Iqtisodiyot
Raqobat qo‘mitasi Uzbekistan Airways va Silk Avia`ni ustun mavqega ega deb topdi
Raqobat qo‘mitasi Uzbekistan Airways va Silk Avia kompaniyalarini ustun mavqega ega deb topdi. Ikkita kompaniya mahalliy aviatashuvlar, bundan tashqari, Uzbekistan Airways xalqaro yo‘nalishlarda yo‘lovchi, yuk va pochta tashuvlari bozorining 40 foizdan ortig‘ini egallaydi.
“Yirik loyihalarni kichik biznes hisobidan moliyalashtirishga chek qo‘yish vaqti keldi” — prezident
Besh yilda kichik va o‘rta biznesning kredit portfelidagi ulushi 40 foizdan 28 foizgacha pasaydi. Prezident kichik biznes subyektlari hisobidan yirik loyihalarni moliyalashtirish amaliyotidan voz kechish kerakligini aytdi. Kredit tarixini baholashda soliq, elektr, gaz to‘lovlarini hisobga olish taklif qilinmoqda.
Emin Agalarov Chorvoq bo‘yida Sea Breeze Uzbekistan turizm markazini qurmoqchi
Ozarbayjonlik ishbilarmon Emin Agalarov Shavkat Mirziyoyevga Chorvoq bo‘yida joylashadigan Sea Breeze Uzbekistan xalqaro turizm markazi loyihasini taqdim etdi. U 500−700 gektar maydonda dam olish maskanlari, plyajlar, sport maydonchalari, mehmonxonalar, turar joy majmualari va boshqalarni o‘z ichiga oladi.
SSP va RTV tungi biznesni rivojlantirish uchun hududlar ajratishni taklif qildi
Strategik islohotlar agentligida tungi iqtisodiyotni rivojlantirish masalalari muhokama qilindi. IMV vakili tungi vaqtda ishlashning yagona standartlarini ishlab chiqish, IIV uni nazorat qiluvchi alohida organ tuzish, SSP va RTV vakillari esa buning uchun ixtisoslashtirilgan hududlar ajratishni taklif qildi.
Tumanlarda mahalla bankirlari ish boshlaydi
Prezident tumanlarda mahalla bankirlari faoliyatini yo‘lga qo‘yish taklifini ma’qulladi. Ular mahalla biznes imkoniyatlarini o‘rganadi, aholi g‘oyalarini loyihalarga aylantiradi. Banklar, shuningdek, rezidentlarni kredit olish, qaytarish, biznes ochish va mahsulotini sotishga o‘rgatadi.
Davlat banklari oilaviy tadbirkorlik uchun $1 mlrd kredit jalb qiladi
O‘zbekistonda 9 ta davlat bankiga 2025-yilda oilaviy tadbirkorlik dasturini amalga oshirish uchun 1 mlrd dollar miqdorida kredit jalb etish tavsiya etildi. Kichik biznesni qo‘llab-quvvatlash maqsadida banklar tomonidan 300 mln so‘m miqdorida shartsiz kreditlar ham ajratiladi.
Banklarga harakatsiz mulklarni bozor qiymatida to‘g‘ridan-to‘g‘ri sotishga ruxsat beriladi — prezident
Prezident banklarga harakatsiz mulklarni bozor qiymatida to‘g‘ridan-to‘g‘ri sotishga ruxsat berilishini ma’lum qildi. Shavkat Mirziyoyev hozirda banklar balansida 3 mingta harakatsiz mulk borligi, ulardan tezroq qutilsa, qo‘shimcha resurs va 150 ming ish o‘rni yaratish uchun zaxira paydo bo‘lishini aytdi.
O‘zbekiston iqtisodiy kompleksidagi 297 nafar rahbar ishdan olindi
O‘zbekiston iqtisodiy kompleksidagi 297 nafar rahbar mahallalarda kambag‘allikni qisqartirish bo‘yicha ishlarda sustkashlik va mas’uliyatsizlikka yo‘l qo‘ygani uchun ishdan olindi. “Mahallaga tushib, odamlarimiz va tadbirkorlar muammosini hal qilmagan rahbar ishlamaydi”, — dedi Shavkat Mirziyoyev.
Birjada Ai-80 benzini taklifi 8 kun ichida 4 baravar oshdi, lekin narx deyarli o‘zgarmadi
Energetika vazirligi birja savdolariga chiqarilayotgan kunlik avtobenzin hajmi to‘rt barobar oshirilganini ma’lum qildi. 6-dekabrgacha 2000 tonna Ai-80 benzini chiqarib kelingan bo‘lsa, 12-dekabr kuni bu miqdor 8000 tonnadan oshdi. Shunga qaramay, benzin narxi deyarli o‘zgarmayapti.
Ayrim qishloq xo‘jaligi texnikalari 2027-yilgacha bojxona boji va utilizatsiya yig‘imidan ozod qilinadi
Prezident qarori bilan 2025-yildan boshlab ikki yil davomida belgilangan talablarga javob beruvchi kombaynlar hamda ko‘chat ko‘mish va ochish texnikalari bojxona boji va utilizatsiya yig‘imidan ozod qilinadi.
Yashil energiya ulushi 40 emas, 54 foizga yetkaziladi — prezident energetika sohasi bo‘yicha yangi rejalarni ma’lum qildi
Prezident Shavkat Mirziyoyev 2030-yilga borib O‘zbekistonda qayta tiklanuvchi energiya manbalarining jami iste’moldagi ulushi 54 foizga yetkazilishini ma’lum qildi. Davlat rahbari, shuningdek, 2025-yil yakuniga qadar raqobatli savdolar orqali elektr energiyasi ulgurji bozori yaratilishini ta’kidladi.
Prezident energetika sohasida qiymati 3,7 mlrd dollarlik 18 ta yangi quvvatni ishga tushirdi. Ro‘yxat
Prezident Shavkat Mirziyoyev energetika sohasidagi obyektlar va loyihalarni ishga tushirish marosimida qiymati 3,7 mlrd dollarlik 18 ta yangi quvvatni ishga tushirdi. Yangi loyihalar orqali 4 milliondan ortiq xonadon uzluksiz toza energiya bilan ta’minlanishi ta’kidlandi.
Issiqxonalarga gaz yetkazib berishga vaqtinchalik cheklovlar kiritilmoqda
“Hududgazta’minot” issiqxonalarga gaz yetkazib berishga vaqtinchalik cheklovlar kiritmoqda. Cheklovlar havo harorati keskin pasaygan vaqtda qo‘llanilib, quvurlarda gaz bosimi barqarorlashganda bekor qilinadi.
Poyabzal sanoati rivojlangan hududlarda biznes texnikumlarga bog‘lanadi va dual ta’lim yo‘lga qo‘yiladi
Prezident yig‘ilishida aytilishicha, charm sanoatida bichuvchi, tikuvchi, kosib kabi o‘rta bo‘g‘in kadrlari yetishmayapti, yiliga bor-yo‘g‘i 167 nafar mutaxassis tayyorlanmoqda. Davlat rahbari poyabzal sohasi rivojlangan viloyatlarda korxonalarni texnikumlarga bog‘lab, dual ta’limni yo‘lga qo‘yishni buyurdi.
Banklar “eski” 100 dollarlik kupyuralarni muammosiz ayirboshlamoqda — MB
Markaziy bank banklar eski namunadagi 100 dollarlik banknotlar bilan operatsiyalarni to‘xtatgani haqida ijtimoiy tarmoqlarda tarqalgan xabarlarni rad etdi. Regulyator bunday kupyuralarni ayirboshlashda qiyinchiliklarga duch kelinsa, ishonch telefoniga murojaat qilishga chaqirdi.
Prezident eskrou tizimi bo‘yicha huquqiy asos yaratishni buyurdi
Shavkat Mirziyoyev uy-joy qurilishi sohasidagi insofsiz biznesga to‘lov tizimining tartibsizligi, raqamlashtirish va oshkoralik yo‘qligini sabab qilib ko‘rsatdi. U banklar quruvchi va xaridor o‘rtasida kafil bo‘lib, aholi mablag‘larini kafolatlaydigan eskrou tizimi bo‘yicha huquqiy asos yaratish topshirig‘ini berdi.
Noyabrda O‘zbekistonda sezilgan inflyatsiya darajasi oxirgi 15 oydagi maksimumga yetdi
Noyabrda O‘zbekiston aholisi orasida sezilgan inflyatsiya darajasi 14,1 foizgacha ko‘tarildi, deya xabar berdi Markaziy bank. Bu oxirgi 15 oydagi maksimal ko‘rsatkich hisoblanadi. Respondentlarning aksariyati go‘sht, sut, benzin, yoqilg‘i, elektr energiyasi va gaz narxlari keskin oshganini qayd etgan.
2025-yilda ota-onalardan darsliklar ijarasi uchun to‘lov undirilmaydi
Iqtisodiyot va moliya vazirligi 2025-yil uchun Davlat budjetida ko‘rsatilgan mablag‘ yangi o‘quv yilida o‘quvchilarni darsliklar va mashq daftarlari bilan ta’minlash bo‘yicha ehtiyojni to‘liq qoplash imkonini berishini ta’kidladi. Vazirlikka ko‘ra, ota-onalardan ijara uchun qo‘shimcha to‘lov undirish rejalashtirilmagan.
Markaziy bank asosiy stavkani yillik 13,5 foiz darajasida o‘zgarishsiz qoldirdi
Markaziy bank asosiy stavkani yillik 13,5 foiz darajasida saqlab qoldi. “Aholi birlamchi ehtiyojlari bo‘yicha ayrim xarajatlar o‘zgarishi va ob-havo sovushi bilan energiya narxlari erkinlashtirilishining ikkilamchi ta’sirlari yuzaga chiqishi inflyatsion kutilmalarda ham namoyon bo‘lmoqda”, — deya qayd etgan regulyator.
Ikkilamchi avtomobil bozorida o‘rtacha narxlar pasayishda davom etmoqda — MHTI
MHTI tahlili natijalariga ko‘ra, noyabr oyida ham ikkilamchi avtomobil bozorida o‘rtacha narxlar pasayishda davom etdi. Jumladan, kam foydalanilgan Onix`ning o‘rtacha narxi 5,4 foizga pasaydi. Mahalliy lyuks avtomobillar va elektromobillar narxlarida esa sezilarli o‘zgarish kuzatilmadi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting