Arxiv
Milliy PR-markazi DUK direktori Dilfuza Samandarova tadbirkorlik bilan ham shug‘ullanayotgani aniqlandi
Turizm qo‘mitasi huzuridagi Milliy PR-markazi direktori Dilfuza Samandarova bir vaqtning o‘zida tadbirkorlik bilan shug‘ullanib kelayotgani aniqlandi. Avvalroq u LBOS Jewellery do‘koni asoschisi ekanini ma’lum qilgandi. Antikorrutsiya agentligi holatni bartaraf etish bo‘yicha qo‘mitaga taqdimnoma kiritdi.
Iqtisodingiz har bir fuqaro ishtirok etsagina o‘sishi mumkin — Anjali Kaur
USAID`ning O‘zbekistondagi maqsadlari qanday? Agentlik mamlakatda qaysi sohalarda ish olib boryapti? Nima uchun barcha bolalar yaxshi o‘qituvchilari va o‘quv dasturi bor maktabda o‘qishi muhim? “Gazeta.uz” USAID administratorining Osiyo byurosi yordamchisi o‘rinbosari Anjali Kaur bilan shular haqda suhbatlashdi.
O‘zbekiston hukumati hokimiyatlarga kommunal xizmatlar tariflarini qayta ko‘rib chiqishni tavsiya qildi
Vazirlar Mahkamasi hokimiyatlarga issiqlik ta’minoti, suv ta’minoti va kanalizatsiya, shuningdek, shahar yo‘lovchi transporti tariflarini qayta ko‘rib chiqishni tavsiya qildi.
Gaz va issiqlik ta’minotining arzon tariflarini qoplash uchun davlat budjetidan 10 trln so‘mdan ortiq mablag‘ ajratildi
Ayrim xizmatlar uchun tariflarni pasaytirish sabab yetkazilgan zararni qoplash maqsadida davlat budjetidan 10 trln so‘mdan ortiq mablag‘ ajratildi. Issiqlik ta’minoti korxonalari 901,9 mlrd so‘m oldi, buning 92 foizi poytaxt hissasiga to‘g‘ri keladi. Gaz narxidagi farqni qoplash uchun 8,8 trln so‘m ajratildi.
Ijtimoiy tarmoqlar foydalanuvchilari: Maktab darsliklari qani?
So‘nggi haftalarda tarmoqlarda ota-onalar va o‘qituvchilar maktablarda darsliklar yetishmayotgani, shu bois ularni o‘zlari chop etib olayotganini yozmoqda. Darslikni qo‘lga kiritganlar bolalar uchun juda qiyin va javobsiz vazifalarni tanqid qilishyapti. Maktab ta’limi vazirligi esa sukut saqlamoqda.
Turkiyadagi zilzilalarda jabr ko‘rgan bir guruh nuroniylar O‘zbekistonga keldi
Fevral oyida Turkiyada ro‘y bergan zilzilalarda jabr ko‘rgan bir guruh nuroniylarning 30 nafari O‘zbekistonga keldi. Ular bir hafta davomida mamlakat bo‘ylab sayohat qiladi. Bu tashabbus Shavkat Mirziyoyevning Turkiy davlatlar tashkilotining navbatdan tashqari sammitida ilgari surilgandi.
Ozarbayjon Qorabog‘da “aksilterror tadbirlari” boshlanganini e’lon qildi
Ozarbayjon “konstitutsiyaviy tuzumni tiklash uchun” Tog‘li Qorabog‘da “aksilterror tadbirlari” boshlaganini e’lon qildi. Tan olinmagan respublika poytaxti Stepanakert artilleriyadan o‘qqa tutilmoqda. Mudofaa vazirligi bayonotida fuqarolik obyektlari va tinch aholi nishonga olinmayotgani aytilgan.
Uzbekistan’s Club xorijda o‘qiyotgan o‘zbekistonlik talabalar haqidagi yangi loyihani taqdim etdi
Uzbekistan’s Club jamoasi O’zbekistonlik.Students loyihasini boshladi. Unda nufuzli xorijiy oliy o‘quv yurtlarida tahsil olayotgan o‘zbekistonlik talabalar haqida hikoya qilinadi. 1-son qahramonlari Oksford universitetidan Mushtariy Madrahimova va Sharqiy London universitetidan Azizbek Ahmadjonov bo‘ldi.
Shavkat Mirziyoyev XVF rahbari bilan islohotlar bo‘yicha hamkorlikni muhokama qildi
Nyu-Yorkdagi uchrashuvda O‘zbekiston prezidenti va XVF rahbari Kristalina Georgiyeva fondning moliya sohasi barqarorligini kompleks tahlil qilish, iqtisodiy siyosatni takomillashtirishga hissa qo‘shish va mutaxassislar salohiyatini oshirish dasturini amalga oshirishdagi ishtirokini muhokama qildi.
O‘zbekistonda bukmekerlik xizmatlarini targ‘ib qiluvchi 27 ta sayt bloklandi
Raqobatni rivojlantirish qo‘mitasi O‘zbekistonda bukmekerlik xizmatlarini targ‘ib qiluvchi 27 ta sayt bloklanganini ma’lum qildi. IIOga estrada yulduzlari, sportchilar va blogerlar tomonidan totalizatorlar xizmatlarini reklama qilish holatlari bo‘yicha 11 ta xat ham kiritilgan.
Andijonda 3 tup chinorni kesganlarning ozodligi 2 yilga cheklandi
Izboskan tumanida 2 fuqaro “xonadoniga xavf tug‘dirayotgani va qurilish ishlariga xalal bergani uchun” 3 tup g‘arb chinori daraxtini kesgandi. Sud ularga 131,4 mln so‘mlik zararni qoplash bilan birga 2 yil muddatga ozodlikni cheklash jazosini tayinladi.
UzAuto Motors 4 ta model uchun kontraktatsiyani 3 soat ichida yopdi. Bu oraliqda 28 000 ta shartnoma tuzildi
UzAuto Motors 18-sentabr kuni Cobalt, Lacetti, Damas va Labo uchun kontraktatsiyani ochdi. Oradan 3 soat o‘tib, kompaniya avtomobillarining qo‘shimcha partiyasi uchun to‘liq shartnoma tuzilgani, 28 000 dan ortiq shartnoma imzolanganini xabar qildi.
MB raisi — to‘lov xizmatlari uchun xalqaro pul o‘tkazmalari cheklangani sabablari haqida
To‘lov tizimlari mijozlar nomidan konvertatsiya bilan bog‘liq operatsiyalarni amalga oshirib, buni eksport tushumi sifatida ko‘rsata boshladi, dedi Markaziy bank raisi. Ular, shuningdek, pulni jo‘natuvchi va oluvchilar kim ekanini aniqlashtirmadi, shu sababli cheklovlar kiritish kerak bo‘ldi, deya qayd etdi u.
Farg‘onada to‘y korteji uyushtirgan 16 nafar yigit 15 sutkaga qamaldi
Yozyovon tumanida to‘y korteji uyushtirib, jamoat joyida yurish-turish qoidalarini buzgan 16 nafar yigit 15 sutkaga qamaldi.
OCHL: “OKMK”da mag‘lubiyat, “Navbahor”da durang, “Nasaf”da esa g‘alaba
Dushanba kuni O‘zbekistonning 3 ta klubi Osiyo Chempionlar ligasida o‘z ishtirokini boshladi. Ilk turda “OKMK” “Al-Ittihod”ga 3:0 hisobida imkoniyatni boy bergan bo‘lsa, “Nasaf” “Al-Faysaliy”ni minimal hisobda yutdi. “Navbahor” esa Neymar boshchiligidagi “Al-Hilol” bilan durang o‘ynadi.
Prezident AQSh biznesini O‘zbekistonda kengaytirish rejalarini muhokama qildi
Shavkat Mirziyoyev Nyu-Yorkda AQSh-O‘zbekiston savdo palatasi raisi Kerolin Lemm va GE Healthcare, Oppenheimer, Cerberus, CNH va Cintana kabi qator yirik korporatsiyalar rahbarlari bilan uchrashdi. AQSh biznesining O‘zbekistonda faoliyatini kengaytirish bo‘yicha “aniq rejalar” muhokama qilindi.
Oilaviy tadbirkorlik bo‘yicha kreditlar MB asosiy stavkasidan 4 foiz band yuqori stavkada ajratiladi
Prezident qarori bilan 2024-yildan oilaviy tadbirkorlikni rivojlantirish dasturlari bo‘yicha kreditlar Markaziy bank asosiy stavkasidan 4 foiz punkt yuqori stavkada ajratilishi belgilandi. Hozirda bunday kreditlar asosiy stavka darajasida ajratib kelinmoqda.
“Sizlarni O‘zbekistonda kutib qolamiz”. Mirziyoyev AQShdagi o‘zbekistonliklar bilan uchrashdi (foto)
AQShga borgan Shavkat Mirziyoyev u yerdagi bir guruh vatandoshlar hamda “El-yurt umidi” stipendiatlari bilan uchrashdi. Unda xorijda o‘zbek tili kurslarini ochishga ko‘maklashish, vatandoshlar O‘zbekistonning tarixiy shaharlarini ziyorat qilishi uchun maxsus turizm xizmatlarini ishlab chiqish rejalashtirilgani aytildi.
Farg‘onada tilanchilik qilayotgan bolali ayolni tepgan PPX xodimi ishdan olindi
Farg‘ona shahrida farzandi bilan tilanchilik qilayotgan ayolni tepib, mashinaga o‘tirishga majburlagan PPX xodimi ishdan bo‘shatildi. Viloyat IIB ayol “faol qarshilik ko‘rsatib, qo‘lidagi bolasini yerga tashlab yubormoqchi bo‘lgan”ini bildirdi.
Air Products (AQSh) O‘zbekistondagi loyihalarga 10 mlrd dollar sarmoya kiritadi
AQShning Air Products kompaniyasi O‘zbekistonda umumiy qiymati 10 mlrd dollardan ortiq yangi investitsiya dasturini amalga oshiradi. Kelishuv Shavkat Mirziyoyev va kompaniya rahbari Seyfi Gasemi o‘rtasidagi muzokaralar chog‘ida imzolandi. Prezident uni orden bilan taqdirladi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting