O‘zbekistonda koronavirus bo‘yicha rasmiy statistika ma’lumotlari yuzasidan savollar bor. Daryo.uz nashrining bemorlar 2−3 kun ichida «tuzalib ketayotgani» to‘g‘risidagi maqolasidan keyin Sog‘liqni saqlash vazirligi hududlar bo‘yicha batafsil statistikani e’lon qilishni to‘xtatdi. Oldinroq vafot etgan koronavirus bemorlarining jinsi, yoshi, ism-sharifining bosh harflari va yashash (davolanish) joylari bo‘yicha ma’lumotlarni ochiqlash ham to‘xtatilgan edi.
Samarqand shahar bosh imom-xatibi Nuriddinxon Islomov 73 yoshida hayotdan ko‘z yumdi.
Navoiy viloyatida Lacetti haydovchisining qarama-qarshi yo‘lga chiqib ketib, Nexia avtomobili bilan to‘qnashishi oqibatida ikki kishi halok bo‘lgan, yana uch kishi tan jarohatlari olgan va kasalxonaga yotqizilgan.
Ijtimoiy tarmoqlarda hijob kiygan ayollar IIBB tomonidan ushlanganligi aytilgan video tarqaldi. Toshkent shahar IIBBning izohlashicha, ushbu fikrlar haqiqatdan yiroq va ro‘mol o‘ragan ayollarga hech qanday ozor berilmagan. Aytilishicha, ushbu fuqarolar jamoat joyida tibbiy niqobsiz bo‘lgan va inspektorlar tomonidan profilaktik suhbatlar o‘tkazilgan.
2020 yil boshidan beri O‘zbekiston tashqi qarzining umumiy hajmi 12,7 foizga, ya’ni 3,1 mlrd dollarga oshgan va 1 iyul holatiga ko‘ra 27,6 mlrd dollarni tashkil qilmoqda. Xususiy sektor tomonidan jalb qilingan 2,1 mlrd dollarlik qarzning asosiy qismi, ya’ni 1,8 mlrd dollar banklar tomonidan olingan.
2021 yil 1 yanvardan O‘zbekistonda shaxsni identifikatsiyalashning yagona mexanizmini joriy etish boshlanib, 2030 yilgacha pasportlar ID-kartalarga almashtiriladi.
UZIMEI operatori IMEI-kodlarini ro‘yxatga olish tartiblari o‘zgargani haqida ma’lum qildi. Endilikda abonent raqami mahalliy mobil operatorlaridan ariza beruvchi nomiga rasmiylashtirilgan bo‘lishi kerak.
Madridda qisman karantin choralari joriy qilinmoqda. Buyuk Britaniyada karantin olti oygacha davom etishi ehtimolligi aytilmoqda. Rossiyada yangi karantin choralari qo‘llanilmasligi ma’lum bo‘ldi. Koronavirus pandemiyasiga oid dunyo yangiliklari.
AQSH va Xitoy o‘rtasidagi «savdo urushi» ning natijalari, BMT bosh kotibining qurolli to‘qnashuvlarni to‘xtatishga chaqirgani, Airbusdan yangi samolyotlar va boshqa yangiliklar — «Gazeta.uz»ning jahon yangiliklari dayjestida.
Prezident yil yakuni bo‘yicha har bir tarmoq va hudud rahbari raqamli iqtisodiyot sohasida keskin o‘zgarish qilishi zarurligini aytdi. Bu yangilanishlar odamlarning hayoti, byurokratiya va korrupsiyaning kamaygani va davlat xizmatlarini ko‘rsatish tezlashganida sezilishi lozimligi ta’kidlandi.
Farg‘ona neftni qayta ishlash zavodi dizel yonilg‘isi narxlarini pasaytirish bo‘yicha qaror qabul qildi. Unga ko‘ra, dizelning bir tonnasi zavodning o‘zida 5,6 mln so‘mgacha, «O‘zbekneftgaz» AJ neft bazalarida esa 5,5 mln so‘mgacha etib belgilandi.
BAAning Air Arabia kompaniyasiga «Abu-Dabi — Toshkent — Abu-Dabi» yo‘nalishida muntazam parvozlarni amalga oshirish uchun ruxsatnoma berildi.
Adliya vaziri Ruslanbek Davletov mamlakatda yuridik shaxslarning jinoiy javobgarligi institutini joriy etish bo‘yicha rejalar haqida ma’lum qildi. Vazir AQSH va Niderlandiya hukumatlariga katta miqdorda jarimalar to‘lagan O‘zbekistondagi mobil operatorlar bilan bog‘liq korrupsion mojarolarni misol qilib keltirdi.
Jahon YAIM hajmi 2021 yil o‘rtalariga borib pandemiyagacha davrdagi darajaga qaytishi kutilmoqda. Deutsche Bank bu boradagi prognozlarini e’lon qildi.
Jahon sog‘liqni saqlash tashkiloti COVID-19 yuqtirish holatlari bo‘yicha haftalik rekord o‘rnatilganini e’lon qildi — bir haftada 2 mln kishi infeksiya yuqtirgan. Kasallanganlarning katta qismi Shimoliy va Janubiy Amerikaga to‘g‘ri keladi.
O‘zbekistonga elektromobillar importi bir necha baravar o‘sdi. Mamlakatga 8 oy davomida 73 ta elektromobil olib kelingan. Bu o‘tgan yilning yanvar-avgust oylariga nisbatan 53 taga ko‘p.
O‘zbekistonda xizmat ko‘rsatgan artist Shuhrat Qayumov 51 yoshida hayotdan ko‘z yumdi.
Bosh vazir qabulxonalari kotibiyati mudiri bo‘lib ishlagan G‘olibsher Ziyayev Axborotlashtirish va telekommunikatsiyalar sohasida nazorat bo‘yicha davlat inspeksiyasi boshlig‘i etib tayinlandi.
Globus Relief xayriya tashkiloti (AQSH) O‘zbekistonga koronavirusga kurashishga ko‘maklashish maqsadida 800 ming dollarlik tibbiy preparatlar va mahsulotlarni yetkazib berdi. Gumanitar yordam chekka hududlardagi tibbiyot muassasalariga yuboriladi.
O‘zbekistonning rasmiy rezerv aktivlari 34,6 mlrd dollarni tashkil qilmoqda. Avgust oyida 1 mln unsiyaga teng bo‘lgan miqdorda oltin rezervlarining sotilishi evaziga valyutadagi rezervlar miqdori 1,8 mlrd dollarga ko‘payib, 15,4 mlrd dollarni tashkil qilmoqda.
Qo‘shimcha imkoniyatlarga ega bulish uchun saytda ro‘yxatdan o‘ting