Arxiv
Shavkat Mirziyoyev bir guruh Ozarbayjon fuqarolarini mukofotladi
Prezident O‘zbekiston va Ozarbayjon o‘rtasida birodarlik rishtalarini mustahkamlashga qo‘shayotgan munosib hissasi uchun bir guruh ozarbayjonliklarni taqdirladi. Ulardan biriga «O‘zbekiston xalq artisti» faxriy unvoni, qolgan uch nafariga esa «Do‘stlik» ordeni berildi.
2022-yilda YAIM 5,77 foizga o‘sishi prognoz qilinmoqda
2022-yil uchun yalpi ichki mahsulotning real o‘sish sur’ati 5,77 foiz darajasida prognoz qilinmoqda. Uchinchi chorakda YAIMning taxminiy haftalik ijobiy tendensiyalari o‘sish sur’atini yiliga kamida 0,68 foizga oshirishi kutilmoqda.
Bayram munosabati bilan pensiya to‘lovlari plastik kartaga 1-sentabrgacha to‘lab beriladi
Pensiya jamg‘armasi mustaqillik bayrami munosabati bilan sentabr uchun pensiya va nafaqa to‘lovlari (naqdsiz shaklda) oyning birinchi sanasigacha plastik kartalarga o‘tkazilishini ma’lum qildi. Naqd shaklda oluvchi fuqarolarga esa 5-sentabrdan boshlab nafaqa pullari yetkazib beriladi.
Xivaga boruvchi tezyurar poyezdga Jaloliddin Manguberdi nomi beriladi
Prezident taklifiga ko‘ra, Toshkentdan Xivaga qatnovchi tezyurar poyezdga Jaloliddin Manguberdi nomi beriladi. U 2024 yilda ishga tushirilishi rejalashtirilgan.
Samarqandda ilk bor kon texnogen chiqindilaridan volfram olindi
Samarqand viloyatida joylashgan «Ingichka» konining texnogen chiqindilaridan ilk marta volfram mahsuloti olinganligi ma’lum qilindi. Ushbu loyihaning yo‘lga qo‘yilishi 150 ta yangi ish o‘rnini yaratib, qayta ishlash evaziga yiliga 100 tonna volfram olishga imkon berdi.
Nukus voqealarida gumonlanib, hibsga olingan 24 nafar fuqaro jamoat kafilligi asosida qo‘yib yuborildi
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda gumonlangan 24 nafar fuqaro jamoat kafilligi asosida o‘z oilasiga qaytarildi. Ularning qamoq jazosi jamoatchilik nazorati va uy qamog‘iga o‘zgartirildi.
Yangi Chevrolet Tracker`ning narxlari e’lon qilindi
UzAutoMotors`ning birinchi milliy krossoveri Chevrolet Tracker avtomobilining sotuvi boshlandi. Boshlang‘ich komplektatsiya narxi 179 000 000 so‘mni tashkil etadi. Xaridorlar 30 avgustdan boshlab shartnoma tuzishlari mumkin bo‘ladi.
100 yoshdan oshgan 14 nafar fuqaro «Shuhrat» medali bilan mukofotlandi
Shavkat Mirziyoyev mustaqillik bayrami arafasida 100 yoshdan oshgan 14 nafar fuqaroni «Shuhrat» medali bilan taqdirladi.
Toshkentda $16 mingga yaqin qalbaki dollar musodara qilindi
Avgust boshida Toshkentda Spark avtomobili salonidan qariyb 16 ming qalbaki dollar topilgan. Mazkur holat yuzasidan jinoyat ishi qo‘zg‘atilib, qalbaki pul yasash va ularni o‘tkazish bilan shug‘ullangan shaxslarni aniqlash ishlari olib borilmoqda.
Samarqand shahridagi maktablarda SHHT sammiti sababli darslar 19-sentabrdan boshlanadi
Samarqandda o‘tadigan SHHT sammiti va xorijiy mamlakat rahbarlarining rasmiy tashriflari sababli shahar maktablarida darslar 19-sentabrdan boshlanadi. O‘quvchilar qoldirilgan dars soatlarini o‘quv yili davomida ta’tillar hisobidan to‘ldirib boradi.
O‘zbekistonda zaharli va yirtqich yovvoyi hayvonlarni guvohnomasiz saqlash taqiqlanishi mumkin
Qonunchilik palatasida «Hayvonot dunyosini muhofaza qilish va undan foydalanish to‘g‘risida»gi qonunga o‘zgartirish kiritish bo‘yicha hujjat loyihasining muhokamasi bo‘lib o‘tdi. Unda deputatlar yovvoyi yirtqich va zaharli hayvonlarni hujjatsiz saqlashni taqiqlash masalasini ko‘rib chiqdilar.
Prezident bir qator chet el fuqarolarini mukofotladi
Shavkat Mirziyoyev 12 nafar chet el fuqarosini «Do‘stlik» ordeni bilan taqdirladi. Ular orasida Turkiya vitse-prezidenti, Rossiya bosh vaziri o‘rinbosari, Saudiya Arabistoni va Birlashgan Arab Amirliklari vazirlari, AQSh va Ozarbayjon elchilari va boshqalar bor.
Qarama-qarshi yo‘nalishda harakatlangan Lacetti haydovchisi MJtKning uchta moddasi bo‘yicha jarimaga tortildi
Toshkent IIBB Chilonzorda yo‘lning qarama-qarshi bo‘lagida avariya holatini vujudga keltirgan holda harakatlangan Lacetti haydovchisini topdi. Unga nisbatan MJtKning uchta moddasi bo‘yicha bayonnoma rasmiylashtirildi, mashina esa jarima maydonchasiga qo‘yildi.
Londonga uchgan yo‘lovchilarning yuklari Toshkentda qolib ketdi
Uzbekistan Airways aviakompaniyasining «Toshkent-London» reysi yo‘lovchilarining yuklari samolyotga ortilmay qolib ketgan. Kompaniya buni Airbus 320neo samolyotining cheklangan tijorat yuklanishi bilan izohladi. Bagajlar 30 avgust kuni yetkazib beriladi.
Aziz Voitov qishloq xo‘jaligi vaziri lavozimiga tasdiqlandi
Prezident farmoni bilan Aziz Voitov qishloq xo‘jaligi vaziri lavozimiga tasdiqlandi. Shu munosabat bilan u investitsiyalar va tashqi savdo vazirining birinchi o‘rinbosari lavozimidan ozod etildi.
29 avgust kuni O‘zbekistonda sodir bo‘lgan eng muhim xabarlar dayjesti
Urganchda Jaloliddin Manguberdi haykalini ochib bergan prezident, talabalar onlayn oladigan to‘lov-shartnoma, bolalar uchun kelgan Pfizer vaksinasi, daraxtlari shikastlangan yangi Milliy bog‘, yangi Qishloq xo‘jaligi vaziri va boshqalar — «Gazeta.uz» da kun dayjesti.
“Modomiki tibbiyot boshqa hech narsa qila olmas ekan, yashaylik”. Taskin bolalar hospisi ilk bemorlarni qabul qildi
“Zangiota-2” ixtisoslashtirilgan shifoxonasi negizida birinchi Taskin bolalar hospisi ochildi. Muassasada bedavo kasallikka chalingan bemorlarga bepul palliativ yordam ko‘rsatiladi. “Gazeta.uz” hospisning qanday ishlashi va uning ochilish tarixini hikoya qiladi.
O‘zbekiston va Germaniya prezidentlari YeI doirasida muloqotni rivojlantirishni muhokama qildilar
Germaniya prezidenti Frank-Valter Shtaynmayer telefon orqali muloqotda O‘zbekiston rahbari Shavkat Mirziyoyevni mamlakat mustaqilligining 31 yilligi bilan tabrikladi. Tomonlar mintaqaviy hamkorlik, shu jumladan Yevropa Ittifoqi doirasidagi konstruktiv muloqotni rivojlantirish masalalarini muhokama qildilar.
Dzyudo bo‘yicha jahon chempionatida o‘zbekistonlik sportchilar 8 ta medalni qo‘lga kiritdi
Sarayevoda bo‘lib o‘tgan dzyudo bo‘yicha kadetlar o‘rtasidagi jahon chempionatida O‘zbekiston terma jamoasi 1 ta oltin, 4 ta kumush va 3 ta bronza medaliga sazovor bo‘ldi. Dzyudochilar jamoaviy bahslarda ham qatnashib, o‘z tarixida ilk marta bronza medalini qo‘lga kiritdi.
Bir qator diplomatik missiyalar rahbarlariga oliy diplomatik martabalar berildi
Prezident farmonlari bilan bir guruh diplomatik missiyalar rahbarlariga oliy diplomatik martabalar berildi. Jumladan, ikki nafar diplomatga favqulodda va muxtor elchi, uch nafariga esa 2-darajali favqulodda va muxtor vakil martabasi berildi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting