Arxiv
Pokiston O‘zbekistonga mol go‘shti yetkazib berishni boshladi
Pokistondan O‘zbekistonga halol mol go‘shtining birinchi partiyasi jo‘natildi. Kelasi hafta Toshkentga 40 ming dollarlik 18 tonna go‘sht ortilgan konteyner keladi. Mart oyida yana 50 ta konteyner go‘sht jo‘natilishi kutilmoqda.
«Taxtaqoracha» dovoni yo‘l o‘pirilishi sabab avtomobillar harakati uchun vaqtincha yopildi
Yakshanba kuni soat 16:00 dan Kitob tumanidan o‘tgan M-39 avtomobil yo‘lining «Taxtaqoracha» dovoni avtomobillar harakati uchun vaqtincha yopildi. Bunga sabab, dovondan o‘tuvchi avtomobil yo‘lining 1138−1141 kilometrlari oralig‘ida kuchli yomg‘ir yog‘ishi oqibatida qisman o‘pirilish yuzaga kelgan.
«Biz zo‘ravonlikni to‘xtatish tarafdorimiz» — Abdulaziz Kamilov Ukrainadagi vaziyat haqida
O‘zbekiston Ukrainadagi vaziyatdan xavotirda hamda zo‘ravonlikni to‘xtatish va barcha muammolarni siyosiy-diplomatik yo‘llar bilan hal qilish zarur, deb hisoblaydi, deya ma’lum qildi tashqi ishlar vaziri Abdulaziz Kamilov. Shuningdek, u Afg‘onistondagi vaziyatga ham to‘xtalib o‘tdi va Yevropa hamda Osiyo o‘rtasida ko‘prik vazifasini o‘tab kelayotgan Turkiyani misol sifatida keltirdi.
Yanvar-fevral oylarida «Tez yordam»ga 2 mlndan ziyod chaqiriq kelib tushdi
2022 yilning ilk ikki oyida mamlakat bo‘yicha tez tibbiy yordam xizmatiga jami 2 mln 42 mingdan ortiq murojaat kelib tushdi. Eng ko‘p murojaatlar Farg‘ona, Andijon va Toshkent shahrida, eng kam chaqiriqlar esa Jizzax, Sirdaryo va Navoiy viloyatlarida kuzatilgan. Ushbu xizmatdagi reanimobil mashinalar soni 442 taga yetgani aytildi.
«Men har doim hech qayerga ketishni xohlamasligimni aytardim». Rossiya fuqarolari — O‘zbekistonga ko‘chib o‘tishi haqida
«Gazeta.uz» Ukrainada urush boshlanganidan so‘ng, O‘zbekistonga ko‘chib o‘tishga qaror qilgan Rossiya fuqarolari bilan suhbatlashdi. Ular Rossiyani nima sababdan tark etishgani, Toshkentda nima bilan shug‘ullanayotganliklari, bu yerda qanaqa muammolarga duch kelayotgani va qanday shartlar asosida uyga qaytishi mumkinligi haqida so‘zlab berishdi.
«Qamchiq» dovoni avtomobil harakati uchun ochildi
Favqulodda vaziyatlar vazirligi «Toshkent-Vodiy» avtomobil yo‘lidagi «Qamchiq» dovonida transport harakati qayta tiklanganini ma’lum qildi.
«Qamchiq» dovonida qolib ketganlar uchun poyezd qatnovi yo‘lga qo‘yildi
«Qamchiq» dovoni avtomobil harakati uchun yopilganligi sababli yo‘lda qolib ketgan fuqarolar Ohangaron, Angren va Orzu vokzallaridan yo‘lovchi poyezdlarida manzillariga yetkazib qo‘yiladi. FVV haydovchilardan vaqtincha dovon orqali harakatlanmaslikni so‘ramoqda.
Toshkent viloyatida “Isuzu” avtobusi yonib ketdi
Juma kuni Yangiyo‘l tumanidan o‘tuvchi “Toshkent-Termiz” avtomobil yo‘lida harakatlanib ketayotgan “Isuzu” rusumli avtobus yonib ketdi. Shu kuni boshqa bir holatda, Toshkent shahrida “Lacetti” haydovchisi 60 yoshli piyodani urib yubordi. Avariya oqibatida fuqaro shifoxonada vafot etdi.
«Qamchiq» dovonida avtomobil yo‘lining osti qismi o‘pirilib ketdi. Angrenda maxsus shtab tuzildi
«Qamchiq» dovonidagi ikki tunnel o‘rtasidagi avtomobil yo‘lining ostki tuproq qismi o‘pirilib ketdi. FVV holat yuzasidan Angren shahridagi «Angrenlend» kafesida maxsus shtab tuzilganini ma’lum qildi. Yo‘lovchilar dovonga yaqin hududdagi ovqatlanish shoxobchalariga joylashtirilmoqda.
“Tarixiy saylov”. Gurbanguli Berdimuhammedov — Turkmaniston prezidenti saylovlarida ovoz berdi
Shanba kuni Turkmanistonda navbatdan tashqari prezidentlik saylovlari bo‘lib o‘tmoqda. Unda amaldagi prezident Gurbanguli Berdimuhammedov ham ovoz berib, saylovni tarixiy deb atadi. Saylovlarda 3 nafar partiyalar nomzodi, 6 nafar mustaqil nomzod ishtirok etmoqda. Tushga qadar saylovchilarning 71,9 foizi ovoz berish jarayonlarida qatnashdi.
Ukrainadan evakuatsiya qilingan o‘zbekistonliklar soni 5,5 ming nafardan oshdi
Polsha orqali yana 254 nafar o‘zbekistonlik, shu jumladan 69 nafar ayol, 37 nafar voyaga yetgaman shaxs va 14 nafar chaqaloq Ukrainadan vatanga qaytarildi. 28 fevraldan beri evakuatsiya qilinganlarning umumiy soni 5634 nafarga yetdi.
Toshkent aeroportida $27,3 ming va 1,8 mln rublni yashirincha olib chiqmoqchi bo‘lgan shaxs ushlandi
Toshkent xalqaro aeroportida qo‘shni davlat fuqarosi tamaqi qutilari ichiga 27,3 ming dollar va 1,8 mln rublni yashirgan holda O‘zbekistondan Istanbulga olib chiqib ketmoqchi bo‘lganida qo‘lga olindi.
Osiyo chempionatida o‘zbekistonlik bokschi protest tufayli finalga chiqdi
Yoshlar o‘rtasida boks bo‘yicha Osiyo chempionatining yarim finalida hakamlar avvaliga hindistonlik Anand Yadav o‘zbekistonlik Abduvali Bo‘riboyev ustidan g‘alaba qozonganini qayd etdi. O‘zbekiston boks federatsiyasining «protestidan» so‘ng, hakamlar qarorini o‘zgartirdi. Final yo‘llanmasini Abduvali Bo‘riboyev bilan birga yana 9 nafar bokschi qo‘lga kiritdi.
Nima tayyorlaymiz: tovuq go‘shtidan taomlar
Baqlajon va pishloqli tovuq go‘shti, qozon-kabob, qaymoq-qo‘ziqorinli qaylada pishirilgan tovuq filesi, ko‘zachada pishirilgan tovuq, grechka va tovuq oyoqchalari, «dangasa» xonim — Zira.uz tovuq go‘shtidan tayyorlanadigan taomlar retseptlari ro‘yxatini taqdim etadi.
«Qamchiq» dovoni transport harakati uchun vaqtincha yopildi
FVV qor ko‘chish xavfi yuzaga kelganligi sababli 12 mart soat 9:00 dan boshlab «Qamchiq» dovoni transport harakati uchun vaqtincha yopilganini ma’lum qildi.
AQSh dollar banknotalarini Rossiyaga yetkazib berishni taqiqladi
AQSh navbatdagi sanksiyalar doirasida Rossiyaga dollar banknotalarini yetkazib berishni taqiqladi. Qolaversa, avtomobil, kiyim-kechak va zargarlik buyumlari eksporti cheklandi. Bundan tashqari, Rossiyadan ikra, dengiz mahsulotlari va spirtli ichimliklar, shuningdek, brilliant va olmoslar importiga ham taqiq qo‘yildi.
11 mart kuni O‘zbekistonda sodir bo‘lgan eng muhim xabarlar dayjesti
O‘zbek paxtasiga boykot bekor qilinganiga munosabat bildirgan prezident, Moldovadan evakuatsiya qilingan 100 ga yaqin o‘zbekistonliklar, «hayfsan» olgan Farmatsevtika agentligi rahbari va «O‘zbekiston temir yo‘llari» raisi, bolalarni 2 yoshdan qabul qilishiga ruxsat berilgan ayrim bog‘chalar, rekonstruksiyasi boshlangan Abdulla Qodiriy bog‘i va boshqalar — «Gazeta.uz» ning 11 martdagi eng muhim xabarlari dayjestida.
Prezident farmasevtika tarmog‘ida mavjud quvvatlarni to‘liq safarbar etishni topshirdi
Prezident ishtirokidagi mahalliylashtirish bo‘yicha yig‘ilishda farmasevtika tarmog‘ida mavjud quvvatlarni to‘liq safarbar etish va import o‘rnini to‘ldirish masalasiga to‘xtalib o‘tildi. Davlat rahbari xomashyo olib kelib, bojxona hududida qayta ishlab, eksport qiladigan korxonalarga, apreldan boshlab, qator imtiyoz va yengilliklar berishni ham topshirdi.
Rossiyadagi o‘zbekistonliklar qaysi xizmatlar orqali uyga pul yuborishlari mumkin?
Rossiyada Visa va Mastercard to‘lov tizimlari hamda Western Union platformasi o‘z faoliyatini to‘xtatdi. Rossiyadagi o‘zbekistonliklar vatanga pul yuborish uchun hozirda qaysi xizmatlardan foydalanishlari mumkin? «Gazeta.uz» ushbu masala yuzasidan bir nechta banklardan izoh oldi.
Ukraina elchixonasi O‘zbekistonda Rossiya telekanallarini bloklashni so‘radi
Ukraina elchixonasi 1 mart kuni O‘zbekiston TIVga mamlakatda Rossiya telekanallari efirini taqiqlashni so‘rab nota yubordi. Xatda qayd etilishicha, Rossiya OAVlari olib borayotgan «axborot urushi harbiy kampaniyaning ajralmas qismi» va «jahon hamjamiyatini dezinformatsiyalashga qaratilgan». Elchi Nikolay Doroshenko «Ozodlik» radiosiga bergan intervyusida shuningdek, 28 tonnalik gumanitar yordamni yuborgani uchun O‘zbekistonga minnatdorchilik bildirdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting