Arxiv
O‘zbekiston aholisi 37,1 million kishidan oshdi
2024-yilning birinchi yarmida O‘zbekiston aholisi 334 mingdan ziyodga ko‘payib, 37 million 134,2 ming kishini tashkil qildi. Ushbu olti oy davomida o‘lim darajasi so‘nggi 9 yilning birinchi olti oylari, shu jumladan, pandemiya davriga nisbatan eng yuqori bo‘ldi.
Xorijiy til o‘qituvchilaridan B2 sertifikatini talab qilish muddati uzaytirildi
O‘zbekistondagi umumiy o‘rta ta’lim muassasalarida ishlayotgan xorijiy til o‘qituvchilaridan kamida B2 darajadagi til sertifikatini talab qilish muddati 2025−2026 o‘quv yiliga qadar uzaytirildi. Ungacha B2 sertifikati bo‘lmagan o‘qituvchilar bilan tuzilgan mehnat shartnomasi bekor qilinmaydi.
Pora bilan ushlangan Asaka tumani prokurori o‘rinbosari 8,5 yilga qamaldi
Asaka tumani ichki ishlar bo‘limi tergov bo‘linmasi sobiq xodimi va tuman prokurori o‘rinbosari 15 ming dollar pora bilan ushlangandi. Ular sud hukmi bilan 6 yil 1 oy va 8 yil 6 oy muddatga ozodlikdan mahrum etildi.
Andijonda YTH oqibatida 61 yoshli haydovchi vafot etdi
Baliqchi tumanida yuk mashinasi bilan to‘qnashgan Nexia 2 avtomobilining 61 yoshli haydovchisi vafot etdi.
Bokschi Shahram G‘iyosov Migel Parrani mag‘lub etdi, ammo hakam qarori tufayli g‘alaba xavf ostida qoldi (video)
O‘zbekistonlik professional bokschi Shahram G‘iyosov AQShda Migel Parra ustidan g‘alaba qozondi. Yettinchi raundda G‘iyosov jigarga aniq zarba berdi, biroq hakam buni kamardan pastroqqa berilgan zarba deb hisobladi va undan ochko olib qo‘ydi.
Qarindoshlar o‘rtasidagi nikoh — bu nega muammo va uni qanday hal qilish mumkin?
Qarindoshlar o‘rtasidagi nikoh — insoniyat tarixining deyarli barcha davru davlatlariga ma’lum, hozirda kurrai zaminning kamida 10 foiz aholisi hayotiga taalluqli bir fenomen. “Gazeta.uz” chor-atrofimizda hanuz uchrab turuvchi ushbu hodisa mohiyati va oqibatlarini o‘rganishga harakat qildi.
O‘zbekistonda avtomobillar uchun metan va propan narxi oshdi
O‘zbekistonda yengil avtomobillar uchun metanning 1-avgustgacha belgilangan 3750 so‘m miqdoridagi chakana narx cheklovi to‘xtatildi. Endi yonilg‘i quyish shoxobchalari narxni o‘zlari belgilaydi, u o‘rtacha 200−500 so‘mga ko‘tarildi. Propan narxi keskin oshib, ikki oy ichida 44 foizga yuqoriladi.
Samarqandda Nexia urib yuborishi oqibatida erkak va uning 4 yoshli qizi halok bo‘ldi
Kattaqo‘rg‘on tumanida Nexia mashinasining mast haydovchi velosipedda 4 va 7 yoshli qizlari bilan ketayotgan yo‘lovchini urib yubordi. Oqibatda ota va kichik qiz voqea joyida halok bo‘ldi, haydovchi qamoqqa olindi.
Tashabbusli budjetda ketma-ket g‘olib bo‘lgan mahallalar keyingi ikki mavsumda qatnashmaydi
Tashabbusli budjetda ketma-ket ikki marotaba g‘olib deb topilgan mahallalar (tashkilotlar) uchun navbatdagi ikkita mavsum doirasida loyiha kiritish imkoniyati cheklanadi. Ovoz berishdan avval 7 kunlik targ‘ibot bosqichi o‘tkaziladi. Ovoz berish bosqichi 20 kundan 10 kunga qisqartirildi.
Toshkentda YPX inspektorini mashinasida sudragan haydovchi 15 sutkaga qamaldi
Toshkentda YPX inspektorini avtomashinasi kapotida sudragan haydovchi 15 sutkaga qamaldi. U xodimning to‘xtash ishorasiga bo‘ysunmasdan harakatni davom ettirib, bir necha qoidabuzarliklar sodir etgan.
Parijdagi Olimpiadaning 6-kuni: Anna Prakaten yarim finalda, 2 bokschi chorak finalda o‘ynaydi
Parijdagi Olimpiya o‘yinlarining 6-kunida akademik eshkak eshuvchi Anna Prakaten yarim finalda qatnashadi. Dzyudochilar Muzaffarbek To‘raboyev va Irisxon Qurbonboyeva o‘z yurishini boshlaydi. Bokschilardan Lazizbek Mullojonov va Ruslan Abdullayev chorak, Sabina Boboqulova va Navbahor Hamidova 1/16 finalda bellashadi.
Italiya bosh vaziri Toshkentga qisqa muddatga to‘xtab o‘tdi
Italiya bosh vaziri Jorja Meloni rasmiy tashrif bilan Xitoyda bo‘ldi va qaytayotib, Toshkentga qisqa muddatga to‘xtab o‘tdi. U bilan O‘zbekiston Tashqi ishlar vazirligi rahbari Baxtiyor Saidov uchrashdi.
Afg‘onistonning Royal ichimligida me’yordan ortiq bo‘yoq borligi aniqlandi
Afg‘onistonda ishlab chiqarilgan Royal anor sharbati tarkibidagi E122 azorubin bo‘yog‘i me’yordan oshib ketgan, deb xabar qildi Texnik jihatdan tartibga solish inspeksiyasi. Ushbu bo‘yoq bolalarning faolligi va diqqatiga salbiy ta’sir ko‘rsatishi mumkin.
Yaponiyada guruch zaxiralari 1999-yildan beri eng past darajaga yetdi, sabab — sayyohlar va kam hosil
Yaponiyada guruch zaxiralari hosil kamayishiga olib kelgan turizm bumi va jazirama tufayli so‘nggi o‘nyilliklardagi eng past darajaga tushdi. Tanqislik sharoitida ekin narxi 30 yillik maksimumga yetdi.
Kim Chen In hokimiyatni qiziga topshirishga tayyorlanmoqda — OAV
Janubiy Koreya razvedkasi KXDR yetakchisi qizi Kim Ju Eyni vorislikka tayyorlashni boshlagan, deb hisoblamoqda. Yosh bo‘lishiga qaramay (taxminan 11 yoshda), u barcha muhim tadbirlarda, jumladan, raketa sinovlarida otasiga hamroh bo‘lmoqda.
Parij-2024: O‘zbekistonning yana ikki bokschisi chorak finalga chiqdi
Bokschilar Abdumalik Xalokov va Asadxo‘ja Mo‘ydinxo‘jayev Parij Olimpiadasidagi debyutini g‘alaba bilan boshlab, chorak finalga yo‘l oldi. 31-iyul kungi bahslarda qatnashgan kamonchilar va dzyudochilar musobaqani medallarsiz yakunladi.
31-iyul kuni e’lon qilingan eng muhim yangiliklar dayjesti
Timur Kapadzening Olimpiadadagi ishtirok haqidagi fikrlari, bir nechta mahsulotlarda kamchiliklar aniqlagan Raqobat qo‘mitasi, elektr uchun to‘lovlarda ehtimoliy uzilishlar, Qozog‘istonga boradigan Shavkat Mirziyoyev va boshqalar — “Gazeta.uz"ning kunlik dayjestida.
“O‘zbekistonda YouTube sekinlashmayapti” — RTV
Rossiyada YouTube videohosting xizmatining sekinlashishi ushbu xizmatning O‘zbekistondagi faoliyatiga hech qanday ta’sir ko‘rsatmaydi, deb xabar qildi Raqamli texnologiyalar vazirligi.
Gugurt ishlab chiqaruvchi 5 ta korxonaning mahsulotlari sifatsizligi aniqlandi
O‘zbekistondagi do‘konlarda sotilayotgan beshta savdo belgisining gugurt mahsulotlari sifat standarti talablariga nomuvofiq ekani aniqlandi. Raqobat qo‘mitasining yozishicha, ularning qutilariga me’yordan kam gugurt cho‘pi solinadi. Ularga nisbatan chora ko‘riladi.
“Bu O‘zbekiston va Qozog‘iston uchun zo‘r jang bo‘ladi”. Hasanboy Do‘smatov — chorak finaldagi jangi oldidan
Parij Olimpiadasining 1/8 finaliga yetib kelgan bokschi Hasanboy Do‘smatov 3-avgustda qozog‘istonlik Saken Bibossinovga qarshi ringga chiqadi. 31 yoshli Do‘smatov raqibi bilan tanish ekani, u bilan ringda ko‘p to‘qnash kelganini aytdi. Kim kuchli, yaxshi tayyorgarlik ko‘rgan bo‘lsa, o‘sha yutadi, dedi sportchi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting