Samarqandda o‘tgan II O‘zbekiston Iqtisodiy forumi qatnashchilari qatorida XVJ departamenti direktori Jihad Azur ham bor edi. U «Gazeta.uz» uchun yozgan maqolasida mintaqa davlatlari uzoq muddatli tuzilmaviy muammolar yechimi bo‘yicha islohotlarni amalga oshirsa, ko‘proq natijaga erishishi mumkinligini qayd etdi.
Toshkent shahar moliya bosh boshqarmasi ma’lumotlariga ko‘ra, poytaxtning 1-yarim yillikdagi daromadlari 3,2 trln so‘mni tashkil etib, mahalliy budjetda prognozdan tashqari 412,5 mlrd so‘m qo‘shimcha mablag‘ qolgan. Tumanlar kesimida eng yuqori foyda Olmazor, Yunusobod va Yashnobodda qayd etilgan.
2023 yil 1 yanvardan davlat ishtirokidagi korxonalar tomonidan boshqaruv va nazorat organlarining tarkibi, bo‘sh o‘rinlarga oid ma’lumotlar o‘zgarish bo‘lgan vaqtdan 2 ish kunida majburiy tartibda cns.davaktiv.uz maxsus portalga joylashtiriladi.
Chempionlar Ligasining 1/8 final bahslarida PSJ — Bavariya, Liverpul — Real Madrid, Chelsi — Borussiya Dortmund kabi jamoalar to‘qnash keladigan bo‘ldi.
Uzbekistan Airways kompaniyasi «Keksalar turizmi oyi» munosabat bilan keksa yoshdagi yo‘lovchilar uchun parvozlarda 25% chegirma e’lon qildi. Chegirma 60 yoshdan oshgan erkaklar hamda 55 yoshdan yuqori ayollar uchun 1 noyabrdan 30 noyabrigacha amal qiladi.
Jizzax viloyati Forish tumanida ona va uning 5 hamda 10 yoshli o‘g‘illari is gazidan zaharlanib vafot etdi.
Tashqi ishlar vaziri Vladimir Norov Jazoirning yangi tayinlangan elchisi Bumedian Gennadning ishonch yorliqlari nusxalarini qabul qildi. Tomonlar Jazoir kompaniyalarining O‘zbekistonda avtomobilsozlik, neft-gaz sanoati, AKT va qishloq xo‘jaligi sohalaridagi loyihalarda ishtirokini muhokama qildi.
Toshkent xalqaro aeroportida noqulay ob-havo sharoiti tufayli Uzbekistan Airways`ning Moskva va Jidda parvozlari, shuningdek, Rossiyaning Azimut aviakompaniyasiga tegishli Mineralniye Vodi — Toshkent reysi muqobil aeroportlarga yo‘naltirildi.
Iqbol Mirzo maktablarning atigi 3 foizida qurollar borligini tanqid qilib, o‘quvchilarning chaqiruvgacha tayyorgarligiga e’tibor berish zarurligini aytdi. U «qo‘liga qurol ushlamagan bolada qanday qilib vatanparvarlik paydo bo‘ladi», deya savol berdi. Deputat safarbarlikdan qochgan rossiyaliklar haqida gapirdi.
Shavkat Mirziyoyev bu hafta davomida Savdo-sanoat palatasi tadbirkorlari bilan «ochiq muloqot» o‘tkazadi. Shuningdek, davlat rahbari 11 noyabr kuni Samarqandda bo‘ladigan Turkiy davlatlar tashkilotining birinchi sammitida ishtirok etadi.
O‘zbekistonda seshanba kunidan havo harorati pasaya boshlaydi, ayrim joylarda yomg‘ir qorga aylanishi kutilmoqda. Chorshanbadan boshlab tungi vaqtlarda harorat -2 darajagacha tushib ketadi. Hafta oxirida esa havo iliq bo‘lishi va me’yorga yaqinlashishi prognoz qilinmoqda.
Shaharda to‘kilgan barglarni tozalash kerak emas degan fikr bor, chunki ular daraxtlar uchun tabiiy o‘g‘it bo‘lib xizmat qiladi. «Gazeta.uz» muxbiri obodonlashtirish xizmati xodimlari va mutaxassislaridan buning to‘g‘ri yoki yo‘qligini so‘rab, Toshkentda nima sababdan barglar yig‘ib olinishini aniqladi.
Bosh vazir o‘rinbosari Jamshid Qo‘chqorov 5 yildan keyingi O‘zbekistonga ta’rif bera turib, bu vaqtda faqat bitta davlat banki qolishi, eski elektr stansiyalari yangilanishi, aholi jon boshiga YAIM $2800 bo‘lishini aytib o‘tdi. JB vakili Anna Berde esa sekin olib borilayotgan islohotlarga to‘xtalib o‘tdi.
Terrorist sifatida gumonlangan farg‘onalik erkak O‘zbekistonga olib kelindi. U 2019 yilda Suriyaga borib, «Tavhid va jihod katibasi» tashkiloti safiga qo‘shilgan hamda jangovar harakatlarda qatnashgan. Hozirda unga nisbatan qo‘zg‘atilgan jinoyat ishi doirasida tergov harakatlari olib borilmoqda.
Jismoniy tarbiya va sport yo‘nalishlarida 2023 yil 1 yanvardan Pahlavon Mahmud nomli davlat stipendiyasi joriy qilinadi. O‘zbekiston davlat jismoniy tarbiya va sport universiteti hamda uning filiallarida ta’lim dasturlari xalqaro reytingda yuqori bo‘lgan xorijiy OTM dasturiga ko‘ra shakllantiriladi.
O‘zbekistonlik dzyudochilar Bokudagi «Katta dubulg‘a» turkumiga kiruvchi turnirda to‘rtta medal — 1 ta oltin, 1 ta kumush va 2 ta bronza medalini qo‘lga kiritdi.
Iqtisodiy taraqqiyot va kambag‘allikni qisqartirish vazirligi ishlab chiqqan Vazirlar Mahkamasi qarori loyihasiga ko‘ra, oliy ma’lumotga ega bo‘lmagan hokim yordamchilari suhbat asosida OTMga qabul qilinishi mumkin.
AQSh davlat kotibi yordamchisi Donald Lu yana O‘zbekistonga keladi. U, shuningdek, Turkmaniston va Qozog‘istonga ham tashrif buyuradi. Markaziy Osiyo iqtisodiy barqarorligi tashabbusi doirasida Qo‘shma shtatlar mintaqaviy savdoni mustahkamlash va investitsiyalarni jalb qilish uchun $25 mln ajratishi ko‘zda tutilgan.
O‘zMU hamda Toshkent davlat texnika universiteti hududiga kiruvchi yo‘l 7 noyabrdan 12 noyabrga qadar yopiladi. Ko‘chada 64 metr balandlikdagi O‘zbekiston davlat bayrog‘i o‘rnatish ishlari amalga oshiriladi. Piyodalar uchun esa harakatlanish cheklanmaydi.
1 AQSh dollarining rasmiy kursi 11 132,41 etib belgilangandan so‘ng tijorat banklari mijozlar uchun takliflarni yangiladi.
Qo‘shimcha imkoniyatlarga ega bulish uchun saytda ro‘yxatdan o‘ting