Qibray tumanida besh kishi shafqatsiz ravishda o‘ldirildi, gumondor qo‘lga olindi.
O‘zbekistonga COVAX mexanizmi doirasida AQShdan 3 million doza Moderna vaksinasi olib kelindi. Ushbu vaksina butun mamlakat bo‘ylab 18 yoshdan oshgan fuqarolarni emlashda qo‘llaniladi. Kuzda AstraZeneca va Pfizer vaksinalarini yetkazib berish rejalashtirilgan.
Tokio-2020 Olimpiya o‘yinlarining yettinchi kunida to‘rtta sport turi bo‘yicha 5 nafar o‘zbekistonlik ishtirok etadi.
Qoraqalpog‘istoning Taxiatosh tumanida mast holda IIBga olib ketilgan fuqaro vafot etdi. Fuqaroning yaqinlari uning o‘limida profilaktika inspektorini ayblamoqda. Hozirda IIB xodimlarining xatti-harakatlari yuzasidan xizmat tekshiruvi harakatlari olib borilmoqda.
Prezident tog‘-kon sanoati texnikasini ko‘zdan kechirib, samosval haydovchisi bilan suhbatlashdi. Shavkat Mirziyoyev undan mashinaning qulayliklar, oylik maoshi, hayotidagi o‘zgarishlar haqida so‘radi. “11−12 mln, ko‘tarilib boryapti hozir. Uyim yo‘q edi, uyli bo‘ldim. Hozir Malibu avtomashinam bor”, — dedi haydovchi.
Turkiyadagi o‘rmon yong‘inlari, Braziliyada qor yoqqani, Malayziya muxolifatining mamlakat bosh vazirini iste’foga chiqishga chaqirayotgani va boshqa yangiliklar — «Gazeta.uz»ning jahon yangiliklari dayjestida.
Italiyalik dizayner Stefano Richchi O‘zbekiston gerbi va bayrog‘i aks etgan 18 mln so‘mlik poyabzallar taqdim etdi. Adliya vazirligi buni «davlat ramzlariga hurmatsizlik» deb baholadi. Shuningdek, Toshkent adliya boshqarmasi poytaxtdagi davlat organlarida davlat ramzlaridan foydalanishda 363 ta qonunbuzilish holatlarini aniqlagan. Natijada, 55 nafar shaxs intizomiy javobgarlikka tortilgan.
O‘zbekiston o‘zbek sportchilari ishtirokidagi ikki boks jangi natijalaridan norozi bo‘lib, Tokiodagi Olimpiya o‘yinlari komissiyasiga murojaat qildi. Komissiya besh nafar hakam faoliyatini ekspertlar kuzatayotgani, biroq janglar natijalari qayta ko‘rib chiqilmasligini ma’lum qildi.
O‘zbekistonda pandemiya boshlangandan beri koronavirusdan kunlik kasallanish bo‘yicha eng yuqori antirekord qayd etilishi, Shavkat Mirziyoyevning Olmaliqqa tashrifi, O‘zbekistonga koronavirusga qarshi yana 17,9 mln doza vaksina olib kelinishi rejalashtirilayotgani — “Gazeta.uz"ning 29 iyuldagi eng muhim xabarlari dayjestida.
Rost24 nashri Zangiotadagi «Ibrat» mahallasida bolalar maydonchasi ochilish marosimidan so‘ng u yerga to‘shalgan sun’iy qoplama yig‘ishtirib olingani haqida xabar qildi. Tuman hokimligi sun’iy maysazor kun issiqligi sababli yaroqsiz holga kelganini va yangisi bilan almashtirilishini ma’lum qildi.
Surxondaryo viloyati Denov tumanida ikki nafar IIO FMB profilaktika inspektori yordamchilari fuqaroni bir necha bor urib, tan jarohati yetkazgan. Oqibatda fuqaro shifoxonada vafot etgan. Holat yuzasidan jinoyat ishi qo‘zg‘atilib, 2 nafar shaxsga nisbatan “qamoqqa olish” ehtiyot chorasi qo‘llanilgan.
OTMlarning bakalavriat ta’lim yo‘nalishlariga kirish test sinovlarida ishtirok etish onlayn ro‘yxatdan abituriyentlarga “Abituriyent ruxsatnomasi"ni berish 1 avgust sanasidan boshlanadi.
Markaziy saylov komissiyasi O‘zbekiston prezidenti saylovi uchun beshta partiyaning vakolatli vakillarini ro‘yxatga oldi. Ular MSK majlislari, hujjatlarni topshirish, imzo varaqalari to‘g‘ri to‘ldirilganini tekshirish, ovozlarni sanab chiqish jarayonlarida ishtirok etadi.
Buxoro shahrida maishiy texnika, mebel, santexnika vositalari, sport anjomlari va boshqa ko‘plab mahsulotlar muddatli to‘lov asosida sotiladigan «ISHONCH» do‘konlar tarmog‘ining filiali ish boshladi.
1 noyabrgacha O‘zbekiston aholisining 70 foizini koronavirusga qarshi emlash rejalashtirilmoqda. Hozirga qadar respublika bo‘ylab 5,4% aholi infeksiyaga qarshi to‘liq emlangan. Eng yuqori ko‘rsatkichlar Namangan, Andijon, Jizzax va Farg‘ona viloyatlarida qayd etilgan.
Dollarning rasmiy kursi 23,03 so‘mga pasaydi va jami 10 625,00 so‘m etib belgilandi. Yevro va rubl kurslari esa biroz ko‘tarildi.
Markaziy bank bergan ma’lumotlarga ko‘ra, 2021 yilning iyun oyi yakunlari bo‘yicha yillik inflyatsiya darajasi may oyida kuzatilgani kabi 10,9 foizni tashkil etib, so‘nggi to‘rt-besh oydan beri deyarli o‘zgarishsiz shakllanmoqda. Shuningdek, joriy yilning I yarim yilligida yalpi ichki mahsulot real hajmda o‘tgan yilning mos davriga nisbatan 6,2 foizga oshdi.
O‘zbekistonga koronavirusga qarshi yana 17,9 mln doza vaksina olib kelinishi rejalashtirilmoqda. Ular orasida Pfizer/Bio N Tech vaksinasining 1,2 mln dozasi olib kelinishi ham ko‘zda tutilgan.
Jurabek Laboratories tomonidan «Sputnik V» vaksinasining birinchi namunasi ishlab chiqilib, Gamaleya institutiga tekshirish uchun yuborilgan. Ijobiy javob olingach va Rossiyadan xom-ashyo keltirilgach, O‘zbekistonda «Sputnik V» vaksinasini quyish avgust o‘rtalarida boshlanishi mumkin. Jurabek Laboratories ishlab chiqarish direktorining ma’lum qilishicha, kompaniya birinchi bosqichda 2 mln doza «Sputnik V» va 10 mln doza xitoy-o‘zbek vaksinalarini ishlab chiqarishni rejalashtirgan.
Tokioda o‘tkazilayotgan Olimpiya o‘yinlarining oltinchi kunida 6 nafar o‘zbekistonlik sportchilar bellashuvlarda qatnashishdi. Ular orasida bokschi Bahodir Jalolov keyingi bosqichga yo‘llanma olgan bo‘lsa, qolgan barcha sportchilar musobaqadagi ishtiroklarini tugatishdi.
Qo‘shimcha imkoniyatlarga ega bulish uchun saytda ro‘yxatdan o‘ting