«туркия» тегли мақолалар
Фирибгарлик ва одам савдосида айбланиб Туркияда ушланган шахс Ўзбекистонга депортация қилинди
Фирибгарлик ва одам савдосида айбланиб қидирувга берилган 45 ёшли шахс Туркияда қўлга олинган эди. У пайшанба куни Ўзбекистонга депортация қилинди.
Туркияда 53 ёшли Ўзбекистон фуқароси зинадан йиқилиб вафот этди
Истанбулда вақтинча яшаб, ишлаётган самарқандлик 53 ёшли эркак иш жойида зинадан йиқилиб тушиш оқибатида ҳушини йўқотиб, воқеа жойида вафот этди. Унинг жасади моргда сақланмоқда, бош консулхона марҳумнинг қариндошларидан мурожаат қилишни сўради.
Туркиядаги ўзбекистонликлар фирибгарликнинг янги туридан огоҳлантирилди
Истанбулдаги бош консулхона Туркиядаги ўзбекистонликларни телефон орқали ўзини адвокат, полиция ёки махсус кучлар ходими сифатида таништириб, ҳисобрақамга пул ўтказишни сўраётганлардан огоҳлантирди. Консуллик уларга маълумот бермаслик ва ўрнатилган тартибда чақирилишни талаб қилишни тавсия этди.
Туркияда ўзбекистонлик йигит ватандоши отган ўқдан вафот этди. Улар тўппонча билан видео олмоқчи бўлган
Туркиянинг Истанбул вилоятида Instagram учун видео олмоқчи бўлган Ўзбекистон фуқароси 22 ёшли ватандошини отиб қўйди. У бош қисмидан олган жароҳати сабаб вафот этди.
Ўзбекистон ва Туркия президентлари бир-бирини Рамазон ҳайити билан табриклади
Шавкат Мирзиёев ва Ражаб Тоййиб Эрдоған телефон орқали мулоқотда бир-бирини Рамазон ҳайити байрами билан қутлади. Давлат раҳбарлари «қардош Ўзбекистон ва Туркия халқларига тинчлик-осойишталик, фаровонлик ва равнақ» тилаб, икки давлат ўртасидаги стратегик шериклик масалаларини ҳам муҳокама қилди.
Туркия Тожикистон фуқаролари учун виза режимини қайта тиклади
Туркия президенти Ражаб Тоййиб Эрдоған қарори билан Тожикистон фуқаролари учун визасиз режим бекор қилинди.
Туркиядаги ўзбекистонликлар тармоқлардаги экстремистик контентлардан огоҳлантирилди
Март ойида Туркияда ўзбекистонлик фуқаро ИШИДга алоқадорликда гумонланиб, қўлга олинганди. Бироқ айблов тасдиқланмагач, у қўйиб юборилди. Туркиядаги бош консулхона ижтимоий тармоқлардаги экстремистик каналларга кирмаслик, мутаассиблик руҳидаги нашида ва маърузаларни сақламасликни тавсия қилди.
Туркиядаги маҳаллий сайловда мухолифат партияси ғалаба қозонди
Туркиядаги муниципал сайловда 20 йил ичида илк бор мухолиф партия ғолиб бўлди. Барча йирик шаҳарлар, жумладан, Анқара ва Истанбулда мухолифат номзодлари ғалаба қозонди. Президент Эрдўған партияси мағлубиятга учраганини тан олди ва халқ иродасини эътиборсиз қолдирмасликка ваъда берди.
160 дан ортиқ Ўзбекистон фуқароси Туркияга киритилмади, уларнинг 54 нафарига мамлакатга кириш тақиқланган — Миграция агентлиги
Ташқи меҳнат миграцияси агентлиги Истанбул аэропортида, асосан, 20−35 ёшдаги хорижликлар учун хавфсизлик чоралари кучайтирилгани ҳақида хабар берди. Январь-февраль ойларида Ўзбекистоннинг 163 нафар фуқароси Туркияга киритилмаган, улардан 54 нафарига мамлакатга кириш тақиқланган бўлган.
Фирибгарлик учун қидирилаётган шахс Туркиядан Ўзбекистонга депортация қилинди
Фирибгарликда айбланиб қидирувда бўлган 35 ёшли эркак Туркиядан Ўзбекистонга депортация қилинди. Ушбу шахснинг хатти-ҳаракатларидан жабр кўрган фуқаролардан Ички ишлар вазирлигига мурожаат қилишлари сўралади.
Россия Ўзбекистон ва Қозоғистон каби давлатлар орқали ЕИнинг санкцияланган товарларини олишда давом этмоқда — Bloomberg
2023 йилнинг январь-сентябрь ойларида Европа Иттифоқидан Россияга 450 млн евролик юқори устуворликка эга товарлар етиб борган. Товарларнинг чорак қисми тўғридан-тўғри ЕИдан, қолгани эса Ўзбекистон, Қозоғистон, Қирғизистон, Хитой, БАА каби давлатлар орқали Россияга етиб борган, деб ёзмоқда Bloomberg.
Қидирувдаги икки эркак Туркиядан Ўзбекистонга депортация қилинди
2018 ва 2022 йиллардан буён қидирувда бўлган икки эркак Туркиядан Ўзбекистонга депортация қилинди. Уларнинг бири кўп миқдордаги пулларни фирибгарлик йўли билан ўзлаштириш, иккинчиси ўзлаштириш ёки растрата йўли билан талон-торож қилишда айбланмоқда.
«Қизлар ҳам уча олади». Самони забт этган илк ҳарбий учувчи аёл — Сабиҳа Гўкчен ҳикояси
«Газета.uz» хотин-қизлар ҳақидаги стереотипларни парчалаб, илмий, маърифий-сиёсий фаолияти билан тарихда қолган аёллар ҳақидаги ҳикояларни давом эттиради. Бу галги қаҳрамон — дунёнинг энг биринчи ҳарбий учувчи аёли, фаолияти давомида 22 хил учоқда 8000 соатдан кўпроқ парвоз қилган Сабиҳа Гўкчен.
Эрдоған Швециянинг НАТОга аъзо бўлишини маъқуллади
Швециянинг НАТОга аъзо бўлиши ҳақидаги ҳужжат Туркия президенти Ражаб Тоййиб Эрдоған томонидан имзоланди. Швециянинг альянсга қўшилиш аризасини ратификация қилмаган фақатгина Венгрия қолди.
Ўзбекистонда қидирувда бўлган яна икки аёл Туркияда қўлга олинди
Истанбулда 2017 ва 2018 йиллардан буён одам савдосида айбланиб қидирувда бўлган икки нафар Ўзбекистон фуқароси қўлга олинди. Бир неча кун аввал «Мадам Клод» номи билан танилган яна бир ўзбекистонлик аёл қўлга олингани хабар қилинган эди.
Ўзбекистон ва Туркия ҳуқуқ-тартибот идоралари одам савдосида айбланаётган «Мадам Клод»ни қўлга олди
Ўзбекистон ва Туркия ҳуқуқ-тартибот идоралари «Мадам Клод» номи билан танилган Нилуфар Мирхановани қўлга олди. У одам савдосида айбланиб қидирувга берилган эди. Айбланувчи Ўзбекистонга депортация қилинди.
Мубашшир Аҳмад Туркияда гумонланувчи сифатида қўлга олинди
Azon Global портали ўз асосчиси, Мубашшир Аҳмад тахаллуси билан танилган Алишер Турсуновнинг Туркияда гумонланувчи сифатида қўлга олинганини маълум қилди. Унга айни қандай айблов қўйилганига аниқлик киритилмаган.
Туркияда халқаро қидирувдаги 8 нафар Ўзбекистон фуқароси қўлга олинди
Ўзбекистоннинг халқаро қидирувга берилган 8 нафар фуқароси Туркияда қўлга олинди. Улар уюшган жиноятчилик, гиёҳванд моддалар контрабандаси, фирибгарлик ва бошқа жиноятларни содир этганликда гумонланмоқда.
Туркияда зилзила пайтида бино қулагани бўйича биринчи суд жараёни бошланди
Туркияда кучли зилзиладан деярли бир йил ўтиб бино қулаши бўйича биринчи суд жараёни бошланди. Адиямандаги меҳмонхона қурилишида совуққонликка йўл қўйганликда айбланган 11 нафар шахс судланмоқда. Меҳмонхона вайрон бўлиши оқибатида 72 киши, жумладан, 24 бола ҳалок бўлган.
Туркия парламенти қўмитаси Швециянинг НАТОга аъзо бўлиш аризасини маъқуллади
Туркия парламентининг тегишли қўмитаси Швециянинг НАТОга аъзо бўлиш аризасини маъқуллади. Энди ҳужжат парламент аъзоларининг умумий овозига қўйилади. Президент Ражаб Тоййиб Эрдоған аввалроқ ҳужжатнинг якуний ратификациясини Американинг F-16 қирувчи самолётларини Анқарага сотиш билан боғлаган эди.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг