Arxiv
Farg‘onada o‘quvchini ro‘mol o‘ragani uchun urgan maktab direktori jarimaga tortildi
Farg‘ona viloyati Buvayda tumanidagi maktab direktori ro‘mol o‘rab kelgan 7-sinf o‘quvchisini kaltaklab, haqorat qilgandi. U MJTKning 2 ta moddasi bo‘yicha aybdor deb topilib, BHM 10 baravari miqdorida jarimaga tortildi.
Dollar mart o‘rtalaridan beri eng past darajaga tushdi
AQSh dollari o‘zbek so‘miga nisbatan pasayishda davom etmoqda, u 12-martdan boshlab o‘zining minimal qiymatiga — 12 541 so‘mgacha tushdi. O‘zbekistonga pul o‘tkazmalari, investitsiyalar hajmining o‘sishi va boshqa omillar fonida milliy valyuta mustahkamlanmoqda.
BMTTDning O‘zbekistondagi yangi doimiy vakili tayinlandi
BMT Taraqqiyot dasturi tizimida 25 yildan ortiq tajribaga ega Akiko Fujii BMTTDning O‘zbekistondagi yangi doimiy vakili etib tayinlandi. U avval Maldiv orollaridagi doimiy vakil hamda Vetnam va Fijidagi ko‘p davlat idorasida doimiy vakil o‘rinbosari bo‘lib ishlagan.
Yusup Kabuljanov O‘zbekistonning Vladivostokdagi bosh konsuli etib tayinlandi
Yaqinda O‘zbekistonning Vladivostokdagi bosh konsuli bo‘lgan Yusup Kabuljanov o‘z vazifasini bajarishga kirishdi. U Primorsk o‘lkasi ombudsmani va IIV vakillari bilan uchrashdi, ular bilan mehnat migratsiyasi sohasida hamkorlik qilish, shuningdek, fuqarolar huquqlarining buzilishi holatlarini muhokama qildi.
O‘zbekistonda o‘quvchilar va bog‘cha bolalarida skrining paytida qanday kasalliklar aniqlandi?
Sog‘liqni saqlash vaziri v.b. Asilbek Xudayarov maktab va bog‘chalarda o‘tkazilgan tibbiy ko‘rik natijalari haqida ma’lumot berdi. O‘quvchilarining deyarli 28 foizida va tarbiyalanuvchilarning 26 foizida turli xil kasalliklar, jumladan, anemiya, asab tizimi kasalliklari va yurak nuqsonlari aniqlangan.
AQSh noqonuniy migratsiyaga yordam bergan turoperatorlarga viza cheklovlarini joriy etadi
AQSh Davlat departamenti noqonuniy migratsiyaga ko‘maklashuvchi sayyohlik agentliklari va turoperatorlari rahbarlariga nisbatan viza cheklovlari joriy etilishini e’lon qildi.
Ombudsman mehnat qulligidan qochgan ayolni Rossiyadan qaytarishga yordam berdi
Ombudsman idorasi mehnat qulligidan qochgan ayolning O‘zbekistonga qaytishiga yordam berdi. Yil boshida uni aldov yo‘li bilan Rossiyaga olib ketishgan, pasportini olib qo‘yishgan va dalada majburlab ishlatishgan.
O‘zbekiston aholisining real daromadlari oshdi, lekin hududlar o‘rtasida farq kattalashdi
Birinchi yarim yillik yakunlariga ko‘ra, aholining real daromadlari 8,6 foizga o‘sdi, bu o‘tgan yilning shu davriga nisbatan yuqoridir. Eng boy uchta va eng kambag‘al uchta hudud o‘rtasidagi aholi jon boshiga daromadlar farqi 2,28 baravardan 2,5 barobarga oshdi.
Venesuelada prezidentlik saylovlaridan keyin norozilik namoyishlari boshlandi
Venesuelaning amaldagi rahbari Nikolas Maduro g‘alaba qozongan prezidentlik saylovlaridan so‘ng Karakas va mamlakatning boshqa shaharlarida minglab odamlar namoyishga chiqdi. U 2013-yildan buyon shu lavozimda qolmoqda.
O‘zbekiston fuqaroligini pullagan IIB Migratsiya va fuqarolikni rasmiylashtirish bo‘limining sobiq boshlig‘i 7 yilga qamaldi
Toshkent shahrida IIB Migratsiya va fuqarolikni rasmiylashtirish bo‘limining sobiq boshlig‘i va uning sherigi chet el fuqarolariga pul evaziga noqonuniy ravishda ID karta va xorijga chiqish pasportlarini rasmiylashtirib kelgani aniqlandi. Ular 7 va 5 yilga qamaldi.
Sanepidqo‘mita: Yo‘l-yo‘lakay sotilayotgan muzqaymoqlardan zaharlanish holatlari uchramoqda
Sanepidqo‘mita ko‘cha-ko‘yda sotilayotgan muzqaymoqdan zaharlanish holatlari uchrayotgani haqida ogohlantirdi. Unga ko‘ra, bunday muzqaymoqlarda stafilokokk bakteriyasi bo‘lishi mumkin, mahsulot solingan aksariyat idishlar sanitariya-gigiyena talablariga javob bermaydi.
Raqobat qo‘mitasi Knauf Gips Buxoro kompaniyasining O‘zbekistondagi ustun mavqeini tan oldi
Raqobat qo‘mitasi Knauf Gips Buxoro gipsokarton bozorida 40 foizdan ortiq ulush bilan ustun mavqega ega ekanini ma’lum qildi. Endi kompaniya ustun mavqei tan olingan kompaniyalar reyestriga kiritilishi, so‘ngra monopol narxlardan foydalanishning oldini olish bo‘yicha harakatlarni nazorat qilishi kerak.
“Trastbank”dan aksiya: qancha ko‘p ish o‘rni yaratsangiz, shuncha ko‘p imtiyozga ega bo‘lasiz
Endi “Trastbank” korporativ mijozlari uchtadan ortiq ish o‘rni yaratganda debet aylanmasidan bepul foydalanishi mumkin.
Shohimardondagi “Oq-qiya” bojxona punkti endi 24 soat ishlaydi
Farg‘ona viloyati bojxona boshqarmasining “Farg‘ona” chegara bojxona posti hamda Shohimardonga kirishdagi “Oq-qiya” bojxona punkti 24 soat ish rejimiga o‘tkazildi.
Xorazmda 2,2 mlrd so‘mlik elektr energiyasidan noqonuniy foydalangan fermer xo‘jaligi aniqlandi
Urganch tumanida 2 mlrd 203 mln so‘mlik 2 mln 446 ming kVt soat elektr energiyasidan noqonuniy foydalangan fermer xo‘jaligi rahbari aniqlanib, protsessual tartibda ushlangan.
Parij-2024: Bugun yana 4 nafar bokschi o‘z yurishini boshlaydi
Parij Olimpiadasining 4-kunida O‘zbekiston terma jamoasi 4 ta sport turida ishtirok etadi. Sharofiddin Boltaboyev dzyudo, Anna Prakaten esa akademik eshkak eshish bo‘yicha bahslarga kirishadi. Shuningdek, 4 nafar bokschi o‘z yurishini boshlaydi. Futbolchilar esa Dominikanga qarshi o‘ynaydi.
Samarqandda Cobalt Damas`ga urilib, 3 nafar inson o‘limiga sabab bo‘ldi
Samarqand viloyati Urgut tumanida 21 yoshli haydovchi Cobalt boshqaruvini yo‘qotib, qarshisidan kelayotgan Damas`ga borib urildi. YTH oqibatida Damas mashinasi haydovchisi va ikki yo‘lovchisi halok bo‘ldi. Shuningdek, yana uch kishi jarohat oldi.
29-iyul kuni e’lon qilingan eng muhim yangiliklar dayjesti
OTMlarda yangi o‘quv yili uchun yangi to‘lov-kontrakt miqdorlari, O‘zbekiston havosi ifloslanishining asl sabablari, “Afrosiyob” elektrpoyezdlari qatnoviga o‘zgartirish kiritish taklifi, prezidentning Xalqlar do‘stligi kuni bilan tabrigi va boshqalar — “Gazeta.uz"ning kunlik dayjestida.
Parij Olimpiadasining 3-kuni: o‘zbekistonlik 2 bokschi medallar uchun kurashni davom ettiradi
Olimpiya o‘yinlarining 3-kunida Bahodir Jalolov va Ruslan Abdullayev chorak finalga chiqdi. Qilichboz Zaynab Dayibekova ilk bahsida yengildi. Dzyudochi Shukurjon Aminova va Murodjon Yo‘ldoshev esa 2-davrasida musobaqani tark etdi. Suzish va eshkak eshish bahslarida ham o‘zbekistonliklar keyingi bosqichga o‘ta olmadi.
Bayden sobiq prezidentlar daxlsizligini bekor qilishni taklif qilmoqda
AQSh prezidenti Jo Bayden mamlakatning sobiq rahbarlarini jinoiy javobgarlikka immunitetini va Oliy sud sudyalarining vakolat muddatini cheklaydigan islohotlarni taklif qildi. “Hech kim qonundan ustun emas. AQSh prezidenti ham. AQSh Oliy sudi sudyasi ham. Hech kim”, — dedi Bayden.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting