Arxiv
Senat favqulodda holat to‘g‘risidagi konstitutsiyaviy qonunni tasdiqladi
Senat «Favqulodda holat to‘g‘risida»gi konstitutsiyaviy qonunni tasdiqladi. Qonun favqulodda holatni joriy etish shartlari va tartibi, qo‘llaniladigan choralar va cheklashlar, fuqarolar huquqlarining kafolatlari, sudlar faoliyati va boshqa masalalarni tartibga soladi. Qonunga ko‘ra, mamlakat hududida favqulodda holat muddati 30 sutkadan oshmasligi kerak va bu muddat faqat prezident farmoni bilan uzaytirilishi mumkin, farmon esa parlament tomonidan tasdiqlanishi lozim.
Hokimlik binosini ta’mirlash, hayfsan, mablag‘ ajratish — hokimlarning iste’foga chiqishdan oldingi qarorlari
Noyabr oyida Navoiy, Qashqadaryo va Toshkent viloyatlari hokimlari almashtirildi. Hududlar rahbarlari ishining so‘nggi kunlarida xilma xil qarorlarni imzoladilar — turli tashkilotlarga mablag‘ ajratishdan tortib, avtomobilni boshqa tashkilot balansiga o‘tkazishgacha. «Gazeta.uz» uch viloyat sobiq hokimlarining oxirgi qarorlarini o‘rganib chiqdi.
Ota-onalar uchun Bebbo ilovasi ishga tushirildi
YUNICYeF O‘zbekistonda ota-onalar uchun 6 yoshgacha bo‘lgan bolalar salomatligi va rivojlanishining barcha jihatlari bo‘yicha mutaxassislar maslahati bilan ta’minlab beruvchi Bebbo mobil ilovasini ishga tushirdi. Ilovada emlashlar, tibbiy ko‘riklar va bola hayotining boshqa muhim bosqichlarini ham qayd etib borish mumkin.
Dam olish kunlarida yog‘ingarchilik kutilmaydi
Dam olish kunlarida yog‘ingarchiliksiz ob-havo saqlanib turadi. Havo harorati kechasi -2 daraja sovuq, kunduz kuni +14…+17 daraja iliqgacha ko‘tariladi.
SSV shifoxonalardagi tozalik holatini alohida nazoratga oldi
SSV ishchi guruhi tibbiyot muassasalarining ishida kamchiliklarni aniqladi: uzun navbatlar, ortiqcha qog‘ozbozliklar va sanitariya-gigiyena me’yorlariga amal qilmaslik. Vazir Behzod Musayev barcha muassasalarning sanitariya-gigiyenik holatini zudlik bilan yaxshilash bo‘yicha topshiriq berdi.
Korrupsiya haqida xabar berganlarning qarindoshlari davlat himoyasida bo‘ladi
Prezident tomonidan imzolangan qonunga ko‘ra, endilikda korrupsiyaga oid huquqbuzarliklar to‘g‘risida axborot berayotgan shaxslarning qarindoshlari ham davlat himoyasida bo‘ladi. Ilgari faqat xabar bergan shaxslar nazarda tutilgan.
Toshkent viloyati teleradiokanali tashkil etiladi
Prezident milliy teleradiokompaniya tizimida Toshkent viloyati teleradiokanali — Nurafshon TV`ni tashkil etish to‘g‘risidagi qarorga imzo chekdi. Telekanalning asosiy vazifalari islohotlar hamda yaratilgan imkoniyatlar haqida aholini muntazam xabardor qilib borish, hududning tarixi, madaniyati, san’atini keng targ‘ib qilish etib belgilandi.
Germaniya «Shimoliy oqim 2»ni sertifikatlash jarayonini kechiktirdi, natijada Yevropada gaz narxlari so‘nggi bir oylik rekord darajaga ko‘tarildi
Germaniya «Shimoliy oqim 2» quvurini sertifikatlash jarayonini to‘xtatib qo‘ygach, Yevropada gaz narxlari 17 foizgacha ko‘tarildi. Quvurni tasdiqlash tartibi liniyaning Germaniyadagi qismiga egalik qiluvchi sho‘ba korxona tashkil etilgunga qadar to‘xtatib turiladi. Loyihani ishga tushirish 2022 yilning mart-aprel oylari yoki yilning ikkinchi yarmigacha cho‘zilishi mumkin.
O‘zbekistonda emlanishdan bosh tortgan 26 mingdan ortiq xodim ishdan chetlatildi
O‘zbekistonda tadbirkorlik subyektlari va budjet tashkilotlarida emlanishdan bosh tortgan jami 26 008 nafar shaxslar ishdan vaqtinchalik chetlatildi. Yana 2 225 ta xolatda ish beruvchiga nisbatan jarima chorasi, 175 ta obyektga nisbatan esa faoliyatini vaqtinchalik muddatga to‘xtatish chorasi qo‘llanildi.
«Afg‘oniston muammolarini qo‘shni davlatlar zimmasiga yuklamaslik kerak» — TIV rahbari
Tashqi ishlar vaziri Abdulaziz Kamilov belgiyalik jurnalistning O‘zbekiston Afg‘oniston hukumatini shakllantirishda «Tolibon»ga ta’sir o‘tkazishga urinyaptimi yoki bu harakat bilan munosabatlarni qanday ko‘zda tutayotgani haqidagi savollariga javob berdi. «Biz afg‘on muammosi yukini mintaqa davlatlarining yelkasiga yuklamaslik kerak», — dedi vazir va ayrim davlatlar pul taklif qilayotgani va buning evaziga minglab afg‘on qochqinlarini qabul qilishni so‘rayotganini qo‘shimcha qildi. «Biz buni tushunmayapmiz», — dedi Abdulaziz Kamilov.
Abdulaziz Kamilov Sergey Lavrov bilan uchrashdi
O‘zbekiston TIV rahbari Abdulaziz Kamilov Rossiya tashqi ishlar vaziri Sergey Lavrov bilan uchrashdi. Vazirlar xalqaro axborot xavfsizligi sohasida hamkorlik to‘g‘risidagi hukumatlararo bitimni, biologik xavfsizlik bo‘yicha hukumatlararo anglashuv memorandumini, shuningdek, Rossiya va O‘zbekiston TIVlari o‘rtasidagi 2022−2023 yillarga mo‘ljallangan hamkorlik dasturini imzoladilar.
Shavkat Mirziyoyev Rossiyaga jo‘nab ketdi
O‘zbekiston prezidenti Shavkat Mirziyoyev Rossiya prezidenti Vladimir Putinning taklifiga binoan tashrif bilan Rossiyaga jo‘nab ketdi.
Qarzga olingan 57 mln so‘mni «1xbet»da yutqazib qo‘ygan FarDU o‘qituvchisi qabristonda o‘zini osdi
«1xbet» qimor o‘yinlariga mukkasidan ketgan FarDU o‘qituvchisi tanishidan olgan 57 mln so‘mni yutqazib qo‘yganidan so‘ng qabristonda o‘zini osib, vafot etdi. Holat yuzasidan tergovga qadar tekshiruv o‘tkazilmoqda.
Farg‘ona tumanida ota-o‘g‘il is gazidan zaharlanib vafot etdi
Farg‘ona tumanida 62 yoshli ota va 31 yoshli o‘g‘il o‘z uylarida is gazidan zaharlanib vafot etdi.
18 noyabr kuni O‘zbekistonda sodir bo‘lgan eng muhim xabarlar dayjesti
Yangi amalga oshirilgan tayinlovlar, haydovchilik guvohnomasi va “texpasport” ni almashtirish muddati uzaytirilishi, gaz quyish shoxobchalarining ish vaqti jadvali e’lon qilinishi — “Gazeta.uz"ning 18 noyabrdagi eng muhim xabarlari dayjestida.
2022 yilda O‘zbekiston prezidentining Bryusselga tashrifi chog‘ida YeI bilan yangi bitim imzolanadi
Yevropa Ittifoqi bilan Kengaytirilgan sheriklik va hamkorlik to‘g‘risidagi bitim loyihasini ishlab chiqish yaqin orada yakunlanadi. Hujjatni O‘zbekiston prezidentining kelasi yil Bryusselga qilinadigan tashrifi chog‘ida imzolash rejalashtirilmoqda.
Majburiy va ixtiyoriy asosda genom bo‘yicha ro‘yxatga olish tartiblari belgilandi
Og‘ir va o‘ta og‘ir jinoyat, jinsiy erkinlikka qarshi jinoyat qilganlar, og‘ir va o‘ta og‘ir jinoyat sodir etishda gumon qilinuvchi yoki ayblanuvchi tariqasida jalb qilinganlar va boshqalarning genom bo‘yicha majburiy ro‘yxatdan o‘tkazilishi belgilandi. Hukumat Genom bo‘yicha davlat ro‘yxatiga olish tartibi to‘g‘risidagi nizomni tasdiqladi.
Davlat bojxona qo‘mitasiga yangi rais tayinlandi
Akmalxo‘ja Mavlonov Davlat bojxona qo‘mitasi raisi etib tayinlandi. Avvalroq sobiq rais Murotjon Azimov Qashqadaryo viloyati hokimi etib tayinlangandi.
Iroq, Afg‘oniston va boshqa bir qator davlatlar fuqarolarining O‘zbekiston orqali Belarusga havo tranziti vaqtincha cheklandi
17 noyabrdan Iroq, Suriya, Afg‘oniston, Yaman, Livan va Liviya fuqarolarining O‘zbekiston orqali Belarusga aviatranziti vaqtincha cheklandi.
Ayoliga zo‘ravonlik qilayotganlarga nisbatan ko‘rilayotgan choralar yetarli emas — Tanzila Narbayeva
Senat raisi Tanzila Narbayeva ta’kidlashicha, ayoliga zo‘ravonlik qilayotgan shaxslarga nisbatan ko‘rilayotgan choralar qonunchilikda belgilanganiga qaramay yetarli emas. Uning so‘zlariga ko‘ra, yordamga muhtoj ayollarni «Ayollar daftari»ga kiritib, uy-joy masalasi, kasbga o‘qitish va bandligini ta’minlash chorasini ko‘rish lozim.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting