Arxiv
Toshkentda sodir bo‘lgan YTH oqibatida 2 kishi vafot etdi
Yakkasaroy tumanida Lacetti avtomashinasi haydovchisi boshqaruvni yo‘qotib, yo‘l o‘rtasidagi yoritish chirog‘i ustuniga urilgan. To‘qnashuv oqibatida avtomobilda yong‘in yuzaga kelgan. Hodisa natijasida haydovchi va bir nafar yo‘lovchi vafot etgan.
Zangiota 1-son shifoxonasida 160 nafarga yaqin bola davolanmoqda — bosh shifokor
Zangiota 1-son yuqumli kasalliklar shifoxonasi direktori Anvar Husanovning ta’kidlashicha, Covid markazga kuniga o‘rtacha 25 nafar o‘g‘il-qiz yotqizilyapti. Hozirgi kunda 160 nafarga yaqini bolalar davolanmoqda. Uning so‘zlariga ko‘ra, shu kungacha O‘zbekistonda 117 mingdan ortiq bola koronavirusga qarshi emlangan. Kasallangan o‘rta holatdagi bemor muolajasi uchun davlat hisobidan 15 mln so‘mgacha mablag‘ sarflanayotgani ma’lum qilindi.
«Prezidentlikka nomzodlar o‘rtasida raqobatli kurash kuzatilmadi». YeXHT DIIHBning oraliq hisoboti
YeXHTning Demokratik institutlar va inson huquqlari bo‘yicha byurosi O‘zbekiston prezidenti saylovini kuzatish missiyasining oraliq hisobotini e’lon qildi. Missiya xulosalari: shu paytgacha nomzodlar o‘rtasida raqobatli kurash bo‘lmadi, saylovoldi kampaniyalarida dominant mavzular yo‘q va boshqalar.
Yevropada gaz narxlari keskin pasaydi. FT buni Putinning energetika masalalari yuzasidan qilgan chiqishi bilan izohladi
7 oktabr kuni gaz fyucherslari narxi keskin — 22 foizga pasayib, ming kubometr uchun 1000 dollardan kamroqni tashkil qildi. Financial Times nashri gaz narxlari qulashini Rossiya prezidenti Vladimir Putinning energetika masalalari yuzasidan qilgan chiqishi bilan bog‘lamoqda. RT nashriga ko‘ra, ekspertlar Yevropa gaz bozoridagi vaziyat vaqt o‘tishi bilan muvozanatga kelishi mumkinligiga ishonch bildirmoqda.
“Samarqand” xalqaro aeroporti vaqtincha yopilmoqda
“Samarqand” xalqaro aeroporti yangi aerodrom majmuasini ishga tushirishga tayyorgarlik ko‘rish munosabati bilan bir oyga yopildi. Barcha qatnovlar Navoiy, Buxoro, Qarshiga yo‘naltiriladi, bu yerdan yo‘lovchilar uchun Samarqandga yer usti transferi tashkil etiladi.
Sport sohasidagi eng muhim xabarlar haftalik dayjesti
O‘zbekiston milliy terma jamoasining Malayziya bilan o‘yini, Bekobodda yangi futbol akademiyaning ochilishi, short-trekchilarning Moskvadagi musobaqada g‘olib bo‘lishi — “Gazeta.uz"ning haftalik sport yangiliklari dayjestida.
«Navoiyazot»ga qarashli quduqdan daryoga hayot uchun xavfli moddalar chiqarilgan
Davlat ekologiya qo‘mitasi «Navoiyazot» korxonasi qudug‘idan sanoat chiqindilarining Zarafshon daryosiga tashlanganligini aniqladi. Xavfli moddalarning ruxsat etilgan konsentratsiyasi bir necha bor oshib ketishi baliqlarning ommaviy zaharlanishiga olib keldi.
Nima tayyorlaymiz: kotletlar
Qaymoqli, sabzavotli, tovuqli va kartoshkali, izmircha yoki an’anaviy — Zira.uz mazali va sersuv kotletlar retseptlarini taqdim etadi.
8 oktabr kuni O‘zbekistonda sodir bo‘lgan eng muhim xabarlar dayjesti
Shavkat Mirziyoyevning surxondaryolik saylovchilar bilan uchrashuvi, 12 oktabrdan Toshkentda isitish mavsumi boshlanishi, Abdulaziz Kamilovning “Yangi O‘zbekiston” gazetasiga bergan intervyusi — “Gazeta.uz"ning 8 oktabrdagi eng muhim xabarlari dayjestida.
Jahon yangiliklari dayjesti
«Tolibon»ning IDga qarshi keng ko‘lamli harbiy operatsiya o‘tkazayotgani, Hindistonning sayyohlik vizalarini berishni boshlashi, Google’ning iqlim o‘zgarishini inkor etuvchi kontentni monetizatsiya qilishni taqiqlagani va boshqa yangiliklar — «Gazeta.uz»ning jahon yangiliklari dayjestida.
«MegaFon» nima uchun O‘zbekistonga kirdi — USM bosh direktori
Alisher Usmonovning USM xoldingi bosh direktori Ivan Streshinskiy «Kommersant» nashriga bergan intervyusida «MegaFon»ning O‘zbekiston bozoriga kirish sabablari haqida so‘zlab berdi. «U o‘sha yerda tug‘ildi va yordam berishni xohlaydi», — dedi u.
«Men u bilan ko‘rishganimda hammasi yaxshi edi». Ombudsman — Gulnora Karimovaning ahvoli haqida
Gulnora Karimovaning advokati sentabr oyi o‘rtalarida mijozi bilan uchrashuvda uning qo‘lida ko‘karishlarni ko‘rganini xabar qilgan edi. Ombudsman Feruza Eshmatova koloniyada ko‘rishganida birinchi prezidentning qizi bilan hammasi yaxshi bo‘lganini va qaytadan monitoring o‘tkazilishini aytdi. U shuningdek, qamoqxonalarda qisqa muddatli uchrashuvlar qayta tiklanganini ham ma’lum qildi.
Afg‘onistondagi masjid portlashida kamida 100 kishi halok bo‘ldi — «Tolibon»
Afg‘onistonning Qunduz shahrida shia masjidi portlatildi. «Tolibon» vakillari kamida 100 kishi portlash natijasida halok bo‘lganligini ta’kidlamoqda. Hozircha hech qaysi terrorchi guruh ushbu terakt uchun mas’uliyatni o‘z bo‘yniga olgani yo‘q.
Yanvar-sentabr oylarida onlayn-auksionlar orqali 221,1 mlrd so‘mlik «chiroyli» avtoraqamlar sotilgan
2021 yilning 9 oyi davomida onlayn-auksion orqali jami 221,1 mlrd so‘m qiymatda 105,6 mingdan ziyod «chiroyli» raqamlar xarid qilingan. Eng qimmat sotilgan avtoraqamning narxi 441,5 mln so‘mni tashkil qilgan. Shuningdek, tovar-xom ashyo birjasidagi savdolar bo‘yicha boshqa ma’lumotlar ham taqdim etildi.
Samarqanddagi uylarning birida gaz portlashi sodir bo‘ldi
Samarqand viloyati Kattaqo‘rg‘on shahridagi uylarning birida havo-gaz aralashmasining chaqnashi sodir bo‘ldi. Hodisa oqibatida bir kishi jarohat olib, shifoxonaga yuborildi. Hozirda holat yuzasidan surishtiruv ishlari olib borilmoqda.
9 oyda 77 mlrd so‘mdan ortiq gaz o‘g‘irlandi — Energetika vazirligi
Energetika vazirligi ma’lumotiga ko‘ra, 9 oy ichida 77 mlrd 877 mln so‘mlik tabiiy gazdan noqonuniy foydalanilgan. Bu 40 mingta xonadonning qariyib 1 yillik iste’moli degani. Vazirlik 4 kun o‘tkazilgan reydning o‘zida 67 ta holatda tabiiy gazdan noqonuniy foydalanilganini aniqlagan.
Dollarning rasmiy kursi yana ko‘tarildi
Dollarning so‘mga nisbatan rasmiy kursi 2,48 so‘mga ko‘tarilib, 10 680,37 so‘m etib belgilandi. Shuningdek, yevro va rubl kurslari ham ko‘tarildi.
«Bu har ikki davlat uchun ham manfaatli». Prezident Tojikistondan o‘tuvchi Sirdaryo — vodiy yo‘li haqida
Shavkat Mirziyoyev sirdaryolik saylovchilar bilan uchrashuvda Sirdaryoni Tojikiston orqali vodiy bilan bog‘lovchi avtobus yo‘nalishlari joriy etilishini ma’lum qildi. Uning so‘zlariga ko‘ra, ushbu yo‘l qadimdan Xovosni vodiydagi viloyatlar bilan bog‘lab turgan. Hozirda bu yo‘lning ahvoli qoniqarli va Tojikiston tomoni ham yo‘l ochilishiga rozi. «Bu reja amalga oshishi har ikki davlat uchun ham manfaatli», — dedi prezident.
Abdulaziz Kamilov — yirik davlatlarning Markaziy Osiyodagi raqobati haqida
Ayrim yirik davlatlar o‘rtasida zimdan va ba’zan murosasiz tarzda olib borilayotgan qarama-qarshilik oqibatlari jahonning turli mintaqalarida, jumladan, Markaziy Osiyoda ham kuzatilmoqda, dedi TIV rahbari Abdulaziz Kamilov. Uning ta’kidlashicha, O‘zbekiston «dunyoning yirik davlatlari raqobati mintaqa mamlakatlari uchun salbiy oqibatlarga olib kelishini» xohlamaydi.
“Diplom mutlaqo kerak emas hozir. Kasb kerak!” — Shavkat Mirziyoyev
O‘zLiDePdan prezidentlikka nomzod Shavkat Mirziyoyev surxondaryolik saylovchilar bilan uchrashuv chog‘ida hozirgi kunda yoshlarga diplom emas, kasb kerakligini ta’kidladi. “Bilim kerak! Surxondaryoga kerak bo‘lgan yo‘nalishlar kerak!”, — dedi u. Mirziyoyev “nasib qilsa, besh yildan keyin Surxondaryoda boshqacha joylarda uchrashishini” ta’kidladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting