Arxiv
Shayxontohur tumanidagi Ecobozor savdo majmuasida yong‘in chiqdi
Shanba tongida Toshkent shahri Shayxontohur tumanida joylashgan Ecobozor majmuasida yong‘in chiqib, bozorning tashqi devor qoplamasi va shu joydagi kafega zarar yetdi. FVV hech kim jarohat olmaganini ma’lum qildi.
Para Osiyo o‘yinlarining 5-kunida o‘zbekistonliklar 11 ta medalga ega chiqdi
Para Osiyo o‘yinlarining 5-kuni o‘zbekistonlik para suzuvchilar va para atletlarga omadli keldi. Erkin usulda suzish bahslarida shohsupaning uchala o‘rnini ham o‘zbekistonliklar egalladi. Jamoa turnir jadvalida 8-o‘rinda bormoqda.
Isroildagi O‘zbekiston fuqarolaridan elchixonaga kelishni vaqtincha to‘xtatib turish so‘raldi
O‘zbekistonning Isroildagi elchixonasi fuqarolardan raketa otishmalari paytida boshpanalarni tark etmaslik va elchixonaga konsullik xizmatlarini olish uchun kelishni vaqtincha to‘xtatib turishni so‘radi.
Rossiya Markaziy banki asosiy stavkani ketma-ket to‘rtinchi marta oshirdi
Rossiya Markaziy banki asosiy stavkani 13 foizdan 15 foizga oshirdi. Ushbu qaror inflyatsiya bosimining sezilarli darajada oshgani va kreditlashning yuqori o‘sish sur’atlari bilan izohlandi. Rossiya Markaziy banki 2023-yil iyulidan beri ketma-ket to‘rtinchi marta asosiy stavkani oshirdi.
Sirdaryoda qalbaki 8300 dan ortiq dollar musodara qilindi
Sirdaryo viloyatining Yangiyer shahrida 8370 dolla qalbaki dollarni muomalaga kiritmoqchi bo‘lgan ikki kishi qo‘lga olindi.
O‘zbekistondagi beshta arxeologik yodgorlik ochiq osmon ostidagi muzeyga aylantiriladi
Toshkentdagi “Chilonzor Oqtepa”, Surxondaryo viloyatidagi “Dalverzintepa”, Andijon viloyatidagi “Mingtepa”, Samarqand viloyatidagi “Sheroz qal’a” va Qoraqalpog‘istondagi “Qo‘yqirilgan qal’a” arxeologik yodgorliklarida ochiq osmon ostidagi muzeylarni yaratish ustida ish olib borilmoqda.
27-oktabr kuni O‘zbekistonda sodir bo‘lgan eng muhim voqealar dayjesti
Bekor qilingan “mobil qullik”, raqamni saqlab, mobil kompaniyani o‘zgartirish qo‘llanmasi, vaqtincha yopilgan metro bekatlari, soddalashgan IMEI tizimi, 2026-yilgacha elektr energiyasining erkin ulgurji bozori tashkil etilishi, yog‘ingarchiliksiz dam olish kunlari va boshqalar — “Gazeta.uz”ning kun dayjestida.
Dongfeng Uzbekistan qulay shartlarda avtomobil xaridini taklif qilmoqda
Dongfeng Uzbekistan kompaniyasi 1 yildan 3 yilgacha qulay shartlarda hamda kechiktirilgan muddat uchun penyalarsiz avtomobil xarid qilishni taklif etmoqda.
O‘zbekiston Yevropa Ittifoqi uchun muhim xomashyo yetkazib beruvchisiga aylanishi mumkin
O‘zbekiston va Yevroittifoq iqlimga bezarar sanoat, raqamli texnologiyalar, aerokosmik va mudofaa sohalarini rivojlantirish uchun zarur bo‘lgan foydali qazilmalar — muhim xomashyo sohasida o‘zaro anglashuv memorandumini muhokama qilishni boshladi.
Sovet davrida ham hamma kompartiyani qo‘llagan, lekin Ittifoq parchalaganda hech kim uni himoya qilib ko‘chaga chiqmadi — Sergey Guriyev
Iqtisodchi Sergey Guriyevning ta’kidlashicha, senzura sharoitida o‘tkazilgan ijtimoiy fikr so‘rovnomalari asosidagi xulosa chalg‘ituvchi bo‘ladi. U bunga misol sifatida sovet davrini ko‘rsatadi: o‘sha vaqtda hamma og‘izda kompartiyani qo‘llagan, lekin ittifoq parchalaganida uning himoyasi uchun hech kim ko‘chaga chiqmagan.
Toshkentda dam olish kunlari qayerlarga borish mumkin?
Oltita kinopremera, spektakllar, itlar ko‘rgazmasi, “Humo” xokkey klubi o‘yinlari, Ayol Yo‘li festivali, Ozod Shukrulloyev hamda DJ King Macarella konsertlari, bolalar uchun mahorat darslari va dam olish kunlaridagi boshqa qiziqarli tadbirlar — Afisha.uz jamlanmasida.
Qozog‘iston Milliy banki chet elliklarga bank kartalarini berish talablarini kuchaytirishni taklif qildi
Qozog‘iston Milliy banki mamlakat norezidentlariga vaqtincha yoki doimiy yashash uchun ruxsatnomasiz bank kartalari berishni taqiqlashni rejalashtirmoqda. Regulyator bunday choralarni giyohvand moddalar yoki qimor o‘yinlari bilan bog‘liq noqonuniy operatsiyalar xavfini kamaytirish zarurati bilan izohladi.
Nukus va Bobur ko‘chalaridagi ta’mirlash ishlari 2−3-noyabr kunlari yakunlanishi ma’lum qilindi
Toshkent hokimligi tirbandliklarga sabab bo‘layotgan Nukus va Bobur ko‘chalaridagi ta’mirlash ishlari 2−3-noyabr kunlari yakuniga yetkazilishini ma’lum qildi.
Yana bir bor tomonlarni qurolli mojaroni to‘xtatishga chaqiramiz — O‘zbekiston TIV Isroil-Falastin urushi bo‘yicha
O‘zbekiston Tashqi ishlar vazirligida Falastin, Isroil va yana 7 ta mamlakatning Toshkentdagi diplomatik vakolatxonalari rahbarlari qabul qilinib, G‘azo sektoridagi vaziyat haqida gaplashildi. Bolalar qurbon bo‘layotgan mojaroni to‘xtatishga yana bir bor chaqiramiz, deydi O‘zbekiston TIV rahbari Baxtiyor Saidov.
Sud qarorlarini kassatsiya tartibida ko‘rib chiqish vakolati viloyat va unga tenglashtirilgan sudlarga o‘tkaziladi
Senat ma’qullagan qonunlarga ko‘ra, sud qarorlarini kassatsiya tartibida ko‘rib chiqish vakolati viloyat va unga tenglashtirilgan sudlarga o‘tkaziladi. Shuningdek, ma’muriy huquqbuzarlik to‘g‘risidagi ish bo‘yicha qaror ustidan apellyatsiya shikoyatini berish muddati 20 kundan 10 kunga qisqartirilmoqda.
O‘zbekiston MDH mamlakatlari energiya tizimi yaxlit ishlashi uchun sharoitlar yaratishni taklif qildi
Bosh vazir Abdulla Aripov MDH davlatlari hukumat rahbarlari kengashi majlisida hamdo‘stlik mamlakatlari energetika tizimlarining yaxlit ishlashi uchun shart-sharoit yaratish, shuningdek, MDHning yagona elektron tijorat platformasini yaratishni taklif etdi.
Perfectum raqamli evolyutsiyani boshlamoqda
Perfectum aloqani yanada yaxshilash maqsadida 5G New Radio texnologiyasini joriy etishga qaror qildi. Loyihani amalga oshirish uchun Respublika radiochastotalar kengashi tomonidan chastota resursi ajratildi.
O‘zbekistonning Avstriyadagi yangi elchisi ish boshladi
O‘zbekistonning Avstriyadagi elchisi etib tayinlangan Baxtiyor Ibragimov Vena shahriga yetib bordi. Bu lavozimga tayinlangunga qadar u Nyu-Yorkda O‘zbekistonning BMTdagi doimiy vakili lavozimida ishlagan.
Senat qo‘shimchalar kiritilgan “Yo‘l harakati to‘g‘risida”gi qonunni ma’qulladi
Senatorlar o‘zgartirish va qo‘shimchalar kiritilgan “Yo‘l harakati to‘g‘risida”gi qonuni ma’qulladi. Qonunga yo‘lning ta’mirlash ishlari vaqtida qatnov qismining ko‘pi bilan 50 foizi cheklanishi, pulli to‘xtab turish joylariga doir talablar kabi qo‘shimchalar kiritilgan.
Xitoy Davlat kengashining sobiq bosh vaziri Li Ketsyan vafot etdi
Xitoy Davlat kengashining sobiq bosh vaziri Li Ketsyan 68 yoshida vafot etdi. Uning o‘limiga yurak xuruji sabab bo‘lgani aytilmoqda.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting