Arxiv
Singapurning sobiq transport vaziri qimmatbaho sovg‘alar olgani uchun bir yilga qamaldi
Singapur sudi sobiq transport vazirini biznesmenlardan qimmatbaho sovg‘alar olganlikda aybdor deb topib, bir yilga ozodlikdan mahrum qildi. Siyosatchi aybiga iqror bo‘ldi. Bu ish mamlakatda katta rezonansga sabab bo‘ldi — so‘nggi 40 yil ichida bu vazir bilan bog‘liq birinchi korrupsiya mojarosi hisoblanadi.
AQSh va G7 Isroilni Eronning yadroviy obyektlariga zarba berishdan ogohlantirdi — FT
AQSh va G7 ning boshqa davlatlari Isroilni Eronning yadroviy obyektlariga zarba berishdan ogohlantirdi. G‘arb OAV obyektlar Tehron raketa hujumiga javoban Tel-Aviv uchun nishon bo‘lishi mumkinligini yozmoqda.
Uzbekistan Airways keksalar uchun turizm oyligi munosabati bilan chegirma e’lon qildi
Uzbekistan Airways 60 yoshdan katta erkaklar va 55 yoshdan katta ayollar uchun 1-noyabrdan 30-noyabrgacha amalga oshiriladigan mahalliy aviaqatnovlarga 15 foizgacha chegirma elon qildi.
Markaziy bank UPay to‘lov xizmati faoliyatini olti oyga chekladi. Kompaniya qarordan norozi
UPay to‘lov xizmati qimor o‘yinlari bilan bog‘liq tranzaksiyalar tufayli Markaziy bank cheklovlariga uchradi. Xizmatning bosh kompaniyasi hisoblangan Humans Markaziy bank qaroridan norozi ekanini bildirib, regulyatorning harakatlari qonunga zid ekanligini ta’kidladi.
Toshkent viloyatida 41 yoshli erkak 4 yoshli qizchaga zo‘rlik ishlatganlikda gumonlanmoqda
Yangiyo‘lda 4 yoshli qizga nisbatan jinsiy zo‘ravonlik sodir etishda gumonlanayotgan 41 yoshli erkak ushlandi. O‘rganishlar davomida uning yonida giyohvandlik moddasi topildi. Shuningdek, u ruhiy kasalliklar shifoxonasida ro‘yxatda turishi aniqlandi. Holat bo‘yicha jinoyat ishi ochildi.
Antikorrupsiya agentligi korrupsion jinoyat qilgan xodimlarning yarim yillik tahlilini e’lon qildi
Antikorrupsiya agentligi tahliliga ko‘ra, 2024-yilning yarim yilligida banklar, huquqni muhofaza qiluvchi organlar, Sog‘liqni saqlash, Bandlik va Qishloq xo‘jaligi vazirliklari tizimida korrupsiyaga oid jinoyatchilik kamaydi. Maktab va bog‘cha ta’limi vazirligi, mahalliy hokimliklar xodimlari orasida esa ortdi.
Senat O‘zbekiston va Xitoy o‘rtasidagi maxfiy axborotni himoya qilish to‘g‘risidagi bitimni ma’qulladi
O‘zbekiston senatorlari o‘tgan yilning may oyida prezidentning Xitoyga tashrifi chog‘ida imzolangan Xitoy bilan maxfiy ma’lumotlarni o‘zaro himoya qilish to‘g‘risidagi hukumatlararo bitimni ratifikatsiya qilish to‘g‘risidagi qonunni ma’qulladi.
Toshkent viloyatida 30 dan ortiq kobra ilonlar ochiqlikka qo‘yib yuborildi (video)
Yangiyo‘l tumanining Tuyabo‘g‘iz qishlog‘ida fuqaro uyida noqonuniy saqlanuvchi 30 dan ortiq kobra ilon qochib ketdi (Ekologiya boshqarmasiga ko‘ra, qo‘yib yuborilgan). Hozirda ishchi guruh xonadonlarda dorilash ishlarini olib bormoqda, fuqarolarga uy hayvonlarini vaqtincha tutqunlikda saqlab turish tavsiya qilindi.
Les Ailes’ning yangi reklama kampaniyasi: yosh avlod uchun ilhomlantiruvchi hikoyalar
Les Ailes O‘zbekiston yoshlarini qo‘llab-quvvatlash maqsadida yangi loyihaga qo‘l urdi. Kampaniya qahramonlari o‘zlarining o‘sish tarixlarini aytib beradi.
Xonanda Jahongir Otajonov mashinasida 195 km/soat tezlikkacha chiqib, yo‘l harakati qoidalarini qo‘pol ravishda buzdi
Xonanda Jahongir Otajonov Zeekr avtomobilida aholi punktidan tashqarida 195 km/soat tezlikkacha chiqdi (ruxsat etilgan tezlik 100 km/soat). U videoni Instagram’ga joyladi. Bu so‘nggi kunlarda yo‘l harakati qoidalari namoyishkorona buzilgan birinchi holat emas. YHXX tegishli chora ko‘rilishini ma’lum qildi.
Yandex Maps navigatsiyasiga o‘zbekcha ovoz qo‘shildi
Yandex Maps ilovasida endi o‘zbek tilida ovozli navigatsiya mavjud. U avtomobilda yo‘nalish bo‘ylab yurishga yordam beradi.
O‘zbekiston va Qirg‘iziston Issiqko‘ldagi to‘rtta pansionatni Toshkentga o‘tkazish to‘g‘risidagi bitimni tasdiqladi
O‘zbekiston prezidenti va Qirg‘iziston Vazirlar Mahkamasi Issiqko‘ldagi 4 ta pansionatni rasmiy Toshkentga berish haqidagi xalqaro shartnomani tasdiqladi. Unga ko‘ra, uchta bank va mexanika zavodi rekonstruksiyani yakunlashi va u yerda mehmonxona komplekslarini tashkil etishi kerak bo‘lgan mulk huquqini oladi.
O‘zbekiston va Bagama orollari o‘rtasida diplomatik munosabatlar o‘rnatildi
O‘zbekiston Bagama orollari bilan diplomatik aloqa o‘rnatdi. U O‘zbekiston bilan munosabatlar o‘rnatgan 155-davlat bo‘ldi.
Toshkentda Amerika texnologiyalar universiteti faoliyatini boshladi
Poytaxtda Amerika texnologiyalar universiteti ochildi. Unda muhandislik, sog‘liqni saqlash, axborot texnologiyalari, arxitektura va dizayn, iqtisodiyot va moliya, xalqaro munosabatlar sohalari o‘qitiladi. 2024/2025 o‘quv yilida Xalqaro savdo va Dasturiy muhandislik yo‘nalishida o‘qish boshlanadi.
Buxoroda Lacetti 2 nafar o‘quvchini urib yubordi, ulardan biri vafot etdi
Qorako‘l tumanida Lacetti tunda piyodalar o‘tish joyida qizil chiroqda o‘tayotgan 3 nafar o‘quvchi qizning 2 nafarini urib yubordi. Hodisa oqibatida ulardan biri vafot etdi, boshqasi shifoxonada davolanmoqda.
Piskentda ko‘prik yuk mashinasi o‘tayotgan vaqtda quladi
Piskent tumanidagi ko‘prik ustidan yuk mashinasi o‘tayotgan vaqtda qulab tushdi. Hodisa vaqtida ko‘prikda odamlar bo‘lmagan. Yuk mashina haydovchisi sog‘lig‘iga ziyon yetmagan.
Uzbekistan Airways vaqtincha Iroq va Eron havo hududini aylanib o‘tadi
Uzbekistan Airways Yaqin Sharqdagi notinch vaziyat sabab “xavfsizlikni ta’minlash maqsadida” parvozlarni Iroq va Eron havo hududlarini aylanib o‘tgan holda amalga oshiradi.
Buyuk Britaniyada oxirgi ko‘mir elektr stansiyasi yopildi
Buyuk Britaniyaning oxirgi ko‘mir elektr stansiyasi yopildi. Mamlakat “Katta yettilik” orasida elektr energiyasi ishlab chiqarishda ko‘mirdan foydalanishdan butunlay voz kechgan ilk davlat bo‘ldi.
O‘zbekistondagi qator aviakompaniyalar Janubiy Koreyaga parvoz qilish huquqini qo‘lga kiritadi
Transport vazirligi va Koreya aviatsiya ma’muriyati ikki davlat o‘rtasida belgilangan aviakompaniyalar soniga cheklovlarni olib tashlash masalasini ko‘rib chiqadi. Uzbekistan Airways va Qanot Sharq bilan bir qatorda Air Samarkand va yuk tashuvchi My Freighter ham Janubiy Koreyaga parvoz qila oladi.
2-oktabr kuni e’lon qilingan eng muhim yangiliklar dayjesti
Ketma-ket ikkinchi oy qadrsizlangan dollar, Transport vazirligi sotib oladigan Stadler poyezdlari, O‘zbekistonda PayPal’ni ishga tushirish rejalari, qishloq xo‘jaligi kooperativlari to‘g‘risidagi qonunni ma’qullagan Senat va boshqalar — “Gazeta.uz”ning kunlik dayjestida.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting