Arxiv
O‘zbekistonda 10 oyda 5,8 mlrd so‘mlik ish haqi va nafaqa talon-toroj qilingan
Bosh prokuratura O‘zbekistonda o‘tgan 10 oy ichida ish haqi va nafaqa pullarining 5,8 mlrd so‘mi talon-toroj qilinganini aniqladi. Bundan tashqari, kredit mablag‘larining 2,5 trln so‘mi talon-toroj qilingani aniqlanib, bank va mijoz korxonalar rahbarlariga nisbatan 906 ta jinoyat ishlari qo‘zg‘atilgan.
Yirik bozorlarda jamoat tartibini saqlash bo‘yicha nizom tasdiqlandi
Hukumat qarori bilan yirik bozorlarda jamoat tartibini saqlash va yong‘in xavfsizligini ta’minlash tizimini takomillashtirish bo‘yicha tartib tasdiqlandi. Hujjatda O‘zbekiston hududidagi yirik bozorlarning tasdiqlangan ro‘yxati keltirilgan.
O‘zbekistonda 2−8-dekabr kunlari ob-havo qanday bo‘ladi? “Gazeta.uz” sharhi
O‘zbekistonga yaqinlashib kelayotgan antitsiklon sabab ish kunlari havo sovuq va quruq bo‘ladi. Bu mamlakat energetikasiga yuklama ortishiga, shuningdek, Toshkent havosining sezilarli ifloslanishiga sabab bo‘lishi mumkin. Shanba kuni tog‘larda, yakshanbada esa asosiy aholi yashovchi hududlarda qor yog‘ishi kutilyapti.
Rossiyalik jurnalist Aleksey Pivovarov akkreditatsiyasiz ish olib borgani uchun Nukusda bir muddat ushlab turildi
Nukusda rossiyalik jurnalist Aleksey Pivovarov suratga olish guruhi bilan qo‘lga olindi. Bunga uning akkreditatsiyadan o‘tmasdan ish olib borgani sabab bo‘ldi. Pivovarovning o‘zi keyinroq ularni qo‘yib yuborishganini yozdi: “Hammasi yaxshi!”
Wizz Air vakili — Abu-Dabi aeroportidagi vaziyat haqida
Wizz Air kompaniyasining Toshkentdagi vakili “Gazeta.uz” muxbiri Mirolim Isajonovga Abu-Dabi aeroportida o‘zbekistonlik o‘nlab erkaklar mamlakatga kira olmagan vaziyat haqida gapirib berdi. Uning aytishicha, kompaniya bunday yo‘lovchilarni qaytish chiptasi bilan ta’minlaydi.
Abu-Dabiga kiritilmagan o‘zbekistonliklarning bir qismi Toshkentga qaytdi
Abu-Dabiga uchib borgach, BAAga kiritilmagan 10 dan ortiq o‘zbekistonlik ortga qaytib keldi. Hamma o‘z hisobidan chipta sotib olishga majbur bo‘ldi. “Ushlab turishlar aynan Abu-Dabida sodir bo‘lmoqda. Dubayga uchib kelgan tanishlarimiz hech qanday muammoga duch kelmadi”, — dedi yo‘lovchilardan biri.
Xitoy o‘zbekistonliklar uchun 30 kunlik vizasiz rejim joriy etadi
O‘zbekiston va Xitoy Tashqi ishlar vazirlari O‘zbekiston fuqarolariga 30 kun davomida Xitoy Xalq Respublikasiga vizasiz sayohat qilish huquqini beruvchi kelishuvni imzoladilar. O‘zgarishlarning kuchga kirishi to‘g‘risida qo‘shimcha ma’lumot beriladi.
OIV musbat inson uzoq yashashi, ishlashi, oila qurishi va sog‘lom farzandni dunyoga keltirishi mumkin. Azima Yodgorova hikoyasi
OIV tashxisi qo‘yilgan kishilar o‘z vaqtida davolansa, hamma qatori yashashi, orzulariga erishishi mumkin. “Iroda” loyihasining Butunjahon OITSga qarshi kurash kuniga bag‘ishlangan maqolasi qahramoni, o‘zining OIV statusini omma oldida ochiqlagan ilk o‘zbekistonlik qiz — Azima Yodgorovaning hayoti bunga yorqin misol.
1-dekabrdan nimalar o‘zgaradi?
Ichimlik va oqova suv uchun to‘lovlar faqat elektron shaklda qabul qilinadi, kambag‘al oilalar reyestri shakllantiriladi, avtoraqamlar uchun to‘lov qilish osonlashtiriladi, “Majburiyatlar reyestri” instituti joriy etiladi — 1-dekabrdan nimalar o‘zgaradi?
Birgalikda 10 yil: Mobiuz mobil operatori faoliyatining o‘n yilligini nishonlamoqda
Mobiuz 1-dekabr - tug‘ilgan kuni munosabati bilan amaldagi va yangi abonentlariga yoqimli yangiliklarni taqdim etmoqda.
O‘zbekistonda 14 nafar hokim qish mavsumiga tayyorgarlik ko‘rishdagi kamchiliklari uchun hayfsan oldi
Uchta viloyatning 12 ta tuman va shahri hokimi elektr energiyasi va gazni tejash bo‘yicha rejalarni buzgani, ulardan foydalanish limitlarini oshirgani uchun hayfsan oldi. Energiya resurslari talon-toroj qilingani uchun 2 hokim va 3 hokim o‘rinbosari jazolandi. “O‘zbekko‘mir” rahbari o‘rinbosari ham jazo oldi.
O‘nlab o‘zbekistonliklar Abu-Dabiga kiritilmadi, ular huquqlari buzilganini da’vo qilmoqda
Wizz Air aviakompaniyasi bilan Abu-Dabiga uchgan o‘nlab O‘zbekiston fuqarolarining pasportlari olib qo‘yilib, so‘roq qilindi. Ular “Gazeta.uz”ga buning sababi aytilmagani, bosim o‘tkazilgani, uzoq vaqt ovqatsiz qolganini bildirdi. Ularning ko‘pi qaytish chiptalarini o‘zlari sotib olgan.
Alisher Usmonov yana Xalqaro qilichbozlik federatsiyasiga prezident bo‘ldi
2008-yildan 2022-yilgacha Xalqaro qilichbozlik federatsiyasiga prezidentlik qilgan Alisher Usmonov yana bu lavozimga saylandi. FIE prezidentligi uchun kurashda unga shvetsiyalik Otto Drakenberg raqiblik qildi. Usmonov 2022-yilda sanksiyalar ostida qolgach, bu lavozimdan ketishga qaror qilgandi.
Suriyada isyonchilar va hukumat qo‘shinlari o‘rtasida janglar kechmoqda. Asosiy ma’lumotlar
Suriyada qo‘zg‘olonchilar Idlibda 25 ta qishloq va harbiy aeroportni egallab oldi. Shuningdek, hukumat qo‘shinlari Halabni deyarli qarshiliksiz tark etgani ma’lum qilindi. Hujum boshlanganidan beri kamida 277 kishi halok bo‘ldi. “Gazeta.uz” vaziyat bo‘yicha Meduza tayyorlagan materialning tarjimasini havola etadi.
Kipr Alisher Usmonovning singlisiga berilgan “oltin” pasportni bekor qildi
Kipr hukumati 77 nafar chet el fuqarosiga berilgan “oltin” pasportni bekor qilishga qaror qildi. Ushbu ro‘yxatda Alisher Usmonovning singlisi Gulbahor Ismoilova ham bor. Hukumat komissiyasi surishtiruvi davomida ular tomonidan qoidabuzarliklar aniqlangani aytildi.
“Terim — biz uchun prezident archasidek gap”. Paxta dalasidan reportaj
Bekobod yaqinidagi Avangard — qahramonlar qishlog‘i. Unda yarim tunda terimga chiquvchi otaxonlar, o‘g‘lidan yashirincha paxta teruvchi onaxonlar, terimga ham, uy ishlariga ham birdek ulguruvchi superkelinchaklar va hammasiga bosh-qosh “Temir xotin” bor. “Gazeta.uz” ularning turmushi va orzu-umidlari bilan tanishdi.
Gruziyadagi namoyishlar chog‘ida ikki kunda 150 dan ortiq kishi qo‘lga olindi
Tbilisida Yevropa integratsiyasi bo‘yicha muzorakalarning bekor qilinishiga qarshi ommaviy norozilik namoyishlari davom etmoqda. Ikki kunda 150 dan ortiq kishi qo‘lga olindi, 10 nafar politsiyachi jarohatlandi. Prezident politsiya harakatlarini “Rossiya uslubidagi qatag‘onlar” bilan taqqosladi.
Changga qarshi kurashish va biznesga ko‘maklashish. Dizayn-kod nima va nega shaharlar uchun zarur?
Toshkentning me’moriy qiyofasi, peshlavhalari, ko‘cha mebellaridagi tartibsizlik unga dizayn-kod zarurligidan darak. ATLAS hududiy rivojlantirish byurosi eksperti, poytaxt dizayn-kodi hammuallifi bu hujjat qanday kutilmagan vazifalarni bajarishi va Toshkent dizayn-kodi qanday bo‘lishi haqida ma’lumot berdi.
Baxtiyor Adilov Buxoro viloyati hokimiga yangi o‘rinbosar etib tayinlandi
Buxoro viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga Baxtiyor Adilov tayinlandi. U bungacha Buxoro viloyati Iqtisodiyot va moliya bosh boshqarmasi boshlig‘i vazifasida ishlab kelayotgan edi.
Click SuperApp’ga aylandi: foydalanuvchilar va biznes uchun yangi imkoniyatlar
29-noyabr kuni Click SuperApp’ga aylanishini e’lon qildi va foydalanuvchilar va biznes uchun yorqin o‘zgarishlar haqida gapirdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting