Arxiv
2021-yilda O‘zbekistondan 20 mingdan ortiq kishi xorijga ko‘chib ketgan
2021-yilda O‘zbekistondan 20,14 ming kishi xorijiy mamlakatlarga ketdi. Ularning yarmidan ko‘pi — 56,6 foizi Qozog‘istonga ko‘chib o‘tgan. Shuningdek, yil davomida 1875 kishi mamlakatga ko‘chib keldi.
O‘zbekistonda har to‘rtinchi ayol ba’zi hollarda zo‘ravonlikka duch kelgan, 7 foiz ayol uchun esa bu odatiy hol
«Mahalla va oila» ilmiy-tadqiqot instituti 6 ta hududda yashovchi 800 nafar xotin-qiz o‘rtasida so‘rovnoma o‘tkazdi. Uning natijalariga ko‘ra, ayollarning 60 foizga yaqini turmush hayotida zo‘ravonlikka duch kelmaganini qayd etgan bo‘lsa, qolgan 40 foizi kamsitish va zug‘um o‘tkazilayotganini bayon qilgan. Har to‘rtinchi ayol ba’zi hollarda zo‘ravonlikka duch kelishini, 7 foiz ayol esa bu odatiy hol ekanligini ta’kidlagan.
Umarbek Xalilov Davlat ekologiya qo‘mitasi raisiga birinchi o‘rinbosar bo‘ldi
Nurota tumani hokimi Umarbek Xalilov Ekologiya va atrof-muhitni muhofaza qilish davlat qo‘mitasi raisining birinchi o‘rinbosari lavozimiga tayinlandi.
Dollarning rasmiy kursi ko‘tarildi
Dollarning so‘mga nisbatan rasmiy kursi 11,16 so‘mga ko‘tarilib, 10 815,16 so‘mni tashkil qildi. Shuningdek, yevro kursi pasaydi, rubl kursi esa ko‘tarildi. Ushbu o‘zgarishlar 31 yanvardan kuchga kiradi.
O‘zbekiston Hindistonga sog‘liqni saqlash, ta’lim va IT sohalarida hamkorlikni rivojlantirishni taklif qildi
Shavkat Mirziyoyev «Hindiston — Markaziy Osiyo» sammitida farmatsevtika mahsulotlarini ishlab chiqarish, virusolog vrachlar tayyorlash dasturini boshlash hamda raqamli innovatsiyalar, moliyaviy va blokcheyn texnologiyalarni joriy qilish bo‘yicha qo‘shma loyihalarni amalga oshirishni taklif qildi. U Chabahor porti orqali O‘zbekiston va Hindistonni bog‘laydigan yangi yo‘lakni ishlab chiqishga kirishilganini ma’lum qildi.
Qozog‘iston elektr energiyasidagi uzilish Sirdaryo IES tufayli ro‘y berganini tasdiqladi
Qozog‘istonning KEGOC elektr tarmoqlari operatori mintaqa energiya tizimidagi uzilishlar O‘zbekistondagi Sirdaryo IESda sodir bo‘lgan qisqa tutashuv tufayli yuz berganini yana bir marta tasdiqladi.
O‘zbekiston ikkilamchi bozorida uy-joy narxi 5,1 foizga qimmatlashdi
Ikkilamchi bozorda uy-joylar narxi IV chorak davomida o‘rtacha 5,1 foizga ko‘tarildi. Jumladan, Toshkent shahrida narxlar 4,2 foizga o‘sgan. Buxoro, Andijon, Sirdaryo va Samarqand viloyatlarida narxlar 10 foizdan yuqoriroqqa o‘zgargan. Shunga qaramasdan, respublikadagi eng arzon uy-joylar Sirdaryo viloyatida ekani qayd etildi. Jahon bozorida ham narxlar oshgan.
Tojik-qirg‘iz chegarasidagi otishmada ikki kishi halok bo‘ldi, 20 dan ortiq kishi jarohatlandi
27 yanvar kuni kechqurun Tojikiston va Qirg‘iziston chegarasida og‘ir o‘qotar qurollar qo‘llangan holda qurolli to‘qnashuv sodir bo‘ldi. To‘qnashuvlar bir necha soat davom etdi, so‘ngra shu tunda ham tomonlar o‘t ochishni to‘xtatish to‘g‘risida kelishib oldilar. Qirg‘iziston tomonidan 11 harbiy yaralangan. Tojikiston tomonida qurbonlar bor — mahalliy aholi va tez yordam haydovchisi. Yana to‘rt nafar tinch aholi va olti nafar harbiy jarohatlangan.
Namanganda sobiq uchastkavoyga 7 ta modda bo‘yicha ayblov e’lon qilindi
Namanganda sud IIB rahbariyatining noqonuniy xatti-harakatlari haqida ma’lum qilgan sobiq profilaktika inspektori Sardorbek Otaboyevga nisbatan jinoyat ishini ko‘rib chiqishni boshladi. U Jinoyat kodeksining 7 moddasi, jumladan, firibgarlik, mansab vakolatini suiiste’mol qilish va boshqalar bo‘yicha ayblanmoqda. Sudlanuvchi ayblovlarni rad etmoqda.
O‘zbekiston bo‘ylab svet, gaz va ichimlik suvi to‘liq tiklandi
Energetika vazirligi O‘zbekistonning barcha hududlarida elektr energiyasi ta’minoti to‘liq tiklanganini xabar berdi. «Hududgazta’minot» va «O‘zsuvta’minot» ham tabiiy gaz hamda ichimlik suvi ist’emolchilarga avvalgidek yetkazib berilayotganini ma’lum qildi.
2021 yilda aholi jon boshiga YAIM 21 mln so‘mdan ortiqni tashkil qildi
2021 yilda O‘zbekistonda YAIM hajmi 734,6 trln so‘m yoki 69 mlrd dollarni tashkil etdi. Aholi jon boshiga YAIM esa 2020 yilga nisbatan 5,3 foizga o‘sib, 21 mln so‘mdan ortiqroqqa yetdi.
«Sog‘lom turmush tarzi» platformasi uchun budjetdan 100 mlrd so‘m ajratiladi
Prezident qaroriga asosan «Sog‘lom turmush tarzi» platformasidan foydalanuvchilarni rag‘batlantirish maqsadida davlat budjetidan 100 mlrd so‘m ajratiladi. Bundan tashqari, har yili tuman va shaharlardagi namunali mahallalarda zamonaviy fitnes ko‘chalari tashkil etiladi.
Markaziy Osiyo zulmatda. Avariyaga nima sabab bo‘ldi, u takrorlanishi mumkinmi, energiya halqasi qanday tuzilgan?
25 yanvar kuni Markaziy Osiyo energetika tizimida ulkan avariya yuz berdi. U O‘zbekistonda elektr stansiyalari, gaz konlari, aeroportlar, vokzallar, yoqilg‘i quyish shoxobchalari va boshqa infratuzilmalar faoliyatining to‘xtashiga olib keldi. Siyosatshunos, elektr energetikasi bo‘yicha ekspert Pyotr Svoik «Gazeta.uz» ga bergan intervyusida ushbu kollapsning yuz berishi sabablari, mintaqa energiya halqasi qanday tuzilishga egaligi, AES qurilishi vaziyatni o‘zgartirishi mumkin-mumkinmasligi va ushbu inqiroz yana takrorlanishi ehtimollari haqida so‘zladi.
Endokrin kasalliklar mavjud oilalarga patronaj hamshirasi biriktiriladi
Prezident qaroriga asosan endokrin kasalliklar mavjud oilalarga maxsus tayyorgarlikdan o‘tgan patronaj hamshirasi biriktiriladi. Har yili kamida bir marta 40 yoshdan oshgan aholi qandli diabet uchun maqsadli skriningdan o‘tkaziladi. Qolaversa, 25 yoshdan oshgan bemorlarga insulin, metformin va boshqa dori vositalari bilan bepul beriladi.
Beeline mobil abonentlarida vaqtincha internet ishlamay qoldi
Juma kuni Beeline mobil aloqa operatori abonentlarida internet xizmati vaqtincha ishlamay qoldi. «O‘zkomnazorat» bunga dasturiy ta’minotdagi nosozlik sabab bo‘lganini ma’lum qildi.
Endilikda 18 yoshdan 40 yoshgacha bo‘lgan aholining salomatlik profili baholanadi
Prezident qaroriga muvofiq, har yili bir marotaba 18 yoshdan 40 yoshgacha bo‘lgan aholining ovqatlanishi, tamakiga qaramliligi, tana vazni, arterial bosimi, qondagi qand va xolesterin darajasiga qarab, ularning salomatlik profili baholanadi. 40 yoshdan oshganlar yiliga kamida bir marta skrining tekshiruvlaridan o‘tkaziladi. Yurak-qon tomir kasalliklari bor 200 mingdan ortiq aholiga esa enalapril dori vositasi bepul beriladi.
COVID-19: Qariyb 1200 kishida virus aniqlandi
Payshanba kuni 1186 kishi topshirgan test tahlillarida koronavirus infeksiyasi aniqlandi. 3 nafar bemor esa kasallik asoratlari oqibatida vafot etdi. Qolaversa, 216 kishida pnevmoniya qayd etildi.
O‘zbekistondagi ilk ekoshahar Farg‘onada quriladi
«Yangi O‘zbekiston» massivlari turkumiga kiruvchi ilk ekoshahar Farg‘ona viloyati markazida 300 gektar maydonda bunyod etiladi. Viloyat hokimi Xayrullo Bozorov birinchi bosqichda 80 ta ko‘p qavatli uy qurish rejalashtirilgani, ekoshahar ikki yilda foydalanishga topshirilishini ta’kidladi.
Tashqi savdo defitsitining o‘sishi. Bu milliy iqtisodiyotimiz uchun xatarlimi?
2021 yilda O‘zbekiston tashqi savdo defitsiti 8,8 mlrd dollarga yetdi. Ayrimlar import hajmining eksportdan yuqori bo‘lishini iqtisodiyot uchun xatarli deb hisoblaydi. Iqtisodchi Mirkomil Xolboyev defitsitni kamaytirish maqsadida qo‘llaniladigan har qanday choralar uning oshishidan ko‘ra xatarliroq bo‘lishi mumkinligini ta’kidlamoqda.
27 yanvar kuni O‘zbekistonda sodir bo‘lgan eng muhim xabarlar dayjesti
Blekaut vaqtida yaroqsiz bo‘lib qolmagan vaksinalar, isitish tizimi ishlamagan kunlar uchun chegirib tashlanadigan to‘lov, Samarqandda 5 yilda loy yo‘l qolmasligini aytgan Erkinjon Turdimov, Xorazmda chiqindixonadan murdasi topilgan chaqaloq, shaharlararo yo‘llarda ishlay boshlagan AGTKSHlar, qonuniylashtirilgan aviaspotting va boshqalar — «Gazeta.uz» ning 27 yanvardagi eng muhim xabarlari dayjestida.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting