Arxiv
Fransiyaning Alstom kompaniyasi Toshkentda tramvay yo‘llarini quradi
Fransiyaning Alstom mashinasozlik kompaniyasi Toshkentda tramvay yo‘llarini quradi. Loyiha qiymati 167,4 mln yevroga baholanmoqda. Liniyalardan biri “Do‘stlik” metro stansiyasidan boshlab, Yangi O‘zbekiston ko‘chasi bo‘ylab o‘tishi mumkin.
O‘zbekistonning tashqi savdo aylanmasi $40 mlrddan oshdi
Yanvar-oktabr oylarida O‘zbekiston tashqi savdo aylanmasi 40,1 mlrd dollarni tashkil etdi. Jumladan, eksport hajmi qariyb $15,5 mlrdga (+23,8%), import esa $24,6 mlrdga (+21,2% ga) yetdi. Hisobot davrida — $9,1 mlrd qiymatida passiv saldo qayd etildi.
AQSh O‘zbekistonga 131 tonna oziq-ovqat yordami yetkazdi
O‘zbekistonga AQShdan 131 tonna oziq-ovqat yordamining yillik partiyasi yetkazildi. Kundalik kaloriya va oqsil miqdorini oshirishga mo‘ljallangan sabzavot va dukkakli o‘simliklardan iborat ozuqaviy aralashma silga chalingan bemorlarni davolash muassasalari hamda «Saxovat» va «Muruvvat» uylariga tarqatiladi.
O‘zbekiston 800 mln yevroga 17 ta Airbus va ATR samolyotlarini sotib oladi
Fransiya O‘zbekistonga umumiy qiymati salkam 800 mln yevroga teng 12 ta Airbus A320neo va A321neo samolyotlari, shuningdek, 5 ta ATR 72−600 samolyotlarini yetkazib beradi. Bundan tashqari, ikkita Airbus H145 vertolyotini xarid qilish rejalashtirilgan.
Markaziy bank 2025-yilgacha iqtisodiy rivojlanishning ikki ssenariysini taqdim etdi
Markaziy bank 2023−2025-yillarda O‘zbekiston iqtisodiyotini rivojlantirishning asosiy va muqobal ssenariylarini taqdim etdi. Regulyator asosiy e’tibor iqtisodiyotda narxlar barqarorligiga erishishga qaratilishini ta’kidlab, pul-kredit siyosatida inflyatsion targetlash jarayoni davom etishini qayd etdi.
Toshkentda 19 yoshli haydovchi piyoda o‘limiga sababchi bo‘ldi
Yakkasaroy tumanida 2003 yilda tug‘ilgan haydovchi boshqaruvidagi Nexia-3 34 yoshli piyodani urib yubordi. Jabrlanuvchi kasalxonaga olib ketilayotgan vaqtda vafot etdi.
Namanganda ikki ayol va bir bola is gazidan vafot etdi
Namangan viloyati Pop tumanida ona va uning voyaga yetmagan farzandi hamda mehmonga kelgan qaynona is gazidan zaharlanib vafot etdi. Noyabr oyining o‘zida is gazidan 9 kishi halok bo‘ldi.
Orion kosmik kemasi Oyga yetib bordi
NASA`ning Orion kosmik kemasi Oyga uchib borib, Yerning sun’iy yo‘ldoshi atrofidan aylanib o‘tdi. Mazkur Artemis I missiyasi odamlarni Oyga olib chiqish, unda uzoq muddat qolish va Marsga keyingi parvozlarni amalga oshirish loyihasining boshlanishi bo‘ladi. Keyingi parvozda uni odamlar boshqarib borishi mumkin.
Foto: Toshkentda 34,2 ming quti kontrabanda tamaki mahsulotlari yoqib yuborildi
Yangihayot tumanidagi zavodlarning birida 297,4 mln so‘mlik 34,2 ming quti kontrabanda tamaki mahsulotlari yoqib yuborildi. Bojxona qo‘mitasi noqonuniy olib kirish holatlari ko‘proq vodiy viloyatlarida uchrashini ma’lum qildi. Yil boshidan beri 19,2 mlrd so‘mlik tamaki mahsulotlari olib qo‘yildi.
Mirzo Ulug‘bek tumanidagi qurilishi tugallanmagan IT-park binosida yong‘in chiqdi
Chorshanba kuni poytaxtning Mirzo Ulug‘bek tumanidagi qurilishi tugallanmagan IT-park binosining 21-qavatida penoplast qoldiqlari yonib ketib, 5 kv.m maydonni zararladi. FVB yong‘inni 10 daqiqada o‘chirdi. Voqeadan hech kim jarohat olmadi. Hozir uning kelib chiqish sababi va moddiy zarar miqdori aniqlanyapti.
Оktabr oyida ko‘chmas mulk sotib olishga bo‘lgan talab biroz pasaydi
Ko‘chmas mulk bozori tahlili yil boshidan buyon sotish hajmining 9,2 foizga o‘sganini ko‘rsatdi. Shu bilan birga, Toshkent shahrida uy-joylarning o‘rtacha narxi qariyb 20 foizga oshdi. Ekspertlarning fikricha, uy-joy ijarasiga bo‘lgan talabning ortishi oktabr oyida savdo hajmining biroz pasayishiga xizmat qildi.
«Do‘stlik» bog‘i yaqinida qurilish kompaniyasi yana 6 tup daraxtni nobud qildi
Toshkentdagi «Do‘stlik» bog‘i yaqinida Vinera Tower kompaniyasi qurilish uchun hududdagi 6 tup daraxtni ruxsatnomasiz boshqa joyga ko‘chirib, ularni nobud qilgani ma’lum bo‘ldi. Bunda tabiatga 218,3 mln so‘m zarar yetkazilgani aniqlandi. Kompaniya oldin ham daraxt kesgani uchun 430,5 mln so‘m jarima to‘lagan.
Ikkita holatda 4,4 mlrd so‘m kredit mablag‘lari talon-toroj qilingani aniqlandi
Oqqo‘rg‘onda tadbirkor kreditga olingan 100 ta qoramolni sotib, 2,3 mlrd so‘mni o‘zlashtirgani aniqlandi. Toshkent shahrida esa korxona rahbari bank krediti evaziga olingan metall mahsulotlarni 2,1 mlrd so‘mga sotib, hujjatlarni soxtalashtirgani ma’lum bo‘ldi. Gumonlanuvchilarga nisbatan jinoyat ishi qo‘zg‘atildi.
«TTZ»dan «Mashinasozlar» metrosigacha ekspress avtobus yo‘nalishi tashkil etildi
23 noyabr, chorshanba kunidan boshlab «TTZ» — «Mashinasozlar» metrosi yo‘nalishida harakatlanuvchi avtobuslar ish boshladi. Avtobuslar faqat 4 ta bekatda — «TTZ» bozori, «Buyuk Ipak yo‘li» metrosi, Shifokorlar malakasini oshirish instituti, «Ashxobod» bog‘i bekatlarida to‘xtaydi. Yo‘l haqi 2500 so‘mni tashkil etadi.
JCH-2022: Fransiya Avstraliyani 4:1 hisobida mag‘lub etdi
D guruhidan joy olgan Fransiya — Avstraliya bahsida ko‘pchilik tomonidan kutilganidek fransiyaliklarning qo‘li baland keldi. O‘yindagi dastlabki golni avstraliyaliklar kiritdi, biroq Fransiya terma jamoasi o‘yin tizginini tezda o‘z qo‘liga oldi.
Banklar dollarning sotish va sotib olish kursini biroz ko‘tardi
Tijorat banklarida 23 noyabr kuni dollar 11 260 — 11 265 so‘mdan sotilmoqda. Sotib olish kursi esa 11 180 — 11 240 so‘m.
Pskovdagi o‘zbek talabalari «notinch vaziyat» tufayli prezidentga murojaat yo‘llashdi
Rossiyaning Pskov davlat universitetida o‘qiydigan o‘zbekistonlik talabalar «notinch vaziyat» sabab o‘qishlarini O‘zbekistondagi OTMlarga istisno tariqasida ko‘chirishni so‘rab prezident Shavkat Mirziyoyevga videomurojaat yo‘llashdi. «Pskov shahriga ham urush o‘z ta’sirini o‘tkazmoqda», deya ta’kidlagan ular.
Mirziyoyev va Makron Luvrda O‘zbekiston ko‘rgazmasini ochdilar (foto)
Shavkat Mirziyoyev va Emmanuel Makron Luvrda «O‘zbekiston vohalari xazinalari. Karvon yo‘llari chorrahasida» ko‘rgazmasini ochdilar. Ko‘rgazmadan O‘zbekiston va boshqa mamlakatlardagi muzeylardan keltirilgan buyumlar o‘rin olgan. 70 ta eksponat ko‘rgazma uchun maxsus restavratsiya qilindi.
JCH-2022 da ketma-ket ikkita o‘yin nursiz durang bilan yakunlandi
22 noyabr kuni bo‘lib o‘tgan Daniya — Tunis hamda Meksika — Polsha bahslari 0:0 hisobi bilan yakunlandi. Birinchi o‘yinda bir necha bor ofsayd holatida gollar kiritildi. Ikkinchi uchrashuvda esa Levandovskiy penaltidan gol ura olmadi.
«Shaharga faqat quruvchining ko‘zi bilan qaramaslik kerak». Toshkent transport bosh rejasi haqida suhbat
Toshkentni transport kollapsidan qanday qutqarish mumkin? Transport tizimi boshqarilishi kerak, deydi SIMETRA transport kompaniyasi eksperti Vladimir Valdin. U poytaxt transportini rivojlantirish yo‘nalishlari va transport muammolarini shahar darajasida idrok etish borasidagi fikrlari bilan o‘rtoqlashadi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting