичи 69 фоиздан кўпроқни ташкил қилди, энг юқори — Жетису вилоятида, энг ками эса — Олмаотада — 28,7%. Остонада эса 48,6% сайловчи иштирок этди.
Тошкентда 20 ёшли аёл оилавий жанжал сабаб ўзини Бўзсувга ташлади
Шаҳидлар хотираси хиёбонида 19 ноябрь куни 20 ёшли аёл ўзини Бўзсув каналига ташлади. Уни икки нафар Миллий гвардия ходими сувдан олиб чиқиб, қутқарган. Ҳозирда аёл ҳушига келган, аҳволи барқарор.
Сергелидаги қурилиш майдонида кўтарма кран қулади (тўлдирилди)
Ижтимоий тармоқларда Тошкентнинг Янгиҳаёт туманида кўтарма кран қулагани ҳақида хабарлар тарқалди. ФВВ ҳодиса Сергелида юз берганини маълум қилди. Сергели ҳокимлиги кран қулаган вақтда унда одам бўлгани ҳақидаги гап-сўзларни рад этди. Қурилиш масъулларига кўра, қулаган кран энди утилизация қилинади.
Яшнободда 16 та дарахт ноқонуний кесиб ташланди, етказилган зарар 3,5 млрд сўмга баҳоланмоқда
Тошкентда Assalom Havo турар жой мажмуаси қурилиши режалаштирилган майдонда 16 та дарахт ноқонуний кесиб ташланган. Объект қурувчиси сифатида Yangi Zamon Bino компанияси кўрсатилган, унинг ҳаммуассисларидан бири — «Ўзбекистон темир йўллари»дир. Етказилган зарар 3,5 млрд сўмга баҳоланмоқда.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг