Arxiv
«Prezident: „Humo qushi mag‘rur yuqoriga qarab turishi lozim“ degandi» — O‘zbekiston gerbi muallifi Anvar Mamajonov
Mustaqil O‘zbekistonning davlat gerbi 30 yil avval qabul qilingan. Ushbu muhim sana munosabati bilan, davlat ramzining muallifi Anvar Mamajonov «Gazeta.uz»ga gerbning yaratilish jarayoni, uning yakuniy variantini tanlashda prezident Islom Karimovning o‘rni va o‘z rassomchilik yo‘li haqida gapirib berdi.
Qoraqalpog‘iston rasmiylari davlat boshqaruvi organlarini egallashga urinish bo‘lganini ma’lum qildi
Qoraqalpog‘iston rasmiylari bayonotida aytilishicha, 1 iyul kuni bir guruh jinoyatchi shaxslar davlat boshqaruvi organlarini egallashga urinib, g‘ayriqonuniy harakatlarni tashkil etgan. Shuningdek, bayonotda nosog‘lom tashqi kuchlarning Qoraqalpog‘istondagi vaziyat rivojiga urinishlaridan xavotir bildirilgan.
Hayit bayrami uchun pishiriqlar
Zira.uz bayramlarga oldindan tayyorgarlik ko‘rishni tavsiya qiladi va Qurbon hayiti bayrami uchun mazali hamda g‘ayrioddiy chiroyli pishiriqlar retseptlari ro‘yxatini taqdim etadi.
IIV Qoraqalpog‘istonning Nukus shahridagi noqonuniy namoyishlar yuzasidan ma’lumot berdi
IIV 1 iyul kuni Qoraqalpog‘istonning Nukus shahrida ayrim fuqarolar respublikada amalga oshirilayotgan konstitutsion islohotlarni noto‘g‘ri talqin qilib, noqonuniy namoyishlar uyushtirganini ma’lum qildi. Hozirda jamoat tartibi tiklangan.
Toshkent shahar issiqlik ta’minoti Fransiyaning Veolia kompaniyasi boshqaruviga o‘tdi
1 iyuldan Toshkent shahar issiqlik ta’minoti Fransiyaning Veolia Energy Tashkent kompaniyasi boshqaruviga o‘tdi. Tashkilot 30 yil davomida ushbu tizimni boshqarib, gaz, elektr energiyasi va suvdan trillionlab so‘mni iqtisod qilish hamda issiqlik yo‘qolishini 44 foizdan 20 foizgacha pasaytirishga ko‘maklashadi.
15 iyuldan biznes uchun elektr energiyasi va tabiiy gaz iste’moli narxi oshiriladi
15 iyuldan boshlab O‘zbekistonda budjet tashkilotlari, kompaniyalar, issiqlik elektr stansiyalari va boshqa yuridik shaxslar uchun elektr energiyasi va tabiiy gaz iste’moli uchun narxlar oshiriladi. Aholi uchun tariflar o‘zgarishsiz qoldiriladi. Ijtimoiy me’yor hozircha joriy qilinmaydi.
O‘zbekiston va Ozarbayjon ishbilarmon ayollari $54 mlnlik kelishuvga erishdi
Bokuda O‘zbekiston va Ozarbayjon ishbilarmon ayollarining birinchi biznes-forumi bo‘lib o‘tdi. Unda ikki tomon vakillari o‘rtasida 54 mln dollardan ortiq miqdorda 19 ta shartnoma va memorandum imzolandi.
«Yangi O’zbekiston ko’chasi» biznes-markazi qurilishi tasdiqlandi
«Yangi O’zbekiston ko’chasi» ishbilarmonlik markazi qurilishi uchun 241,93 ga hudud, shu jumladan, 198,12 ga sug‘oriladigan yerlar aholi punktlari yerlari toifasiga o‘tkaziladi. Yangi O‘zbekiston bog‘i oldidagi ko‘cha bo‘ylab xizmat ko‘rsatish, savdo, ko‘ngilochar maskanlar va turarjoy binolari barpo etiladi.
Rossiya qo‘shinlari “Zmeiniy” orolini tark etdi
Rossiya “yaxshi niyat qadami sifatida” Ukrainaning “Zmeiniy” orolidan o‘z garnizonini olib chiqdi, deb xabar berdi RF Mudofaa vazirligi. Ukraina prezidenti Vladimir Zelenskiy ushbu “strategik nuqtaning ozod qilinishi Qora dengizdagi vaziyatni sezilarli darajada o‘zgartirishini” ta’kidladi.
Namanganda avtomobil yonib ketishi oqibatida haydovchi vafot etdi
Namangan viloyatida Lacetti haydovchisi boshqaruvni yo‘qotib, yo‘l chetiga chiqib ketishi natijasida avtomobilda yong‘in sodir bo‘ldi. Haydovchi voqea joyida vafot etdi. Ijtimoiy tarmoqlarda avtomobil katta tezlikda harakatlanib, yuk mashinasi bilan to‘qnashib ketganligi aytilmoqda.
San’at va madaniyat instituti mansabdorlariga nisbatan jinoyat ishi qo‘zg‘atildi
O‘zbekiston davlat san’at va madaniyat institutiga o‘qishga qabul qilishda qonun buzilgani aniqlandi. 6 mingdan ortiq abituriyentning ijodiy imtihon natijasi videosi saqlanmagan, 77 ta abituriyentning amaliy ishi shifrlanmasdan baholangan, 327 mln so‘m asossiz sarflangan. Holat bo‘yicha jinoyat ishi qo‘zg‘atildi.
Markaziy bank naqd valyuta defitsiti bilan bog‘liq xabarlarga izoh berdi
Markaziy bank tijorat banklarida kuzatilayotgan naqd xorij valyutasi defitsiti bilan bog‘liq xabarlarga izoh berib, banklar naqd valyuta bilan ta’minlangani, ayirboshlash jarayonlari uzluksiz ishlayotganini ma’lum qildi. Regulyator aholidan muammo yuzaga kelganda ishonch telefonlariga murojaat qilishni so‘radi.
Kuzatuvchilarning Toshkent aeroportining xalqaro terminaliga kirishi vaqtincha taqiqlandi
31 iyulga qadar kuzatuvchi shaxslar Toshkent aeroportining xalqaro terminaliga kiritilmaydi. Bu ziyoratchilarning Hajga jo‘nab ketishi va qaytib kelishi, shuningdek, binoning rekonstruksiya qilinishi bilan bog‘liq.
O‘zbekiston yoshlariga beriladigan imtiyoz va subsidiyalar soni ko‘paydi
«Yoshlar daftari»dagi imtiyozlar soni 25 tagacha ko‘paytiriladi, yoshlarga IT va chet tilini o‘rganish uchun 1,2 mln so‘mdan subsidiya ajratiladi, xalqaro olimpiadalar ishtirokchilariga xarajatlari uchun 12 mln so‘mdan beriladi, fortepiano, maqom va baxshichilikka o‘qiydiganlarning kontraktini davlat to‘lab beradi.
Dam olish kunlari juda issiq bo‘ladi
Juma kuni havo biroz salqinlashganiga qaramasdan, dam olish kunlari harorat +35…+45 darajagacha ko‘tarilishi kutilmoqda. Farg‘onaning tog‘li hududlarida esa muzli sel kelish xavfi mavjud. O‘zgidromet keyingi hafta boshida mamlakatga Volga bo‘yidan salqin havo massalari kirib kelishini ma’lum qildi.
1 iyuldan nimalar o‘zgaradi?
Qisman bepul bo‘lgan «tonirovka», 100 va 200 foizlik ustama oluvchi ayrim shifokorlar, soliq ma’murchiligi soddalashtirilgan biznes, «Xavfsiz yo‘l» indeksi yuritilishi, mustaqil oilaviy shifokor sifatida ishlashga ruxsat berilgani, tungacha ishlaydigan muzeylar — 1 iyuldan nimalar o‘zgaradi?
Qirg‘izistonda qimor qonuniylashtirildi
Qirg‘izistonda kazino faoliyati qonuniylashtirildi, uning mijozlari esa faqat xorij fuqarolari bo‘lishi mumkin. “Qimor o‘yinlari to‘g‘risida"gi yangi qonun davlat budjetiga pul mablag‘larini jalb qilish va sarmoya kiritish uchun qulay shart-sharoitlar yaratish maqsadida qabul qilindi.
Prezident: «Men nafaqat O‘zbekiston, Qoraqalpog‘istonning ham farzandiman»
Shavkat Mirziyoyev Yoshlar kuni munosabati bilan o‘tkazilgan tadbirda so‘zlagan nutqida «bag‘rikeng, tanti, qiyinchiliklarni mardonavor yengib o‘tayotgan qoraqalpoq xalqini e’zozlashini» ta’kidladi. «Mehr va g‘urur bilan aytaman, men nafaqat O‘zbekiston, Qoraqalpog‘istonning ham farzandiman», — dedi prezident.
Qashqadaryoda xizmat vaqtida vafot etgan askar voqeasi bo‘yicha jinoyat ishi qo‘zg‘atildi
Qashqadaryoda harbiy xizmat vaqtida vafot etgan 18 yoshli Ruslan Qidiraliyevning o‘limi yuzasidan shifokorlarga nisbatan jinoyat ishi qo‘zg‘atildi. Sud-tibbiy ekspertizasi o‘tkaziladi va marhumning o‘limiga rostdan ham «surunkali yurak ishemik kasalligi» sabab bo‘lgani yoki yo‘qligi tekshiriladi.
BMT global yo‘l harakati xavfsizligi bo‘yicha birinchi yig‘ilish o‘tkazadi
Nyu-Yorkda yo‘l harakati xavfsizligi bo‘yicha BMTning oliy darajadagi birinchi yig‘ilishi bo‘lib o‘tadi. Ko‘rilayotgan chora-tadbirlarga qaramay, dunyoda bu boradagi vaziyat yomonlashmoqda. Yo‘l harakati xavfsizligini ta’minlamasdan turib, barqaror rivojlanishni ta’minlab bo‘lmaydi, dedi BMT YeIK.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting