Arxiv
3 noyabr kuni O‘zbekistonda sodir bo‘lgan eng muhim xabarlar dayjesti
Geografik obyektlarga nom berishda aholining fikri o‘rganilishi, Samarqandda tug‘ilgan 4 egizak, Andijon suv omborini birga boshqaradigan O‘zbekiston va Qirg‘iziston, pora bilan ushlangan Pskent prokurori yordamchisi, o‘zbekistonliklarni haqorat qilgan hind ishchisi va boshqalar — «Gazeta.uz»ning kun dayjestida.
YeTTB 18 ming talabaga yotoqxonalar qurish bo‘yicha maslahat xizmatini ko‘rsatadi
Oliy ta’lim vazirligi talabalarga $115 mln qiymatidagi 18 ming o‘rinli 17 ta yotoqxona qurishga Yevropa tiklanish va taraqqiyot bankini maslahatchi sifatida jalb qilmoqda. Bank turar-joylarni qurish uchun investorlarni topishda yordam beradi.
O‘zbekiston va Qirg‘iziston Andijon suv omborini birgalikda boshqaradi
O‘zbekiston TIV rahbari Vladimir Norov qirg‘izistonlik hamkasbi Jeenbek Kulubayev bilan Andijon (Kampir-Obod) suv ombori bo‘yicha bitimni imzoladi. Bundan tashqari, vazirlar prezident Shavkat Mirziyoyevning Qirg‘izistonga tashrifiga tayyorgarlik ko‘rish masalasini ham muhokama qildi.
O‘zbekistonda kripto-do‘kon faoliyatini tashkil etish va amalga oshirish tartibi tasdiqlandi
Adliya vazirligida kripto-do‘kon tashkil etish va uning faoliyatini tartibga solish qoidalari ro‘yxatdan o‘tkazildi. Unga ko‘ra, kripto-do‘kon elektron platforma va savdo obyekti orqali mijozlarga xizmat ko‘rsatishi mumkin bo‘ladi. Qonunchilikda bunday faoliyat turi uchun har oy 6 mln so‘m to‘lov belgilangan.
Pskent tumani prokurori yordamchisi pora bilan ushlandi
Pskent prokurori yordamchisi 1500 dollar olayotgan vaqtda qo‘lga olindi. Ma’lum qilinishicha, u sudya orqali sudlanuvchiga yengil jazo tayinlanishiga erishishni va’da qilgan.
Geografik obyektlarga nom berishda aholining fikri o‘rganiladi
Prezident imzolagan qonunga ko‘ra, geografik obyektlarga jahon tarixida chuqur iz qoldirgan shaxslarning ismi-sharifini berishga yo‘l qo‘yiladi. Geografik obyektlarga nom berish va ularning nomlarini o‘zgartirish to‘g‘risida takliflar tayyorlash jarayonida mahalliy aholining fikri hisobga olinadi.
AQSh FZT bazaviy stavkani 3,75−4 foizgacha oshirdi. Bu O‘zbekistonga qanday ta’sir qiladi?
AQSh Federal zaxira tizimi asosiy stavkani yillik 3,75−4% etib belgiladi. Bu oxirgi 40 yil ichida mamlakatda kuzatilayotgan rekord darajadagi inflyatsiyaga (8,2%) qarshi ta’sir chora sifatida qabul qilindi. Buning O‘zbekiston iqtisodiyotiga qanday ta’sir ko‘rsatishi — «Gazeta.uz» materialida.
2023-yil 1-iyuldan suv va salqin ichimliklarni majburiy raqamli markirovkalash boshlanadi
Suv va salqin ichimliklarni majburiy raqamli markirovkalash tizimi 2023−2024-yillarda bosqichma-bosqich joriy qilinadi. Birinchi bosqich 2023-yilning 1-iyulidan boshlanadi.
«G‘ishtko‘prik» postining o‘tkazuvchanlik quvvati oshiriladi (foto)
Qozog‘iston bilan chegarada joylashgan «G‘ishtko‘prik — Jibek joli» nazorat-o‘tkazish punktini modernizatsiya qilish ishlari boshlandi. Postga olib boruvchi yo‘l ham ta’mirlanadi. Ta’mirlash ishlari vaqtida post yopilmaydi.
Rossiya don koridorining ishini qayta tiklashga rozi bo‘ldi
Erdo‘g‘on va Putinning davomli muzokaralaridan so‘ng, shuningdek, Ukraina tomonidan xavfsizlik kafolatlari olingach, Rossiya don kelishuvidagi ishtirokini qayta tikladi. Ukraina prezidenti Vladimir Zelenskiy don koridoriga ishonchli va uzoq muddatli himoya zarurligini ta’kidladi
WSJ: Saudiya Arabistoni podshohlikka Eron hujum uyushtirishi mumkinligini ma’lum qildi
Saudiya Arabistoni tomoni AQShga podshohlikdagi marralarga Eron hujumlar tayyorlayotgani haqidagi razvedka ma’lumotlarini taqdim etdi, deya xabar bermoqda Wall Street Journal. AQSh bundan xavotirda ekani va «zarurat tug‘ilganida o‘ylanib o‘tirmay javob qaytarishi»ni ma’lum qildi.
JCH-2022: Faqat sof pragmatizm, hech qanday siyosat yo‘q
“Gazeta.uz” futbol bo‘yicha 2022-yilgi Jahon chempionati boshlanishiga haftalar, kunlarni sanashda davom etmoqda. “B” guruhi bilan tanishtirsak: Eron va AQSh pley-off yo‘llanmasi uchun kurashadi, Uels terma jamoasi 64 yillik tanaffusdan so‘ng qaytmoqda, Angliya esa muxlislarni zeriktirmaslikka harakat qiladi.
O‘zbekistonda jahon telekanallari efirga uzatila boshlandi
O‘zbekistonliklarda endi Rossiya televideniyesiga muqobil variant bor. IP-televideniye operatorlari paketi qatoridan BBC, CNN, Bloomberg, France 24, Xitoyning CGTN, Turkiyaning TRT Avaz, “Belarus 24” telekanallari ham o‘rin oldi.
«Boshqalar O‘zbekistonni o‘z ta’sir doirasi ostiga olishni istaydi. Biz esa teng hamkorlikni xohlaymiz» — Germaniya TIV rahbari
Germaniya TIV rahbari Annalena Berbok O‘zbekistonga tashrifi chog‘ida, uning kelishi — O‘zbekiston va Qozog‘iston uchun hamkorlikni kengaytirish uchun signal ekanini ta’kidladi. Shuningdek, u Markaziy Osiyoda Rossiya va Xitoy ta’sirining to‘g‘ridan-to‘g‘ri ortishiga yo‘l qo‘ymaslikka chaqirdi.
Toshkent shahar va 4 ta viloyat qurilish bosh boshqarmasiga yangi rahbarlar tayinlandi
Toshkent shahri, Buxoro, Jizzax, Qashqadaryo va Farg‘ona viloyatlarining qurilish bosh boshqarmasiga yangi rahbarlar tayinlandi. Namangan viloyati qurilish bosh boshqarmasining boshlig‘i o‘z arizasiga asosan ishdan olindi.
Andijonda «Moskvich» bosib ketgan 9 yoshli bola vafot etdi
Andijon viloyati Ulug‘nor tumanida tirkamaga osilib chiqmoqchi bo‘lgan 3-sinf o‘quvchisi mashina tagida qolib, vafot etdi.
O‘zbekistonliklarni haqorat qilgani uchun «Indorama agro» xodimiga nisbatan jinoyat ishi qo‘zg‘atildi
«Indorama agro»ning hindistonlik ishchisi Telegram`dagi guruhda O‘zbekiston fuqarolari va pasportini haqorat qilgani aytilmoqda. IIV unga nisbatan jinoyat ishi ochilganini ma’lum qildi. Gumondorning aybi isbotlansa, jarimaga tortilishi yoki ahloq tuzatish ishlari bilan jazolanishi mumkin.
Samarqandda 4 nafar egizak tug‘ildi
Samarqandda 32 yoshli ayol 4 nafar egizak (2 o‘g‘il, 2 qiz) farzandli bo‘ldi. Jarrohlik amaliyoti bilan bajarilgan tug‘ruq jarayonidan so‘ng, Sog‘liqni saqlash vazirligi ona va bolalarni nazoratga oldi.
Wizz Air aviakompaniyasi Abu-Dabi — Toshkent reyslarini yo‘lga qo‘yadi
Yanvar oyining oxiridan Vengriyaning Wizz Air aviakompaniyasi Abu-Dabi — Toshkent reyslarini yo‘lga qo‘yishni rejalashtiryapti. Samolyot haftasiga uch marta — dushanba, chorshanba va juma kunlari uchadi. Avvalroq WizzAir Abu Dhabi BAA poytaxtidan Samarqandga parvozlarni amalga oshirishi xabar qilingandi.
13 noyabr kuni O‘zbekiston bo‘ylab «Yangi nafas» yugurish musobaqalari o‘tkaziladi
O‘zbekiston davlat bayrog‘i qabul qilingan kun munosabati bilan 13 noyabrda mamlakatning 15 ta shahri va poytaxtning uch nuqtasida ommaviy yugurish musobaqalari bo‘lib o‘tadi. Buning uchun homiylar va davlat budjeti hisobidan 3 mlrd so‘mdan ko‘proq mablag‘ ajratildi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting