Internetda rejissyor Sarvar Karimov tomonidan suratga olingan “Hokim buva” mini-serialining namoyishi boshlandi. Komediya janridagi ushbu serial ijtimoiy-siyosiy muammolardan muttasil nolib yuradigan taksi haydovchisining Toshkentga hokim bo‘lib qolishi va bu lavozimdagi sarguzashtlari haqida.
“Toshkent huquq bahori” xalqaro forumida adliya vaziri Akbar Toshqulov jamiyatda fundamental huquqlarni yaxshi tomonga burishga harakat qiluvchilar rolida yuristlar ko‘proq bo‘lishini istashini aytdi. “Chunki biz yuristlar muammoni kundalik ish jarayonida doim ko‘ramiz va ularning yechimini ham bilamiz”, — dedi u.
Uchtepa tumanida Matiz haydovchisi tartibga solinmagan piyodalar yo‘lagidan o‘tayotgan 12 yoshli o‘quvchini urib yubordi. U jarohatlari sababli kasalxonaga olib ketilayotganda vafot etdi.
O‘zbekiston-Xitoy biznes-forum doirasida “O‘zmilliybank” va Xitoy davlat taraqqiyot banki o‘rtasida 1,18 mlrd yuan miqdorida kredit liniyasini jalb qilish to‘g‘risidagi kelishuv imzolandi.
Tarmoqlarda 1-iyundan Damas, Labo, Cobalt va Lacetti avtomobillarining yangilangan versiyalari taqdim etilishi, Cobalt va Lacetti narxi 20−23 ming dollargacha ko‘tarilishi haqida xabarlar tarqaldi. UzAuto Motors ushbu ma’lumotlar yolg‘on ekanini bildirdi.
Nukus voqealari bo‘yicha qo‘zg‘atilgan jinoyat ishi bo‘yicha ikkinchi sud jarayonida qamoq jazosiga hukm qilingan 28 nafar shaxs apellyatsiya shikoyati bilan murojaat qildi. Ularni ko‘rib chiqish payshanba kuni boshlanadi. Yana 16 nafar mahkumga nisbatan apellyatsiya arizalarini ko‘rib chiqish davom etmoqda.
O‘zbekistonga muddatidan oldingi prezident saylovi o‘tkazilishi munosabati bilan Yevropada xavfsizlik va hamkorlik tashkilotining Demokratik institutlar va inson huquqlari bo‘yicha byurosi Ehtiyojlarni baholash missiyasi keldi. Missiya saylovni kuzatishning maqsadga muvofiqligi to‘g‘risida qaror qabul qiladi.
Toyloq tumanida erkak xotinidan qasd olish uchun 6 va 8 yoshli o‘g‘illarini sim bilan bo‘g‘ib o‘ldirdi. Voqeaga Rossiyaga ishlashga ketgan xotinining begonalar bilan ishqiy munosabatda bo‘lgani aks etgan videolar sabab sifatida keltirilmoqda.
To‘rtinchi sanoat inqilobining sun’iy intellekt kabi texnologiyalaridan foydalanish O‘zbekistonda to‘qimachilik va tikuvchilik sanoatida 100 mingta, qurilish sohasida 334 mingta yangi ish o‘rni yaratish imkonini beradi. Bu borada Osiyo taraqqiyot bankining yangi tadqiqotida so‘z borgan.
O‘zbekistonda Xalqaro moliya korporatsiyasi hamkorligida Samarqand, Jizzax va Qashqadaryo viloyatlarida davlat-xususiy sheriklik negizida uchta shifoxona qurish rejalashtirilgan.
Ta’lim yutuqlarini baholash xalqaro assotsiatsiyasi 4-sinf o‘quvchilarining o‘qish savodxonligini baholaydigan tadqiqot natijalarini e’lon qildi. Unda ilk bor qatnashgan O‘zbekiston 57 davlat orasida o‘rtacha balldan pastroq natijani qayd etib, 49-o‘rinni egalladi. PIRLS natijalari haqida batafsil.
Yevropa Ittifoqi, Fransiya taraqqiyot agentligi va O‘zbekiston hukumati mamlakatning 2030-yilgacha yashil iqtisodiyotga o‘tishi bo‘yicha strategiyasini qo‘llab-quvvatlash va moliyalashtirish borasidagi bitimni imzoladi.
“Ipoteka-bank”ni xususiylashtirish bo‘yicha birinchi bitim ikki hafta ichida yakunlanishi rejalashtirilmoqda, dedi OTP Bank direktori o‘rinbosari Laslo Vulf. Uning so‘zlariga ko‘ra, OTP 2022-yil dekabr oyida xususiylashtirish to‘g‘risidagi bitim imzolangandan beri “Ipoteka-bank”ni rivojlantirish ustida ishlamoqda.
Saudiya Arabistonida bo‘lib o‘tgan forumda “Agrobank” Xalqaro islom savdo va moliya korporatsiyasi va Xususiy sektorni rivojlantirish islom korporatsiyasi tomonidan ikkita mukofot bilan taqdirlandi.
JSTga a’zo bo‘lish davlat korxonalari uchun jahon bozoriga yo‘l ochadi, ular raqobatga tayyor bo‘lishi, ayrim tarmoqlar o‘z rivojlanish modelini qayta ko‘rib chiqishi kerak, dedi bosh vazir o‘rinbosari Jamshid Xodjayev. Uning ta’kidlashicha, JSTga a’zolik “juda qisqa muddatda va keyingi tendensiya dinamik bo‘ladi”.
Air Cairo aviakompaniyasining Sharm ash-Shayxdan Toshkentga chorshanba kuni belgilangan parvozi ob-havo sharoiti tufayli 10 soatdan ortiq kechiktirildi. 200 nafardan ziyod yo‘lovchi Toshkent vaqti bilan soat 15:00 da jo‘nab ketishni kutmoqda.
Toshkent shahrida “Men g‘olib” ommaviy yugurish musobaqasi o‘tkazilishi sababli 20−21-may kunlari poytaxtdagi bir qator ko‘chalar avtotransportlar harakati uchun vaqtincha yopiladi.
JSST tibbiyotda ChatGPT, Bard va shunga o‘xshash platformalar bilan ishlashda xavflarni o‘rganishga chaqirdi. Tashkilot, ayniqsa, sun’iy intellektga ega chatbotlar tomonidan yaratilishi mumkin bo‘lgan yolg‘on ma’lumotlardan xavotirda.
O‘zbekistonda elektr energiyasining qayta tiklanuvchi manbalardan foydalangan holda ishlab chiqarilganini tasdiqlovchi “yashil energiya” sertifikatlari tizimi bosqichma-bosqich joriy etiladi. Sertifikatlar erkin muomalada bo‘ladi va bir shaxsdan ikkinchi shaxsga o‘tkazilishi mumkin.
Olmazor tumanida odam o‘g‘irlash, bosqinchilik va boshqa jinoyatlarni sodir etgan 4 nafar sudlanuvchi 13,5 yildan 15 yilgacha bo‘lgan muddatlarga qamaldi. Ular YPX xodimi kiyimida fuqaroni o‘g‘irlab, pullarini olib qo‘ygan, shuningdek, o‘ldirish bilan tahdid qilgan.
Qo‘shimcha imkoniyatlardan foydalanish uchun saytda ro‘yxatdan o‘ting