Arxiv
Ozodbek Nazarbekov: Madaniyat obyektlarining bo‘sh turgan maydonlari tadbirkorlarga beriladi
Ozodbek Nazarbekov tadbirkorlarga madaniyat obyektlaridagi bo‘sh maydonlarni berishda hokimiyatlar bilan bog‘liq byurokratik holatlar mavjudligini qayd etdi. Shu bois Madaniyat vazirligi Hukumatga 2021-yildan tadbirkorlarga madaniyat markazlari, bog‘ va hiyobonlar maydonlarini ajratish jarayonlarini soddalashtirishga oid qaror loyihasini kiritgani ma’lum qilindi.
Bitkoin yana rekordini yangiladi
Bitkoinning narxi yana tarixiy maksimal darajani yangiladi. U 35 ming AQSH dollaridan oshib ketdi va ushbu kurs atrofida harakatlanmoqda.
O‘zbekistonda noodatiy ob-havo hodisasi kuzatilmoqda
Ob-havo ma’lumotlarida qor yog‘ishi kutilmayotgan bo‘lsa ham, ertalab Toshkent ko‘chalari qorga o‘xshash narsa bilan qoplandi. «O‘zgidromet» ning xabar berishicha, bunday hodisa O‘zbekistonda kamdan-kam uchraydi.
Transport vazirining o‘rinbosari lavozimidan ozod etildi
Transport vazirining o‘rinbosari Davron Dehqonov lavozimidan ozod etildi.
Chilonzor tumanida Nexia avtomobili yonib ketdi
6 yanvar kuni Toshkent shahar, Chilonzor tumani hududida Nexia rusumli avtomobilning signalizatsiya moslamasida qisqa tutashuv yuzaga kelib yong‘in sodir bo‘lgan. Yong‘in o‘t o‘chiruvchilar tomonidan bartaraf etilgan. Jabrlanganlar yo‘q.
Belgilanmagan yerda ko‘p qavatli kvartirali uylar qurilishi avariya holatlariga olib kelmoqda — Jahongir Ortiqxo‘jayev
Toshkent shahar hokimi Jahongir Ortiqxo‘jayev yakka tartibdagi uy-joy qurish uchun ajratilgan yer uchastkalarida ko‘p qavatli uylarni qurish turli tizimlarga salbiy ta’sir ko‘rsatib, avariyalarga olib kelayotganini ta’kidladi. Bundan tashqari, endilikda tasdiqlangan aholi punktining bosh rejalari muhokamasidagi asosiy takliflar ham inobatga olinishi ma’lum qilindi.
Jek Ma ataylab yashirinayotgan bo‘lishi mumkinligi aytilmoqda
4 yanvar kuni Alibaba asoschisi Jek Maning g‘oyib bo‘lganligi haqida xabarlar tarqala boshladi. U so‘nggi ikki oy davomida ommaga ko‘rinish bermagan. CNBC boshlovchisi Devid Faberning aytishicha, u g‘oyib bo‘lmagan va Xanchjoudagi shtab-kvartirada yashiringan bo‘lishi mumkin.
Toshkentda 3 yilda 66 ta mehmonxona va 12 ta savdo-ko‘ngilochar markazini qurish rejalashtirilmoqda
Toshkentda 3 yil davomida 66 ta mehmonxona, 12 ta savdo-ko‘ngilochar markazi va 9 ta istirohat bog‘ini qurish rejalashtirilmoqda. Mahalliy va xorijiy tadbirkorlar poytaxtga uch yil ichida 9,442 trillion so‘mlik sarmoyalar kiritmoqchi.
Senatorlar Konstitutsiyaga o‘zgartish kiritish to‘g‘risidagi qonunni ma’qulladi
Senat 11-yalpi majlisda “O‘zbekiston Respublikasining Konstitutsiyasiga o‘zgartishlar kiritish to‘g‘risida"gi qonunni ma’qulladi. Unga ko‘ra, 14 ta hududda umumyurisdiksiya sudlari tashkil etilmoqda. Qolaversa, tuman va shaharlarda ma’muriy sudlar tugatilib, hududlar markazlarida tumanlararo ma’muriy sudlar tashkil etilmoqda.
Abdukarim Mirzayev bilan bog‘liq yangi ma’lumotlar e’lon qilindi
Abdukarim Mirzayevning advokati Mahmud Said Arslon ma’muriy qamoqni tugatish to‘g‘risida Istanbul Jinoyat sudi sudlariga yuborilgan arizalar murojaat sabablari o‘rganilmagan holda rad etilganini ta’kidladi. O‘z navbatida, jurnalistning hamkasbi u bilan telefon orqali muloqotda bo‘lgan olti shubhali shaxsning aybsiz ekani aniqlanganini ma’lum qildi.
Tojikistonda elektr energiyasi ta’minoti bo‘yicha cheklov o‘rnatildi
Tojikistonda 5 yanvardan boshlab soat 23:00 dan qishloq xo‘jaligi bor bo‘lgan tumanlarda, ko‘p qavatli binolari yo‘q joylarda elektr energiyasi ta’minoti to‘xtatib qo‘yiladi. Uylarda ertalab soat 6 gacha elektr energiyasi bo‘lmaydi.
Qarshidagi uyda gaz portlashi oqibatida ikki kishi vafot etdi
Qarshidagi uyda portlash oqibatida bino devorlari qulab, ikki nafar voyaga yetmagan bola vafot etdi.
Buyuk Britaniyada aniqlangan COVID-19 yangi shtammi hozirgacha 41 ta mamlakatga yetib borgan
Buyuk Britaniyada aniqlangan koronavirusning yangi shtammi JSST xabariga ko‘ra, hozirda 41 ta mamlakat hududlarida aniqlangan. Biroq ushbu shtamm hozirda yagona emas, ilk bor Janubiy Afrikada aniqlangan yana bir shtamm ham hozirda 7 ta mamlakatga yetib borgan.
Uy-joy kommunal xo‘jalik vaziri lavozimidan ozod etildi, Avtomobil yo‘llari qo‘mitasi raisiga hayfsan va qurilish vaziriga ogohlantirish berildi
Bosh vazir Abdulla Aripov va Prezident administratsiyasi rahbari raisligidagi yig‘ilishdan keyin uy-joy kommunal xo‘jalik vaziri Muzaffar Soliiyev lavozimidan ozod etildi, Avtomobil yo‘llari qo‘mitasi raisi Abduraxmon Abduvaliyevga hayfsan va qurilish vaziri Botir Zokirovga ogohlantirish berildi.
Gonkongda milliy xavfsizlik qonuni bo‘yicha 50 ga yaqin muxolifatchi hibsga olingan
Gonkongda 50 ga yaqin faollar va sobiq deputatlar milliy xavfsizlik qonunlarini buzganlikda gumon qilinib hibsga olingan. Hibsga olishlar oppozitsiyaning 2020 yil yozida demokratlar o‘rtasida o‘tkazilgan dastlabki saylovlari bilan bog‘liq.
Samarqanddagi tibbiy muassasalarda 7 mlrd so‘m talon-taroj qilinganligi aniqlandi
Samarqand viloyati tibbiyot muassalarida 7 mlrd so‘mlik talon-torojlik va suiste’molchiliklar aniqlandi. Bundan tashqari dori vositalariga 5,643 mlrd so‘mga qimmat narxlarda davlat xaridlari amalga oshirgan. Aniqlangan holatlar asosida jinoyat ishi qo‘zg‘atilgan.
Jahon banki 2021 yilda O‘zbekiston YAIM o‘sishini prognoz qildi
Jahon bankining prognozlariga ko‘ra, O‘zbekiston YAIM 2021 yil 4,3%ga, 2022 yilda 4,5% ga o‘sishi kutilmoqda. Markaziy Osiyo mintaqasida iqtisodiy o‘sish suratlari 3%gacha yetishi taxmin qilingan.
Vetnamda hukumatni tanqid qilgan jurnalistlar «hukumatga qarshi propaganda uchun» qamaldi
Vetnamda uch nafar mustaqil jurnalist-blogerlarga bir kunlik sud jarayonida 11 yildan 15 yilgacha qamoq jazosi tayinlandi. Ular «davlat siyosatiga qarshi materiallar va ma’lumotlar tayyorlash, saqlash va tarqatishda» aybdor deb topildi.
Navoiydagi YTH oqibatida 2 kishi vafot etdi
Navoiy shahrida maktab o‘quvchilari o‘rtasida bo‘lib o‘tayotgan fan olimpiadasiga o‘quvchi va o‘qituvchilarni olib ketayogan mashina YTHga uchradi. Hodisa oqibatida bir nafar o‘qituvchi va bir nafar o‘quvchi vafot etdi.
Surxondaryo hokimligi sayti hujumga uchradi
Surxondaryo viloyati hokimligi sayti xakerlar hujumiga uchradi. Xakerlar viloyat hokimligi binosida AKT xodimi kaltaklanganligini aytmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting