Arxiv
Suriyaga ketishni rejalashtirishda gumon qilinayotgan fuqaro qo‘lga olindi
Surxondaryo viloyati Jarqo‘rg‘on tumanida Suriyadagi jangarilar safiga qo‘shilishni rejalashtirishda gumonlanayotgan fuqaro qo‘lga olindi. Uning Telegram-akkaunti orqali Abdulloh Zufar, Sodiq Samarqandiy, Abu Saloh, Rashod Qori va boshqalarning ma’ruzalarini tanishlariga tarqatib kelgani aniqlangani ham ma’lum qilindi.
Navro‘z bayramini umumxalq sayillari shaklida o‘tkazishga ruxsat berildi
Prezident Shavkat Mirziyoyev Navro‘z bayramini umumxalq sayillari shaklida o‘tkazishga ruxsat beruvchi qarorni imzoladi. Jumladan, Toshkentdagi «Yangi O‘zbekiston» majmuasida alohida dasturlar asosida xalq sayillari tashkil etiladi. Bayram arafasida umumxalq hasharlari o‘tkaziladi.
Yo‘l harakati xavfsizligi sohasi: Ishlayotgandek ko‘rinishni to‘xtatish kerak
Yo‘l harakati xavfsizligi xizmati vaqti-vaqti bilan nafaqat befoyda, balki zararli bo‘lgan, vaziyatni yaxshilashga yordam bermaydigan tashabbuslar bilan chiqmoqda. Ulardan biri — yo‘llarga o‘quvchilar mulyajlarini o‘rnatishdir. YHXB va hokimiyatlar hatto mutaxassis bo‘lmaganlar ham ko‘rib turgan kamchiliklarni payqaganlari yo‘q.
Jahon yangiliklari dayjesti
AQSh Rossiyadan xavfsizlik choralari bo‘yicha javobni qabul qilgani, Donbassda sukunat rejimini buzish holatlari keskin oshgani, Turkmaniston prezidentligiga ikkinchi nomzodning ma’lum qilingani, Belgiyada to‘rt kunlik ish haftasiga o‘tilishi mumkinligi va boshqa yangiliklar — «Gazeta.uz»ning jahon yangiliklari dayjestida.
17 fevral kuni O‘zbekistonda sodir bo‘lgan eng muhim xabarlar dayjesti
YTHlar soni yil davomida 43 foizga, o‘lim esa 24 foizga ko‘paygani, 3 yil bir postda ishlagan bojxonachilarning rotatsiya qilinishi, $100 ming pora bilan ushlangani aytilgan Jizzax pedinstitut xodimi, Markaziy Osiyoning eng qimmat futbolchisiga aylangan Shomurodov, rekonstruksiya qilinadigan Bobur ko‘chasi, MOQ raisligidan ketgan Rustam Shoabdurahmonov va boshqalar — «Gazeta.uz» ning 17 fevraldagi eng muhim xabarlari dayjestida.
Endi nogironligi bo‘lgan shaxslarga bir xil miqdorda 622 ming so‘m nafaqa tayinlanadi
Prezident farmoniga muvofiq, 1 apreldan nogiron bo‘lib qolgan muddatidan qat’iy nazar imkoniyati cheklangan shaxslarga bir xil miqdorda — 622 ming so‘mga teng nafaqa tayinlanadi. 18 yoshgacha nogironligi bo‘lgan bolalarni parvarish qiluvchi ona-otalarga minimal iste’mol xarajatlardan kam bo‘lmagan miqdorda (500 ming so‘m) yangi nafaqa joriy etilmoqda.
Telegram Afisha.uz nashrining o‘zbek tilidagi kanaliga verifikatsiya belgisini berdi
Afisha.uz barcha ijtimoiy tarmoqlarda verifikatsiya belgisini olgan O‘zbekistondagi madaniy-ko‘ngilochar hayot haqidagi birinchi OAVga aylandi.
Jahon banki O‘zbekistonga milliy statistika tizimini modernizatsiya qilishga ko‘maklashadi
Jahon banki O‘zbekistonning milliy statistika tizimini modernizatsiya qilish bo‘yicha besh yillik loyihaga 50 mln dollarlik imtiyozli kredit ajratadi. Ushbu mablag‘lar qisman 2023−2024 yillarda o‘tkaziladigan aholini va uy-joy fondini hamda qishloq xo‘jaligini ro‘yxatga olish ishlariga ham yo‘naltiriladi.
«Elektromobillar kelajagi sari birinchi qadam». «O‘zavtosanoat» va BYD memorandum imzoladi
«O‘zavtosanoat» va Xitoyning yirik elektromobil ishlab chiqaruvchisi BYD Auto Industry o‘rtasida O‘zbekistonda elektromobil va elektrobuslar ishlab chiqarish bo‘yicha hamkorlik memorandumi imzolandi. UzAuto rahbari o‘rinbosari Azizbek Shukurov buni «elektromobillar kelajagi sari birinchi qadam» deb atadi.
O‘zbekistondagi KFC taomlarni “Halol” standarti asosida tayyorlaydi
KFCning O‘zbekistondagi vakillari barcha taomlarning “Halol” standartlariga muvofiqligi haqida xabar berdi.
Yunon-rum kurashchisi Sultonbek Elmuratov doping tufayli 4 yilga sportdan chetlatildi
Yunon-rum kurashchisi Sultonbek Elmuratovdan 2021 yil oktabr oyida musobaqadan tashqari davrda olingan doping sinamasidan taqiqlangan Furosemid moddasi aniqlangan. Sportchi 2025 yil 22 dekabrga qadar sportdan chetlatildi.
Fazliddin Umarov Samarqand shahriga hokim bo‘ldi
Kadastr agentligi direktori Fazliddin Umarov Samarqand shahar hokimi etib tayinlandi. U mazkur lavozimda Boburmirzo Oblakulovning o‘rnini egalladi.
Nukus davlat pedagogika instituti qurilishida 12,7 mlrd so‘m o‘zlashtirilgani aniqlandi
DXX Nukus davlat pedagogika instituti qurilishida pudratchi «Jayhun Universal Qurilish» va Qoraqalpog‘iston Vazirlar Kengashining «Yagona buyurtmachi xizmati» mansabdorlari 12,7 mlrd so‘mni o‘zlashtirganini ma’lum qildi. Boshqa bir holatda esa pudratchi kompaniyalar ko‘p qavatli uy-joylar qurish uchun budjetdan ajratilgan 17,5 mlrd so‘mni talon-toroj qilganlikda gumonlanmoqda.
O‘zbekiston Markaziy Osiyoning eng qimmat terma jamoasi, Shomurodov eng qimmat futbolchi bo‘ldi
Germaniyaning Transfermarkt sayti Markaziy Osiyo mamlakatlari futbol terma jamoalari reytingida O‘zbekiston terma jamoasi 31,80 mln yevroga baholanib, mintaqa reytingida peshqadam bo‘ldi. Eldor Shomurodov (12 mln yevro) esa ushbu mintaqaning eng qimmat futbolchisi deya qayd etilgan. Reytingda oxirgi o‘rinni Turkmaniston jamoasi egallagan.
BMT boshqarmasi va Yaponiya Markaziy Osiyoga narkotrafikka qarshi kurashda yordam beradi
Markaziy Osiyo davlatlariga narkotrafikka qarshi kurash maqsadida chegara punktlari funksiyalarini kuchaytirish uchun uskunalar yetkazib beriladi. Miqdori taxminan 4,1 million dollarga teng beg‘araz yordam Yaponiya hukumati tomonidan ko‘rsatilmoqda.
Musulmonlar idorasi imom-xatiblardan ixtilofli mavzularni mehrobda turib muhokama qilmaslikni so‘radi
O‘zbekiston musulmonlari idorasi adliya vaziri va Toshkent bosh imom xatibi o‘rtasidagi odamlarning «do‘zaxga tushish-tushmasligi borasidagi tanlovi» borasidagi bahslar yuzasidan munosabat bildirdi. Idora Odob-axloq komissiyasi chaqirilgani, unda imom-xatiblarga ixtilofli mavzularni masjid mehrobida turib muhokama qilmaslik borasida tushuntirish berilganini ma’lum qildi.
O‘zbekistonga yana 2,8 million doza Moderna vaksinasi keltirildi
O‘zbekistonga COVAX global dasturi doirasida yana 2,8 milliondan ortiq Moderna vaksinasi keltirildi.
Yanvarda o‘zbekistonliklarga 500 mln dollardan ortiq xalqaro pul o‘tkazmalari yuborildi
Yanvar oyida O‘zbekiston aholisi 506,1 mln dollar miqdorida transchegaraviy pul o‘tkazmalarini qabul qildi. Shuningdek, bu davrda aholi chet elga 127,6 mln dollar hajmida pul o‘tkazmalarini yubordi. Bu oyda aholi banklardan 613,6 mln dollar (2021 yilning mos davriga nisbatan 61 foizga ko‘proq) xorij valyutasi xarid qildi, tijorat banklari esa 464,2 mln dollar miqdorida valyuta sotib oldi.
Zarafshonda bog‘cha tarbiyachilari ko‘p qavatli uylar pod’ezdlarini tozalashga jalb qilindi
Navoiy viloyatining Zarafshon shahrida bog‘cha tarbiyachilari ko‘p qavatli uylar pod’ezdlarini tozalashga jalb etildi. Viloyat MTB ular o‘z ixtiyori bilan tozalash ishlarida qatnashganini ma’lum qildi. Shahar mahalla va oilani qo‘llab-quvvatlash bo‘limi esa bu ishlarda nafaqat bog‘cha tarbiyachilari, balki aholi, barcha tashkilot va korxonalar xodimlari ham qatnashgani, bundan keyin ham shunday bo‘lishini ta’kidladi.
Dollarning rasmiy kursi yana ko‘tarildi
Dollarning so‘mga nisbatan rasmiy kursi 11,33 so‘mga ko‘tarilib, 10 856,41 so‘mni tashkil qildi. Yevro va rubl kurslari esa pasaydi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting