Arxiv
Toshkent davlat pedagogika universitetiga akademik mustaqillik beriladi
2023 yildan Nizomiy nomidagi Toshkent davlat pedagogika universiteti akademik, tashkiliy va moliyaviy mustaqil OTM bo‘ladi. 2024/2025 o‘quv yilida pedagogika ta’lim yo‘nalishlariga qabul vaqtida avval abituriyentlarning pedagogik kasbga moyilligi o‘rganiladi. Undan o‘tganlar kirish test sinovlarida qatnashadi.
«Yashil makon» hisobotida 6,2 mln ko‘chat qo‘shib yozilgani aniqlandi, 2,4 mln tasi qurib qolgan
Hisob palatasi «Yashil makon» loyihasidagi ko‘chat ekish hisobotlarida 6,2 mln ko‘chat qo‘shib yozilgani, 2,4 mln tupi qurib qolgani, shuningdek, sug‘orish va parvarish ishlari yaxshi tashkil etilmaganini aniqladi. Qo‘shib yozish holatlarini prezident ham tanqid qilgan edi.
Konstitutsiyani o‘zgartirishga oid qonun loyihasi 25 iyun kuni umumxalq muhokamasiga qo‘yiladi
Deputatlar Konstitutsiyaga o‘zgartirishlar kiritishga oid qonunni birinchi o‘qishda qabul qildi. Konstitutsiyaviy komissiya takliflarni Qonunchilik palatasiga kiritgan holda o‘z faoliyatini davom ettiradi. Bosh qonun loyihasi 25 iyundan 4 iyulga qadar umumxalq muhokamasiga qo‘yiladi.
Tashqi qarz yillar davomida birinchi marta kamaydi. Sabablar
O‘zbekiston tashqi qarzi 2013 yildan buyon ilk bor kamaydi. MB buni jahondagi geosiyosiy vaziyat ta’sirida davlat va xususiy sektor tomonidan yangi qarz jalb qilish sekinlashgani va asosiy qarz bo‘yicha to‘lovlarning amalga oshirilishi tashqi qarz qoldig‘ida aks etgani bilan izohladi.
2021 yil noyabr oyidan buyon Afg‘onistonga Termiz orqali 42 ming tonna mahsulot yetkazib berildi
2021 yil noyabr oyidan buyon Termiz orqali Afg‘onistonga 42 ming tonnaga yaqin oziq-ovqat mahsulotlari jo‘natilgan. O‘zbekiston TIV xalqaro sheriklarni Termiz logistika xabidan foydalangan holda mazkur davlatni qo‘llab-quvvatlashda faol hamkorlik qilishni taklif etdi.
Dollarning rasmiy kursi ko‘tarildi
AQSh dollarining so‘mga nisbatan rasmiy kursi 9,73 so‘mga qimmatlab, 10 839,90 so‘m etib belgilandi. Shuningdek, yevro kursi ham ko‘tarildi, rubl esa pasaydi
O‘zbek taekvondochilari Osiyo chempionatida oltin va kumush medalni qo‘lga kiritdi
Taekvondo bo‘yicha Osiyo chempionatida Olimpiada chempioni Ulug‘bek Rashitov oltin, Charos Qayumova esa kumush medalni qo‘lga kiritdi.
O‘zbekistonda pedagogika yo‘nalishida 10 ta OTM tashkil etiladi
Prezident qarori bilan O‘zbekistonning 10 ta hududida pedagogika yo‘nalishi bo‘yicha 8 ta institut va 2 ta universitet tashkil etiladi. Bundan tashqari, pedagogik kadrlar tayyorlovchi OTMlarning 2−4-bosqich talabalari uchun «4+2» shaklidagi ta’lim jarayoni yo‘lga qo‘yiladi.
“Qo‘yliq” bozori yo‘lo‘tkazgich qurish maqsadida davlat ehtiyojlari uchun olib qo‘yilmoqda
Toshkent halqa yo‘lining kengaytirilishi munosabati bilan poytaxt hokimi “Qo‘yliq” bozori va savdo markazi joylashgan obyektlarni kompensatsiya to‘langanidan keyin jamoat va davlat ehtiyojlari uchun olib qo‘yishga ruxsat beruvchi qarorni imzoladi.
Toshkent viloyati hokimiga o‘rinbosar sifatida ishga kiritib qo‘yish evaziga $200 ming so‘ragan shaxslar qamaldi
Qibrayda yashovchi er-xotin yuqori lavozimdagi tanishlari orqali fuqaroni Toshkent viloyati hokimining o‘rinbosari lavozimiga $200 ming evaziga ishga kiritib qo‘yishga urindi. Ular avans sifatida $130 mingni olganida ushlangan. Sud erkakni 7 yilga, ayolni esa 5 yilga ozodlikdan mahrum qilish jazosini tayinladi.
MO davlatlari va Rossiya xavfsizlik kuchlari xalqaro narkoguruh faoliyatiga chek qo‘ydi
O‘zbekiston, Qozog‘iston, Qirg‘iziston va Rossiya huquq-tartibot idoralari xodimlari 6 oy mobaynida maxsus operatsiya o‘tkazdi. Natijada 8 ta narkolaboratoriya va qariyb 30 kg sintetik narkotik modda musodara qilindi. Oyiga 200 kggacha narkotik ishlab chiqargan guruhning 20 dan ortiq a’zosi qo‘lga olindi.
Tanqidlardan so‘ng Chimboyda o‘tkazilgan IT-tanlov g‘oliblariga kompyuterlar berildi
Qoraqalpog‘istonning Chimboy tumanida o‘tkazilgan «IT-bilimdoni» tanlovida dastlab «udlinitel» va klaviatura bilan taqdirlangan g‘oliblarga kompyuter sovg‘a qilindi. Alisher Sa’dullayev xodimlarni bunday kichik xatolar bilan mamlakat obro‘sini to‘kmaslikka va yoshlarning kayfiyatiga ta’sir qilmaslikka chaqirdi.
Namanganda 13 mlrd so‘mlik subsidiya va imtiyozli kredit evaziga qurilgan issiqxonalar ishlamayotgani aniqlandi
2020 yil Chortoq tumanida adirlikda tashkil etilgan 1000 ta issiqxonaning 95 foizi yaroqsiz holda ekani aniqlandi. 6,7 mlrd so‘m subsidiya va 6,3 mlrd so‘m imtiyozli kredit mablag‘lari ajratilgan issiqxona tumandagi 1000 ta kambag‘al oila a’zolarini ish bilan ta’minlashi kerak edi.
Qashqadaryoda ikki bola noma’lum kasallikdan vafot etdi, SSV brigada yubordi
G‘uzor tumanida 4 va 6 yoshli bolalar vafot etdi. Ijtimoiy tarmoqlarda shifokorlar ularga tashxis qo‘ya olmagani aytilmoqda. Sog‘liqni saqlash vazirligi vaziyatni o‘rganish uchun tumanga professorlardan iborat maxsus guruhni yubordi.
Jizzaxda Jiguliga o‘rnatilgan gaz balloni portlab ketdi
Jizzax viloyati Sharof Rashidov tumanida gaz quyish shoxobchasida yoqilg‘i to‘ldirilayotgan «VAZ-2106» rusumli avtomobilning gaz ballonida portlash sodir bo‘ldi. Bunga mashinadagi nosozlik sabab bo‘lgani aytilmoqda. Viloyat FVB hech kim jarohat olmagani va yong‘in kelib chiqmaganini ma’lum qildi.
Ijtimoiy tajriba: Andijonda nogironlik aravachasidagi yigit avtobuslarga chiqarilmadi
Farg‘onalik blogerlar viloyat markazida o‘tkazgan ijtimoiy tajribada avtobus haydovchilari nogironlik aravachasidagi yigitga panduslarni tushirib berishdan bosh tortishdi yoki uni ishlatishni bilishmadi. O‘nta avtobusdan faqat uchtasiga yo‘lovchilar yordami bilan chiqishga muvaffaq bo‘lindi.
Inson a’zosini ko‘chirib o‘tkazishga majburlaganlar 8 yilgacha qamalishi mumkin
Jinoyat kodeksiga kiritilgan o‘zgartishlarga ko‘ra, insonni a’zolarini ko‘chirib o‘tkazishga rozilik berishga majburlaganlik uchun 5 yildan 8 yilgacha ozodlikdan mahrum qilish jazosi belgilandi. Qolaversa, tana a’zolari oldi-sotdisi va ularni mamlakatdan tashqariga olib chiqishga ham javobgarlik tayinlanmoqda.
Namangan, Andijon va Surxondaryoda muammoli kreditlar ulushi yuqori — Hisob palatasi
Hisob palatasi Namangan, Andijon va Surxondaryoda muammoli kreditlar ulushi yuqoriligicha qolayotganini ma’lum qildi. Jumladan, ushbu hududlardagi jami 149,4 mlrd so‘m muammoli kredit undirilmagan. 69% muammoli kredit «umidsiz» deb tasniflanib, balansdan chiqarilgan va bank zaxira mablag‘idan qoplangan.
Payshanba kuni Farg‘ona va Xorazmdan tashqari barcha hududda kovid aniqlandi
Payshanba kuni yana 94 kishining kovidga topshirgan PZR-testi musbat natijani qayd etdi. Kun davomida 12 ta hududda virus yuqtirib olish holati kuzatilgan, shundan eng ko‘pi Toshkentda — 41 ta. Avvalroq, O‘zbekistonda omikronning eng yuqumli varianti — «Stels-omikron» aniqlangani ma’lum bo‘lgandi.
Andijonda avtomaktab o‘qituvchisi «prava» olib berishga uringanlikda gumonlanmoqda
Andijonda avtomaktab o‘qituvchisi mashg‘ulotlarda qatnashmasdan haydovchilik guvohnomasini olib berishga uringanlikda ayblanmoqda. Gumondor buning evaziga 5,8 mln so‘mni olganida qo‘lga tushdi. Unga nisbatan jinoyat ishi qo‘zg‘atildi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting