Iqtisodiyot
OTB vitse-prezidenti — investitsiyalarning to‘rtta yo‘nalishi haqida
Osiyo taraqqiyot banki vitse-prezidenti Shisin Chen Osiyo mamlakatlariga pandemiya sababli yuzaga kelgan inqirozni yengishda yordam beradigan to‘rtta yo‘nalishni taklif qildi. Ular orasida sog‘liqni saqlash va ijtimoiy himoya sohalari ham bor.
Uzcard kompaniyasinig ta’sischilari o‘zgardi
Oldinroq Uzcard kompaniyasining 75 foiz aksiyasiga ega bo‘lgan Oybek Tursunov hozirda kompaniya ta’sischilarining ro‘yxatida yo‘q. Endilikda aksiyalarning 51 foizi «O‘zmilliybank»ga, 6 foizdan aksiya «O‘zsanoatqurilishbank», «Asaka» bank, Ipoteka-Bank va «Aloqabank» banklariga tegishli bo‘lsa, qolgan 25 foiz aksiyalar jismoniy shaxslarga tegishli.
1 mln so‘mgacha maosh oladiganlar soni ko‘paydi
Koronavirus pandemiyasi davrida iqtisodiy faollikning sekinlashuvi ish haqi miqdorlarining pasayishiga olib keldi. Jumladan, 1 mln so‘mgacha maosh oladiganlar soni 100 ming kishiga ko‘payib, 1,77 mln nafarga yetdi.
Yarim yilda Davlat byudjeti defitsiti 6,7 trln so‘mni tashkil etdi
2020 yilning birinchi yarmi yakunlari bo‘yicha Davlat byudjeti ijrosi to‘g‘risida ma’lumot berildi. Unga ko‘ra, yanvar-iyun oylarida Davlat byudjeti daromadlari 58,2 trln so‘mni, xarajatlari esa 64,8 trln so‘mni tashkil etib, defitsit 6,7 trln so‘mga teng bo‘ldi.
Dollarning rasmiy kursi yana ko‘tarildi
Dollarning rasmiy kursi deyarli 22 so‘mga qimmatlab, jami 10 231 so‘m etib belgilandi. Bu AQSH milliy valyutasining ikkinchi hafta oshishi. Yevro va rubl kurslari ham ko‘tarildi.
Sanitariya-epidemiologiya xizmati mutasaddilari 1 mlrd 750 mln so‘mdan ortiq mablag‘ni talon-taroj qilishgan
Andijon, Buxoro, Qashqadaryo, Navoiy, Namangan viloyatlaridagi Sanitariya-epidemiologiya xizmati mutasaddilari tomonidan Inqirozga qarshi kurash jamg‘armasining 1 mlrd 750 mln so‘mdan ziyod mablag‘i talon-taroj qilingan, deya ma’lum qildi senat raisi Tanzila Norbayeva. U shuningdek «Jamoatchilik nazorati to‘g‘risida"gi qonun ishlamayotganiga e’tibor qaratdi.
Qishloq xo‘jaligini rivojlantirish xalqaro jamg‘armasi O‘zbekistonga $47 mln ajratadi
Qishloq xo‘jaligini rivojlantirish xalqaro jamg‘armasi Farg‘ona vodiysida loyihalarni amalga oshirishga $47 mln ajratadi. Ushbu loyiha hududdagi 375 mingdan ortiq aholi daromadlarining o‘sishiga xizmat qilishi kutilmoqda.
UzAuto Motors deputatning fikrlarini populizm va haqiqatni buzib ko‘rsatish deb atadi
UzAuto Motors deputat Rasul Kusherbayevning Monopoliyaga qarshi kurashish qo‘mitasi tomonidan olib borilgan tekshiruvlar haqidagi bergan xabarlariga «populistik fikr-mulohazalar» deb baho berdi hamda «qo‘mita tezislari ochiq-oydin buzilgan» deya munosabat bildirdi.
Moliyaviy savodxonlikni oshirishga qaratilgan veb-sayt ishga tushirildi
Aholining moliyaviy savodxonligini oshirish maqsadida Markaziy bank Finlit.uz axborot-ta’lim veb-saytini ishga tushirdi. Unda iqtisod, bank va moliya sohasiga tegishli maqolalar, o‘quv materiallari e’lon qilinadi, interaktiv xizmatlar va loyihalar doimiy ravishda yangilanib, takomillashtirib boriladi.
Oltin narxi rekord darajaga ko‘tarildi
Oltin unsiyasi narxi tarixiy rekord darajaga ko‘tarilib, 2000 dollardan oshdi. Kapital bozorini rivojlantirish agentligi direktori Otabek Nazirov aynan hozir oltin-valyuta zaxirasini sotib, mablag‘larni mamlakat iqtisodiyotini qutqarishga va ishsizlar soni ortishining oldini olishga yo‘naltirish mumkinligini aytmoqda.
UzAuto Motors faoliyatida qonunbuzarliklar aniqlandi
Monopoliyaga qarshi kurashish qo‘mitasi tomonidan o‘tkazilgan tekshiruvda UzAuto Motors avtomobillariga narxlarni shakllantirishda ayrim xarajatlarni oshirib kiritganligi va raqobat to‘g‘risidagi boshqa qonunbuzarlik alomatlari aniqlandi, deya xabar berdi deputat Rasul Kusherbayev.
Samarqand aeroporti rekonstruksiyasiga 62 mln dollar ajratiladi
Samarqand aeroporti rekonstruksiyadan so‘ng o‘tkazish qobiliyatini soatiga 600 dan 1200 yo‘lovchiga oshiradi. Shuningdek, 22 ta havo kema uchun to‘xtash va uchish-qo‘nish yo‘lagi qurilishi yakunlanmoqda.
COVID markazlari xodimlarini moddiy rag‘batlantirish to‘lovlari belgilandi
COVID markazlari xodimlariga koronavirusga qarshi kurashish davrida beriladigan moddiy rag‘batlantirish to‘lovlari miqdori belgilandi: vrach xodimlarga — 2,5 mln so‘m, o‘rta tibbiyot xodimlariga — 1,5 mln so‘m, kichik tibbiyot xodimlariga — 1 mln so‘m va boshqa xodimlarga — 500 ming so‘m.
O‘zbekiston va Rossiya markaziy banklari xakerlarga qarshi birgalikda kurashadi
O‘zbekiston va Rossiya markaziy banklari kompyuter hujumlariga qarshi kurashish bo‘yicha o‘zaro anglashuv memorandumini imzoladi.
Banklarning muammoli kreditlari ulushi 2,9 foizgacha o‘sdi
O‘zbekiston bank tizimidagi muammoli kreditlar ulushi yil boshidan buyon 1,4 foizga o‘sib, 2,9 foizga (7 trln so‘m) yetdi. Aksariyat banklarda kredit portfelining sifati yomonlashgan.
OTB sog‘liqni saqlash tizimini mustahkamlash uchun O‘zbekistonga $100 mln ajratadi
Osiyo taraqqiyot banki O‘zbekiston sog‘liqni saqlash tizimining favqulodda vaziyatlarga chidamliligini mustahkamlash maqsadida 100 mln dollar ajratadi. Loyiha doirasida COVID-19ga qarshi samarali javob berish va test o‘tkazish tizimlarini takomillashtirish ko‘zda tutilgan.
O‘zbekistonda ishsizlik darajasi 13,2 foizni tashkil qildi
Yanvar-iyun oylarida ishsizlik darajasi 13,2% ni tashkil etdi. Ish bilan ta’minlanishga muhtojlar soni 1,94 mln kishigacha ortdi. Karantin choralari mehnat bozoriga sezilarli ta’sir ko‘rsatdi, deya ta’kidladi Mehnat vazirligi.
Dollarning rasmiy kursi ko‘tarildi
AQSH milliy valyutasini rasmiy kursi 2 so‘mga qimmatlab, jami 10 209 so‘m etib belgilandi. Yevro kursi 12 ming so‘mdan oshdi va rubl kursi esa deyarli 5 so‘mga (137,46 so‘m) tushdi.
Hayot uchun yordam
Aholi uylarini aylanib chiqish orqali tuzilgan muhtoj oilalar ro‘yxatiga asosan hukumat naqd pul tarqatishni boshladi. Iqtisodchi Botir Qobilov kelajakda ehtiyojmand oilalarni aniqlash va mablag‘larni taqsimlashning zamonaviy mexanizmlaridan foydalanishni taklif qildi.
Tashqi qarz chegarasini $5 mlrdgacha oshirish taklif etildi
Moliya vazirligi 2020 yil uchun Davlat byudjeti to‘g‘risidagi qonunga o‘zgartish va qo‘shimchalar kiritishni taklif etmoqda. Xususan, mamlakat kafolati ostida jalb etish tashqi qarz chegarasini $1 mlrdga ($4 mlrddan $5 mlrdgacha) oshirish, Tiklanish va taraqqiyot jamg‘armasining daromadlari prognozi hamda ularning xarajatlarini o‘zgartirish ko‘zlangan.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting