Arxiv
Kongress Donald Trampni AQSh prezidenti sifatida tasdiqladi
AQSh Kongressi vitse-prezident Kamala Harris raisligida Donald Tramp g‘alaba qozongan prezidentlik saylovlari natijalarini tasdiqladi. Ovozlarni sertifikatlash rasmiyatchilik sanalsa-da, jarayon 2021-yilda Tramp tarafdorlarining Kapitoliyga bostirib kirishi bilan yodda qolgan.
Ukrainada prezident saylovi harbiy holat bekor qilingach o‘tkaziladi — Zelenskiy
“Ukrainada prezidentlik saylovi harbiy holat tugaganidan so‘ng darhol o‘tkaziladi”, — dedi Vladimir Zelenskiy. “Yoki parlament qonunchilikni o‘zgartirishi kerak”, — degan prezident qonun urush sharoitida saylov o‘tkazishni taqiqlashiga ishora qildi va jamiyat bunga qarshi ekanini bildirdi.
Kanada bosh vaziri Jastin Tryudo o‘z iste’fosini e’lon qildi
2015-yildan beri Kanada bosh vaziri va Liberal partiya yetakchisi bo‘lib kelgan Jastin Tryudo iste’foga chiqqanini e’lon qildi, bu hukumatda tartibsizliklar kuchaygan pallada yuz berdi. Tryudo partiya yangi nomzodni tanlaguncha lavozimida qoladi. Iste’fodan so‘ng Tramp Kanadaga 51-shtat bo‘lishni yana taklif etdi.
6-yanvar kuni e’lon qilingan eng muhim yangiliklar dayjesti
Qisqa muddatli ta’tilga chiqqan prezident, 1-fevraldan yana oshadigan poyezd chiptalari narxi, xususiylashtirilishi kechiktirilayotgan uchta davlat banki, SSVning metapnevmovirus bo‘yicha bayonoti va boshqalar — “Gazeta.uz"ning kunlik dayjestida.
Namanganda ikki kishini Hajga yuborish uchun 10 ming dollar olgan shaxs ushlandi
Namanganda fuqaro va uning onasini Haj mavsumida Saudiya Arabistoniga yuborish evaziga 10 ming dollar olgan shaxs qo‘lga olindi. Huquq-tartibot idoralari Haj va Umra ziyoratlari bilan bog‘liq yana 4 ta holatni aniqladi.
Navoiyda 3,6 magnitudali zilzila sodir bo‘ldi
Dushanba kuni Navoiy viloyati Tomdi tumanida 3,6 magnitudali yer silkinishi qayd etildi.
Nyu York AQShning tig‘iz vaqtlarda markazga kirish uchun to‘lov joriy qilgan ilk shahri bo‘ldi
Nyu Yorkning markaziy ko‘chalarida tig‘iz vaqtlarda yo‘l haqi to‘lash joriy etildi. Hali AQShning hech bir shahrida bunday qoida kiritilmagandi. Manhettenga kirish narxi — kuniga 9 dollar. Shahar hukumati shu tariqa tirbandlikka qarshi kurashmoqchi va jamoat transportini rivojlantirish uchun mablag‘ yig‘moqchi.
“Brutalist” eng yaxshi film, “Syogun” eng yaxshi serial — 2024-yilgi “Oltin globus” mukofoti g‘oliblari aniqlandi
5-yanvar kuni Los-Anjelesda “Oltin globus"ning 82-mukofot topshirish marosimi bo‘lib o‘tdi. “Brutalist” va “Emiliya Peres” eng yaxshi film deb topilgan bo‘lsa, “Syogun” hamda “Uddaburonliklar” eng yaxshi serial bo‘ldi. Demi Mur “Substansiya” filmidagi ijrosi uchun eng yaxshi aktrisa sovrinini qo‘lga kiritdi.
O‘zbekistonda elektron sigaretalar muomalasini taqiqlash taklif etilmoqda
O‘zbekistonda nikotinni iste’mol qilish moslamalari, jumladan, elektron sigaretalarning muomalasini taqiqlash hamda javobgarlik belgilash taklif etilmoqda. Shuningdek, moslamalarni respublika hududiga olib kirish yoki olib chiqishga nisbatan ma’muriy va jinoiy javobgarlik belgilanishi nazarda tutilmoqda.
AZAL reysi halokatida ayb Rossiya vakillarida — Ilhom Aliyev
Ozarbayjon prezidenti Ilhom Aliyev Bokudan Grozniyga uchgan Azerbaijan Airlines samolyotining halokatga uchrashiga “Rossiya Federatsiyasi vakillari” aybdor ekanini aytdi. U Rossiyadan aybdorlarni jazolashni hamda “insoniy xulq-atvor”ni talab qildi.
Prezident qisqa muddatli ta’tilga chiqdi
O‘zbekiston prezidenti Shavkat Mirziyoyev 6-yanvardan qisqa muddatli ta’tilga chiqdi.
Farg‘onada ikki yoshli qizni tibbiy yordamsiz qoldirgan enagaga nisbatan jinoyat ishi qo‘zg‘atildi
Farg‘onada enaga zinadan yiqilib tushgan ikki yoshli qaramog‘idagi qizchani kasalxonaga olib bormadi. Bola og‘ir jarohat olgan. Xavf ostida qoldirish holati bo‘yicha jinoyat ishi qo‘zg‘atilib, holat Bolalar ombudsmani tomonidan nazoratga olingan.
Bokschi Shahram G‘iyosov ayiq bilan jang qilgani uchun jarimaga tortildi va uzr so‘radi
Ayiq bilan mashg‘ulot o‘tkazgan bokschi Shahram G‘iyosov 1 mln 125 ming so‘m miqdorida jarimaga tortildi. Sportchi holat boshqa qaytarilmasligini aytib uzr suradi. Ekologiya vazirligi jonivor Farg‘ona hayvonot bog‘iga topshirilganini bildirdi.
Surxondaryoda yupun kiyimdagi o‘quvchilar sovuqda ko‘prik ochilishiga jalb qilindi
Denov tumanida yupun kiyingan o‘quvchilar madaniyat bo‘limi topshirig‘i bilan sovuq ob-havoda ko‘prik ochilishiga jalb qilindi. Bolalar ombudsmani holat bo‘yicha Madaniyat vazirligiga taqdimnoma kiritdi. Maktab direktorlariga “hayfsan” intizomiy jazosi qo‘llandi.
SSV Respublika pediatriya markazi metapnevmovirus bilan kasallangan bolalar bilan to‘lgani haqidagi xabarlarni rad etdi
Tarmoqlarda Respublika pediatriya markazi metapnevmovirusga chalingan bolalar bilan to‘lgani haqidagi xabarlar tarqaldi. Sog‘liqni saqlash vazirligi xabarlar asossiz ekanini qayd etib, holatga izoh berdi.
HAMAS Isroil bilan kelishuv evaziga 34 kishini ozod qilishga rozi bo‘ldi
HAMAS o‘z qo‘shinlarini G‘azo hududidan olib chiqib ketish va o‘t ochishni to‘xtatish to‘g‘risidagi bitimni imzolash evaziga 34 nafar isroillikni ozod qilishga roziligini bildirdi. OAV ma’lumotlariga ko‘ra, o‘tgan hafta Qatarda tomonlar kelishuv bo‘yicha muzokaralarni qayta tiklagan.
Andijondagi xonadonda sodir bo‘lgan gaz chaqnashi oqibatida bir kishi vafot etdi
Andijonning Marhamat tumanidagi xonadonda gaz chaqnadi. Oqibatda bir oilaning to‘rt a’zosi turli darajada tan jarohati oldi, ulardan biri vafot etdi. Hozirda holat yuzasidan tekshiruv harakatlari olib borilmoqda.
O‘zbekistonning uchta davlat bankini xususiylashtirish yana keyinroqqa qoldirildi
O‘zbekistonda “Asakabank”, “O‘zsanoatqurilishbank” va “Aloqabank”ni xususiylashtirish yana keyinroqqa qoldirildi. Mamlakatning bu yirik davlat banklari aksiyalari 2025-yilda sotilishi rejalashtirilmoqda.
Fevraldan yotoqli poyezdlarning ham chiptalari qimmatlaydi
1-fevraldan mahalliy yo‘nalishlardagi yotoqli poyezdlar chiptalari ham qimmatlaydi. Biletlar narxi 10,5 foizga oshadi. Avvalroq tezyurar poyezdlarda ham narx oshishi haqida xabar berilgandi.
Surxondaryoda avtomaktablarga litsenziya berish to‘xtab qolgani yuzasidan YHXXga senator so‘rovi yuborildi
Surxondaryo viloyatida avtomaktablarga litsenziya berilmayapti. Avtodromlarga qo‘yilgan yangi talablar sabab nomzodlarni imtihonlardan o‘tkazish ishlari to‘xtatilgan. Shu munosabat bilan YHXXga senator so‘rovi yuborildi. Avvalroq “Gazeta.uz” bu muammo boshqa hududlarda ham bor ekanini yozgandi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting