Arxiv
Navoiyda maktabga krossovkada borgan o‘quvchilar tanbeh eshitdi
Navoiy shahridagi 6-maktabda o‘qituvchi krossovkada kelgan bolalarga tanbeh berdi. Maktabgacha va maktab ta’limi boshqarmasi o‘quvchilarning ta’lim muassasasiga sport poyabzalida kelmasligi kerak, degan talab mavjud emasligini bildirdi.
Surxondaryoda yuk mashinasi urib yuborgan 4 yoshli bola vafot etdi
Boysun tumanida yuk mashinasi urib yuborgan 4 yoshli bola vafot etdi. Uni opasi bog‘chadan olib qaytayotgan bo‘lgan va opasini kutmasdan yo‘lning belgilanmagan joyidan yugurib o‘tmoqchi bo‘lganida halokatga uchragan.
Iyulda ishdan olingan “O‘zbekiston temir yo‘llari” sobiq raisi kompaniya bosh muhandisi bo‘ldi
Besh oy avval “faoliyatida sustkashlikka yo‘l qo‘ygani uchun” ishdan olingan “O‘zbekiston temir yo‘llari” sobiq raisi Husnutdin Xosilov yana sohaga qaytdi. U kompaniyaning bosh muhandisi etib tayinlandi. Prezident u ishdan olingan yig‘ilishda “xiyonat qilganga o‘rin yo‘q”, deya ta’kidlagandi.
UzAuto Motors vaqtida olib ketilmagan avtomobillar keyingi mijozga berilishidan ogohlantirdi
UzAuto Motors mijozlarga avtomobillarni dilerlik markazidan 5 ish kuni ichida olib ketishni eslatdi. Aks holda kompaniya avtomobilni navbat tartibi asosida keyingi mijozga berishga majbur bo‘ladi.
“Avtomobil arzon, lekin undan foydalanish qimmat bo‘lishi kerak” — Alisher Qodirov
Alisher Qodirov yo‘llardagi tirbandliklarni kamaytirishga jamoat transporti jozibadorligini oshirish bilan erishishni, buning uchun esa xususiy transportlardan foydalanish va unga xizmat ko‘rsatishni qimmat qilish kerakligini aytdi. Spiker o‘rinbosari bu borada Xitoy va Singapurni misol qilib keltirdi.
Paxta xomashyosini yetkazish shartnomalari birja orqali tuziladi, fermerlar qisman erkinlikka ega bo‘ladi
2024-yilgi hosil mavsumidan paxta xomashyosini yetkazib berish bo‘yicha shartnomalar tovar-xomashyo birjasi orqali tuziladi. Fermerlar ortiqcha xomashyoni, shuningdek, o‘z mablag‘i hisobidan yetishtirilgan paxtani erkin sotish imkoniyatiga ega bo‘ladi. Fermer va klasterlarni kreditlashning yangi tizimi joriy etiladi.
Neftni qayta ishlash zavodlari benzin ishlab chiqarishni 21 foizga oshirdi
Benzinga talab ortib borishi fonida Buxoro va Farg‘ona neftni qayta ishlash zavodlari yonilg‘i ishlab chiqarishni 21,2 foizga — 4 ming tonnagacha oshirdi. “O‘zbekneftgaz”, shuningdek, mahalliy SDK Group And kompaniyasi Rossiyadan Ai-92 K5 benzini importini oshirgani haqida xabar berdi.
Koreyada o‘qiyotgan 22 nafar o‘zbekistonlik talaba mamlakatdan chiqarib yuborildi
Koreyaning Hanshin universiteti til kursida o‘qiyotgan 22 nafar o‘zbekistonlik talaba mamlakatdan aldov yo‘li bilan chiqarib yuborilgani haqida xabar tarqaldi. O‘zbekistonning Koreyadagi elchixonasiga ko‘ra, ular oliygoh talablariga bo‘ysunmagan, shuningdek, noqonuniy mehnat bilan shug‘ullangan. Holat o‘rganilmoqda.
Shuhrat Abdurahmonov suv ta’minoti xodimlariga 4 mln so‘mdan pul tarqatdi (video)
Andijon viloyati hokimi ko‘chada ishlayotgan ichimlik suvi ta’minoti xodimlariga 4 million so‘mdan pul berdi. Tarqatilgan pullar homiylik mablag‘lari hisobidan ekani ma’lum qilindi.
MB asosiy stavkani 14 foiz darajasida o‘zgarishsiz qoldirdi
Markaziy bank asosiy stavkani yillik 14 foiz darajasida saqlab qolish to‘g‘risida qaror qabul qildi. Iqtisodiyotda inflyatsion jarayonlarning sekinlashib borishiga qaramasdan, bu tendensiyaning davomiyligi bo‘yicha noaniqliklar saqlanib qolmoqda.
Toshkentda o‘quvchi tok urib vafot etgani ortidan maktab “zamdirektori” qamoqqa olindi
Mirzo Ulug‘bek tumanida 8-sinf o‘quvchisi tok urishi oqibatida vafot etgani ortidan maktabning xo‘jalik ishlari bo‘yicha direktor o‘rinbosari qamoqqa olindi.
“Siyosiy sabablarga ko‘ra O‘zbekistonda ijtimoiy xarajatlarni, jumladan, ish haqini korrektirovka qilish qiyin bo‘lishi mumkin” — S&P
S&P reyting agentligining ta’kidlashicha, O‘zbekiston Rossiyaning Ukrainadagi urushi salbiy ta’sirlariga yetarlicha yaxshi turib bermoqda, biroq davlat korxonalari qarzining davlat balansiga o‘tkazilishi, budjet taqchilligi, shuningdek, siyosiy qarorlarni bashorat qilish qiyinligi bilan bog‘liq risklar mavjud.
Namangan aeroporti faoliyati noqulay ob-havo sababli vaqtincha cheklandi
Payshanba kuni noqulay ob-havo sababli Namangan aeroporti faoliyati vaqtincha cheklandi. Red Wings aviakompaniyasining Maxachqal’a — Namangan yo‘nalishi bo‘yicha reysi Farg‘ona xalqaro aeroportiga yo‘naltirildi. Yo‘lovchilar Namanganga yerusti transporti orqali yetkaziladi.
Uzbekistan Airways qo‘shimcha mahalliy aviaqatnovlarni yo‘lga qo‘yadi
Uzbekistan Airways 23−29-dekabr kunlari oralig‘ida talabalar uchun taqdim etilgan chegirmalarni hisobga olgan holda qo‘shimcha mahalliy aviaqatnovlarni yo‘lga qo‘yadi.
“Ahvol G‘azo sektori va Ukrainada jiddiy, qolgan joyda bartaraf qilsa bo‘ladi” — Toshkent viloyati hokimi
Toshkent viloyati hokimi gaz va elektr energiyasi bo‘yicha muammolarni “bugun-erta” hal etish topshirig‘ini berdi. Uning so‘zlariga ko‘ra, ba’zi rahbarlar vaziyatning jiddiyligi haqida gapirganda “pashshadan fil yasamoqda”. “Ahvol G‘azo sektori va Ukrainada jiddiy. Qolgan joyda bartaraf qilsa bo‘ladi”, — dedi u.
Dekabrning ikkinchi yarmida qanday ob-havo kutilmoqda?
O‘zbekistonda dekabr oyining ikkinchi yarmida kechalari havo harorati 0…-5 daraja sovuqdan −3…−8 darajagacha, kunduzi +5…+10 daraja iliqdan +7…+12 darajagacha o‘zgarib turadi. Oy oxirida ba’zi joylarda yog‘ingarchilik (yomg‘ir, qor) bo‘lishi mumkin.
Toshkentda elektrobus muzlamada boshqaruvni yo‘qotib, “stolba”ga urildi
Uchtepa tumanida Yutong rusumli elektrobus yo‘ldagi muzlamada boshqaruvni yo‘qotib, yo‘l chetidagi simyog‘ochga urildi. Hodisa oqibatida jarohatlanganlar yo‘q.
Toshkent havosi 14-dekabr tongida xavfli darajani ko‘rsatdi
IQAir indeksiga ko‘ra, 14-dekabr kuni Toshkent shahrida ifloslanish darajasi me’yordan 55 baravarga oshib, havo sifati “xavfli” deya qayd etildi. Poytaxtda atmosfera quyi qismi zaharli tutun bilan muallaq o‘ralib turibdi.
Daryo o‘zanlarida qum-shag‘al qazib olingani oqibatida 11 oyda tabiatga 61,5 mlrd so‘m zarar yetkazilgan — Senat
O‘zbekiston bo‘ylab 11 oy davomida daryo o‘zanlarida qum-shag‘al qazib olish oqibatida 58 ta jinoyat ishi qo‘hg‘atilgan. Ushbu faoliyat sabab tabiatga 61,5 mlrd so‘m zarar yetkazilgani aniqlangan. Senatda shu yuzasidan Vazirlar Mahkamasiga yuborilgan parlament so‘rovi natijalari muhokama qilindi.
Bloger Lemara Mirzaahmedova 7,5 yilga ozodlikdan mahrum qilindi
Emine Karamanova taxallusi bilan tanilgan bloger Lemara Mirzaaxmedovaga nisbatan 7,5 yilga ozodlikdan mahrum qilish jazosi tayinlandi. U tuhmat, haqorat qilish va tovlamachilik jinoyatlarida aybli deb topildi. Bir epizod bo‘yicha jabrlanuvchi Yangiyo‘l tumani hokimligi xodimi ekani aytilmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting