Arxiv
Surxondaryoda poyezd urib yuborgan Lacetti haydovchisi halok bo‘ldi
Qumqo‘rg‘on tumanida yo‘lovchi poyezdi urib yuborgan Lacetti haydovchisi halok bo‘ldi. U svetoforning taqiqlovchi ishorasiga bo‘ysunmay harakatini davom ettirgan.
“Saidaziz medgorodok” sudi yakuni: kimga qanday hukm o‘qildi? (to‘liq ro‘yxat)
“Saidaziz medgorodok” va yana 28 kishiga nisbatan sud hukmi o‘qildi. Saidaziz Saidaliyev 20 yilga qamaldi. Sudlanuvchilarning ba’zilari 5 yildan 20 yilgacha ozodlikdan mahrum qilingan bo‘lsa, ayrimlariga axloq tuzatish ishlari va ozodlikni cheklash jazosi berildi. Bir sudlanuvchi jazodan ozod etildi. Batafsil.
Termiz davlat pedagogika institutining 2 mlrd so‘mlik tenderi natijalari bekor qilindi
Raqobat qo‘mitasi tanlov takliflarini baholash mezonlarining nisbiy qiymati ishlab chiqilmagani uchun Termiz davlat pedagogika institutining 2 mlrd so‘mlik tenderi bekor qilinganini ma’lum qildi. Institutga nisbatan ish qo‘zg‘atildi.
Toshkenda IT mutaxassislari uchun ilhomlantiruvchi tadbir bo‘lib o‘tdi
IT Park University`da IT sohasida o‘qishni istagan abituriyentlar uchun ochiq eshiklar kuni bo‘lib o‘tdi.
Sirdaryoda tadbirkordan 4 ming dollar olgan soliq xodimiga hukm o‘qildi
Sirdaryo viloyati Soliq boshqarmasining bosh inspektori 2 yil 3 oy muddatga ozodlikdan mahrum etildi. U kompaniyalarning soliq qarzlarini bankrot deb topish yo‘li bilan bartaraf qilib berish evaziga 4 ming dollar olayotganida ushlangandi.
Uchta viloyatda noqonuniy yer sotmoqchi bo‘lganlar ushlandi
DXX Farg‘ona, Samarqand va Qashqadaryo viloyatlarida noqonuniy yer sotish holatlarini aniqladi. Uchko‘prik tumanida 56 yoshli shaxs o‘ziniki bo‘lmagan 12 sotix yerni 130 ming dollarga sotmoqchi bo‘lganida ushlandi. Qashqadaryoda esa hokimlik xodimi 25 gektar yerni 5 ming dollarga pullayotganda qo‘lga tushdi.
Parij-2024: Bugun sport kurashchilari gilamga chiqadi, bokschi Asadxo‘ja Mo‘ydinxo‘jayev yarim finalda jang qiladi
Parij Olimpiadasining 11-kunida Aram Vardanyan va Rustam Assakalov Yunon-rum kurashi bo‘yicha, Aktenge Keunimjayeva esa erkin kurash bo‘yicha gilamga chiqadi. 7-avgustga o‘tar kechasi bokschi Asadxo‘ja Mo‘ydinxo‘jayev amerikalik raqibiga qarshi yarim finalda jang qiladi.
Uzbekistan Airways’ning foydasi birinchi yarim yillikda 5,4 baravarga oshdi
Uzbekistan Airways aviakompaniyasining 2024-yilning birinchi yarmidagi sof foydasi 269 mlrd so‘mni tashkil etdi. Bu 2023-yilning shu davriga nisbatan 5,4 barobarga ko‘pdir.
Doniyor G‘aniyev deputatlik faoliyatini yakunlaganini e’lon qildi
O‘zLiDeP fraksiyasi a’zosi Doniyor G‘aniyev deputatlik faoliyatini muddatidan avval yakunlaganini e’lon qildi. “Bu faoliyatda davom etish o‘zim uchun ham, saylovchilar uchun ham manfaatli bo‘lmasligini tushunib yetdim”, — deb yozdi u. G‘aniyev ishini Vazirlar Mahkamasida davom ettiradi.
Toshkentning uchta tumanida 6 mingga yaqin xonadon bir kunga gazdan uziladi
Poytaxtning Bektemir, Yangihayot va Sergeli tumanlaridagi jami 5786 ta xonadon va 37 ta ulgurji iste’molchi 6-avgust kuni tabiiy gaz ta’minotidan uziladi.
Renovatsiyaga tushgan hududlar aholi murojaatlari asosida taklif etilgan — Toshkent hokimligi
Toshkent hokimligining ta’kidlashicha, renovatsiyaga tushgan hududlar mahalliy aholining murojaatlari asosida taklif etilgan. Uy-joylarning tahlili shaharsozlik me’yorlariga javob bermasligini tasdiqladi, deya qayd etdi hokimlik. Loyiha hududlarni yaxlit rivojlantirishni nazarda tutadi.
Uzbekistan Airways Mustaqillik bayrami munosabati bilan mahalliy reyslarga 30 foiz chegirma e’lon qildi
Uzbekistan Airways Mustaqillik bayrami munosabati bilan 31-avgustdan 3-sentabrgacha barcha mahalliy aviaqatnovlar uchun chipta tariflaridan 30 foiz chegirma e’lon qildi.
5-avgust kuni e’lon qilingan eng muhim yangiliklar dayjesti
“Yashil” stansiyalarning elektr ishlab chiqarishda ortgan ulushi, Davmonopoliyalarni tugatishga doir Raqobatni rivojlantirish konsepsiyasi, jamoatchilik norozi bo‘layotgan shaharsozlikka doir qonun, MO mamlakatlariga yangi koridorlar ochishda yordam beradigan Yaponiya va boshqalar — “Gazeta.uz"ning kunlik dayjestida.
Endi ichki yo‘llarni saqlash hududiy obodonlashtirish boshqarmalari zimmasida bo‘ladi
Prezidentga olib kirilgan taqdimotga ko‘ra, ichki yo‘llar va ko‘priklar hokimiyatlar balansida ekani sababli ularning ko‘pi “ta’mirtalab holatda”. Shu bois endi hududiy obodonlashtirish boshqarmalarida ichki yo‘llarni saqlash xizmatlari tashkil etiladi. Ular eng zarur 4 turdagi maxsus texnika bilan ta’minlanadi.
Bangladesh bosh vaziri namoyishlar fonida iste’fo berdi
15 yildan beri hokimiyatda bo‘lib kelgan Bangladesh bosh vaziri Shayx Hasina ommaviy namoyishlar fonida iste’foga chiqdi va mamlakatdan qochib ketdi. Armiya muvaqqat hukumat tuzilganini e’lon qildi.
Prezident Raqobatni rivojlantirish konsepsiyasi bilan tanishdi. Asosiy ma’lumotlar
Prezidentga raqobatni rivojlantirish konsepsiyasi taqdim etildi. Energetika, aeroport xizmatlari va boshqa sohalardagi 17 turdagi davlat monopoliyalarini tugatish kutilmoqda. Ruxsatnomalar va litsenziyalar majburiy sug‘urtaga almashtiriladi, tabiiy monopoliyalar sohasida mustaqil regulyatorlar paydo bo‘ladi.
Yaponiya fond bozorida 1987-yildan beri eng katta qulash yuz berdi
Yaponiya fond bozori 12,4 foizga tushib ketdi, bu 1987-yildagi “qora dushanba"dan beri eng katta qulash bo‘ldi. Iena kursining ko‘tarilishi, pul-kredit siyosatining keskinlashishi va AQShda iqtisodiy ma’lumotlarning yomonlashuvi tufayli investorlarning yapon fond bozoriga ishonchi pasaydi, deb yozdi Bloomberg.
Yaponiya Markaziy Osiyo davlatlariga Rossiyani chetlab, Yevropaga yo‘l ochish uchun moliyaviy yordam taklif qiladi — OAV
Yaponiya bosh vaziri Fumio Kishida Markaziy Osiyo davlatlariga Rossiyani chetlab o‘tib, mintaqa va Yevropani bog‘laydigan yangi savdo yo‘lini yaratish uchun iqtisodiy yordam taklif qiladi, deb xabar bermoqda Yaponiya OAV. Avvalroq AQShda ham shunga o‘xshash rejalar haqida gapirilgan edi.
Surxondaryoda UAZ ag‘darilishi oqibatida 6 kishi jarohatlandi
Surxondaryo viloyati Sariosiyo tumanida ikkita UAZ to‘qnashuvida ulardan biri ag‘darildi. Oqibatda mashina salonidagi 6 kishi jarohatlandi. YTHga oid hujjatlar jinoiy sudga yuborildi.
Britaniyada ommaviy tartibsizliklar davom etmoqda
Britaniya shaharlarida Sautportdagi bolalar raqs studiyasiga uyushtirilgan va uch qizchaning o‘limiga sabab bo‘lgan hujumdan so‘ng migrantlarga qarshi namoyishlar va zo‘ravonliklar davom etmoqda. Bosh vazir Kir Starmer tartibsizliklarni “o‘ta o‘ng banditizm” deb atadi.
Eng ko‘p o‘qilgan xabarlar | So‘nggi yangiliklar
- Yangi Chery avtomobillarining taqdimoti: narxlar e’lon qilindi
- Toshkentdagi Pushkin haykali atrofida zamonaviy suvtushar bog‘ barpo etiladi (foto)
- Futzal JCH: O‘zbekiston durang bilan boshladi va birinchi kunning boshqa natijalari
- Shaxmat bo‘yicha O‘zbekiston erkaklar jamoasi Olimpiadada ilk mag‘lubiyatga uchradi, qizlar esa g‘alabali yurishni davom ettirmoqda
Qo‘shimcha imkoniyatlarga ega bulish uchun saytda ro‘yxatdan o‘ting