Arxiv
«Faqat ichki bozorga yo‘naltirilgan mahalliylashtirishdan ma’no yo‘q» — Shuhrat Vafoyev
Germaniyada bo‘lib o‘tgan anjumanda O‘zbekistonda mahalliylashtirish va o‘zbek konteyner kranlarining sifati masalasi ko‘tarildi. Investitsiyalar va tashqi savdo vaziri o‘rinbosari Shuhrat Vafoyev faqat ichki bozorga yo‘naltirilgan mahalliylashtirish haqida gapirishdan ma’no yo‘q ekanligini tan oldi. «Biz bunga o‘zimizning achchiq tajribamizdan ham, o‘sha paytda import o‘rnini bosish bilan shug‘ullangan boshqa Lotin Amerikasi davlatlarining tajribasidan ham amin bo‘ldik», — dedi u.
Dollarning rasmiy kursi ko‘tarildi
Dollarning so‘mga nisbatan rasmiy kursi 35,21 so‘mga ko‘tarilib, 10 715,30 so‘m etib belgilandi. Shuningdek, yevro va rubl kurslari ham ko‘tarildi.
Sabzi narxlari 4−5 barobargacha arzonlashdi — Qishloq xo‘jaligi vazirligi
Noyabr oyida sabzining narxi 2021 yil iyun oyi bilan taqqoslaganda 4−5 barobargacha arzonlashdi. Qishloq xo‘jaligi vazirligining prognozlariga ko‘ra, narxlar 2022 yil bahori — kutiladigan yangi hosilga qadar shu darajada saqlanib qoladi.
Yakkabog‘ hokimining Captiva`si YTHga uchradi. Avvalroq deputat mashina xarid qilish o‘rniga muhtojlarga yordam berishni taklif qilgandi
Qashqadaryo viloyati Yakkabog‘ tumani hokimining Captiva xizmat mashinasi ishtirokida YTH sodir bo‘ldi. Hodisa sodir bo‘lgan vaqtda tuman rahbari mashinada bo‘lmagan. May oyida 25 nafar tuman deputatidan 24 nafari 311 mln so‘mga avtomobil sotib olishni ma’qullagan. Kengashning faqat bir vakili ushbu xaridga qarshi chiqqan va shu pulni muxtojlarga tarqatishni taklif qilgan.
Sobiq profilaktika inspektori Quva tuman IIB rahbariyati ustidan IIVga shikoyat qildi
Sobiq profilaktika inspektori Nozimjon Nishonov Quva tumani IIB boshlig‘i o‘rinbosari ustidan shikoyat qilib, ichki ishlar vaziri Po‘lat Bobojonovga videomurojaat yo‘lladi. IIB boshlig‘i o‘rinbosari profilaktika inspektorlaridan har kuni 55 ming so‘mlik «o‘rta fond» undirayotgani, kunlik majburiy reja joriy qilgani va xodimlarni haqoratlab, shaxsiy manfaatlari yo‘lida ishlatayotgani aytilmoqda.
12 ta tuman hokimlari ko‘chat ekishni boshlamagani uchun ogohlantirish oldi — prezident
Shavkat Mirziyoyev «Yashil makon» dasturi bo‘yicha ko‘chat ekish ishlari haligacha boshlanmagani uchun Qo‘shrabot, Kattaqo‘rg‘on, Tomdi, Do‘stlik, Arnasoy, Forish, Yangiariq, Sherobod, Termiz, Muzrabot, G‘uzor, Kitob tumanlari hokimlari qat’iy ogohlantirilganini ma’lum qildi.
2022 yilda 1hls.uz platformasiga 60 mlrd so‘m ajratiladi — prezident
Shavkat Mirziyoyev Moliya vazirligiga 2022 yilda “Sog‘lom turmush tarzi” platformasini (1hls.uz) yanada ommalashtirish uchun qo‘shimcha 60 mlrd so‘m ajratish bo‘yicha topshiriq berdi. Ma’lumotlarga ko‘ra, mazkur platformadan foydalanuvchilar bugungi kunda 600 ming nafarga yetdi, ularga piyoda yurgani uchun 18 mlrd so‘m to‘lab berildi.
«O‘zbekneftgaz» $700 mln miqdorida debyut yevroobligatsiyalarini muvaffaqiyatli joylashtirdi
«O‘zbekneftgaz» AJ o‘z tarixida ilk bor London fond birjasida 700 mln AQSh dollari miqdoridagi yevroobligatsiyalarini 7 yil muddatga 4,75% stavkada muvaffaqiyatli joylashtirdi. Xalqaro obligatsiyalar 120 dan ortiq Buyuk Britaniya, AQSh, Germaniya, Yevropa xamda Osiyo mamlakatlari investorlari orasida taqsimlanganligi aytilmoqda.
Bosh prokuratura ish vaqtida vafot etgan xodimi bo‘yicha tegishli idoralarga xabar bermagan — Davlat mehnat inspeksiyasi
Davlat mehnat inspeksiyasi Bosh prokuratura ish vaqtida vafot etgan xodimi bo‘yicha Mehnat vazirligi va Toshkent shahar Bandlik bosh boshqarmasiga tegishli tartibda xabar bermaganligini ma’lum qildi. Oldinroq marhum xodimning otasi qonunda belgilangan nafaqa pullari to‘lab berilmagani sababli Bosh prokuratura ustidan sudga murojaat qilgandi. Biroq, FIB Mirobod tuman sudi da’vo arizasini rad qilgan.
Aziz Abduhakimov BMTning Glazgoda bo‘lib o‘tgan iqlim bo‘yicha sammitida nutq so‘zladi
O‘zbekiston iqlim o‘zgarishi jarayonlarini to‘xtatish bo‘yicha ko‘p tomonlama sa’y-harakatlarda faol ishtirok etishga tayyor, dedi bosh vazir o‘rinbosari Aziz Abduhakimov Glazgoda bo‘lib o‘tgan BMTning iqlim o‘zgarishi bo‘yicha sammitida so‘zlagan nutqida.
Kelgusi 5 yilda oliy toifali o‘qituvchi va shifokorlar maoshi ming dollarga yetkaziladi — prezident
2025 yilga borib, oliy toifali o‘qituvchilarning oylik maoshini ekvivalent hisobida 1ming dollarga yetkazish choralari ko‘riladi, deya ma’lum qildi Shavkat Mirziyoyev inauguratsiya marosimidagi nutqida. 2020 yilda xalq ta’limi tizimida 13407 nafar oliy toifali o‘qituvchilar faoliyat ko‘rsatayotgan edi, bu umumiy o‘qituvchilar sonining 2,8 foizdan kamini tashkil etadi. E’lon qilingan ko‘rsatkichga erishish uchun ularning ish haqini qariyb 3,5 barobarga oshirish kerak.
Chang bo‘ronlari qanday paydo bo‘ladi, ular qanchalik xavfli va mutasaddilar qanday chora ko‘rishlari zarur?
Qum va chang bo‘ronlari qanday paydo bo‘ladi? Ular atrof-muhit, inson salomatligi va iqtisodiyotga qanday ta’sir ko‘rsatadi? Qanday ehtiyot choralariga amal qilish zarur va mutasaddilardan qanday choralarni ko‘rish talab etiladi? «Gazeta.uz» JMT, UNEP, JSST va boshqa tashkilotlar ma’lumotlari asosida mavzu yuzasidan sharh tayyorladi.
Singapurda emlanishdan bosh tortgan koronavirus bemorlariga tibbiy xizmatlar pulli bo‘ladi
Singapur o‘z xohishi bilan COVID-19`ga qarshi emlanishdan bosh tortganlarga virusni davolash bilan bog‘lik tibbiy to‘lovlarni to‘lashni to‘xtatadi. Mamlakatda hozirda emlanmagan odamlar intensiv statsionar yordamga muhtoj bo‘lganlarning aksariyatini tashkil qilmoqda.
Suv tanqisligi tufayli GESlarda ishlab chiqarish hajmi qariyb 25 foizga kamaygan
O‘zbekistonda suv sathining pastligi tufayli gidroelektr stansiyalari unumdorligi 23 foizga kamaydi, bu esa mamlakatning ayrim hududlarida elektr ta’minotida qisqa muddatli uzilishlarga olib keldi, deb xabar berdi Energetika vazirligi.
O‘zbekiston qamoqxonalari xodimlariga Nelson Mandela qoidalarini qo‘llash bo‘yicha trening o‘tkazilmoqda
O‘zbekistondagi jazoni ijro etish muassasalari xodimlari uchun «Nelson Mandela qoidalarining asosiy tamoyillari» treningi o‘tkazilmoqda. Unda, jumladan, qamoqxonalarda qiynoqlarning oldini olish ko‘nikmalari ham o‘rgatiladi.
COVID-19 ga qarshi kurash xarajatlari 3 trln so‘mdan 4,3 trln so‘mga yetkazildi
Epidemiologik vaziyat yomonlashganligi sababli COVID-19 ga qarshi kurash tadbirlari uchun ajratiladigan mablag‘lar miqdori qayta ko‘rib chiqildi va ko‘zda tutilgan 3 trln so‘mdan 4,3 trln so‘mga yetkazildi. Qo‘shimcha mablag‘lar respublika budjetidan ajratib kelinmoqda.
Chang konsentratsiyasi eng yuqori bo‘lgan hududlar ma’lum qilindi
O‘zgidromet 4 noyabr kuni havodagi changning eng yuqori konsentratsiyasi Toshkent (33 marta), Chirchiq (26), Guliston va Olmaliq (20), Bekobod (18) va Buxoro (14) shaharlarida kuzatilganini ma’lum qildi. Boshqa hududlarda esa bu ko‘rsatkich 2 dan 8 martagacha bo‘lgan.
Jahon yangiliklari dayjesti
Dunyo bo‘ylab COVID-19 ga chalinganlar sonining 250 mlndan oshgani, polshaliklarning Belarus chegarasidagi vaziyat tufayli amerikaliklarga murojaat qilgani, Portugaliyada yangi qonunga ko‘ra ish beruvchilar xodimlar bilan ishdan tashqari vaqtda gaplashishi taqiqlangani va boshqa yangiliklar — «Gazeta.uz»ning jahon yangiliklari dayjestida.
9 noyabr kuni O‘zbekistonda sodir bo‘lgan eng muhim xabarlar dayjesti
iFly Airlines`ga O‘zbekistonga parvozlarni amalga oshirish vaqtincha taqiqlanishi, Shavkat Mirziyoyev va Jahongir Ortiqxo‘jayevning Toshkentdagi chang haqidagi fikrlari, prezident raisligida bo‘lib o‘tgan videoselektor yig‘ilishi — “Gazeta.uz"ning 9 noyabrdagi eng muhim xabarlari dayjestida.
Deputat 2022 yil uchun Davlat budjeti loyihasi kechikayotganini ma’lum qildi
Vazirlar Mahkamasi 15 oktabrgacha loyihani taqdim etishi kerak bo‘lsada, Oliy Majlis Qonunchilik palatasiga 2022 yilgi budjet loyihasi haligacha kelib tushmadi, deya ma’lum qildi deputat Doniyor G‘aniyev. Uning so‘zlariga ko‘ra, hukumat iyun oyida yangilangan o‘rta muddatli fiskal strategiyani tasdiqlashi kerak edi, biroq bu hali amalga oshmagan.
Eng ko‘p o‘qilgan xabarlar | So‘nggi yangiliklar
- Toshkentdagi musiqa festivalida ommaviy janjal yuz berdi (video)
- Futbol bo‘yicha JCh-2026 saralashi: O‘zbekiston Shimoliy Koreyani mag‘lub etdi
- Paralimpiya o‘yinlari: 8-kunda O‘zbekistondan 9 nafar sportchi qatnashadi
- Toshkent viloyatining Sirdaryo va Namangan viloyatlari bilan chegarasiga o‘zgartirish kiritilmoqda
Qo‘shimcha imkoniyatlarga ega bulish uchun saytda ro‘yxatdan o‘ting