Arxiv
Uylarda fotoelektr tizimini o‘rnatish tender savdolarisiz amalga oshirilgan
Antikorrupsiya agentligi Qoraqalpog‘iston Respublikasi, Buxoro, Qashqadaryo, Toshkent va Namangan viloyatlarida qurilayotgan uylarga quyosh fotoelektr tizimlarini o‘rnatish bo‘yicha pudratchilarni tanlashda qoidabuzilish holatlarini aniqladi. «Qishloq qurilish invest»ning pudratchi tashkilotlar bilan tuzgan qo‘shimcha kelishuvlari bekor qilindi.
Andijon viloyati hokimiga tegishli yana bir audioyozuv tarqaldi
Ijtimoiy tarmoqlarda Andijon viloyati hokimi Shuhrat Abdurahmonovning ovozi aks etgan yana bir audio tarqaldi. Unda hokim tadbirkorlarni «shakal» deb atadi.
Toshkent hokimi 500 mln dollarlik yevrobondlarni chiqarishini ma’lum qildi
Toshkent hokimligi 500 mln dollarga yevrobondlar chiqarishni rejalashtirmoqda, dedi hokim Jaxongir Ortiqxo‘jayev. Shu bilan birga, byudjet qonunchiligiga ko‘ra, O‘zbekiston shaharlari va viloyatlariga ichki va tashqi bozorlar orqali kreditlar jalb qilish taqiqlangan. Toshkentga faqat ichki obligatsiyalarni chiqarish bo‘yicha eksklyuziv huquq berilgan.
Ishsizlik darajasi 11,1 foizgacha kamaydi
O‘zbekistonda yanvar-sentyabr oylarida ishsizlik darajasi 11,1 foizni tashkil etib, yilning birinchi yarim yilligiga nisbatan 2,1 foizga kamaydi. Tadqiqotlarga ko‘ra, mamlakatda mehnat resurslari soni 19,1 mln kishini, respublikadan tashqariga ishga ketganlar soni 1,9 mln kishini tashkil etgan. O‘zbekistonda ishga muhtoj bo‘lganlarning umumiy soni 1,6 mln kishidan oshgan.
Ta’lim shaklini tanlashda talabalar va OTMlarning imkoniyatlari hisobga olinadi
16 noyabr kuni an’anaviy ta’lim shakliga barcha talabalar yoki barcha kurslar jalb qilinmaydi va OTMlar imkoniyatidan kelib chiqib, barcha kurslarni navbat bilan an’anaviy ta’limga jalb etiladi. Shuningdek, talabalarning imkoniyatlari agar mavjud bo‘lmasa, o‘z xohishi bilan masofaviy ta’limda davom ettirishi mumkinligi ma’lum qilindi.
30 kishilik auditoriyaga 15 nafar talaba kiritiladi
16 noyabrdan qayta tiklanadigan an’anaviy shakldagi o‘quv jarayonida, auditoriyalarga belgilangan sig‘imning 50 foizigacha talabalar kiritiladi. Ya’ni, 30 kishilik auditoriyada bo‘lib o‘tadigan darslarga 15 nafar talaba qatnashadi.
Shavkat Mirziyoyev Qirg‘iziston prezidenti v.b. bilan telefon orqali muloqot qildi
O‘zbekiston va Qirg‘iziston prezidentlari telefon orqali muloqot qilishdi. Sadir Japarov «Qirg‘iziston uchun qiyin davrda» ko‘rsatgan insonparvarlik yordami uchun O‘zbekistonga minnatdorchilik bildirdi.
2021 yildan 40 yosh va undan yuqoridagilar tibbiy tekshiruvlaridan o‘tkaziladi
Prezident qaroriga asosan 2021 yil 1 yanvardan boshlab 40 va undan yuqori yoshdagi fuqarolarda gipertoniya, infarkt, insult, qandli diabet va boshqa xavf omillarini aniqlash bo‘yicha tizimli ravishda skrining tekshiruvlari o‘tkaziladi.
O‘zbekiston milliy brendi jahon bo‘yicha 61-o‘rinni egalladi
O‘zbekiston «Nation Brands 2020» reytingida 61-o‘rinni egalladi. Bu natija o‘tgan yilgidan 9 pog‘ona yuqoriroqdir. Markaziy Osiyoda eng yaxshi ko‘rsatkich Qozog‘istonda (44-o‘rin), MDH davlatlar orasida esa Rossiyada (14-o‘rin).
Nima tayyorlaymiz: sho‘rvalar
Sovuq havoda tayyorlanishi shart bo‘lgan sho‘rvalar retseptlarini Zira.uz tayyorlab qo‘ygan ro‘yxatdan topishingiz mumkin.
Jahon yangiliklari dayjesti
Eng yirik erkin savdo shartnomasining tuzilishi, Qorabog‘ aholisi o‘z uylarini yoqib yuborishi, Peruda yangi prezidentga qarshi namoyishlar va boshqa yangiliklar — «Gazeta.uz»ning jahon yangiliklari dayjestida.
Navoiy aeroporti ishchilari ishdan bo‘shatilgan direktorni o‘z lavozimiga qaytarishni so‘rashmoqda
Navoiy xalqaro aeroporti xodimlari avvalgi direktor v.b. Alisher Klichevni o‘z lavozimiga qaytarishni so‘rashmoqda. Ularning so‘zlariga ko‘ra, garchi uning qo‘l ostida aeroport o‘z mavqeini yaxshilagan va daromad keltirgan bo‘lsa-da, u hech qanday sababsiz ishdan bo‘shatilgan. Uzbekistan Airports bundan oldin Klichev «ishidagi qo‘pol xatoliklari» va «ishchilarni yollashda xalqaro me’yorlarga rioya qilmaganligi» uchun ogohlantirilganini aytgan edi.
16 nafar amerikalik o‘qituvchi va professorlar O‘zbekistonga keladi
Yaqin oylarda AQSHdan 16 nafar ingliz tili o‘qituvchilari hamda yetakchi universitetlarining professorlari O‘zbekistonga kelishi kutilmoqda. Ular xalq ta’limi xodimlarini qayta tayyorlash va ularning malakasini oshirishda yordamlashadi. Bundan tashqari, Qarshi shahrida «Amerika oynasi» («American window») kutubxonasining ochilishi ustida ish olib borilmoqda.
Shuhrat Abdurahmonovga tegishli audio bo‘yicha rasmiy munosabat bildirildi
Ijtimoiy tarmoqlarda Andijon viloyati hokimi Shuhrat Abdurahmonovga tegishli audio tarqaldi. Unda hokim Marhamat tumanida uch nafar ayolni «prezident vakiliga sassiq gapirgani» uchun qamab qo‘yganini aytadi. Bundan tashqari, jurnalistlarga qarata, — «Agar qitig‘imga tegsang, men qo‘yvoraman», — degan. Viloyat hokimligi matbuot xizmati ushbu audioyozuv ikki yil oldin yozilganligini aytmoqda.
2021 yil Qashqadaryoda tadbirkorlikni rivojlantirish yili deb e’lon qilindi
2021 yil Qashqadaryo viloyatida tadbirkorlikni rivojlantirish yili deb e’lon qilindi. Viloyatda 2021−2022 yillarda umumiy qiymati 28 trln so‘m bo‘lgan 950 ta loyiha amalga oshiriladi. Bu loyihalar natijasida 15 mingta yangi ish o‘rni yaratilishi rejalashtirilgan.
Bog‘chadan oliy ta’limgacha — o‘g‘il-qizlarga jinsiy tarbiyadan ta’lim beriladi
Senat raisi Tanzila Narbayeva jinsiy tarbiyani yoshlikdan boshlash zarurligini ta’kidladi. Jumladan, maktabgacha ta’limda yoshga mos qilib, yuqori sinflar va oliy ta’limda yigit-qizlarni oilaga tayyorlash, reproduktiv salomatlikka o‘qitish kerakligi aytildi. «Biz yopganimiz sari internet ochiq. U salbiy oqibatlarga olib kelayapti», — dedi yuqori palata raisi.
O‘quvchilarga qiziqishiga qarab fanlarni tanlab o‘qish imkoni beriladi
Yangi milliy o‘quv dasturiga ko‘ra, endilikda nazariya va amaliyot teng taqsimlanadi. Fanlar soni va o‘quv yuklamalari o‘quvchilar qiziqishiga qarab belgilanib, spiralsimon tarzda o‘qitiladi.
Dam olish kunlari mamlakatga sovuq havo oqimi kiradi
Dam olish kunlari respublika hududiga Ural tomondan sovuq havo kirishi kutilmoqda. Shanba kuni Qoraqalpog‘iston va Xorazm viloyatida, yakshanba kuni esa Toshkent, Jizzax, Sirdaryo, Andijon, Namangan, Farg‘ona viloyatlarida qisqa muddatli yog‘ingarchiliklar kuzatiladi. Shamolning tezligi sekundiga 15−20 metrgacha yetishi mumkin.
Sud Trampning saylovlar bo‘yicha da’vosini qabul qildi
Pensilvaniya apellyatsiya sudi pochta orqali yuborilgan ovozlarni hisoblash bo‘yicha amaldagi prezident Donald Trampning da’vosini qabul qildi. Unga ko‘ra, Pensilvaniya shtatida o‘n minglab saylov byulletenlarida keltirilgan saylovchilar o‘zlarini tasdiqlamaganlari sababli byulletenlar rad etildi.
Hokim va rahbarlarga xizmat avtomashinalari klassiga qarab biriktiriladi
Mansabdor shaxslarning davlat hisobidan qimmatbaho avtotransportlar xarid qilishining oldini olish maqsadida prezident qarori loyihasi ishlab chiqildi. Endilikda davlat hokimiyati va boshqaruvi organlari rahbarlariga xizmat avtoransportlar klassiga qarab biriktirish belgilanib, cheklovlar qo‘yiladi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting