Arxiv
Poytaxt va Toshkent viloyatida noqonuniy chiqindi tashlashga qarshi 25 ta kamera o‘rnatildi
Ekologiya vazirligi poytaxt va Toshkent viloyatidagi noqonuniy chiqindixonalarga 25 ta kamera o‘rnatdi. Yana 200 tasi o‘rnatilmoqda, keyin esa ular butun mamlakatni qamrab oladi (jami 1000 ga yaqin kameralar bo‘ladi). Vazirlik maishiy va qurilish chiqindilarini noqonuniy tashlaganlik uchun jarimalarni eslatdi.
Markaziy Osiyo mamlakatlari hosilidagi yo‘qotishlar tufayli Rossiyada piyoz narxi rekord darajagacha oshdi
Qishdagi anomal sovuqda Markaziy Osiyo mamlakatlaridagi piyoz hosilining yo‘qotilishi Rossiyada bu sabzavot narxining keskin oshishiga olib keldi. May oyida Rossiyada piyozning o‘rtacha narxi kilogrammiga 73,3 rublga yetdi. Mamlakatga eng ko‘p piyoz yetkazib beruvchi davlatlardan biri O‘zbekiston hisoblanadi.
Markaziy saylov komissiyasi: “Hech kim tazyiq o‘tkazgani yo‘q, biz mustaqilmiz”
Markaziy saylov komissiyasi rahbariyati va a’zolari “Amerika Ovozi” muxbirining savollariga javob berar ekan, MSKga hech kim tazyiq o‘tkazmagani, u mustaqilligi va Konstitutsiyaga asosan faoliyat olib borishi, qolaversa, YeXHT DIIHB “oliy hakam emasligi va unga yoqish uchun saylov o‘tkazilmasligini” ta’kidlashdi.
NATO mamlakatlari Ukrainaning alyansga kirish bo‘yicha arizasini tezlashtirilgan tartibda ko‘rib chiqishga kelishdi
NATO davlatlari Ukrainaning harbiy blokka a’zo bo‘lish bo‘yicha arizasini tezlashtirilgan tartibda ko‘rib chiqishga kelishdi. “Bu bizning NATO`ga yo‘limizni qisqartiradi”, — dedi Ukraina Tashqi ishlar vaziri.
Toshkentning 4 ta tumanidagi ayrim ko‘chalarda 11-iyul kuni elektr vaqtincha o‘chiriladi
Ta’mirlash ishlari tufayli 11-iyul kuni poytaxtning Yangihayot, Yashnobod, Yunusobod va Yakkasaroy tumanlaridagi ba’zi ko‘chalarda elektr ta’minoti vaqtincha to‘xtatiladi.
Alisher Usmonov dividendlardan daromad bo‘yicha Rossiyada 7-o‘rinni egalladi
Alisher Usmonov dividendlardan eng ko‘p daromad olgan rossiyaliklar reytingida 7-o‘rinni egalladi. Ro‘yxatda milliarder “Metalloinvest”dan 64,7 mlrd rubl dividend olgani ko‘rsatilgan.
MDH missiyasi: “O‘zbekistonda saylov shaffof, ochiq va adolatli o‘tdi”
O‘zbekistonda o‘tgan muddatidan ilgari prezidentlik saylovi bo‘yicha MDH kuzatuvchilari o‘z missiyasini yakunladi. Missiya “saylov muqobillik asosida, shaffof, ochiq, adolatli va demokratik tamoyillarga mos ravishda o‘tganini” qayd etdi.
Aleksandr Krestinin “Bunyodkor”ga bosh murabbiy bo‘ldi
Rossiyalik mutaxassis Aleksandr Krestinin poytaxtning “Bunyodkor” futbol klubi bosh murabbiyiga aylandi. Bungacha u Qirg‘iziston futbol terma jamoasi bosh murabbiyi edi.
Toshkent hayvonot bog‘ida flamingo bolaladi — foto
Toshkent hayvonot bog‘ida 3 ta pushti flamingo jo‘jalari dunyoga keldi. Hozirda ularning patlari rangi kulrang, pushtilari bir necha oyda chiqadi. Shu paytga qadar flamingolarning ko‘payishiga maydonning kichikligi va tashrif buyuruvchilarning juda yaqin kelishi imkon bermagan.
OTB O‘zbekiston elektr uzatish tarmog‘ini takomillashtirish uchun 125 mln dollar qarz ajratadi
Osiyo taraqqiyot banki O‘zbekistonga 125 mln dollar miqdorida qarz ajratishni ma’qulladi. Mablag‘ mamlakatning elektr uzatish tarmog‘ini takomillashtirish, xususan, 7 ta viloyatda 359 kilometr uzunlikdagi 12 ta elektr uzatish liniyasini rekonstruksiya qilishga yo‘naltiriladi.
Shavkat Mirziyoyev tabriklarni qabul qilishni boshladi
Shavkat Mirziyoyevning prezident saylovidagi g‘alabasi e’lon qilingach, u qo‘shni hamda hamkor davlatlar rahbarlaridan tabriklarni qabul qila boshladi. Birinchilardan bo‘lib Turkmaniston milliy yetakchisi Gurbanguli Berdimuhamedov tabrikladi. Qutlovlar kelishda davom etmoqda.
Saylovda sudlarga hech qanday murojaatlar kelib tushmadi — Oliy sud
Oliy sud raisi o‘rinbosari prezidentlik saylovi vaqtida sudlarga hech qanday murojaatlar kelib tushmaganini ma’lum qildi. U bunga aholining huquqiy ongi oshgani va OAV vakillari bilan tegishli muloqot o‘rnatilganini sabab sifatida ko‘rsatdi.
O‘zbekistonda hafta davomida issiq kuchayadi
O‘zbekistonga bu hafta Erondan issiq havo kirib kelishi hisobiga issiq kuchayadi. Kunduzi harorat +43…+45 darajagacha ko‘tariladi. Joylarda shamol kuchayib, chang-to‘zon kuzatilishi mumkin. 14-iyulda esa +33…+38 darajagacha pasayadi.
Shavkat Mirziyoyev saylovda 87,05 foiz ovoz bilan g‘alaba qozondi
Shavkat Mirziyoyev uchinchi prezidentlik saylovida 87,05 foiz ovoz bilan g‘alaba qozondi, deb xabar qildi MSK. Rasmiy ma’lumotlarga ko‘ra, saylovchilarning 79,88 foizi jarayonda ishtirok etgan.
Baydarka va kanoeda eshkak eshuvchilar o‘rtasidagi JCHda o‘zbekistonlik yoshlar 6 ta medal oldi
O‘zbekiston Italiyada o‘tgan yoshlar o‘rtasidagi baydarka va kanoeda eshkak eshish bo‘yicha jahon chempionatini 16-pog‘onada yakunladi. Jamoa 4 ta kumush va 2 ta bronza medalni qo‘lga kiritdi.
Toshkentda Mercedes-Benz avtobusida yong‘in sodir bo‘ldi
Toshkent shahrida 147-yo‘nalishda harakatlanayotgan Mercedes-Benz rusumli avtobusning motor qismida yong‘in sodir bo‘ldi, hech kim jabrlanmadi.
YTTBning O‘zbekistondagi vakolatxonasiga yangi rahbar tayinlandi
Andi Aranitasi 1-sentabrdan boshlab YTTBning O‘zbekistondagi vakolatxonasi direktori va rahbari bo‘ladi. YTTB mamlakat bilan hamkorlikni tiklagan 2017-yildan beri bank vakolatxonasini Alkis Drakinos boshqarib kelayotgandi.
Toshkentda chuqur o‘pirilishi oqibatida tuproq ostida qolgan fuqaro qutqarildi
Mirzo Ulug‘bek tumanida kanalizatsiya chuqurining o‘pirilishi oqibatida bir kishi tuproq ostida qolib ketdi. Fuqaro shahar FVB xodimlari tomonidan qutqarildi. Uning ahvoli yaxshiligi aytilmoqda.
Banklarda dollar kursi o‘sishda davom etmoqda
Tijorat banklari 10-iyul kuni aholidan 1 AQSh dollarini 11 500−11 570 so‘mdan sotib olmoqda, sotuv kursi esa 11 610−11 630 so‘m.
“Bizda qat’iy metodologiya mavjud”. YeXHT DIIHB missiyasi rahbari — O‘zbekistondagi saylovlarni kuzatishi haqida
Prezident saylovini YeXHT DIIHB missiyasining 280 dan ortiq mutaxassislari butun O‘zbekiston bo‘ylab kuzatib bormoqda. Ular qat’iy metodologiyani qo‘llagan holda 80 ta savoldan iborat shaklni to‘ldiryapti, elektron ruchkalar esa ma’lumotlarni onlayn rejimda uzatib turibdi, dedi missiya rahbari Ursula Gatsek.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting