Arxiv
Deputatlar davlat mudofaa buyurtmasi to‘g‘risidagi qonunni qabul qildi
O‘zbekiston parlamenti quyi palatasi davlat mudofaa buyurtmasi to‘g‘risidagi qonunni qabul qildi. Hujjat xavfsizlikni ta’minlash, favqulodda vaziyatlarning oldini olish va bartaraf etish bilan bog‘liq davlat mudofaa buyurtmasi masalalari bo‘yicha munosabatlarni tartibga solishga qaratilgan.
Ichki ishlar organlaridan pensiyaga chiqish uchun xizmat muddati uzaytirilgani yo‘q — IIV
IIV ichki ishlar organlarida pensiyaga chiqish uchun xizmat muddatini 25 yilgacha uzaytirish mumkinligi haqidagi xabarlarni rad etib, bunday taklif yoki qo‘shimchalar ko‘zda tutilmaganini bildirdi. Hozirda bu muddat 20 yilni tashkil etadi.
Iste’mol dizeli importi 2022-yilning birinchi yarimyilligiga nisbatan 7,3 barobar oshdi (aniqlashtirildi)
Yil boshidan buyon 168,6 mln dollarlik 206,9 ming tonna iste’mol dizeli import qilindi, bu 2023-yilning yanvar-iyuliga nisbatan 22 foiz, 2022-yilnikiga nisbatan esa 7,3 barobar ko‘p. Bojxona qo‘mitasi va Energovazirlik aniqlik kiritishicha, dizelning barcha turlari hisobga olinsa, import qisqargan.
Huquqni muhofaza qiluvchi organlarda maxsus unvon uchun xizmat qilish muddatlari o‘zgardi
Prezident qarori bilan, IIO, bojxona, milliy gvardiya va harbiy xizmatdagi maxsus unvonlar uchun xizmat qilish muddatlariga o‘zgartirishlar kiritildi.
O‘zbekiston aholisining aksariyat qismida maymunchechakka qarshi jamoaviy immunitet mavjud — Sanepidqo‘mita
O‘zbekiston aholisining 1980-yildan avval tug‘ilgan qismi chin chechak kasalligiga qarshi to‘liq emlangan. Sanepidqo‘mitaning ta’kidlashicha, chin chechakka qarshi emlashdan keyin hosil bo‘lgan immunitet maymunchechakka qarshi ham ishlaydi va kasallikning keng tarqalish xavfini pasaytiradi.
“Tashabbusli budjet”ning 2-mavsumiga ovoz berish boshlandi
“Tashabbusli budjet” loyihasining 2024-yil 2-mavsumidagi loyihalarga ovoz berish boshlandi. Jarayon 31-avgust soat 23:59 ga qadar davom etadi. Loyihalar uchun 2 trln so‘mdan ortiq mablag‘ yo‘naltiriladi.
21-avgust kuni e’lon qilingan eng muhim yangiliklar dayjesti
Prezidentning tadbirkorlar bilan muloqotdagi nutqining lingvistik tahlili, parlament saylovlarida qatnashishga ruxsat olgan siyosiy partiyalar, FNQIZning bir qismini sotib olayotgan AQSh kompaniyasi, YHQni buzganlik uchun javobgarlikni kuchaytirish tashabbusi va boshqalar — “Gazeta.uz"ning kunlik dayjestida.
“O‘ztemiryo‘lyo‘lovchi” Raqobat qo‘mitasining qarori yuzasidan apellyatsiya beradi
Raqobat qo‘mitasi “O‘ztemiryo‘lyo‘lovchi” AJ Farg‘ona filiali vositachilik yig‘imi sabab yo‘lovchilardan 660 mln so‘mga yaqin ortiqcha mablag‘ undirganini, shu sababli jarima jazosi qo‘llanishini aytgandi. Temiryo‘l kompaniyasi qaror yuzasidan apellyatsiya beradi, chunki “yig‘im tashuvchi tomonidan mustaqil belgilangan”.
Ibrohim Raisiy vertolyotining qulashiga yomon ob-havo sabab bo‘lgan
May oyida halok bo‘lgan Eron prezidenti Ibrohim Raisiy vertolyoti noqulay ob-havo sharoiti va ortiqcha yuk — me’yordan ko‘p yo‘lovchilar tufayli qulagani aniqlandi.
Air Products 140 mln dollarga FNQIZ ishlab chiqarish aktivlarining bir qismini sotib oladi
Saneg Farg‘ona neftni qayta ishlash zavodidagi ikkita vodorod ishlab chiqarish blokini AQShning Air Products kompaniyasiga 140 mln dollarga sotmoqda. Shartnoma hali to‘liq xususiylashtirilmagan zavod ulushini o‘tkazishni nazarda tutmaydi, deya aniqlik kiritdi Saneg mas’ullari.
Ozarbayjon prezidenti 22-avgust kuni O‘zbekistonga keladi
Ozarbayjon prezidenti Ilhom Aliyev Shavkat Mirziyoyev taklifiga binoan 22−23-avgust kunlari O‘zbekistonda bo‘ladi. Toshkentda davlatlararo oliy kengash birinchi majlisini, shuningdek, ikki mamlakat biznes vakillari uchrashuvini o‘tkazish rejalashtirilgan.
Jizzaxda yerni nasos orqali sug‘orishda qariyb 1,4 mlrd so‘mlik elektrdan noqonuniy foydalanilgani aniqlandi
Zomin tumanidagi fermer xo‘jaligi rahbari yerni nasos orqali sug‘orish mobaynida uskunalarni o‘zgartirib, qariyb 1,4 mlrd so‘mlik elektr energiyasini o‘g‘irlagani ma’lum bo‘ldi. Unga nisbatan jinoyat ishi qo‘zg‘atildi.
O‘zbekistonda yer uchastkalarining yagona klassifikatori joriy etiladi
2025-yildan O‘zbekistonda yer uchastkalari va kapital qurilish loyihalari yagona klassifikatorini joriy etish rejalashtirilmoqda. Bu bilan asosiy faoliyat turini qaysilariga almashtirish mumkinligi, qanday yordamchi inshootlarni joylashtira olish aniq belgilab beriladi.
Senat qo‘mitasi va YHXX yo‘l harakati qoidalarini buzganlik uchun javobgarlikni kuchaytirishni muhokama qildi
Yo‘l harakati qoidalarini qo‘pol ravishda buzish jiddiy qoidabuzarlik sifatida baholanishi kerak. YTHlar vaqtida tahlil qilinmayapti, aholi gavjum joylarda svetoforlar yo‘q, hokimliklar zarur choralarni ko‘rmayapti. Senatda YHXX yangi rahbari bilan muammolar va ularni bartaraf etish yo‘llari muhokama qilindi.
Demokratik partiya Kamala Harrisni AQSh prezidentligiga nomzod sifatida tasdiqladi
Demokratik partiya Kamala Harrisni prezidentlikka nomzod sifatida rasman tasdiqladi. U Amerika yetakchi partiyalaridan birining davlat rahbari lavozimiga nomzodi ilgari surilgan birinchi qora tanli ayol va birinchi osiyolik ayolga aylandi.
Toshkentda daraxt kesgan fuqaro 17,3 mln so‘m to‘laydigan va 100 tup ko‘chat ekadigan bo‘ldi
Sergeli tumanida fuqaro 1 tup mojjevelnik (archa) kesgani aniqlandi. Oqibatda tabiatga 8,8 mln so‘m zarar yetgan. Huquqbuzar jami 17 mln 340 ming so‘m tovon to‘lashi belgilandi. Kompensatsiya tarzida esa 100 tup ko‘chat ekish majburiyati yuklatildi.
Prezident tadbirkorlar bilan muloqotda eng ko‘p qaysi so‘zlarni ishlatdi?
ITIMning lingvistik tahliliga ko‘ra, Shavkat Mirziyoyev Nukusda o‘tgan tadbirkorlar bilan ochiq muloqotda salkam 5000 ta so‘zdan foydalandi. Eng ko‘p ishlatilgan so‘zlar “tadbirkor”, “korxona”, “xizmat”, “eksport”, “bozor”, “yer”, “bank” va boshqalar bo‘ldi. Batafsil.
O‘zbekistonliklar ATTO kartalaridan Qirg‘izistonda ham foydalanishi mumkin bo‘ladi
O‘zbekiston va Qirg‘izistondagi yo‘lkira to‘lovlarining avtomatlashtirilgan tizimi operatorlari ATTO va Tulpar integratsiya qilinadi. Jarayon tugagach, Qirg‘iziston fuqarolari O‘zbekistonda Tulpar kartalari orqali, O‘zbekiston fuqarolari esa Bishkekda ATTO orqali to‘lov qilishlari mumkin bo‘ladi.
Raqobat qo‘mitasi “O‘ztemiryo‘lyo‘lovchi”ga yo‘lovchilardan undirilgan ortiqcha haq bo‘yicha jarima qo‘lladi
“O‘ztemiryo‘lyo‘lovchi” kompaniyasi yo‘lovchilarning chiptalaridan vositachilik yig‘im qiymati bo‘yicha 660 mln so‘mga yaqin ortiqcha haq undirgani aniqlandi. Raqobat qo‘mitasi unga va xuddi shu holat bo‘yicha “Shahar atrofida yo‘lovchi tashish” kompaniyasiga moliyaviy jarima qo‘lladi, pullar iste’molchilarga qaytariladi.
O‘zbekistondagi barcha siyosiy partiyaga parlament saylovlarida qatnashish uchun ruxsat berildi
Markaziy saylov komissiyasi barcha siyosiy partiyaga Qonunchilik palatasi va mahalliy kengashlar deputatlar saylovida qatnashish uchun ruxsat berdi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting