Жаҳон
Эрон ҳукумати «ахлоқ полицияси» қайтганини эълон қилди
Оммавий намойишлардан сўнг ғойиб бўлган «ахлоқ полицияси» Эрон кўчаларига қайтди. Пиёда ва автомобиль патруллари аёлларнинг ҳижоб ўраш мажбуриятини назорат қилади.
Қрим кўпригида портлаш содир бўлди
Қрим кўпригида портлаш содир бўлди ва унда ҳаракатланиш вақтинча тўхтатилди. Расмий маълумотларга кўра, воқеа оқибатида икки киши ҳалок бўлган, бир нафар бола яраланган.
AP: Россия минглаб украиналик тинч аҳолини қамоқхоналар тармоғида сақламоқда
Минглаб Украина фуқаролар Россия Украина томонидан босиб олинган ҳудудлардаги расмий ва норасмий қамоқхоналарда сақланмоқда. Улар қийноққа солиниб, қул сифатида меҳнатга мажбурланмоқда, дейилади Associated Press суриштирувида.
Европарламент Қирғизистон ҳукуматини ОАВга босимни тўхтатишга чақирди
Европарламент депутатлари кўпчилик овоз билан Қирғизистонда сўз эркинлигига босим тўғрисидаги резолюцияни қабул қилди. Ҳужжатда мамлакат расмийлари бир қатор мунозарали қонун лойиҳаларини қайтариб олишга ва қатор журналистларга нисбатан айбловларни олиб ташлашга чақирилган.
G7 давлатлари Украина учун хавфсизлик кафолатлари тўғрисидаги декларацияни имзолади
НАТО саммитида «Катта еттилик» давлатлари Украина хавфсизлигини узоқ муддатда таъминлашга ваъда берди. Бунда Украина қуролли кучларини қўллаб-қувватлаш, иқтисодиётни мустаҳкамлаш, шунингдек, мамлакатга техник ва молиявий ёрдам кўрсатиш кўзда тутилган.
Қирғизистон суди «Азаттиқ» радиосини ёпиш тўғрисидаги қарорини бекор қилди
Бишкек суди Қирғизистон Маданият вазирлиги даъвоси бўйича «Азаттиқ» радиосини ёпиш тўғрисидаги қарорини бекор қилди — томонлар келишувга эришди. Нашр мамлакатда 2022 йилда қирғиз-тожик чегарасидаги можаро ҳақида хабар бергани учун блокланган, унда, расмийларга кўра, «нотўғри маълумотлар» мавжуд эди.
Қозоғистон президенти Остонанинг Тошкентникига ўхшаш муаммоларини санаб ўтди
Қозоғистон президенти Қасим-Жомарт Тоқаев мамлакат пойтахтининг ичимлик суви тақчиллиги, иссиқлик таъминоти, канализация ва «бир хил кўринишдаги қути бинолар билан тўлдирилган» меъморий кўриниши билан боғлиқ муаммоларини санаб ўтди. Буларнинг аксарияти Тошкентга ҳам тааллуқли.
ЖАРда 11 йил ичида биринчи марта қор ёғди (фото)
Жанубий Африка Республикасининг Йоҳаннесбург шаҳрида 2012 йилдан бери биринчи марта қор ёғди. Ҳодиса намликнинг кўтарилиши ва совуқ ҳарорат туфайли кузатилган. Олимлар бунга глобал исишнинг ҳеч қандай алоқаси йўқлигини таъкидлади.
Қозоғистонда блогерларга рекламадан солиқ тўлаш мажбурияти юкланиб, сохта хабарлар учун жарима жорий қилинмоқда
Қозоғистон президенти блогерларни реклама ёрлиғини қўйиш ва даромадларидан солиқ тўлаш мажбуриятини юкловчи қонунни имзолади. Шунингдек, улар сохта хабарлар тарқатгани учун жаримага тортилади.
Эрдоған Швециянинг НАТОга аъзо бўлишини қўллаб-қувватлашга рози бўлди
Туркия президенти Режеп Таййип Эрдоған Швециянинг НАТОга аъзо бўлишини қўллаб-қувватлашга рози бўлди. НАТО бош котиби Йенс Столтенберг Туркия раҳбари, Швеция бош вазири ва Европа кенгаши раҳбари билан бўлиб ўтган музокаралардан сўнг буни тасдиқлади.
Марказий Осиё мамлакатлари ҳосилидаги йўқотишлар туфайли Россияда пиёз нархи рекорд даражагача ошди
Қишдаги аномал совуқда Марказий Осиё мамлакатларидаги пиёз ҳосилининг йўқотилиши Россияда бу сабзавот нархининг кескин ошишига олиб келди. Май ойида Россияда пиёзнинг ўртача нархи килограммига 73,3 рублга етди. Мамлакатга энг кўп пиёз етказиб берувчи давлатлардан бири Ўзбекистон ҳисобланади.
НАТО мамлакатлари Украинанинг альянсга кириш бўйича аризасини тезлаштирилган тартибда кўриб чиқишга келишди
НАТО давлатлари Украинанинг ҳарбий блокка аъзо бўлиш бўйича аризасини тезлаштирилган тартибда кўриб чиқишга келишди. «Бу бизнинг НАТО`га йўлимизни қисқартиради», — деди Украина Ташқи ишлар вазири.
Қирғизистонда президент Садир Жапаровнинг жияни коррупцияда гумонланиб ҳибсга олинди
Қирғизистон раҳбари Садир Жапаровнинг жияни Бишкекда божхонадаги жиноий схемаларда иштирок этганликда гумонланиб қўлга олинди. Жапаровнинг матбуот хизмати ҳибсга олинган шахс президент билан қариндош эканини тасдиқлаб, «коррупцияга қарши курашда истисно йўқлигини» таъкидлади.
Яқин ойларда қатор экстремал об-ҳаво ҳодисалари кутилмоқда — ЖССТ
ЖССТ яқин ойларда бутун дунё бўйлаб экстремал об-ҳаво ҳодисалари, жумладан, қурғоқчилик, сув тошқини ва аномал иссиқ кутилаётгани ва улар инсон саломатлигига таҳдид солишини билдирди. Аввалроқ Бутунжаҳон метеорология ташкилоти ҳам аномал иссиқдан огоҳлантирганди.
Ўзбекистон май ойида олтин сотиш бўйича дунёда иккинчи ўринни эгаллади
Май ойида Ўзбекистон хорижга 11 тонна олтин сотиб, дунёда олтин сотиш бўйича иккинчи ўринга чиқди. Туркия 63 тонна кўрсаткич билан қимматбаҳо металл савдоси бўйича яна мутлақ етакчига айланди.
Григорий Лепснинг Қирғизистондаги концерти жамоатчилик норозилиги туфайли бекор қилинди
Қирғизистонда жамоатчилик норозилигидан сўнг урилган украин танклари учун пул ваъда қилган россиялик қўшиқчи Григорий Лепснинг концерти бекор қилинди. Лепс октябрь ойида Ўзбекистонда концерт беришни режалаштирган.
Германияда етти нафар марказий осиёлик терроризмда гумонланиб ҳибсга олинди
Германияда Марказий Осиё давлатларининг етти нафар фуқароси террорчилик гуруҳи тузишда гумонланиб қўлга олинди. Нидерландияда ҳам терактлар тайёрлашда гумон қилинаётган Тожикистон ва Қирғизистоннинг яна икки фуқароси ушланган.
БМТ: Беларусда инсон ҳуқуқлари билан боғлиқ вазият «ҳалокатли даражада»
БМТ маълумотларига кўра, Беларусда инсон ҳуқуқлари билан боғлиқ «ҳалокатли» вазият юзага келган ва жазосизлик туфайли мамлакатда «қўрқув муҳити» ҳукм сурмоқда. 1500 дан ортиқ одам сиёсий айбловлар билан ҳибсда сақланмоқда.
Нидерландияда ўқувчиларга дарс вақтида смартфондан фойдаланиш тақиқланмоқда
Келгуси йилнинг январь ойидан Нидерландияда ўқувчиларга дарсда мобил қурилмалардан фойдаланиш тақиқланади. Қарор гаджетларнинг болалар фаолиятига салбий таъсири туфайли қабул қилинди.
Афғонистонда аёллар гўзаллик салонлари фаолияти тақиқланди
«Толибон» ҳаракати Афғонистондаги аёллар гўзаллик салонларини ёпишга буйруқ берди. Аввалроқ мамлакатда аёлларга ўқиш тақиқланган, ҳижоб ўраш эса шарт этиб белгиланганди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг