Arxiv
“Ularning hammasi ham qo‘shimcha daromad topavermaydi”. Madaniyat vazirligi — san’atkorlarning uy-joy olishiga subsidiya ajratish taklifi haqida
Madaniyat vazirligi soha vakillarining uy olishida to‘lovning 50 foizini qoplab berishni taklif qildi. Loyiha muhokamalarga sabab bo‘lgach, vazirlik bunga munosabat bildirarkan, “soha vakillarining hammasi ham to‘y-hasham yoki boshqa tadbirlardan qo‘shimcha daromad topish imkoniyatiga ega emas”, deya ta’kidladi.
“Yagona yo‘limiz — hosildorlikni keskin oshirish orqali tannarxni kamaytirish”. Prezident qishloq xo‘jaligini rivojlantirish haqida
Prezident bog‘ va tokzorlarni yiliga kamida bir marta xatlovdan o‘tkazish, samarasiz deb topilsa, yer solig‘idan berilgan imtiyozni bekor qilish haqida ko‘rsatma berdi. Shuningdek, go‘sht, tuxum va sut ishlab chiqaruvchilarni qo‘llab-quvvatlash, kreditlar muddatini oshirish va boshqa vazifalarni belgiladi.
Tez yordamni yolg‘ondan chaqirganlarni chaqiruv xarajati miqdorida jarimaga tortish taklif etilmoqda
O‘zbekistonda tez tibbiy yordam xizmatini yolg‘ondan chaqirganlik holatlari yuzasidan nizom ishlab chiqish rejalashtirilmoqda. Unga ko‘ra, yolg‘on murojaat qilganlarni xizmatning bir martalik chaqiruv xarajati — bugungi kunda 178 ming so‘m miqdorida jarimaga tortish taklif etilmoqda.
“Bozorga allaqachon salbiy ta’sir qildi”. Georgiy Paresishvili — MBning yuridik shaxslar uchun valyuta konvertatsiyasi bo‘yicha o‘zgartirishlar loyihasi haqida
Markaziy bankning valyutani sotib olish shartlarini o‘zgartirishga oid loyihasi fond bozoriga allaqachon salbiy ta’sir ko‘rsatdi, dedi “Toshkent” fond birjasi rahbari Georgiy Paresishvili. U konvertatsiyani murakkablashtirish investorlarni cho‘chitishini ta’kidladi va jarayonni soddalashtirish tarafdori ekanini aytdi.
Shanba, yakshanba kunlari yomg‘ir yog‘ishi kutilmoqda
Shanba kunining ikkinchi yarmida ayrim hududlarda yomg‘ir yog‘adi. Yakshanba kuni ertalab va kechasi Farg‘ona vodiysida hamda Toshkent viloyatida yomg‘ir yog‘ishi kutilmoqda. Harorat kechasi +3…+8, kunduzi +13…+18 daraja bo‘ladi.
Xorazmda 2 dona qadimiy bilaguzukning xorijga olib chiqib ketilishi oldi olindi
Xorazmdagi “Shovot” chegara bojxona postida XX asr boshlariga tegishli bo‘lgan 2 dona bilaguzukni olib chiqib ketmoqchi bo‘lgan shaxslar to‘xtatildi.
Reuters: Rossiyada benzin eksportiga qo‘yilgan taqiq 19-noyabrgacha bekor qilinadi
Rossiya hukumati kelasi hafta dizel va benzin eksportiga qo‘yilgan taqiqni bekor qilishni rejalashtirmoqda, deb xabar bermoqda Reuters manbalarga tayanib.
Isroil G‘azoda gumanitar tanaffuslar qilishga rozi bo‘ldi
Isroil urush boshlanganidan beri birinchi marta G‘azo sektorida kunlik gumanitar pauzalar qila boshladi. Har kuni 4 soat davomida harbiy harakatlar olib borilmaydi. Pauzalar vaqtida tinch aholi ikkita gumanitar koridor orqali sektorning janubiga ko‘chib o‘tishi mumkin bo‘ladi.
Hukumat xususiy sektordagi “dekret” puli miqdorini 3 baravarga qisqartirmoqchi. Sabab
2024-yilgi davlat budjetida xususiy sektorda ishlovchi ayollarning homiladorlik va tug‘uruq nafaqalari miqdorini 3 barobarga qisqartirish ko‘zda tutilgan. Deputat Doniyor G‘aniyev buning kamayishini mablag‘larning o‘zlashtirilishi pastligi bilan izohladi va holat sabablarini o‘rganishni taklif qildi.
Italiya prezidenti Serjo Mattarella O‘zbekistonga keldi
Italiya prezidenti Serjo Mattarella farzandi Laura Mattarella bilan O‘zbekistonga keldi. Ularni bosh vazir Abdulla Aripov va boshqa rasmiylar kutib oldi. Serjo Mattarella Samarqand va Xiva shaharlariga tashrif buyurishi rejalashtirilgan.
O‘zbekiston davlat bayrog‘i qabuli kuniga bag‘ishlangan Yangi Nafas yugurish musobaqasi bo‘lib o‘tadi
O‘zbekistonning 16 ta shahrida 19-noyabr kuni davlat bayrog‘i qabuli kuniga bag‘ishlangan Yangi Nafas ommaviy yugurish musobaqasi tashkil qilinadi. Barcha shaharlarda yagona masofa — 3 km, Toshkentda 3 va 10 km ni tashkil qiladi.
“Rossiya — Qozog‘istonning strategik hamkori”. Toqayev va Putin nimalar haqida kelishib oldi?
Ostonada Qozog‘iston prezidenti Qasim-Jomart Toqayev va Rossiya prezidenti Vladimir Putin o‘rtasida muzokaralar bo‘lib o‘tdi. Kelgusi uch yilga mo‘ljallangan hamkorlik rejasi imzolanib, neft-gaz sanoati, energetika, transport va madaniy-gumanitar sohalardagi hamkorlik masalalari muhokama qilindi.
Klasterlarga import qilingan paxta urug‘ini ekishga ruxsat etiladi, to‘qimachilik sanoatiga yangi imtiyozlar beriladi
Ball boniteti past, suv og‘ir bo‘lgan va hosildorligi 30 sentnerdan oshmaydigan har bir viloyatdagi 1 tadan tumanda 70−80 sentnerdan yuqori hosil beradigan paxta urug‘ini chetdan olib kelishga ruxsat etiladi, dedi prezident. Ayrim to‘qimachilik korxonalariga imtiyozlar beriladi.
O‘zbekiston fermerlari viloyat ichidagi xohlagan klasterini tanlash va ortiqcha hosilini sotish imkoniyatiga ega bo‘ladi — prezident
O‘zbekistonda fermerlarga o‘z faoliyatida qisman erkinlik beriladi. Prezident fermerlar bir viloyat ichidagi xohlagan klasteri bilan shartnoma tuzish va ortiqcha hosilni birja orqali sotish huquqiga ega bo‘lishini ma’lum qildi.
Strategik islohotlar agentligi qayta tashkil etilmoqda. Shuhrat Vafayev SIA rahbari lavozimini tark etadi
Strategik islohotlar agentligi bosh direktori Shuhrat Vafayev lavozimidan ozod etildi. Agentlik qayta tashkil etilmoqda: uning rahbari bir vaqtda PA Huquqiy ekspertiza va kompleks tahlil qilish departamenti boshlig‘i o‘rinbosari ham bo‘ladi, shtatlar va o‘rinbosarlar soni qisqaradi.
Raqobat qo‘mitasi rahbari ishdan olinishi mumkin
Prezident yirik savdo tarmoqlari bilan ishlashda mahalliy ishlab chiqaruvchilarning muammolarini ko‘rsatib, Shaxrux Sharaxmetovning Raqobat qo‘mitasi rahbari lavozimiga loyiqligi masalasini o‘rganishni topshirdi. Davlat rahbari sariyog‘ eksportiga qo‘yilgan cheklovni ham olib tashlash bo‘yicha topshiriq berdi.
Italiya prezidentining O‘zbekistonga tashrifi chog‘ida ikki davlat o‘rtasida iyun oyidagi kelishuvlarning bajarilishi muhokama qilinadi
Italiya prezidenti Serjo Mattarellaserj 9−11-noyabr kunlari rasmiy tashrif bilan O‘zbekistonda bo‘ladi. Muzokaralar chog‘ida, jumladan, ikki davlat prezidentlarining iyundagi kelishuvlarini amalga oshirish masalalari muhokama qilinadi. Uchrashuv yakunlari bo‘yicha hukumatlararo va idoralararo hujjatlar imzolanadi.
PFL O‘zbekiston Kubogi finaliga bag‘ishlangan videoanons chiqardi. Bu rolikni deyarli hamma maqtayapti
“Nasaf” va OKMK futbol klublari 12-noyabr kuni O‘zbekiston Kubogi finalida to‘qnash keladi. Musobaqa tashkilotchisi O‘zPFL final oldidan maxsus videoanons tayyorladi. Ikki jamoa murabbiylari va futbolchilari ishtirokida olingan rolik jamoatchilik tomonidan asosan iliq kutib olindi.
Toshkentda yoshlar iqlim forumida eko-ta’lim strategiyasi imzolandi
Toshkentda iqlim kun tartibiga bolalar va yoshlarni jalb etishga bag‘ishlangan forum bo‘lib o‘tdi. Unda ekologik ta’limni tashkil etish bo‘yicha tavsiyalarni o‘z ichiga olgan mintaqaviy strategiya imzolandi. Forumda O‘zbekiston, Qirg‘iziston, Turkiya va Eronning birinchi xonimlari va yoshlar ishtirok etdi.
“Ortga qaytish bo‘lmaydi”. Markaziy bank — valyuta konvertatsiyasi qoidalariga o‘zgartirishlar kiritilayotgani haqida
Markaziy bank konvertatsiya qoidalariga kiritilayotgan o‘zgartirishlar “valyuta operatsiyalarini cheklashni emas, amaldagi normalarni aniqlashtirish va operatsiyalarni amalga oshirish jarayonini soddalashtirishni” anglatishini ta’kidladi. MB raisi o‘rinbosari Bobir Abubakirov “orqaga qaytish bo‘lmasligini” aytdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting