Arxiv
Iyunda 0,2 foizlik deflyatsiya qayd etildi. Bir oy ichida narxlar qanday o‘zgardi?
Iyun oyida mavsumiy omillar hisobiga 0,2 foizlik mavsumiy deflyatsiya kuzatildi. Oziq-ovqat mahsulotlari 0,9 foizga arzonlashdi, meva-sabzavot mahsulotlari va tuxum narxi sezilarli pasaydi. Nooziq-ovqat mahsulotlar 0,5 foizga, xizmatlar esa 0,2 foizga qimmatlashdi.
Bosh vazir lotin yozuvidagi alifboga o‘tishni tezlashtirish bo‘yicha topshiriq berdi
Hukumat lotin yozuviga asoslangan o‘zbek alifbosiga o‘tishni tezlashtirish bo‘yicha topshiriq berdi. 1 avgustga qadar davlat organlari barcha ko‘chalar, peshlavhalar va turli blaklarning lotin yozuvida bo‘lishini ta’minlashi kerak. Oldinroq ushbu vazifani 2022 yil dekabriga qadar bajarish ko‘zlangan edi.
G‘alati karantin yoxud cheklovlar kim uchun?
28 iyundan 12 iyulgacha bo‘lgan muddatda O‘zbekistonda karantin cheklovlari qat’iylashtirildi. Ammo so‘nggi kunlardagi hodisalar cheklovlar bor yoki yo‘qligi, ular kim uchun tadbiq etilgani to‘g‘risida savollar uyg‘otmoqda. «Ashxobod sayilgohi»dagi tadbirlar, Qashqadaryodagi o‘zgartirishlar, Buxorodagi MMA musobaqasi karantin qoidalariga qanchalik mos? «Gazeta.uz» yana bir bor ayrim cheklovlarga rioya qilinmayotganiga e’tibor qaratadi.
Shavkat Mirziyoyev va Emomali Rahmon Afg‘oniston bilan chegaralarni himoya qilishni kuchaytirish to‘g‘risida kelishib oldilar
Shavkat Mirziyoyev va Emomali Rahmon mintaqada Afg‘oniston yo‘nalishidagi ahvolning yomonlashishi va keskinlikning kuchayishi bilan bog‘liq vaziyatning rivojlanishini muhokama qildilar. Tomonlar Afg‘oniston bilan chegarani qo‘riqlashni kuchaytirishda kuch ishlatar tuzilmalar va huquqni muhofaza qilish idoralari o‘rtasidagi hamkorlikni yanada muvofiqlashtirishga tayyorligini tasdiqladilar.
Davlat kompaniyalariga davlat xaridlarini tendersiz amalga oshirish taqiqlandi
Davlat kompaniyalari uchun individual tarzda davlat xaridlarini tendersiz o‘tkazishning mavjud talablari bekor qilindi. Ularga davlat xaridlari o‘tkazilishi to‘g‘risidagi e’lonlar va davlat xaridlari natijalari to‘g‘risidagi axborotni maxsus axborot portali va OAVda e’lon qilish majburiyati yuklatildi.
O‘zi kim aybdor? Yana Allamjonovmi?
27 iyun kuni Mass-mediani qo‘llab-quvvatlash fondi Vasiylik kengashi raisi Komil Allamjonovning «Allamjonov aybdor» nomli kitobi omma uchun taqdim etildi. Bloger Mirzayor Erkinov «Gazeta.uz» uchun maqolasida muallifning asardagi asosiy fikrlari va kitobda keltirilgan qiziqarli voqealar tafsiloti haqida yozadi.
Dollarning rasmiy kursi biroz pasaydi
Dollarning rasmiy kursi 19,94 so‘mga pasaydi va jami 10 593,60 so‘m etib belgilandi. Yevro va rubl kurslari esa biroz ko‘tarildi.
Toshkentda Matiz yo‘l aylanmasidan pastga tushib ketdi
Yashnobod tumanida Matiz uch qavatli yo‘l aylanmasining ikkinchi qavatidan pastga tushib ketdi. Oqibatda haydovchi tan jarohatlari bilan kasalxonaga yotqizilgan.
Yer osti metrosi qurilishida qariyb 900 mln so‘m talon-toroj qilingan — Transport prokuraturasi
Toshkent metrosidagi nosozliklar ortidan Transport prokuraturasi metropoliten faoliyatini o‘rganib, inson omiliga bog‘liq bo‘lgan 650 ta kamchilikni aniqladi. Metrodagi muammolarni hal etish uchun davlat byudjetidan mablag‘ ajratilgani aytildi. Qolaversa, «Toshkent metropoliteni» yo‘lovchilar sonini oshirib, kunlik daromadni 560 mln so‘mga chiqarish, reklamadan tushadigan daromadni esa 6 oyda 4,1 mlrd so‘mga yetkazishni reja qilayapti.
Jinoiy daromadlarni legallashtirishga qarshi kurashish bo‘yicha qo‘shimcha chora-tadbirlar tasdiqlandi
Hukumat jinoiy daromadlarni legallashtirishga qarshi qo‘shimcha chora-tadbirlarni tasdiqladi. Banklar, fond birjalari, advokatlar va notariuslar shubhali operatsiyalar to‘g‘risida Bosh prokuratura huzuridagi Iqtisodiy jinoyatlarga qarshi kurashish bo‘limiga xabar berishlari majburiy etib belgilandi.
Olimpiya va Paralimpiya o‘yinlarida qatnashadigan Toshkent viloyatilik sportchilarga mukofotlar topshirildi
Tokio-2020 yozgi Olimpiya hamda Paralimpiya o‘yinlariga yo‘llanmalarni qo‘lga kiritgan bir guruh Toshkent viloyati sportchilariga uy, Spark rusumli avtomobillar hamda pul mukofotlari topshirildi. Avvalroq, Shavkat Mirziyoyev musobaqadan oldin sportchilarning kayfiyatini ko‘tarish kerakligi haqida aytgan edi. “Qancha ularni e’tirof etsak ularda g‘alabaga ehtiyoj paydo bo‘ladi”, — degan edi prezident.
Tojikiston yana mingdan ortiq afg‘on harbiylarini qabul qildi
5 iyulga o‘tar kechasi «Tolibon» kuchlari Afg‘onistonning Badaxshon provinsiyasidagi oltita okrugni o‘z nazoratiga oldi. Tojikiston qo‘shni davlat hududiga chekingan Afg‘oniston hukumat qo‘shinlarining 1000 dan ortiq harbiy xizmatchilarini qabul qildi.
Juma kunidan boshlab havo harorati pasayadi
Haftaning katta qismi davomida havo harorati +41…+43, janubda va cho‘l hududlarida +44…+46 darajagacha bo‘lishi kutilmoqda. Juma kunidan boshlab respublika hududiga salqin havo massalari kirib keladi va issiq asta-sekin pasayishni boshlaydi.
Shavkat Mirziyoyev shu hafta BMT Bosh Assambleyasi 75-sessiyasi raisi bilan uchrashadi
Prezident Shavkat Mirziyoyev shu hafta BMT Bosh Assambleyasi 75-sessiyasi raisi Volkan Bozkir bilan uchrashadi. Bundan tashqari, qishloq xo‘jaligi mashinasozligi korxonalarining transformatsiyasi yuzasidan taqdimot va Olimpiya zaxiralarini tayyorlash tizimini takomillashtirish yuzasidan yig‘ilish rejalashtirilgan.
O‘zbekistonda ijtimoiy tarmoqlar faoliyati cheklanganidan so‘ng mobil VPN birdaniga ommalashdi
O‘zbekistonda TikTok, Twitter va «VKontakte» ijtimoiy tarmoqlar faoliyatiga cheklov qo‘yilganidan so‘ng, VPN dasturiga talab birdaniga ortdi. So‘nggi marta bunday holat 2018 yilning kuzida, Facebook va YouTube bloklanganida kuzatilgan edi.
4 iyul kuni O‘zbekistonda 4 nafar koronavirus bemori vafot etdi, 475 ta yangi kasallanish holatlari qayd etildi
Kecha O‘zbekistonda 475 nafar fuqaroda koronavirus aniqlandi. Shuningdek, so‘nggi kun ichida 304 nafar bemor kasallikdan sog‘ayib, O‘zbekistonda sog‘ayish ko‘rsatkichi 96 foizni tashkil etmoqda.
O‘zbekistonga 40 ming doza “Sputnik V” vaksinasi olib kelindi
Bugun tunda O‘zbekistonga “Sputnik V” vaksinasining 40 ming dozalik 1-komponenti olib kelindi. 10 iyun kuni “Sputnik V” vaksinasining 70 ming dozalik 2-komponenti keltirilgan edi.
Filippinda harbiy samolyot qulashi oqibatida 50 kishi vafot etdi
Filippinning janubi-g‘arbiy qismida C-130 samolyoti qulashi oqibatida 50 kishi halok bo‘ldi. Ular orasida 47 nafar harbiy va 3 nafar tinch aholi vakillari bor. Hodisa natijasida 49 nafar askar jabrlangan.
«Ijtimoiy tarmoqlarni bir oyga yopib, hammani kitob, gazetaga o‘tqazish kerak» — Namangan viloyati hokimi
Namangan viloyati hokimi Shavkatjon Abdurazzoqov yoshlar ko‘proq kitob va gazetalarni o‘qishlari uchun ijtimoiy tarmoqlarni bir oyga yopishni taklif qildi. O‘z navbatida, deputat Rasul Kusherbayev axborot asrida ijtimoiy tarmoqlarni cheklashni kulguli va absurd qaror deb atadi.
“Zarafshon Milliy tabiat bog‘i"da yong‘in sodir bo‘ldi
Jomboy tumanidagi “Zarafshon Milliy tabiat bog‘i"ning 1,5 gektar maydonida yong‘in sodir bo‘ldi. Yong‘in olti soatdan ko‘proq vaqt davomida o‘chirildi. Hodisa oqibatida jarohat olganlar yo‘q.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting