Arxiv
Qozog‘istonda norozilik namoyishlari bo‘lib o‘tdi
Qozog‘istonning bir qator shaharlarida norozilik namoyishlari bo‘lib o‘tdi. Ishtirokchilarning asosiy talablari davlat tomonidan kredit bo‘yicha amnistiya e’lon qilinishi, chet el fuqarolariga yer sotish amaliyotni taqiqlash va siyosiy faollarni ozod etish bo‘ldi. 100 nafardan ortiq namoyishchilar hibsga olingan.
Dollarning rasmiy kursi uchinchi hafta ko‘tarilmoqda
Dollarning rasmiy kursi qariyb 5 so‘mga qimmatladi va 10 153 so‘m etib belgilandi. Bu dollar kursining uchinchi hafta davomida o‘sishi.
Dunyo bo‘ylab COVID-19 holatlari 7 mln kishidan oshdi
Dunyo bo‘ylab aniqlangan koronavirus holatlari 7 milliondan oshdi. Bunda, 3,1 mln nafar bemor COVID-19 infeksiyasidan sog‘aygan va 402 ming nafari esa hayotdan ko‘z yumgan. Shuningdek, AQSH, Braziliya va Rossiyada eng ko‘p koronavirus bilan zararlanish holatlari qayd etilgan.
Yangi charter reyslarining jadvali
Uzbekistan Airways xorijdagi O‘zbekiston fuqarolarini vatanga qaytarish maqsadida 8 iyundan 21 iyun kuniga qadar amalga oshiriladigan charter qatnovlarining navbatdagi jadvalini e’lon qildi.
Koronavirus bemorlari soni 4352 nafarga yetdi
Koronavirus bemorlari soni 21 nafarga ortib, jami 4352 kishini tashkil etmoqda. Yangi aniqlangan holatlardan 8 nafari aholi orasida qayd etildi (Toshkent viloyatida — 3, Navoiy viloyatida — 5). Respublika bo‘ylab COVID-19 dan davolanayotganlarning 6 kishining ahvoli og‘ir, 1 nafarining ahvoli esa o‘ta og‘ir, deb baholanmoqda.
Uchta OTMda masofaviy ta’lim shakli joriy etiladi
2020−2021 o‘quv yilidan boshlab tajriba tariqasida Toshkent axborot texnologiyalari universiteti, Toshkent davlat yuridik universiteti va Toshkent davlat pedagogika universitetida masofaviy o‘qitish shakli joriy etiladi.
80 kunlik karantindan keyin masjidlarda ilk bor jamoat namozlari o‘qildi
“Yashil” hududlarda joylashgan masjidlar o‘z faoliyatini boshladi. Jamoat namozlari karantin qoidalariga qat’iy rioya qilingan holda o‘qilmoqda.
BAA bosh vaziri o‘rinbosari Qo‘ng‘irotda dala lageri qurishni rejalashtirmoqda
BAA bosh vaziri o‘rinbosari, prezident ishlari bo‘yicha vazir Shayx Mansur bin Zoid Ol Nahayon Qoraqalpog‘istonda 200 gektar maydonda dala lageri qurishni rejalashtirmoqda. Hukumatning yer ajratish to‘g‘risidagi farmoyishi loyihasi jamoatchilik muhokamasiga taqdim etildi.
Xorazmda yo‘qolgan erkak kanaldan zanjir bilan mashina ruliga bog‘langan holda topildi
Xorazm viloyatida qidirilayotgan erkakning murdasi Shovot kanalidan topilgan mashina ichida zanjir bilan bog‘langan holda topildi.
Kun davomida rekord darajada (237 ta) koronavirus holati aniqlandi
Koronavirus holatlari kun davomida rekord darajada — 237 taga o‘sib, 4331 taga yetdi. Karantin markazida — 20, Toshkent shahrida — 195, Toshkent viloyatida — 10, Xorazm viloyatida — 8, Sirdaryo viloyatida — 4 ta kasallik aniqlandi.
Qibrayda beton zavodining uch ishchisi devor bosib qolishi oqibatida vafot etdi
Qibrayda beton zavodida 95 metr uzunlikdagi devorning qulab tushishi oqibatida 3 ishchi hayotdan ko‘z yumdi. Jinoiy ish qo‘zg‘atildi.
208 kishida koronavirus aniqlandi
O‘zbekistonda kun davomida 208 kishida koronavirus aniqlanib, jami holatlar 4302 taga yetdi.
Toshkentda sartarosh bir erkakning yuragiga qaychi sanchib o‘ldirdi
Toshkentda 26 yoshli erkakning yuragiga qaychi sanchib o‘ldirgan 17 yoshli sartarosh qo‘lga olindi.
Kun davomida 87 kishida koronavirus aniqlandi
O‘zbekistonda kun davomida 87 kishida koronavirus infeksiyasi aniqlanib, jami holatlar soni 4094 taga yetdi. 3 nafar bemorning aholi o‘ta og‘ir.
Koronavirus infeksiyasi tasdiqlangan bemor vafot etdi
Toshkentda sun’iy nafas olish apparatida bo‘lgan 70 yoshli bemor o‘tkir nafas va yurak qon-qon tomir yetishmovchiligidan vafot etdi. O‘zbekistonda koronavirusdan olamdan o‘tganlar soni 17 nafarga yetdi.
“So‘xdagi voqealar qirg‘iz xalqi bilan do‘stligimizga ta’sir qilmasligi kerak”
Prezident Farg‘ona viloyati rahbarlari va aholisi bilan uchrashuvda eng muhim masalalarni muhokama qilishga chaqirdi. So‘x tumanidagi voqealarga to‘xtalib, ular qirg‘iz xalqi bilan do‘stona munosabatlarga ta’sir qilmasligi kerakligini ta’kidladi. “Vazmin, sabr-toqatli, mehr-oqibatli bo‘lishimiz zarur”, — dedi prezident va tumani aholsining hayotini yaxshilashga qaratilgan chora-tadbirlarga to‘xtaldi.
Farg‘onada yoshlar bandligi masalasi qanday hal etilmoqda?
Farg‘ona viloyatida ro‘yxatga olingan 49,2 ming nafar ishsiz yoshlarning 28 mingga yaqin yanvar-may oylarida ish bilan ta’minlandi. Jumladan, 2600 kishiga 10−30 sotixdan yer ajratib berildi, pandemiya sababli xorijdan qaytgan 4700 kishi esa qishloq xo‘jaligi, qurilish va boshqa sohalarga ishga joylashtirildi.
Prezident Farg‘ona viloyatida ishga tushirilgan bir qator yangi loyihalar bilan tanishdi
Shavkat Mirziyoyev Farg‘ona viloyatiga tashrifi davomida bir qator loyihalarni ko‘zdan kechirdi. Shuningdek, viloyatda qambag‘al aholi bilan ishlash tizimi bo‘yicha amalga oshiriladigan ishlar bilan ham tanishdi.
Toshkentda sodir bo‘lgan ommaviy janjalda ikki kishi pichoqlandi
Toshkentning Shayxontohur tumanida yoshlar o‘rtasida ommaviy janjal va pichoqbozlik sodir bo‘ldi. Ikki kishi yaralanib, shifoxona yotqizildi.
COVID-19: Infeksiya yuqtirganlar soni 4000 nafardan oshdi
O‘zbekistonda koronavirus infeksiyasiga chalinganlar soni 4000 nafardan oshdi. “Yashil” hudud hisoblangan Qashqadaryoda yangi kasallanish holati qayd etildi. Shuningdek, 160 kishi sog‘aydi, 13 bemorning ahvoli og‘ir.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting