Arxiv
UzAuto Motors kompaniyasi Davinci mukofotiga sazovor bo‘ldi
UzAuto Motors kompaniyasi Davinci 2022 mukofotining «Ish izlovchilar orasida eng talabgir ish beruvchi» nominatsiyasida g‘olib bo‘ldi.
Toshkentda maktab o‘quvchilarining ommaviy mushtlashgani yuzasidan jinoyat ishi qo‘zg‘atildi
Tarmoqlarda maktab o‘quvchilarining ommaviy mushtlashuvi aks etgan video tarqaldi. Toshkent shahar IIBB hodisa Mirobod tumanidagi 125-maktabda sodir bo‘lganini ma’lum qildi. Holat yuzasidan bezorilik bo‘yicha jinoiy ish qo‘zg‘atildi.
O‘zbekistondagi ikkita kripto-do‘konga dastlabki litsenziyalar berildi
Istiqbolli loyihalar milliy agentligi tomonidan «Crypto Trade NET» va «Crypto Market» kompaniyalariga kripto-do‘kon faoliyatini amalga oshirish uchun litsenziya berildi. Avvalroq ushbu faoliyat bilan shug‘ullanish tartibi Adliya vazirligi tomonidan oktabr oxirida ro‘yxatdan o‘tkazilgandi.
Asialuxe Travel Maldiv orollarida dam olishga taklif qiladi
23 dekabrdan Asialuxe Travel Maldiv orollariga charter reyslarni amalga oshirishni boshlaydi. Kompaniya u yerga qanday yetib borish, mehmonxona topish va orollarda qanday vaqt o‘tkazish mumkinligi haqiqa so‘zlab berdi.
Prezident Navoiy viloyatini rivojlantirish bo‘yicha qanday topshiriqlar berdi?
25 noyabr kuni Navoiyda Xalq deputatlari Navoiy viloyati Kengashi sessiyasi bo‘lib o‘tdi. Unda davlat rahbari ishtirok etib, tadbirkorlik va xizmatlar sohasi, sanoat, qishloq xo‘jaligi, ijtimoiy infratuzilma masalalari bo‘yicha Normat Tursunov taqdim etgan loyihalar bilan tanishdi va tegishli ko‘rsatmalar berdi.
O‘zbek ayollarining iqtisodiy faolligi pastligi — uy-ro‘zg‘or ishlari bilan bandligi sabab — PMTI
PMTI mutaxassislarining fikricha, o‘zbek ayollaridagi iqtisodiy faollikning pastligi uy-ro‘zg‘or ishlari bilan band bo‘lishga bog‘liq. Qolaversa, ishlaydigan ayollar erkaklarga nisbatan o‘rtacha 39% kam maosh oladi va ular 30 yoshda martabaga erisha boshlaydi.
Qashqadaryoda 1 nafar hokim va 16 nafar hokim o‘rinbosari tadbirkorlik bilan shug‘ullanishi ma’lum bo‘ldi
Qashqadaryo viloyatida 2022 yilning 9 oyida 552 ta korrupsion jinoyatlar (o‘tgan yilga nisbatan 114 taga ko‘p) sodir etildi. Murotjon Azimov viloyatda hokimlik, moliya va g‘aznachilik boshqarmasi xodimlaridan 34 nafari tadbirkorlik subyektlarida ta’sischi yoki rahbar sifatida ishlayotganini ochiqladi.
DXMlar orqali statistik ma’lumotlarni olish mumkin bo‘ladi
Hukumat qarori bilan davlat xizmatlari markazlari orqali statistik ma’lumotlarni olish imkoniyati yaratiladi. Biroq tarkibida davlat sirlari va qonunchilik bilan qo‘riqlanadigan sir mavjud ma’lumotlar berilmaydi. Har bir ma’lumot uchun BHMning 0,08 foizi miqdorida yig‘im undiriladi.
Normat Tursunov Navoiy viloyati hokimi bo‘ldi
Xalq deputatlari Navoiy viloyati Kengashi sessiyasida viloyat hokimi lavozimiga hokim vazifasini bajarib kelayotgan Normat Tursunov nomzodi ma’qullandi. Bunga qadar u Toshkent shahar davlat soliq boshqarmasi boshlig‘i sifatida faoliyat yuritgan.
Sirdaryoda itni qutqarmoqchi bo‘lgan 2-sinf o‘quvchisini tok urdi
Guliston tumanida elektr transformator ostiga kirib qolgan itni qutqarmoqchi bo‘lgan 2-sinf o‘quvchisini tok urdi. Bola bosh, qorin, qo‘l va oyoq qismidagi jarohati bilan shifoxonaga yotqizildi.
Navoiydagi 188 ta yaylovda joylashgan noruda konlari auksionga chiqariladi
Xalq deputatlari Navoiy viloyati Kengashi sessiyasida prezident sanoatda 186 ta loyihani amalga oshirib, 15 mingta yangi ish o‘rni yaratish zarurligini aytdi. 188 ta yaylovlarda joylashgan noruda konlarni auksionga chiqarish va 8 ta Yoshlar sanoat zonasi infratuzilmasiga 20 milliard so‘m ajratish shular jumlasidan.
Toshkentda «Turonbank» xodimlari bankomatdagi pullarni talon-toroj qilgani aytilmoqda
Mirobod tumanida «Turonbank» kassiri va mas’ul shaxslari bankomatdagi 348 mln so‘mga yaqin naqd pul va 7600 dollarni talon-toroj qilgani aytilmoqda. Holat yuzasidan jinoyat ishi qo‘zg‘atilib, tergov harakatlari boshlandi.
Toshkentda ISHIDga qo‘shilmoqchi bo‘lgan 18 yoshli qiz qamaldi
Yunusobod tumanida Suriyaga ketib, ISHID terroristik tashkiloti safiga qo‘shilishni maqsad qilgan 18 yoshli qiz 5 yilga qamaldi. U tashkilot rahnamolarining ma’ruzalarini tinglab, uning g‘oyaviy ta’siriga tushib qolgan. Qiz ketish uchun «qizil pasport» olgani va buni yaqinlari bilmaganini ma’lum qildi.
NNTlar bekor qilishni so‘ragan hukumat qarori qayta ishlanadigan bo‘ldi
Adliya vazirligi rahbariyati NNTlarni xalqaro grant loyihalarni amalga oshirishda davlat organlari bilan hamkorlik qilishga chorlovchi hukumat qarorini bekor qilishga chaqirgan NNT va faollar bilan uchrashdi. Tomonlar hujjat qayta ishlanishi kerakligi borasida bir to‘xtamga keldi.
Noruda materiallarni qazib olishda tabiiy obyektlarga yetkazilgan zararni hisoblash tartibi tasdiqlandi
Vazirlar mahkamasining qarori bilan Noruda materiallarni noqonuniy qazib olishda tabiiy obyektlarga yetkazilgan zararni hisoblash tartibi to‘g‘risida nizom tasdiqlandi.
Payshanba kuni 95 kishining kovid yuqtirgani aniqlandi
24 noyabr kuni O‘zbekistonda 95 kishi (bir kun oldin 98 kishi) koronavirusga chalingani ma’lum bo‘ldi. Eng ko‘p kasallik Toshkent shahrida aniqlandi.
Dam olish kunlari havo biroz sovuq bo‘ladi
Juma kuni O‘zbekiston bo‘ylab yog‘ingarchilik kutilmaydi. Havo harorati +15…+17 darajagacha, janubda esa +20 daraja atrofida bo‘ladi. Dam olish kunlari Qozog‘istondagi sovuq antitsiklon massalari ta’siri havo harorati kunduzi +8…+13 daraja, kechasi +3…+8 darajagacha pasayishi kutilmoqda.
Davlat ro‘yxatidan o‘tkazilayotgan tadbirkorlar birjada ham akkreditatsiya qilinadi
Prezident qarori bilan tadbirkorlarni davlat ro‘yxatidan o‘tkazish jarayonida birja tizimida ham akkreditatsiya qilish tartibi joriy etiladi. Shuningdek, 1 dekabrdan boshlab 13 oy muddatga monopol va davlat ishtirokidagi tashkilotlar ishlab chiqargan tovarlarni ichki bozorda faqat birja orqali sotish belgilandi.
Farg‘onada er-xotin is gazidan vafot etdi
Farg‘ona viloyati Buvayda tumanida er-xotin is gazidan zaharlanib vafot etdi. Ular 3 kunlik yosh kelin-kuyov bo‘lgani va er o‘zi yasagan pechkalardan birini uyga o‘rnatgani aytilmoqda. Holat yuzasidan tergovga qadar tekshiruv harakatlari boshlandi.
Banklarda dollarning sotish va sotib olish kurslari yana ko‘tarildi
25 noyabrda tijorat banklarida 1 AQSh dollari 11 280 — 11 290 so‘mdan sotilmoqda. Sotib olish 11 180 — 11 265 so‘m oralig‘ida.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting