Ozarbayjonning Tog‘li Qorabog‘da xalqaro aeroport qurishni boshlagani, Ispaniya sobiq qirolining soliq qarzi sifatida 4 mln yevro to‘lagani, Turkmanistonda «turkman alabayi» bayrami ta’sis etilgani va boshqa yangiliklar — «Gazeta.uz»ning jahon yangiliklari dayjestida.
Prezident raisligida ayni paytda o‘tayotgan yig‘ilishda xotin-qizlar salomatligi, aholi bandligi, ijtimoiy farovonlik va xavfsizlik muammolari muhokama qilinmoqda. “Eng achinarlisi, ayollarni xo‘rlash, o‘zini-o‘zi o‘ldirish darajasiga yetkazish hamda omma oldida „sazoyi“ qilish holatlari oddiy holatga aylanib bormoqda”, — deya ta’kidladi prezident.
Iqtisodiy rivojlanish va kambag‘allikni qisqartirish vazirligining ta’kidlashicha, to‘g‘ridan-to‘g‘ri xorijiy investitsiyalarni jalb qilishdagi asosiy muammolar — qulay investitsiya muhitining yo‘qligi, xususiy mulk huquqlarini tartibga solish va himoya qilish sohasining nomukammalligi bo‘lib turibdi. Amaldagi investitsiya tendensiyalarining shunday davom etishi iqtisodiy o‘sish sur’atlariga erishishni sekinlashtirishi mumkin.
Prezident Farg‘onadagi Shodiyona va Namangandagi Bunyodkor mahallalaridagi vaziyatni «prezident siyosatiga xiyonat» deb atadi. Davlat rahbari «quyidagi» muammolarni tushunish hamda vazifa va topshiriqlarni «to‘g‘riroq» belgilab olish uchun amaldorlarga mahallalarga ko‘chib o‘tishni taklif etdi.
Ikki qavatdan yuqori bo‘lgan uylarni ekspertizasiz qurishning taqiqlanishi, aholining minimal iste’mol xarajatlari, O‘zbekiston fuqarolari uchun turistik yig‘im, alimentlarni undirishning yangi tizimi — 1 martdan mamlakat qonunchiligida qanday o‘zgarishlar bo‘ladi?
Dollarning rasmiy kursi 13 so‘mga arzonladi va jami 10 525 so‘m etib belgilandi. Yevro va rubl kurslari ham biroz pasaydi.
Prezident yangi tahrirdagi “Auditorlik faoliyati to‘g‘risida"gi qonunga imzo chekdi. Unga muvofiq, auditorlik faoliyat litsenziyalanadigan faoliyat turlari tarkibidan chiqarildi. Endi ushbu faoliyat faqat Auditning xalqaro standartlari asosida amalga oshiriladi.
Namangan viloyati hokimi prezident tanqid qilgan “Bunyodkor” mahallasida yashashini ma’lum qilgan edi. Hozirda ushbu hududda konteyner o‘rnatilib, uning atrofi devor bilan o‘raldi. Bundan tashqari, uy hovlisida fuqarolarni qabul qilish, suhbatlashish, murojaatlarini tinglash uchun maxsus ayvon ham barpo etilmoqda.
«Parlament Prezidentning aytganini qiladi degan gap avvalgi vaqt uchun to‘g‘ri kelar edi, avvalgi vaqtdagi dunyoqarash bu» — deydi Senat raisi Tanzila Narbayeva. Uning so‘zlariga ko‘ra, parlament hozir to‘liq mustaqil va unga hech kim bosim o‘tkazmaydi.
Yevropa Ittifoqi mamlakatlari elektron emlash sertifikatlarini joriy etish to‘g‘risida kelishib oldilar. Amalga oshirilgan emlanishni tasdiqlovchi sertifikat uchinchi mamlakatlar tomonidan YeIga kirish uchun asos bo‘lishi mumkin.
Juma kunidan boshlab sovuq havo massalari respublika hududidan chiqishni boshladi. Dam olish kunlari havoning ilishi davom etadi va yakshanba kuniga kelib havo harorati 7−12° iliqgacha ko‘tariladi.
O‘tgan yili Inson huquqlari bo‘yicha vakil salkam 15 mingta murojaatni qabul qildi va uning 4486 tasini ko‘rib chiqishni o‘z nazoratiga oldi. Ombudsmanning 274 ta murojaatiga vazirlik va idoralar o‘z vaqtida javob bermagan. Bola ombudsmani yil davomida 85 ta murojaatni olgan va bola huquqlarini himoya qilish maqsadida 8 marta sudlarda qatnashgan.
AQSH Suriyadagi binoga aviatsiya orqali zarba berdi. Raketa orqali zarba berish buyrug‘ini prezident Jo Bayden bergan.
Spotify musiqiy striming xizmati O‘zbekistonda ham faoliyat yurita boshladi. Xizmatdan ham bepul, ham pullik asosda foydalanish mumkin.
Adliya vazirligi qonun hujjatlarining korrupsiyaga qarshi ekspertizasini o‘tkazish tartibini tasdiqladi. Jarayonga jamoatchilik jalb qilinadi — fuqarolar regulation.gov.uz portalida cheklist to‘ldirib normativ-huquqiy hujjatlar loyihalari bo‘yicha o‘z fikrlarini bildirishlari mumkin.
Sirdaryo viloyatida ayol voyaga yetmagan 2 oylik chaqalog‘ini 3 ming AQSH dollariga sotmoqchi bo‘lgan. Farzandini tadbir ishtirokchisiga sotgan vaqtida, kelishilgan pullar bilan ushlandi.
Farg‘ona viloyatida «Lasetti-2» avtomashinasi «Matiz» bilan to‘qnashib, YTH sodir etdi. Hodisa oqibatida «Matiz» dagi ikki yo‘lovchi vafot etdi. Mashina haydovchilari tan jarohatlari bilan shifoxonaga yotqizilgan.
Yangi aerodrom yaqinida faqat daraxtzor, buta va gullardan iborat dendropark (155 gektar), shuningdek, uning yonida Olimpiya shaharchasi (160 gektar) qurilishi rejalashtirilmoqda. Chirchiq daryosining qirg‘oqlarida ham park (270 gektar) bunyod etilishi ko‘zda tutilgan.
Respublika maxsus komissiyasining qaroriga asosan 20-fevraldan O‘zbekistonda xalqaro ko‘rgazma va yarmarkalarni o‘tkazishga ruxsat berildi. Tashkilotchilarga sanitariya-epidemiologiya xizmati xodimlarini shartnoma asosida jalb qilish, ekspozitsiyalar orasida 3 metr masofani ta’minlash kabi talablar qo‘yilmoqda.
Toshkentning Yangihayot tumanida joylashgan 400 dan ortiq avariya holatidagi uylar buziladi, deya ma’lum qildi tuman hokimi Hayot Inog‘omov. Shuningdek, yog‘och uylarning buzilishi ham boshlanadi. Hokimning so‘zlariga ko‘ra, bu yili shuningdek, ikkita maktabni ochish, ikkita poliklinika qurish, tuman tez yordam xizmatini tashkil etish va boshqa loyihalarni amalga oshirish reja qilingan.
Qo‘shimcha imkoniyatlarga ega bulish uchun saytda ro‘yxatdan o‘ting