Arxiv
Toshkentda ayrim mahsulotlar Yevropa poytaxtlaridan ham qimmatroq ekanligi aniqlandi
Tadqiqotlarga ko‘ra, Toshkent shahridagi apelsin, limon va banan narxlari MDH va Yevropaning London, Berlin va Rim kabi bir qator markazlaridagi narxlardan baland bo‘lib turibdi. Shuningdek, boshqa turdagi oziq-ovqat narxlari bo‘yicha Toshkent shahridagi minimal narxlar MDH davlatlari poytaxtidagi narxlardan ancha baland ekanligi aniqlandi.
O‘zbekistonda bolalar orasida koronavirusga chalinish holatlari ko‘paymoqda — OAV
O‘zbekistondagi kasalxonalarda koronavirus kasalligiga chalingan bolalar soni keskin ko‘paymoqda, ular orasida o‘lim holati ham qayd etilganligi aytilmoqda. Zangiotadagi ixtisoslashgan shifoxonada hozirgacha 400 nafarga yaqin bola davolangan.
Dollarning rasmiy kursi yana ko‘tarildi
Dollarning rasmiy kursi 13 so‘mga qimmatladi va jami 10 525 so‘m etib belgilandi. Shuningdek, yevro kursi ham ko‘tarildi, rubl esa biroz pasaydi.
Mirza Azizov 25 kun reanimatsiyada bo‘lib, koronavirus bilan kurashgani ma’lum bo‘ldi
O‘zbekiston xalq artisti Mirza Azizov COVID-19 ga chalinib, Zangiota shifoxonasiga yotqizilgani ma’lum bo‘ldi. Aktyor 25 kun davomida reanimatsiya bo‘limida davolangan.
O‘zbekiston diplomatik vakolatxonalari Rossiyada bo‘lib turishni qonuniylashtirish uchun yordam ko‘rsatadi
Rossiya hududida noqonuniy bo‘lib turgan xorijiy davlat fuqarolariga 15 iyunga qadar o‘z maqomlarini qonuniylashtirishga ruxsat berilgan. Tashqi mehnat migratsiyasi agentligi Rossiya hududida bo‘lishni qonuniylashtirish masalasida yordam qidirayotgan fuqarolarni O‘zbekistonning Rossiya mintaqalaridagi Bosh konsulxonalariga hamda Tashqi mehnat migratsiyasi agentligining telefon raqamlari orqali murojaat qilishga chaqirmoqda.
Qonun ishlab chiqishda parlamentga resurs yetishmaydi — adliya vaziri
Adliya vaziri Ruslanbek Davletov qonun loyihasini ishlab chiqish jarayonida ijro hokimiyatining faolligi tizimning resurlariga bog‘liqligini ta’kidladi. Vazirning aytishicha, deputatlarda bunday resurs yo‘qligi uchun ular qiynaladi. «Deputatlarda har doim ham soha bo‘yicha tahlil bo‘lmaydi. Deputatning yordamchisi ham yo‘q», — deydi u.
Belarusda isyonga urinish va prezidentga suiqasd qilishga tayyorgarlik haqidagi tafsilotlar ma’lum qilindi
Belarusda harbiy qo‘zg‘olonni tashkil etishda hamda prezident Aleksandr Lukashenko va uning oilasiga suiqasd qilishga tayyorgarlik ko‘rganlikda gumon qilingan fuqarolar hibsga olindi.
«Kitob tumanidagi 5-sonli Mehribonlik uyini tugatish kerak» — Aliya Yunusova
Bolalar ombudsmani Aliya Yunusovaning ta’kidlashicha, «Kitob tumanidagi 5-sonli Mehribonlik uyini tugatish kerak». O‘tkazilgan o‘rganishlarda oziq-ovqat mahsulotlarining sifati o‘zgargani va chirigani, beton poldan iborat xonalar zaxligi, mebellar esa eskiligi sabab bolalar juda yomon sharoitda yashayotgani aniqlangan. Uning o‘rnida Bolalar shaharchasini tashkil etish taklif qilinmoqda.
Ish haftasining ikkinchi yarmida kam bulutli va quruq ob-havo bo‘ladi
20−21 aprelda O‘zbekiston hududiga Kaspiy dengizi hududlaridan nam havo massalari, so‘ng Ural hududlaridan deyarli sovuq antitsiklon kirib keladi. Respublikaning ayrim hududlarida yomg‘ir yog‘adi, momaqaldiroq bo‘lishi mumkin. Ish haftasining ikkinchi yarmida O‘zbekistonning barcha hududlari bo‘yicha kam bulutli va quruq ob-havo bo‘ladi.
«Karantin qoidalarini buzganlarga nisbatan eng qat’iy choralar qo‘llaniladi» — IIV
Agar ilgari ichki ishlar organlari xodimlari karantin qoidalarini buzgan fuqarolarni ogohlantirish bilan cheklanib qolishgan bo‘lsa, endi qoidabuzarlarga nisbatan eng qat’iy choralar qo‘llaniladi, deyiladi IIV xabarida. Birgina 18 aprelning o‘zida Toshkentda karantin qoidalariga rioya qilmaganlik to‘g‘risida 773 ta bayonnoma tuzildi.
«Saylovlar bo‘yicha bizga xolisona baho kerak» — Shavkat Mirziyoyev
Prezident YeXHTning Demokratik institutlar va inson huquqlari bo‘yicha byurosi va Parlament assambleyasi to‘laqonli missiyasini oktyabrda bo‘lib o‘tadigan saylovlarni kuzatishga taklif qildi.
Yevropaning top klublari futbol bo‘yicha Superliga tashkil qilishmoqda
Yevropada 12 ta top klub futbol bo‘yicha Superliga tashkil qilishlarini e’lon qilishdi. UEFA bunga qarshi chiqib, jamoalarga sanksiyalar qo‘llashini, o‘yinchilarni ham musobaqalaridan chetlatishi mumkinligini aytdi. Mazkur musobaqaning tashkilotchisi kim? Musobaqa rahbariyati, uning o‘tkazilishi formati qanday bo‘ladi? Bu haqda batafsil «Gazeta.uz» izohida.
Isroilda ko‘chada niqob taqmaslikka ruhsat berildi
Isroilda koronavirus bilan kasallanish holatlari pasayishi sababli ko‘chada niqob taqish talabi bekor qilindi. O‘z yashash joylaridan tashqari, boshqa binolarda niqob taqish majburiy bo‘lib qolmoqda. Mamlakat aholisining 50 foizidan ortig‘i COVID-19 ga qarshi emlandi.
Xitoy-o‘zbek vaksinasi «britaniya» va «braziliya» shtammlariga qarshi samarali ekanligi tasdiqlandi
Xitoy-o‘zbek ZF-UZ-VAS2001 vaksinasi koronavirusning yangi «britaniya» va «braziliya» shtammlariga qarshi samarali ekanligi qayd etildi. Bundan tashqari, mazkur vaksina «janubiy afrika» shtammiga ham qarshi aktiv neytral holatini saqlab qoldi.
AGMK OCHLning 2-turida «Istiqlol»ga mag‘lub bo‘ldi
AGMK jamoasi OCHL guruh bosqichida 2-tur uchrashuvni Tojikistonning «Istiqlol» klubiga qarshi o‘tkazdi. Mazkur bahsda 2:3 hisobida olmaliqliklar imkoniyatni boy berishdi.
65 yoshdan kattalar va yosh bolalarga taroveh namozlarini uyda ado etish so‘ralmoqda
Murakkab epidemiologik vaziyatni e’tiborga olib, juma va taroveh namozlarini amalga oshirishda 65 va undan katta yoshdagi fuqarolar, yosh bolalar hamda surunkali kasalligi mavjud shaxslardan ibodatlarni uyda amalga oshirish so‘ralmoqda.
Namangan tarkibida yana bitta tuman tashkil qilinadi
Namangan tarkibida yana bir tuman — Yangi Namangan tumanini tashkil etish rejalashtirilgan. Sentyabrda shaharda 2003 yilda tugatilgan Davlatobod tumani qayta tuzilgan edi.
«Paxtakor» OCHLning 2-turida ham durang o‘ynadi. Bugun AGMK o‘ynaydi
«Paxtakor» jamoasi OCHL guruh bosqichida 2-tur uchrashuvni Iroqning «Eyr Fors» klubiga qarshi o‘tkazdi. Mazkur bahsda 0:0 hisobidagi durang natija qayd etildi. Shuningdek, bugun Olmaliqning AGMK jamoasi Tojikistonning «Istiqlol» klubiga qarshi maydonga tushadi.
O‘zgidrometning eng baland tog‘ meteostansiyasi — Oygaing qanday ishlaydi
Tog‘lardagi qor zaxirasi yetarlimi, daryolarda suv miqdori qancha bo‘ladi, qor ko‘chkisi xavfi mavjudmi? Texnologiya qanchalik taraqqiy etmasin, ayrim meteokuzatuvlarni odamlarning ishtirokisiz o‘tkazib bo‘lmaydi. «Gazeta.uz» O‘zgidromet taklifi bilan mamlakatdagi eng baland tog‘ meteostansiyasi — Oygaingga tashrif buyurdi. Bu maskanda bir necha mutaxassis oilasi bilan yashab, mehnat qiladi, qor qoplamasi holatini nazorat qilib, har 3 soatda ma’lumotlar jo‘natib turadi.
Angren MIB rahbari xodimlarini haqorat qilgani uchun xayfsan oldi
Angren Majburiy ijro byurosi rahbari Mohizoda Yusupova rejani bajarmagan xodimlarni nomaqbul so‘zlar bilan haqorat qilgani uchun hayfsan oldi. MIB kelgusida bu kabi holatlarning oldini olish uchun choralar ko‘rilishini ma’lum qildi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting