Arxiv
O‘zbekistonda ekologiyani muhofaza qilishga 6 oyda budjetdan 1,9 trln so‘m ajratildi
6 oy davomida O‘zbekistonda ekologiyani muhofaza qilish uchun davlat budjetidan 1,9 trln so‘m yo‘naltirildi. Shunga qaramasdan deputatlar mablag‘lar o‘zlashtirilmay qolayotgani, mas’ul vazirlik va idoralar ularni samarali sarflamayotgani va ishlar bajarilmayotganini tanqid qildi.
Meva-sabzavotchilikni kreditlash bo‘yicha yangi tizim joriy qilinadi
Prezident ko‘rsatmasiga binoan sabzavot, dukkakli va moyli ekinlar bo‘yicha urug‘lik, o‘g‘it, yoqilg‘i, o‘simliklar himoyasi hamda aylanma mablag‘ uchun garovsiz kredit ajratish tizimi yo‘lga qo‘yiladi. Shuningdek, fermerlarga hosilni sug‘urtalash xarajatlarining 50 foizi davlat hisobidan qoplab beriladi.
Qozog‘istonda o‘zbekistonliklar pasportlari olib qo‘yilib, majburiy ushlab turilgani aniqlandi
Qozog‘istonda bir guruh o‘zbekistonliklar pasportlari olib qo‘yilib, majburiy ushlab turilgani haqida murojaat bilan chiqdi. Tashqi mehnat migratsiyasi agentligi xodimlari fuqarolarning pasportlarini qaytarish va oylik maoshlari undirishga erishdi. Ularni vatanga olib kelish choralari ko‘rilmoqda.
Namanganda suvda cho‘kib ketgan 12 yoshli qiz 16 avgustdan beri qidirilmoqda
16 avgust kuni Norin tumanidan oqib o‘tuvchi Qoradaryoda 12 yoshli qiz cho‘milishga borib, cho‘kib ketgan. Uni IIB, Milliy gvardiya, Favqulodda vaziyatlar boshqarmasi qutqaruv-qidiruv guruhi qidirmoqda.
5 sentabr kuni O‘zbekistonda sodir bo‘lgan eng muhim xabarlar dayjesti
Yangi boshlangan o‘quv yili, maktab darsliklari bepul ijaraga berilishi, xorijga chiqish pasportini olish osonlashgani, 95 kg narkotik, Afg‘onistondagi masjidda bo‘lgan terrorchilik va Rossiyaning Afg‘onistondagi elchixonasi yaqinida bo‘lgan portlashni qoralagan O‘zbekiston va boshqalar — «Gazeta.uz» da kun dayjesti.
O‘zbekiston TIV Rossiyaning Kobuldagi elchixonasi yaqinida sodir bo‘lgan portlashni qoraladi
5 sentabr kuni erta tongda Rossiyaning Kobuldagi elchixonasi yaqinida portlash sodir bo‘ldi, dastlabki ma’lumotlarga ko‘ra, uni xudkush terrorchi amalga oshirgan. Ikki nafar dipmissiya xodimi va to‘rt nafar mahalliy aholi halok bo‘ldi. O‘zbekiston TIV terraktni qoraladi.
Darsliklar sifati ishchi guruh tomonidan o‘rganib chiqiladi — prezident Administratsiyasi
Prezident Administratsiyasi rahbarining topshirig‘i bilan darsliklar sifatini tekshirish bo‘yicha ishchi guruhi tashkil etildi. Bundan tashqari, darsliklarni tayyorlash, nashr etish, tannarx va tarqatish tizimini tanqidiy ko‘rib chiqish rejalashtirilmoqda.
Surxondaryo daryosi o‘zanidan qum-shag‘al qazib olgan fuqaro jarimaga tortildi
Ekologlar dron yordamida o‘tkazgan reydda fuqaro Jarqo‘rg‘on tumanidagi Surxondaryo daryosi o‘zanidan noqonuniy tarzda qum-shag‘al qazib olayotganini aniqladi. Unga 9 mln so‘m jarima tortildi, texnikalari esa hududdan chiqarib yuborildi.
139 ta holatda 6,1 mlrd so‘mlik yo‘l ta’mirlash ishlari sifatsiz bajarilgani aniqlandi
«O‘zyo‘linspeksiya» yil boshidan beri 139 ta holatda yo‘llardagi 6,1 mlrd so‘mlik qurilish-montaj ishlari sifatsiz bajarilganini aniqladi. Inspeksiya talabnomasi bilan 4,2 mlrd so‘mlik sifatsiz ishlar pudratchilar tomonidan qaytadan bajarildi. Qoidabuzar mansabdorlarga nisbatan esa 134 ta bayonnoma tuzildi.
«Ko‘p hokimlar buni tushunib yetmayapti». Prezident ichki bozordagi talabni ta’minlash haqida
Shavkat Mirziyoyev oziq-ovqat mahsulotlari narxlari barqarorligini ta’minlash va zaxirasini yaratish bo‘yicha hokimlar faoliyatini tanqid qildi. «Viloyat hokimlari hududiga qancha oziq-ovqat yetishmasligi, qancha import kirayotganini bilmaydi-mi?» — dedi u. O‘zgarish qilmagan hokimlar ishdan olinishi ta’kidlandi.
Prezident maktab darsliklarini bepul ijaraga berishni buyurdi
Shavkat Mirziyoyev maktab darsliklarining ijara to‘lovlari narxi keskin oshirilishi ortidan keng jamoatchilik, jumladan, ota-onalar tomonidan bildirilgan e’tirozlar fonida darsliklarni bepul ijaraga berishni tezkor yo‘lga qo‘yish yuzasidan topshiriq berdi.
DXX afg‘onistonlik narkokurerlar olib kirgan 95 kg narkotik aylanmasiga chek qo‘ydi
DXX Toshkent va Surxondaryoda jami 95 kg giyohvand moddalarni aylanmasi bilan shug‘ullanganlikda gumonlangan shaxslar ushladi. Moddalar afg‘onistonlik narkokurerlar tomonidan kontrabanda yo‘li bilan mamlakatga olib kirilgani aniqlandi.
O‘zbekistonda xorijga chiqish pasporti olish tizimi osonlashtirildi
O‘zbekistonda xorijga chiqish biometrik pasportini endi barcha DXMlar orqali rasmiylashtirish mumkin. Xizmat eksterritorial tamoyil asosida, ya’ni fuqaroning ro‘yxatda turgan manzilidan qat’iy nazar ko‘rsatiladi. Qolaversa, pasportni olish uchun talab etiladigan ma’lumotnomalar ham qisqartirildi.
Metropoliten yo‘lovchilarni transport kartasidan foydalanish va o‘zaro hurmatni saqlashga chaqirdi
Poytaxt metropoliteni kuz boshlanishi bilan yo‘lovchilar oqimining oshishi kutilayotganidan ogohlantirdi. Yo‘lovchilardan transport kartalaridan foydalanish va vagonlar eshigi oldida to‘planib turmaslik, tushib ketayotganlarni kechiktirmaslik so‘raldi.
Samarqandda 61 yoshli ayolni zo‘rlaganlikda gumonlanib, qidiruvga berilgan erkak qo‘lga olindi
Samarqand viloyati Pastdarg‘om tumanida 1961 yilda tug‘ilgan ayolning nomusiga tegganlikda gumonlangan va qidiruvga berilgan shaxs Jizzax viloyatida ushlandi. Qo‘lga olish jarayonida u Aydar-Arnasoy ko‘li ortidagi chekka hududlardan biriga yashiringani aniqlandi.
Farg‘onada haydovchini haqorat qilgan YPX inspektori ishdan bo‘shatildi
Ijtimoiy tarmoqlarda Buvayda tumanida YPX inspektori haydovchini kurakda turmaydigan so‘zlar bilan haqorat qilayotgani aks etgan video tarqaldi. Viloyat IIB mazkur voqeadan so‘ng, xodimga nisbatan xizmat tekshiruvi o‘tkazilgani va u ishdan bo‘shatilganini ma’lum qildi.
Qozog‘istonning Kostanay viloyatida o‘rmon yong‘inlari sodir bo‘lmoqda
Qozog‘istonning Kostanay viloyati Auliyekol tumanidagi tabiiy yong‘inlar maydoni 43 ming gektardan oshdi. Dushanba kuni mamlakat prezidenti Qasim-Jomart Tokayev voqea joyiga borib, ofat hududlarini aylanib chiqdi. U yong‘inlarni bartaraf etish choralarini ko‘rish uchun kun davomida tezkor shtabga tashrif buyuradi.
Turkmaniston o‘z fuqarolari uchun Turkiyadan viza joriy etishni so‘radi
Turkmaniston o‘zining fuqarolari uchun Turkiyadan vaqtinchalik viza rejimini joriy etishni so‘radi.
Zarafshon daryosida 829 dona baliq nobud bo‘lgani aniqlandi
Navoiy viloyati Ekologiya boshqarmasi Zarafshon daryosining Karmana tumanidan oqib o‘tuvchi qismida 829 dona baliq nobud bo‘lganini aniqladi. Bu «Navoiyazot» va «Navoiy IES» korxonalarining daryoga tashlaydigan oqova suvlaridan sababli yuzaga kelgan bo‘lishi mumkin. Ekologlar laborator tekshiruvlar o‘tkazmoqda.
O‘zini o‘zi band qilganlar uchun faoliyat turlari ro‘yxati kengaytirildi
1 noyabrdan boshlab yakka tartibdagi tadbirkorlar shug‘ullanishi mumkin bo‘lgan faoliyat turlari ro‘yxati yana 10 taga ortadi. Ularning orasida — rieltorlik xizmatlarini ko‘rsatish, uy-ro‘zg‘or buyumlarini ijaraga berish, avtomobil bozolarida vositachilik qilish, kulolchilik va boshqalar mavjud.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting