«автобус» тегли мақолалар
Тошкентда ҳайит куни масжидга етиб олиш учун махсус автобуслар ташкил этилади, айрим йўллар ёпилади
Шанба куни пойтахтдаги 12 туманда Қурбон ҳайити намози ўқиладиган масжидларга борувчи махсус автобуслар ҳаракатланади. Автобуслар 03:00 дан 06:00 га қадар ташкил этилади. Шунингдек, соат 00:00дан соат 07:00га қадар айрим кўчаларда транспорт ҳаракати тўхтатилади. Рўйхат.
Тошкентда автобус чироқ устунига урилди
Тошкентнинг Бунёдкор кўчасида 56-йўналишдаги «Isuzu» автобуси пиёдалар ўтиш жойида тўхтаган автомобиль билан тўқнашиб кетишдан қочишга уриниб, чироқ устунига урилди. Автобусда йўловчилар бўлмаган ва ҳеч ким жароҳат олмаган. Мазкур пиёдалар ўтиш жойида ЙТҲ мунтазам содир бўлади.
Тўрткўл трассасида йўловчи автобуси ёниб кетди
Тошкентдан Қорақалпоғистонга 55 нафар йўловчини олиб кетаётган Yutong йўловчи автобуси Тўрткўл туманидан ўтган автомагистралда ёниб кетди. Воқеа тунда содир бўлган, тахминан ёнғинга электр симларининг қисқа туташуви сабаб бўлгани айтилмоқда.
Тошкентда автобусга урилган Nexia-3 ҳайдовчиси шифохонада вафот этди
Тошкентдаги Кичик халқа йўлида Nexia-3 автомобили пиёдаларга йўл бериш учун тўхтаган автобус орқасига келиб урилди. «Тошшаҳартрансхизмат» маълум қилишича, катта тезликда ҳаракатланган енгил автомобиль ҳайдовчиси шифохонада вафот этган.
Урганчда автобус аварияга учради, икки киши ҳалок бўлди
Урганч шаҳри марказида автобус ЙТҲга учради. Унинг икки йўловчиси ҳалок бўлди, ярадорлар ҳам бор. Тармоқларда тарқалган видеоларда ўнлаб одамлар ағдарилиб кетган автобусни кўтариб, йўловчиларга ёрдам бераётганини кўриш мумкин.
Андижонга Хитойдан 14 та автобус келтирилди
Андижонга Хитойдан кондиционер ва кузатув камерали 14 та янги автобус келтирилди. Улар 70 йўловчини ташиш имконига эга.
Тошкентдан Қозоғистонга автобус қатновлари йўлга қўйилди
12 апрелдан бошлаб Тошкентдан Қозоғистон шаҳарларига автобус қатновлари тикланади. Транспорт вазирлиги бешта шаҳарга рейслар жадвали ва чипталар нархларини эълон қилди.
Тошкент шаҳридаги автобус бекатлари дизайнини ўзгартириш таклиф этилмоқда
Пойтахт ҳокимининг қарори лойиҳасига кўра, шаҳардаги автобус бекатларини намунавий дизайн асосида қайта қуриш режалаштирилмоқда. Унда ногиронлиги бўлган шахслар учун махсус пандус, 4G Wi-Fi, электрон табло, кузатув камераси, чиқинди қутиси ва LED экран ўрнатилиши кўзда тутилган. Бекатларни тадбиркорларга вақтинча фойдаланишга бериш кўзда тутилган. Шу каби таклифлар 2020 йилдан бери киритилади.
Хўжанддан Қўқон шаҳрига автобус қатнови йўлга қўйилди
Тожикистоннинг Хўжанд шаҳридан Фарғона вилоятининг Қўқон шаҳрига автобус қатнови йўлга қўйилди. Хўжанддан автобус эрталаб соат 8:00 да йўлга чиқади, соат 17:00 да эса Қўқондан ҳаракатланади. Қатнов душанбадан ташқари ҳар куни амалга оширилади.
Пойтахда машина сиқиб кетган автобус устунга бориб урилди
Тошкентда 59-рақамли автобус енгил автомобил сиқиб кетиши натижасида йўл четига чиқиб кетган ва устунга бориб урилган. ЙТҲ оқибатида 2 киши енгил жароҳат олган.
Президент Тошкент жамоат транспортидан фойдаланиш даражасини икки баробарга ошириш бўйича кўрсатма берди
Тошкент жамоат транспортидан фойдаланиш даражаси бор-йўғи — 21 фоизни ташкил қилади, тизимда қарийб 400 та автобус етишмайди. Йўллар пиёда ва велосипедда юриш учун қулай эмас, бунинг оқибатида ЙТҲлар кўп содир бўлмоқда, дея таъкидланди президент иштирокидаги тақдимотда. Шавкат Мирзиёев янги автобус ҳамда электробуслар харид қилиш ва умуман, жамоат транспортидан фойдаланиш даражасини ҳозиргидан 2 баробар ошириш бўйича кўрсатма берди.
Тошкентда автобус пиёдани уриб юборди
Олмазор туманида 43-сонли йўналишдаги «ISUZU» русумли автобус светофорнинг қизил чироғида тўхташ пайтида йўл четига йиқилиб тушган пиёдани уриб кетди. Бунинг оқибатида фуқаро воқеа жойида вафот этган. Пиёда маст ҳолатда бўлганлиги айтилмоқда.
Байрам кунлари пойтахт жамоат транспорти қай тартибда ишлайди?
«Янги йил» байрами муносабати билан дам олиш кунлари пойтахтда автобуслар ва метро ҳаракати вақти ўзгаради. Жумладан, 31 декабрдан 1 январга ўтар кечаси жамоат транспорти ҳаракати 1 соатга узайтирилади. 5 январга қадар улар якшанба кунига мўлжалланган жадвал асосида фаолият юритади.
Тошкентда автобус ёниб кетди
Учтепа туманида 125 йўналишда ҳаракатланаётган «Mercedes-Benz» автобуси ёниб кетди. ФВВ ёнғин-қутқарув экипажи воқеа жойига 6 дақиқада етиб боргани ва олов 4 дақиқада ўчирилганини маълум қилди.
Тошкент жамоат транспортида йўлкира нархи қимматлашади
1 январдан Тошкент шаҳрида жамоат транспорти учун йўл ҳақини 1400 сўмдан 1700 сўмгача ошириш режалаштирилмоқда. Шунга қарамасдан, транспорт картаси билан тўловни амалга ошириш жорий нархдан арзонроқ бўлиши керак. Карта билан жамоат транпортида ҳаракатланиш сонига чегара ўрнатиш ҳам кўзда тутилган.
Йил бошидан бери шаҳарлараро автобусларда йўлкира нархи 9,4 фоизга ошди
Давлат статистика қўмитаси маълумотларига кўра, ноябрь ойида шаҳарлараро автобусда йўлкира нархлари октябрь ойига нисбатан ўртача 0,4 фоизга ошди. Йил бошидан бери бу кўрсаткич 9,4 фоизга қимматлашган.
Тошкентдаги автобусларда зўравонликка қарши кампания бошланди
Пойтахтдаги жамоат транспортларида тегажоғлик ва жинсий зўравонликка қарши кампания бошланди. Автобус салонларида баннерлар ва фавқулодда тўхтатиш тугмалари жорий қилинди. «Газета.uz» харассмент қурбонлари қандай ҳаракат қилиши лозимлиги, қолаверса, ҳайдовчи ва чиптачи ушбу ҳолатга қай тарзда муносабат билдириши кераклиги ҳамда хорижда зўравонликка қарши қандай кураш олиб борилаётганини ўрганди. Ўзбекистон қонунчилигида тегажоғлиқ учун жавобгарлик мавжуд эмас. Ҳуқуқбузарни «ҳақорат қилиш» моддаси билан жавобгарликка тортиш режалаштирилган.
Болгарияда сайёҳлар автобуси ЙТҲга учраши оқибатида 46 киши ҳалок бўлди
Болгарияда автобус йўл-транспорт ҳодисасига учраши оқибатида 46 киши ҳалок бўлди, улардан 12 нафари болалар. Йўловчиларнинг барчаси Истанбулдан саёҳатдан қайтаётган Шимолий Македония фуқаролари бўлган. Автоҳалокатда фақатгина 7 киши омон қолган.
Ҳудудларда 310 та янги автобус йўналишлари ташкил этилади
Ҳукумат 2022 йил охиригача Ўзбекистон ҳудудларида 310 та янги автобус автобус йўналишларини ташкил этишнинг мақсадли параметрларини тасдиқлади. Ташувчиларнинг зарар миқдори 30% гача бўлса субсидия ажратиш йўли билан қоплаб берилиши мумкин.
Тошкентда автобус бекатда турган икки пиёдани уриб юборди
Тошкентда йўловчи автобуси бекат ёнида турган икки пиёдани уриб юборди. Енгил тан жароҳати олган пиёдалар шифохонага етказилиб, тез тиббий ёрдам кўрсатилган.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг