Arxiv
2022 yilda sanoat korxonalaridagi baxtsiz hodisalarning 28 tasi o‘lim bilan tugadi
Sanoat xavfsizligi qo‘mitasi nazoratidagi korxona va tashkilotlarda 2022 yilda 81 ta baxtsiz hodisa yuz berdi. Shulardan 28 tasida o‘lim holati qayd etildi. Hodisalar 60 foizdan ortiq holatda tashkiliy sabab bilan bog‘liq, deya izoh berildi.
Qoraqalpog‘istonda Cobalt va yuk mashinasi to‘qnashishi oqibatida bir kishi vafot etdi
To‘rtko‘l tumanida Cobalt va MAN rusumli avtotransportlar o‘rtasida yo‘l transport hodisasi yuzaga keldi. Oqibatda bir fuqaro vafot etdi. Holat sabab surishtiruv ishlari boshlangan.
«Partiyani ro‘yxatdan o‘tkazish uchun 20 ming imzo ko‘p emas» — O‘zbekiston adliya vaziri
O‘zbekiston adliya vaziri Akbar Toshqulovning aytishicha, partiyani ro‘yxatdan o‘tkazish uchun 20 ming imzo unchalik ko‘p emas. «Agar har 5 yoki 10 ming kishi partiya ochaversa, ular soni qancha bo‘ladi?» — dedi u. Siyosatshunos Kamoliddin Rabbimov esa vazirning pozitsiyasini «to‘liq avtoritar» deb atadi.
Samarqandda fuqaro Tojikistondan O‘zbekistonga 19,8 kg giyohvand moddani olib o‘tmoqchi bo‘ldi
Urgut tumani hududidan o‘tuvchi o‘zbek-tojik davlat chegarasidan 1997 yilda tug‘ilgan mahalliy fuqaro Tojikistondan 19 kg 799 gr opiy moddasini kontrabanda yo‘li bilan olib o‘tayotganida ushlandi. Unga nisbatan jinoyat ishi ochildi.
Shavkat Mirziyoyev Qoraqalpog‘istonga bordi
30 mart kuni O‘zbekiston prezidenti hududlar rivoji va aholi hayoti bilan tanishish maqsadida Qoraqalpog‘istonga bordi. Tashrif davomida yangi korxonalar ishga tushirilishi, yoshlar bilan muloqot qilish ham rejalashtirilgan.
E-auksion platformasi orqali kompaniyalar aksiyalarini sotish falokatga olib kelishi mumkin
Moliyaviy tahlilchi Karen Srapionov davlat kompaniyalari aksiyalarini elektron auksion platformasi orqali sotish rejalari bilan tanishib chiqar ekan, bunday qadam oqibatlari O‘zbekistonda qimmatli qog‘ozlar bozorini rivojlantirishning butun jarayoni uchun halokatga aylanishi mumkin, degan fikrni bildirdi.
Farg‘onada 17 yoshli qiz attraksiondan tushib ketib, jarohat oldi
Rishton tumanida 17 yoshli qiz istirohat bog‘idagi attraksiondan ehtiyotsizlik sabab tushib ketib, tan jarohati oldi. «U Bag‘dod tumanidagi shifoxonada davolanmoqda, ahvoli yaxshilanyapti», deyiladi viloyat IIB xabarida. Holat bo‘yicha sudga oid tibbiy ekspertiza tayinlandi, tergovga qadar tekshiruv ketmoqda.
O‘zbekistonda birinchi avtomatlashtirilgan hojatxona ishga tushdi
Toshkentning Mirobod tumanida O‘zbekistonda birinchi avtomatlashtirilgan sanitar-gigiyenik shoxobcha ishga tushirildi. Unga kirishdan avval naqd pul yoki QR kod orqali to‘lov qilinadi. Foydalanish jarayonida barcha qurilmalar inson omilisiz boshqariladi. Shoxobcha 24/7 rejimida faoliyat yuritadi.
Ayrim qishloq xo‘jaligi texnikalari bojxona to‘lovlari va utilizatsiya yig‘imidan ozod qilinadi
Prezident qarori bilan 2023 yil 1 apreldan tegishli ro‘yxat bo‘yicha xorijdan olib kelinadigan barcha turdagi qishloq xo‘jaligi texnikalari va agregatlari hamda ularning butlovchi buyumlari va ehtiyot qismlari 2025 yilgacha bojxona to‘lovlaridan va utilizatsiya yig‘imidan ozod qilinadi.
Saudiya Arabistoni hukumati mamlakatning SHHT muloqotida sheriklik maqomini tasdiqladi
Saudiya Arabistoni Vazirlar Mahkamasi qirollikka Shanxay hamkorlik tashkilotining muloqot bo‘yicha sherik maqomini berish to‘g‘risidagi memorandumni tasdiqladi.
Banklar dollarning sotish va sotib olish kurslarini yangiladi
Tijorat banklari 30-mart kuni aholidan 1 AQSh dollarini 11 280 — 11 415 so‘mdan sotib olmoqda, sotish kursi esa 11 415 — 11 470 so‘m.
29 mart kuni O‘zbekistonda sodir bo‘lgan eng muhim xabarlar dayjesti
O‘zbekistonga keltiriladigan qo‘shimcha 20 ta samolyot, YPX xodimlariga narkotesterdan foydalanishga ruhsat etilgani, «svet» va gaz narxlari bu yil oshmaydi, bojlarning nolga tushirilishi oziq-ovqat va tovarlar narxi hamda iqtisodiyotga qanday ta’sir qilishi va boshqalar — «Gazeta.uz»ning kun dayjestida.
O‘quvchilari Open budget uchun SIM-karta olishga pul yiqqan maktab direktori ishdan bo‘shatildi
Toshkent viloyati Oqqo‘rg‘on tumanida o‘quvchilari «Ochiq budjet» loyihasida ovoz to‘plashga SIM-karta sotib olish uchun pul yig‘ishga jalb qilingan maktab direktori ishdan bo‘shatildi. Viloyat hokimi haqiqatan ham ehtiyoj bo‘lsa, maktabni mahalliy budjet hisobidan jihozlash bo‘yicha topshiriq berdi.
O‘zbekistonda vazirlik va davlat tashkilotlarining ochiqlik indeksi e’lon qilindi
Antikorrupsiya agentligi 2022 yil uchun davlat organlari va tashkilotlarining ochiqlik indeksini e’lon qildi. Unda birinchi uchtalikni Statistika agentligi, Bojxona qo‘mitasi va Toshkent viloyati hokimligi egallagan bo‘lsa, so‘nggi o‘rinlarni «Qishloqqurilish invest», «Yo‘lqurilish» va MTRK band qildi.
Toshkent metrosida ayollarga nisbatan zo‘ravonlikka qarshi kurash haqidagi ijtimoiy reklama joylashtirildi
Toshkent metropolitenida ayollarning zo‘ravonlikka qarshi yordam so‘rab qilgan murojaatlarini radioto‘lqinlar shaklida aks ettirgan banner va posterlar joylashtirildi. Ularning har birida QR-kod mavjud bo‘lib, u orqali yordam haqida batafsil ma’lumot olish mumkin.
“O‘zidagi qo‘rquvni yengganlar” — eshitishda nuqsoni bor yoshlarning fotoko‘rgazmasidan reportaj
Toshkent Fotosuratlar uyida eshitishda nuqsoni bo‘lgan yoshlar uchun mo‘ljallangan maxsus fotografiya kursi bitiruvchilarining ko‘rgazmasi ochildi. Yosh ijodkorlar fotorassom Husniddin Atodan 1,5 yil mobaynida saboq olgan. Ko‘rgazma 31 martgacha davom etadi.
Qirg‘iz-o‘zbek chegarasida qurol yashirilgan o‘ra aniqlandi
Qirg‘iziston chegarachilari O‘zbekiston chegarasi yaqinidagi vodoprovod lyuki ichiga 16 kalibrli ov miltig‘i yashirib qo‘yilganini aniqladi.
O‘zbekiston turizm salohiyatini qanday oshirmoqchi?
O‘zbekistonda turizm salohiyatini oshirish bo‘yicha yangi tizim joriy qilinadi. Jumladan, har bir viloyatning «tashrif qog‘ozi» ishlab chiqiladi, turistik mavsum uzaytiriladi, 2023 yil mamlakatning turistik salohiyatini jahonga targ‘ib qilish yili bo‘lib, bunga 100 mlrd so‘m ajratiladi.
“Biz uchun faktlar gapiradi”. DIIHB O‘zbekistonda referendumni kuzatish missiyasini ishga tushirdi
YXHTning Demokratik institutlar va inson huquqlari bo‘yicha byurosi O‘zbekistondagi konstitutsiyaviy referendumni kuzatish uchun missiya ochdi. “Bizning rolimiz aralashish emas, balki jarayonni kuzatish va hisobot berish. Missiya uchun faktlar gapiradi”, — dedi harakat rahbari Albert Yonsson.
Qamchiq va Jizzax dovonlarida turistik avtobus va mikroavtobuslar qatnoviga ruxsat etiladi
10-apreldan Qamchiq va Jizzax dovonlari, Chimyon va Chorvoqda turistik avtobus hamda mikroavtobuslar qatnovini yo‘lga qo‘yishga ruxsat etiladi. Shuningdek, turoperator, mehmonxona va tashuvchilarga ayrim avtotransportlarni olib kirishda bojxona imtiyozlari beriladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting