Arxiv
Qashqadaryoda fuqaro 21 tup qayrag‘ochni kesib tashladi
Kitob tumanida fuqaro 21 tup qayrag‘och daraxtini noqonuniy ravishda kesib tashlagani aniqlandi. Holat bo‘yicha 180 mln 840 ming so‘m zarar belgilandi.
“Bu inqirozning oxiri ko‘rinmayapti”. Abdulla Aripov Arab-islom sammitida G‘azodagi mojaroga to‘xtaldi
Saudiya Arabistonida o‘tgan Arab-islom sammitida G‘azodagi harbiy amaliyotlarni zudlik bilan to‘xtatish muhokama qilindi. Unda qatnashgan O‘zbekiston bosh vaziri Abdulla Aripov a’zo davlatlarni Al-Aqso masjidi va Quddusdagi boshqa maskanlar daxlsizligini ta’minlashda imkoniyatlarini safarbar etishga chaqirdi.
Qozog‘iston o‘zining g‘arbiy hududlarini O‘zbekiston bilan bog‘lash uchun Beyneu-Shalkar avtomobil yo‘lini quradi
Qozog‘iston bosh vaziri Alixon Smailov mamlakatning g‘arbiy viloyatlarini O‘zbekiston bilan bog‘lash uchun Beyneu-Shalkar avtomobil yo‘li qurilishini ma’lum qildi. Bu yo‘l Yevropa-Kavkaz-Osiyo transport yo‘lagi shakllantirishni yakunlashga xizmat qiladi.
O‘zbekiston delegatsiyasi BMTning iqlim o‘zgarishi bo‘yicha jahon sammitida qatnashadi
O‘zbekiston delegatsiyasi 1−2-dekabr kunlari Dubay shahrida o‘tkaziladigan BMTning iqlim o‘zgarishi bo‘yicha jahon sammitida ishtirok etadi. Unda O‘zbekiston milliy, mintaqaviy va global darajada iqlim o‘zgarishiga qarshi kurashni kuchaytirish yuzasidan qator taklif va tashabbuslarni ilgari suradi.
Toshkentda uchta tumanning ayrim qismlarida issiq suv va isitish tizimi vaqtincha o‘chiriladi
Dushanba kuni Toshkentdagi “Chuqursoy” podstansiyasida yuzaga kelgan nosozlik sababli Yunusobod, Olmazor va Shayxontohur tumanlarida issiq suv va isitish tizimi vaqtincha o‘chiriladi. Hokimlik ta’minot yarim tunga qadar tiklanishini bildirdi.
200 ga yaqin bola va ayollar hamon Suriyada va repatriatsiyani kutmoqda — UNICEF`ning O‘zbekistondagi sobiq rahbari
UNICEF`ning O‘zbekistondagi sobiq rahbari Munir Mamedzadega ko‘ra, 200 ga yaqin o‘zbekistonlik bola va ayollar hamon Suriya lagerlarida va vataniga qaytishlarini kutmoqda. U o‘tgan “Mehr” operatsiyalari doirasida qaytarilganlarning reintegratsiya jarayoni uchun ijtimoiy soha xodimlari o‘rni muhimligini ta’kidladi.
O‘zbekiston ayollar terma jamoasi yarim marafon chempionatida 2 ta kumush medalni qo‘lga kiritdi
Dubayda (BAA) yengil atletikaning yarim marafon yo‘nalishi bo‘yicha o‘tkazilgan Osiyo chempionatida o‘zbekistonlik sportchilar yakkalik va jamoaviy bahslarda ikkita kumush medalni qo‘lga kiritdi.
Ish haftasi juda iliq bo‘ladi
Bu hafta havo harorati kundan-kunga ko‘tarilib, ish haftasining yarmida kunduzi +27 darajagacha yetadi. Bunday harorat foni noyabr o‘rtalari uchun iqlim qiymatlaridan +5…+8 daraja yuqori.
O‘zbekiston Falastinning bosib olingan hududlaridagi Isroil aholi punktlarini noqonuniy deb topishni yoqladi
BMT Isroilning Falastin va Suriyadagi bosib olingan hududlarida qurilgan aholi punktlarini noqonuniy deb topdi. Bu bo‘yicha rezolyutsiya loyihasini 145 ta mamlakat orasida O‘zbekiston ham ma’qulladi.
Namangan va Farg‘onada aholiga tarqatilishi kerak bo‘lgan salkam 2 ming tonna ko‘mirni o‘zlashtirganlar aniqlandi
Namangan va Farg‘ona viloyatlarida aholiga imtiyozli narxda tarqatishga mo‘ljallangan 1988 tonna ko‘mirni sotib yuborgan ko‘mir ombor mudirlari aniqlandi. Ularga nisbatan jinoyat ishi qo‘zg‘atildi.
O‘zbekiston Afg‘onistondagi temiryo‘lni “qulay narxda” ta’mirlab beradi
O‘zbekiston va Afg‘oniston temiryo‘l kompaniyalari rahbarlari Hayraton — Naybobod — Mozori Sharif temiryo‘lining bir qismini ta’mirlashga kelishib oldi. “O‘zbekiston temir yo‘llari” rahbari Zufar Narzullayev ta’mirlash ishlarini “sifatli, qulay narxda va 50 foizlik chegirma bilan amalga oshirishga” va’da berdi.
Toshkent “skver"iga marsiya. Guvohlar ko‘rsatmasi
Roppa-rosa 14 yil avval Toshkentning Amir Temur xiyobonida daraxtlarni kesish boshlangan edi. “Gazeta.uz” guvohlar bilan “skver qirg‘ini” haqida gaplashdi va rasmiylar buni qanday izohlaganiga doir OAVdagi chiqishlar arxivini o‘rgandi.
“Bek Baraka” bozori direktori o‘rinbosari pora olishda gumonlanib ushlandi
DXX 20 ming dollar pora olishda gumonlangan “Bek Baraka” bozori direktori o‘rinbosarini, Xorazmda ishga kiritib qo‘yish uchun 1400 dollar va 1,2 mln so‘m pul olgan Milliy gvardiya xodimini hamda Toshkentda sud qarorini o‘zgartirib berish uchun fuqarodan 5 ming dollar olgan advokatni qo‘lga oldi.
Andijonda mansabdorlar 3 ming tonnadan ortiq ko‘mirni talon-toroj qilgani aniqlandi
Andijon, Buloqboshi va Jalaquduq tumanlari “Ko‘mir ta’minot” korxonasi mudirlari 3 ming tonnadan ortiq ko‘mirni talon-toroj qilgani aniqlandi. Ular kuz-qish mavsumida aholiga imtiyozli narxda tarqatishga mo‘ljallangan ko‘mirni sotib yuborgan.
HONOR OVOZI loyihasi g‘olibi e’lon qilindi — uni O‘zbekiston xalqi tanladi
HONOR brendining yangi “ovoz elchisi” ommaviy ovoz berish jarayonida yirik farq bilan g‘olib chiqdi va sovg‘a sifatida gadjetlar to‘plamini qo‘lga kiritdi.
Toshkent viloyatida kadastr palatasi xodimi 15 ming dollar pora bilan ushlangani aytilmoqda
DXX huquqni muhofaza qiluvchi idoralar bilan hamkorlikda 4 ta hududda yer maydonlarini noqonuniy sotish holatlariga chek qo‘ydi. Xususan, Davlat kadastrlari palatasining O‘rta Chirchiq tumani filiali xodimi 15 ming dollar olgan vaqtida qo‘lga olingani aytilmoqda.
Neft-gaz sohasidagi eng yaxshi professor-o‘qituvchilarga 70 mln so‘mgacha mukofot pullari topshirildi
Ikkinchi bor o‘tkazilgan neft-gaz sohasidagi “Eng fidoyi ustoz” tanlovining 13 nafar g‘olibiga 70 mln so‘mgacha bo‘lgan pul mukofotlari topshirildi. 383 nafar nomzodga 5,5 ming nafar talaba, soha ishchilari va ustoz-murabbiylar ovoz berdi.
Ehtiyojmand oilalarga uy-joy sotib olish uchun subsidiyalar berish tartibi qayta ko‘rib chiqiladi — bosh vazir o‘rinbosari
Bosh vazir o‘rinbosari Jashmid Qo‘chqorov O‘zbekistonda uy-joy sotib olish uchun subsidiyalarning bir qismi doimiy daromadi bo‘lmagan ehtiyojmand oilalarga ajratilayotganini ma’lum qildi. Natijada ular subsidiyadan foydalana olmayapti. Shu bois ularga yordam berish tartibini qayta ko‘rib chiqish rejalashtirilmoqda.
Albayrak Holding O‘zbekistonda yo‘l qoidabuzarliklarini qayd etuvchi qurilmalarni o‘rnatmoqda
Turkiyaning Albayrak Holding kompaniyasi O‘zbekiston shaharlarida yo‘l harakati qoidabuzarliklarini qayd etuvchi avtomatlashtirilgan foto va video qurilmalarni o‘rnatish loyihasini amalga oshirmoqda.
“Qancha pul bersa, mening bolam qaytib keladi?” — “Dok-1 Maks” ishi bo‘yicha navbatdagi jabrlanuvchilar ko‘rsatmasi
“Dok-1 Maks” ishi bo‘yicha sud davom etmoqda. 10-noyabr kuni bo‘lib o‘tgan majlisda farzandi dori iste’molidan so‘ng vafot etgan besh jabrlanuvchi ko‘rsatma berdi. Ularning ba’zilari bir necha mlrd so‘mlik moddiy kompensatsiya talab qildi, aksariyati ayblanuvchilarga nisbatan eng og‘ir jazo tayinlanishini so‘radi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting