Arxiv
Shavkat Mirziyoyev Turkiyaga jo‘nab ketdi
Shavkat Mirziyoyev Turkiy tilli davlatlar hamkorlik kengashining sakkizinchi sammitida ishtirok etish uchun Turkiyaning Istanbul shahriga jo‘nab ketdi. Davlat rahbari tashrif doirasida qator ikki tomonlama uchrashuvlar ham o‘tkazadi.
Rossiyada qolib ketgan o‘zbekistonliklar uchun maxsus poyezdlar qatnovi yo‘lga qo‘yilmoqda
«O‘zbekiston temir yo‘llari» pandemiya davrida Rossiyada qolib ketgan O‘zbekiston fuqarolarining mamlakatga kelishi uchun 5 ta maxsus poyezdlar qatnovini yo‘lga qo‘yadi. Reyslar 15, 19, 22, 26, 29 noyabr kunlari «Voljskiy-Toshkent» yo‘nalishida amalga oshiriladi.
Odri Azule YUNESKO rahbari etib qayta saylandi
Odri Azule 169 ovozdan 155 ta ovoz olib, YUNESKO bosh direktori etib qayta saylandi.
O‘zbekistonda Qiwi Uzbekistan elektron pullarning chiqarilishiga ruxsat berildi
Markaziy bank O‘zbekistonda «QIWI Uzbekistan» elektron pullarning chiqarilishiga ruxsat berdi. «Kapitalbank» tomonidan mazkur elektron pullar tizimining emitenti sifatida elektron pullarni chiqarish faoliyati yo‘lga qo‘yiladi.
Qashqadaryoda rasman «o‘lgan» fuqaro notarius va shahar prokurorini obro‘sizlantirishda ayblanmoqda
Qarshi shahrida 23 yil ilgari hujjatlarda «o‘lgan» Anvar Javharov notarius hamda shahar prokurorini obro‘sizlantirish va ularga tuhmat qilishda ayblanib, sud qilinmoqda. Ayblanuvchi «faqat va faqat o‘zining tirikligini isbotlashga» uringani, uning turmush o‘rtog‘i hujjatlarni soxtalashtirib, uyini sotib yuborganini aytmoqda.
«Zarubejneft» Jizzakh Petroleum kompaniyasining ulushini sotib olmoqchi — OAV
«Zarubejneft» Jizzakh Petroleum kompaniyasining ulushini sotib olishni muhokama qilmoqda, deya xabar berdi «Kommersant’». Rossiyaning davlat kompaniyasi mintaqada neft va gaz qazib olish bo‘yicha klaster shakklantirmoqchi.
Toshkentdagi shifoxona mansabdorlari 586,7 mln so‘m budjet mablag‘ini talon-toroj qilganlikda gumonlanmoqda
Antikorrupsiya agentligi o‘rganishlari natijasida Tibbiyot xodimlarining kasbiy malakasini rivojlantirish markazining ko‘p tarmoqli klinikasida 9,7 mlrd so‘mlik moliyaviy xato va kamchiliklar aniqlandi. Shundan 586,7 mln so‘mlik budjet mablag‘lari talon-taroj qilinganligini aytilmoqda. Shifoxonaning mansabdor shaxslariga nisbatan jinoiy ish qo‘zg‘atilgan.
Paxta-to‘qimachilik klasterlari paxta yetishtirish va terish uchun imtiyozli kreditlar olishi mumkin
2022 yil hosilidan paxta yetishtirish va yig‘im-terimini Qishloq xo‘jaligini davlat tomonidan qo‘llab-quvvatlash jamg‘armasi mablag‘lari hisobidan moliyalashtirishning yangi tartibi joriy etiladi. Urug‘chilikni rivojlantirish markazi tarkibidagi paxta-to‘qimachilik klasterlari va elita urug‘chilik xo‘jaliklari imtiyozli kredit olishlari mumkin bo‘ladi.
“Har bir tashkilotda kasaba uyushmasi faoliyat ko‘rsatishi shart”. Prezident soha xodimlarini kasb bayrami bilan tabrikladi
Prezident Shavkat Mirziyoyev ilk bor nishonlanayotgan 11 noyabr — O‘zbekiston kasaba uyushmalari kuni munosabati bilan soha hodimlariga tabrik maktubi yo‘lladi. Maktubda so‘nggi 5 yilda tizimda amalga oshirilgan islohotlar bilan birga kelgusidagi ustuvor vazifalar ham tilga olingan. Jumladan, davlat rahbari har qaysi korxona yoki tashkilotda albatta kasaba uyushmasi faoliyat ko‘rsatishi va rahbarlar ular bilan yaqin hamkorlikda ish olib borishi shart ekanligini ta’kidladi.
YouTube dizlayklar hisobini to‘xtatdi
YouTube kontent mualliflarini hujumlardan himoya qilish uchun videolar ostidagi dizlayklar sonini yashirishni boshladi. Avvalroq o‘tkazilgan esperiment shuni ko‘rsatdiki, foydalanuvchilar videoga berilgan salbiy baholar sonini ko‘rmasalar, ularning dizlayk tugmasini bosish ehtimoli kamroq bo‘ladi.
Sog‘liqni saqlash vaziri Abduxakim Xadjibayev lavozimidan ozod etildi
Behzod Musayev sog‘liqni saqlash vaziri lavozimiga tayinlandi. Ushbu lavomizda ishlab kelgan Abduxakim Xadjibayev O‘zbekiston kasaba uyushmalari federatsiyasiga o‘tishi kutilmoqda.
O‘zbekistonda skeyt assotsiatsiyasi tashkil etilmoqda
Skeytbording, roller va skuterda uchish sport turlarini o‘z ichiga olgan «Skeyt O‘zbekiston» assotsiatsiyasini tuzish rejalashtirilmoqda. Endilikda o‘zbekistonlik skeytbordchilar uchun Parij-2024 olimpiadasiga 12 ta litsenziya olish imkoniyati mavjud.
Yashil maydonlarni rejalashtirish, hisobga olish va daraxtlarni davolash qanday bo‘lishi kerak — Zinoviy Novitskiy tavsiyalari
Avvaldan ishlab chiqilgan loyihalarsiz daraxt ekish mumkin emas. Kasal daraxtlarni kesish emas, balki davolash kerak. «Yashil Makon» loyihasini amalga oshirishda o‘tmishdagi xatolarni takrorlamaslik uchun nima qilish kerak? Daraxt turlarini to‘g‘ri tanlash, ularni ekish, parvarishlash, hisobga olish va davolashni tashkil etish to‘g‘risida qishloq xo‘jaligi fanlari doktori Zinoviy Novitskiy maqolasida.
Chilonzorda 10 noyabrgacha yopilgan yo‘l yana 5 kundan so‘ng ochiladi
Toshkent shahar hokimligi Chilonzor tumanidagi Mahmudjon G‘afurov ko‘chasida transport vositalarining harakatlanishi 10 noyabrgacha cheklangani haqida xabar bergandi. Hokimlikning ma’lum qilishicha, yo‘lda ta’mirlash ishlari yana 5 kun davom etadi.
Sog‘liqni saqlash vaziri o‘zgarishi kutilmoqda
Deputatlar sog‘liqni saqlash vaziri lavozimiga Behzod Musayev nomzodini ma’qulladilar. Hozirda u bosh vazirning ijtimoiy rivojlanish masalalari bo‘yicha o‘rinbosari hisoblanadi.
JSST koronavirus pandemiyasini yengib o‘tishning shartlarini ma’lum qildi
JSST rahbari Tedros Gebreisus vaksinatsiya yordamida COVID-19 pandemiyasini yengib o‘tishining uchta asosiy shartini sanab o‘tdi.
10 noyabr kuni O‘zbekistonda sodir bo‘lgan eng muhim xabarlar dayjesti
12 ta tuman hokimlari ko‘chat ekishni boshlamagani uchun ogohlantirish olishi, Sobiq profilaktika inspektori Quva tuman IIB rahbariyati ustidan IIVga shikoyat qilishi, viloyatlarda moliya-iqtisodiyot sektori xodimlari majburan mahallada “hokim yordamchisi” lavozimiga o‘tkazilayotgani — “Gazeta.uz"ning 10 noyabrdagi eng muhim xabarlari dayjestida.
Viloyatlarda moliya-iqtisodiyot sektori xodimlari majburan mahallada «hokim yordamchisi» lavozimiga o‘tkazilayotgani aytilmoqda
Respublika bo‘ylab barcha mahallalarda «hokim yordamchisi» lavozimiga moliya-iqtisodiyot sektori xodimlari majburlab o‘tkazilayotgani aytilmoqda. Murojaatchilarning so‘zlariga qaraganda, ular ushbu lavozimga o‘tishni rad etsa, «prezidentga xiyonat» qilayotganlikda ayblanib, ishdan bo‘shatilishi bilan qo‘rqitilmoqda. Suhbatga kelmaganlar esa ichki ishlar organlari tomonidan majburan olib ketilayotgani ma’lum qilindi. Avvalroq, saylovoldi tashviqoti davrida Shavkat Mirziyoyev «hokim yordamchisi» lavozimiga yoshlar orasidan nomzodlar tanlab olinishini aytgandi.
Foto: Toshkentda kuz
Toshkentda oltin kuz fasli o‘z nihoyasiga yetmoqda. oktabr va noyabr oylarining rang-barang manzaralari — “Gazeta.uz” fotojamlanmasida.
O‘zbekiston xom ashyo manbasi bo‘lib qolmoqchi emas — Shuxrat Vafayev
Investitsiyalar va tashqi savdo vaziri o‘rinbosari Shuxrat Vafayev Germaniyadagi anjumanda «O‘zbekistonning ambitsiyalari xom ashyo manbasi bo‘lib qolishdan ko‘ra kengroq» ekanligini ta’kidladi. Uning so‘zlariga ko‘ra, mamlakat global yetkazib berish zanjirlarida yuzaga kelgan bo‘shliqlarni to‘ldirish uchun ishlab chiqarish va qayta ishlashning bir qismini o‘ziga olishi mumkin.
Eng ko‘p o‘qilgan xabarlar | So‘nggi yangiliklar
- Toshkentdagi musiqa festivalida ommaviy janjal yuz berdi (video)
- Futbol bo‘yicha JCh-2026 saralashi: O‘zbekiston Shimoliy Koreyani mag‘lub etdi
- Paralimpiya o‘yinlari: 8-kunda O‘zbekistondan 9 nafar sportchi qatnashadi
- Toshkent viloyatining Sirdaryo va Namangan viloyatlari bilan chegarasiga o‘zgartirish kiritilmoqda
Qo‘shimcha imkoniyatlarga ega bulish uchun saytda ro‘yxatdan o‘ting