Arxiv
Qashqadaryoda 20 dan ortiq buta va daraxtni noqonuniy kesgan hokim yordamchisi jarimaga tortildi
Yakkabog‘ tumanida hokim yordamchisi 20 ta na’matak butasi va 5 ta olcha daraxtini noqonuniy kesishi oqibatida tabiatga 9 mln 350 ming so‘m zarar yetdi. U jami 12,7 mln so‘m tovon to‘laydigan bo‘ldi.
Qashqadaryoda talaba qizni turmush qurishga undab, bosim o‘tkazgan yigit 10 sutkaga qamaldi
Shahrisabz shahrida 17 yoshli qizni turmush qurishga undab, tazyiq va ruhiy bosim o‘tkazgan yigit 10 sutkaga qamaldi. Avvalroq qizga himoya orderi berilgandi.
“O‘rmonqurilish” va Qishloq xo‘jaligi vazirligi huzuridagi markaz xodimlari qo‘lga olindi
Bosh prokuratura O‘rmon xo‘jaligi agentligi huzuridagi “O‘rmonqurilish” DUK hamda Qishloq xo‘jaligi vazirligi huzuridagi Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi mansabdor shaxslari hibsga olingani haqida xabar berdi. Ular pora olganlikda gumon qilinmoqda.
O‘zbekiston Xitoydan tez yordam uchun 150 mln dollarga elektromobil sotib oladi
SSV Xitoyning Henan Costar Group kompaniyasi bilan tez tibbiy yordam elektromobillari xarid qilish va ularni modifikatsiyalash zavodini qurish bo‘yicha 150 mln dollarlik shartnoma imzoladi. China CAMC Engineering poliklinikalar qurishi mumkin, Snibe Diagnostic esa diagnostika uskunalari bilan ta’minlaydi.
“Shuncha xodim bor, lekin qani natija?” Prezident Achilbay Ramatov kompleksini tanqid qildi
Bosh vazir o‘rinbosari Achilbay Ramatov kompleksiga 3 ta vazirlik va idora, 3 ta inspeksiya, 5 ta korxona, 11 rahbar, 41 o‘rinbosar, 12 ming boshqaruv xodimi va 224 nafar hokim o‘rinbosari kiradi. “Odamlarimiz eng ko‘p norozi bo‘lgan soha Ramatovning kompleksi”, — dedi prezident.
O‘zbekistonda sement zavodlari qurilishiga moratoriy e’lon qilinadi — ekologiya vaziri
O‘zbekistonda sement zavodlari qurilishiga taqiq qo‘yilishi rejalashtirilmoqda, dedi ekologiya vaziri Aziz Abduhakimov. Unga ko‘ra, qurilgan 47 ta zavoddan 23 tasi faoliyatini to‘xtatgan. O‘rganishlarga ko‘ra, 25 ta sement ishlab chiqaruvchi korxonaning 90 foizi ekologik talablarni buzayotgani ma’lum bo‘lgan.
“Markaziy Osiyo Yevropa va Osiyo o‘rtasidagi tamal toshidir” — Jozep Borrel
Yevropa diplomatiyasi rahbari Jozep Borrel Markaziy Osiyo-Yevropa Ittifoqi Investorlar forumida “o‘tmishdagi qaramlikni yengib o‘tish hamda energiya va ta’minot zanjirlarida muqobil variantlarni topish uchun” mintaqalar o‘rtasidagi amaliy aloqalarga ko‘proq sarmoya kiritish kerakligini aytdi.
30-yanvar kuni e’lon qilingan eng muhim yangiliklar dayjesti
Korrupsiya reytingidagi o‘rnini yaxshilagan O‘zbekiston, yangi tashkil etilayotgan Ipotekani qo‘llab-quvvatlash jamg‘armasi, Osiyo Kubogi chorak finaliga chiqqan milliy terma jamoa, 10 yilga qamalgan Imron Xon va boshqalar — “Gazeta.uz"ning kunlik dayjestida.
Chery 2023-yilda o‘ndan ortiq mukofotni qo‘lga kiritdi
2023-yilda o‘ndan ortiq mukofotni qo‘lga kiritgan Chery kompaniyasi e’tiborini avtomobil egalarning talablariga va barqaror sanoat tendensiyalariga qaratishda davom etmoqda.
Osiyo Kubogi-2023: O‘zbekiston Tailandni yengib, chorak finalga chiqdi
Osiyo kubogining nimchorak final bahslarida O‘zbekiston futbolchilari Tailandni yengib, ¼ final bosqichiga yo‘l oldi (video, foto). Ular chorak finalda Qatar terma jamoasiga qarshi o‘ynaydi.
O‘zbekistondagi 12 ta avtolizing korxonasi mansabdorlariga nisbatan jinoiy ish qo‘zg‘atildi
O‘zbekistonda faoliyat yuritib kelgan 12 ta avtolizing korxonasi mansabdor shaxslariga nisbatan huquqni muhofaza qilish organlari tomonidan jinoyat ishlari qo‘zg‘atilgan. Raqobat qo‘mitasi fuqarolarni bunday firmalar aldoviga ishonib qolmaslikka chaqirdi.
Davlat sirlarini oshkor qilishda ayblangan Pokiston sobiq bosh vaziri Imron Xon 10 yilga qamaldi
Pokiston sobiq bosh vaziri Imron Xon davlat sirlarini oshkor qilganlikda ayblanib, 10 yillik qamoq jazosiga hukm qilindi. Bu siyosatchiga olti oy ichida chiqarilgan ikkinchi hukm sanaladi: o‘tgan yozda sud uni korrupsiyada aybdor deb topgandi.
Toshkentda piyodani urib yuborib, uning o‘limiga sababchi bo‘lgan haydovchi 2 yilga qamaldi
Sud sentabr oyida Toshkentda tartibga solinmagan piyodalar o‘tish joyidan o‘tayotgan keksa yo‘lovchini katta tezlikda urib yuborgan Captiva haydovchisiga nisbatan 2 yilga ozodlikdan mahrum qilish jazosi tayinladi. Haydovchi o‘tish joyi oldida boshqa mashinalar turgan bo‘lsa-da, to‘xtamay o‘tib ketgandi.
“Toshkentda yangi kvartiralar narxi kv. m uchun 25 mln so‘mga yetyapti”. Prezident — quruvchilar uchun qimmat kreditlar haqida
Toshkentda yangi kvartiralar narxi 1 kv. metrga 25 mln so‘mga yetdi va kadastri yo‘q uyga ipoteka berilmaydi, — dedi Shavkat Mirziyoyev. Prezident Ipotekani qo‘llab-quvvatlash jamg‘armasini tashkil etish va aholining uy-joy qurilishida ulushdor sifatida ishtirokini tartibga solish bo‘yicha topshiriq berdi.
“Dunyo” axborot agentligiga rahbar tayinlandi
Omonulla Fayziyev Tashqi ishlar vazirligining “Dunyo” axborot agentligiga rahbar etib tayinlandi.
O‘zbekiston Transparency International tashkilotining korrupsiyani qabul qilish indeksida besh pog‘onaga ko‘tarildi
O‘zbekiston Transparency International tashkilotining korrupsiyani qabul qilish indeksida 180 mamlakat ichida 121-o‘rinni egalladi. Yil davomida mamlakat besh pog‘onaga ko‘tarildi. Tashkilot ekspertlari korrupsiyaga qarshi yanada samarali kurashish uchun “keng qamrovli islohotlar” zarurligini ta’kidladi.
Qozog‘istondagi portlash oqibatida ikki nafar o‘zbekistonlik erkak jarohatlandi
Qozog‘istonning Qarag‘anda viloyatidagi ikki qavatli turar-joy binosida gaz balloni portlashi oqibatida 2 nafar O‘zbekiston fuqarosi jarohatlandi. Ular og‘ir ahvolda kasalxonaga yotqizildi. Elchixona holat nazoratga olinganini bildirdi.
Sirdaryo viloyatida “zapravka” 62,4 mlrd so‘mlik gazdan noqonuniy foydalangani aniqlandi
Boyovut tumanida avtomobillarga gaz to‘ldirishga ixtisoslashgan MCHJ 41,6 mln kub metr tabiiy gazdan noqonuniy foydalangani aniqlandi. Buning ortidan davlatga 62,4 mlrd so‘mlik zarar yetgan. Muassasa mansabdorlariga nisbatan jinoyat ishi ochildi.
Shavkat Mirziyoyev Islom Karimov haykali poyiga gulchambar qo‘ydi (foto)
Toshkentda Shavkat Mirziyoyev mamlakatning sobiq prezidenti Islom Karimov haykali poyiga gulchambar qo‘ydi. Tadbirda hukumat va Prezident administratsiyasi vakillari, shahar jamoatchiligi hamda sobiq prezidentning turmush o‘rtog‘i Tatyana Karimova qatnashdi. Foto.
Qashqadaryo viloyati IIBga yangi rahbar tayinlandi
Abduvoxid Ismoilov Qashqadaryo viloyati Ichki ishlar boshqarmasiga boshliq etib tayinlandi. U bungacha Surxondaryo viloyati IIB rahbari bo‘lib ishlagan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting